حلم سنين

زفاف.. 🤍

بعد مرور شهر كان أدهم كل يوم فيه مع نغم وبيطمن عليها لحد ما خرجت من المستشفى واتأكد انها تقدر تعيش حياتها طبيعيه من غير تعب في الشهر ده اتفقو وحضرو لكل حاجه... حجزو قاعه الفرح وحددو ميعاده وكل حاجه كانت جاهزه
__________________________

"العاشره صباحا " في فيلا أدهم كان قاعد ومعاه يوسف

يوسف بضيق.... ايه ياعم الي انت هببتو ده.. ازاي توافق على حاجه زي دي

أدهم بضحك.... الي عملتو هو الصح كدا احسن

يوسف بغيظ... احسن انهم يبقو لوحدهم في يوم زي ده.. ليه تعمل الحنه بنات بس يا ادهم

أدهم بضحك اكبر.... اولا مش انا الي عملتها... نغم هي الي طلبت ده وانا احترمت رغبتها عشان يبقو براحتهم ويعرفو يتبسطو

يوسف.... طب وانا يا أدهم مفكرتش فيا

أدهم.... عايزه تنبسطي معاهم يابطه... وبعدين لم نفسك بقا وقولها انك بتحبها خلينا نلمكوا ف بيت واحد ونخلص

يوسف.... اه ما انا هقولها اكيد... بس كل حاجه في وقتها

ضرب أدهم كف على كف... على كيفك بقا انا هقوم اكلم نغم وانت اطلبلنا اكل اعمل حاجه مفيده

يوسف..... وهو انا بعمل غير اني بجيب اكل

أدهم وهو بيحط التليفون على ودنه... والله دي احسن حاجه بتعملها.... الو... اه يا حيوان
كان ده يوسف الي حدفه بالمخده... عمل أدهم ميوت على التليفون وبصلو بضيق... مسمعش نفسك ياض ولا اجيلك

يوسف بخوف..... لا ياعم خلاص الطيب احسن انا رايح اجيب اكل

أدهم وهو يرجع التليفون تاني... ايوا كدا
... حبيبه قلبي عامله ايه

نغم ردت عليه بفرحه.... مبسوطه اوي يا أدهم... حاسه هطير من الفرحه

أدهم.... اكيد مش اكتر مني... ربنا يقدرني واسعدك وخليكي دايما مبسوطه

نغم.... انا مبسوطه طول ما انت معايا... ها قولي بقا عملت ايه جبت البدله

أدهم.... اه يستي جبتها مع اني مبحبهمش وانتي عارفه بس هعمل ايه بقى

نغم بضحك.... تعالي على نفسك يوم الفرح بس ومتلبسهاش تاني

أدهم... طب بقولك ايه مينفعش اشوفك خالص النهارده

نغم.... خلاص يا أدهم بقا هانت انا بعد ما الحنه تخلص هكلمك وكلها يومين

أدهم... ماشي اما نشوف اخرتها

نغم.... انا هروح اجهز واشوف فستان الحنه وصل ولا لسه وانت هتعمل ايه

ادهم... هاكل كدا وعلى المغرب هنزل احلق واظبط كدا برضو وهبقي اكلمك اطمن عليكي

نغم... خلاص ياحبيبي ماشي باي

أدهم.... باي ياحبيبي

___________________________________