حلم سنين

بيني وبينك حكايه

"وقابلتك انت لقيتك بتغير كل حياتي معرفش ازاي حبيتك معرفش ازاي ياحياتي.. من همسه حب لقتني بحب.. لقتني بحب وادوب في الحب وصبح وليل.. وليييل على باالي"

نغم بفرحه... مش مصدقه اننا بقينا مع بعض.. انا وانت ف بيت واحد.. اخير انا في بيتك دلوقتي بنسمع اغنيتنا المفضله وبنرقص عليها واحنا لسه بالفستان والبدله... طب اقولك كان حلمي دايما انها تكون أول لحظه لينا هي دي

أدهم بحب.... هصحي وانام كل يوم وهتبقى اول حاجه حلوه اشوفها ف يومي انتي حبيبه أدهم وسنده والعكاز بتاعه الي هيتسند بيه عليكي لما يكبر...اوعدك هكون الي تتمنيه

نغم.... انت دايما الي انا اتمنيته يا أدهم.. انا بحبك اوي

أدهم مسك ايديها وباسها... وانا بحبك اكتر ياقلب أدهم

____________________________________

في الفيلا عند رغد

.... رغد حبيبتي انتي نمتي

رغد مسحت دموعها... لا ياماما لسه.. تعالي

.... مالك ياحبيبتي فيكي ايه... انتي بتعيطي يارغد

.. رغد حضنت مامتها وعيطت اكتر

.. بس بس ياحبيبتي اهدي وفهميني في ايه بس

رغد.... قالي انو بيحبني ياماما بس انا كسرت بخاطرو.. مكنتش أصدق اني اعمل كدا.. بس انا خوفت ياماما والله

.... انتي بتحبيه يارغد

رغد.. مش عارفه بس بحب وجوده... وجوده بيطمني

.... طب وليه يابنتي عملتي كدا... ليه دايما سايبه تجربتك القديمه تأثر على حياتك.. مش كل الناس وحشه يارغد.. ده مكنش بيحبك واستغني عنك بسهوله.. يوسف واضح عليه انو ابن حلال

رغد بعياط.... ياماما خايفه يعمل كدا فيا هو كمان شوفي على ايدك انا تعبت ازاي وخدت وقت بس انا مش عايزه اظلمه معايا

... بصي يابنتي انتي كبيره كفايه عشان تبقى عارفه بتعملي ايه.. بس متضيعيش حاجات كويسه من اديكي وترجعي تندمي.. نامي شويه عشان من ساعه ما رجعنا وانتي بحالتك دي

رغد... ماشي ياماما تصبحي على خير

... وانتي من اهلو ياروح ماما

_____________________________________

كان بتمشي ف نص الليل.. مش عارف يروح فين ولا يعمل ايه رجله وديته ناحيه كورنيش النيل وقعد هناك يمكن الخناقه الي هو فيها دي تروح

... اجبلك حاجه يابني

يوسف.. كبايه حمص ياعم شاكر لو سمحت

عم شاكر.... عنيا يابني حاضر

يوسف بأبتسامه... تسلم عنيك ياراجل ياطيب

ريح جسمه على الكرسي من التعب بتاع فرح صاحبه.. هو أقرب واحد ليه واكتر واحد اتمرمط معاه... بص للمياه سرح فيها غصب عنو ورجعت ملامحه للغضب تاني