حلم سنين

أخذ قرار..

ما هي مش جايه لوحدها... هو انا مقولتلكش؟

ابو نغم اتصدم من وجود أدهم معاها.. ومن طريقه كلامو
.. اهلا اهلا.. طب ما تقول كدا م الأول ياراجل كنت استضافتك بطريقتي.. عيب والله

أدهم ابتسم.. لاء معلش نخليها مره تانيه.. وبكل جديه قال... عايز اتكلم معاك... نتكلم بعقل ومنطق كدا زي الناس.. ولا انت بقى حابب الطرق التانيه

ابو نغم بغضب.... وانا مليش كلام مع عليتكم كلكم ومش عايز اشوف حد منها عندي أو في بيتي

أدهم... طب نقول اي السبب بقا هنا على الملأ كدا ولا نتكلم لوحدنا احسن... مش هتندم واعتبرها اول واخر مره ادخل بيتكم بس لما تسمع الي عندي مش هاخد من وفتك كتير...

ابو نغم بصلو بغضب.. اتفضل قدامي في المكتب

ادهم بص لنغم وابتسم وقبل ما يمشي شدد على ايديها.. متخافيش

نغم بصتلو وابتسمت وهي بتدعي ربنا يسهل الامور

************************''
فلاش بااااك
عبدلله بحزن... يعني اي مش هنكمل تاني يا ليلي.. عشان خطري قولي كلام غير ده

ليلى بدموع وقهر..... انت عارف ان انا اكتر واحده بحبك ف الدنيا كلها بس حقيقي الي بعملو ده في مصلحتي ومصحلتك.. هما مش عايزينا مع بعض ياعبدالله...

عبدلله بغضب... تقومي تتخلى عني بسهوله كدا..ليه شخصيتك ضعيفه معاهم كدا ليه... مسك ايديها ياليلي انا بحبك تعالي نهرب طيب ونروح مكان بعيد واتجوزك.. بس نعيش مع بعض

ليلى بعياط وهي بتسيب ايده... خلاص بقا ياعبدالله اي مبتفهمش وقامت وهي بتعيط عشان تمشي
مشيت بسرعه وخرجت من الكافيه الي كانو فيه والدموع ف عنيها... محستش بحاجه غير وعربيه جايه على اقصي سرعه وخبطت فيها

***************
باااااك
عبدلله بدموع وقهر..... طلعت من الكافيه لقيتها على الأرض غرقانه ف دمها.... جريت وانا مش شايف قدامي وخدتها وطلعنا على أقرب مستشفى... كانت الخبطه مش سهله ابدا على دماغها عملتلها نزيف و بعدها فقدت الذاكره

أدهم بجديه.... كمل انا سامعك

عبدلله... بعدها بشهر فاقت وكانت كويسه بس طبعا مش فكراني... كمل وهو بيجز على سنانه بغضب... وأهلك استغلو الموقف وأهلها وابوها كان موافق...قالولها انها كانت بتحب ابن عمها.. وفرحهم قرب... خدوها من المستشفى وسفروها من ورايا... معرفتش اعمل حاجه.. كنت لوحدي... عارف اني محاربتش كفايه... بس هما اصلا كانو بيكرهوني.. يوم  ما جاتلي.. كانو غاصبين عليها الجواز

بعدها اتجوزت... وبعد سنه جابتك... سكت بعدها واتنهد بوجع... وماتت... ماتت وهي بتولدك

ابوك الي رباك.... كان كل يوم بيزيد كرهي ليك ولأبوك.. حاولت انتقم اكتر من مره