حلم سنين

فرصه جديده! ♥️

"خليك هنا خليك.. وبلاش تفارق.. بتقول يومين وتغيب سنه ما بلاش تفاارق... "

كانت دي الاغنيه الي اشتغلت في العربيه وكسرت الصمت الي ما بينهم بصتلو بخوف وهي مش عارفه ايه الي ممكن يكون بيدور في دماغه دلوقت ولا قادره تحدد ولا تبرر موقفها هتقولو اي وايه السبب الي خلاها تتجوز غصب عنها.. هو اكيد بيحبها ودي حاجه طمنتها شويه.. كسرت الصمت بسؤالها

نغم.. ادهم ممكن تسمعني ممكن تديني فرصه اشرحلك

بصلها بصه عتاب ولوم مش قادر يفسر هي عملت كدا ليه.. وازاي بسهوله تتخلى عنو

ادهم.. مبقاش في حاجه نتكلم فيها خلاص.. انتي دلوقتي واحده
حطت ايديها على بقو.. اسكت اخص عليك اوعا تنطقها.. اوعي يا أدهم انا عمري ما هكون غير ليك

ضحك أدهم بأستهزاء... بتتكلمي ف ايه مش فاهم.. انا لحد دلوقتي مش مصدق الي سمعتو.. انا حاسس اني قاعد مع واحده اول مره اعرفها.. استغلت اني تعبت ودخلت مستشفى مش عارف اتحرك من مكاني وراحت اتجوزت.. راحت ضيعت حلمنا الي تعبنا عليه سنين.. لاء ومين الي انا عايش طول حياتي احميها منو... مش هي دي الحقيقه.. ساكته ليه ماتنطقي

نغم بعياط من اتهامه ليها.... اديني فرصه اشرحلك.. أدهم انا عمري ما حبيت ولا هحب حد غيرك وانت اكتر واحد عارف ده كويس... انت عارف حصل ايه من سنين واي الي حصل بين عيلتك وعيله ابويا عارف ان ابويا عنده يجوزني لأي حد حتى لو بالغصب بس الحد ده ميكنش انت.... متعرفش استقوا عليا ازاي.. وغصبوني ازاي.. هددوني بيك.. سكتت وكتمت شهقتها.. وانا والله مستحملش اي حاجه تحصلك انا عندي امو

أدهم حط ايدو على بقها.. بس بس... وخدها ف حضنه.. خلاص اهدي خلاص انا جنبك متخافيش.. وغلاوتك عندي لهدفعهم تمن الي عملوه ده غالي اوي

نغم بخوف... هتعمل اي يا أدهم.. بلاش يا أدهم كفايه عداوه لحد كدا

أدهم... دي حاجه بتاعتي انا بقاا.. ومش هسكت غير وانتي ف بيتي

في اللحظه دي دخل عليهم "يوسف" شايل شنط اكل وركب في العربيه من ورا

أدهم بضحك... والله جيت في وقتك.. اي الي خرشمك كدا

يوسف بضيق... يعم انا بلغي ام دي صحوبيه والله مبهدلني معاك انت والأستاذه بتاعتك.. وانا كان مال امي انا

أدهم بفخر... ونعم الصحوبيه يبني والله.. جبت اكل اي بقاا

يوسف... لاء مش عشانك ده عشان نغم

أدهم.... ما تلم نفسك يلا.. اقسم بالله انزلك

يوسف.. خلاص خلاص هتاكل معانا وأمري لله شوفلنا بس مكان نقعد فيه

نغم بقلق.. صحيح انا هعمل اي انا خايفه ارجع البيت اوي يا أدهم.

ادهم بجمود وثقه... هترجعي بس مش لوحدك