حلم سنين

لحظه تفاهم..

ايه ده يا أدهم

أدهم بعدم فهم...... ايه فيه ايه

لفت نغم التليفون الي ف ايديها.... مين دي وايه الي بتقولهولك ده!!

أدهم قرب عشان ياخد التليفون وفعلا مسك التليفون وقفلو بأهمال وده عصب نغم اكتر

نغم بعصبيه شديده.... انت ايه الي عملتو ده هات التليفون.. ما طبعا ما سيادتك خايف.. هات التليفون يا أدهم لا اما اقسم بالله ما هيحصل خير

أدهم مصدوم من الي بتعملو.... انتي مش واثقه فيا!!

نغم الغيره عمتها ومكنتش عارفه هي بتقول ايه.... بلا ثقه بلا زفت بقولك هات التليفون يا اما تطلقني

أدهم مش مصدق... طب لا في تليفون ولا هفهمك حاجه وده الي عندي

نغم اتعصبت اكتر....ماشي يا ادهم طب والله ما هتشوف وشي تاني وطلعت اوضتها وقفلت على نفسها بالمفتاح وسمحت ف الوقت ده أن دموعها تنزل

أدهم واقف مكانو مصدوم من عصبيتها وعدم ثقتها فيه 

أدهم لنفسه.... هي البت دي مجنونه ولا اي الي حصلها

بعدها قعد ينادي عليها بصوت عالي عشان تسمعه..... بت يانغم... يا قليله الأدب ازاي تكلمي جوزك كدا.. مش ده الي لسه مفطرك يامفجوعه... ونزلتك الصبح بدري وياصباح الخير يالي معانا.. انتي يالي معندكيش بربع جنيه ثقه فياا

نغم مرديتش وكانت قافله الأوضه على نفسها  ابتسمت على كلامو بس بعدها كشرت تاني.. بعدها أدهم خد جاكيت الترنج الاسود بتاعه وخرج من البيت

بعد وقت نغم حست ان البيت هادي وفاضي عليها حست بالخوف عشان مش متعوده تقعد لوحدها.. قامت بهدوء وفتحت الباب وهي بتنادي عليه

نغم بصوت واطي... ادهمم.. أدهم..

لقت مفيش رد نزلت  السلم الي بيودي للصاله والمطبخ بس برضو ملقتش حد

نغم بصوت مخنوق... يعني هيكون راح فين مش بحب اقعد لوحدي

بعدها النور قطع.. نغم اتخضت وكانت هتصوت لقت ايد بتمنعها نغم خافت اكتر لولا صوته الي طمنها

أدهم بهمس... شششش متخافيش ده انا.. متعمليش صوت في حد بيحاول يدخل الفيلا اطلعي الأوضه واقفلي على نفسك كويس اوي ومهما سمعتي متنزليش

رغم خوفها بس هزت دماغها ب ماشي وطلعت

بعد وقت قليل شباك الفيلا اتفتح بحرص ودخل منه اتنين لابسين اسود ف اسود فضلو يمشو باتجاه الأرض فوق والي فيها نغم.. لحد ما حسو بحركه جايه من المطبخ وده كان قصد أدهم عشا يشتتهم

راحو الاتنين بحرص شديد ودخلو ... أدهم كان اسرع بخطوه وضرب واحد وقعه في الأرض ومسك التاني ضربه

أدهم بغل... انت مين يلا... ومين الي باعتك

رفع ايده عشان يضرب أدهم بس أدهم كان اسرع وكسرله دراعه وبيلف لقى التاني في وشه وضربه ضربه سطحيه بالمطوه على بطنه