حلم سنين

انا هويت.. وانتهيت

الساعه السابعه صباحاً بتوقيت مدينه الاسكندريه..

نغم كانت قاعده ف العربيه جنب أدهم وهو بيسوق

نغم بفرحه.. ادهم احنا هنوصل امتى بقاا

أدهم بضحك... يابنتي احنا لسه متحركين اهو وبعدين انا جايبلك كل أنواع التسالي عشان متزهقيش ف ايه بقا.. طولي بالك معايا كدا

نغم سقفت بحمااس... خلصانه يامعلم اشطااا

أدهم بصلها بقرف... معلم انا متجوزك عشان تقوليلي معلم!!

نغم بلا مبالاه... في ايه بس ياقلبي هات هات اما نشوف الشنطه الي جنبك دي بتقول ايه وشغلت اغاني في العربيه وبدأت تغني بصوت عالي

"والله والله الي بينا ما يتقدر.. والله والله عمري ما هنسي ومش هقدر.. ده الي بينا حياه واكتر.. ده احنا الي بينا حياااه واكتر"

__________________________________

في نفس الوقت في بلد تانيه غير مصر كانت واقفه بتزعق مع مامتها

مي بزعيق.... يا ماما انا نازله مصر يعني نازله انا قولتلك اهو ودي حاجه مفيهاش نقاش اصلا

الام بغضب.... يابنتي انتي عايزه توصلي ل ايه بظبط مش هينفع الموضوع ده اتقفل خلاص

مي بغل.... لا متقفلش ياماما سامعه متقفلش انا مش هسمحلكو تعملو كدا تاني وتحرموني منو تاني

الام..... يبنتي انتي سامعه انتي بتقولي ايه انتي اتجننتي رسمي

مي وكأنها مش سمعاها...يلا انا هنزل عشان الحق الطياره باي وخرجت بسرعه

الام بغضب... مي مي خدي هنا .. مفيش فايده استرها من عندك يارب

_________________________________

على الناحيه التانيه كان خلاص نغم وادهم وصلوا اخيرا نزلو وادهم اخدها ناحيه البحر

أدهم مسك ايديها بحب.... ايه رأيك شكلو حلو اوي

نغم بفرحه.... اوي يا أدهم اووي انا مبسوطه اوي

أدهم.... كنت باجي هنا كتير وانا مضايق

نغم بضيق.... يعني انا كنت بضايقك يا أدهم؟

أدهم بتصحيح وحب.... ياحبيبتي انا من ساعه ما عرفتك وانا كل حاجه ف حياتي حلوه انا محبتش ومش هحب غيرك يانغم

نغم بأبتسامه... عمري ما هنسي كل لحظه معاك.. شوفتك ازاي.. حبيتك امتي... كل حاجه حلوه فيك عوضتني عن كل حاجه يا أدهم.. انت فيك حنيه تكفى العالم وتفيض

أدهم بأس على رأسها... كل ده ليكي لوحدك انتي وبس.. تعالي بقا اوديكي تاكلي اكله سمك محترمه

نغم بسعاده....الله يا أدهم يلا

بعد وقت مش كتير كانو خلاص خلصو اكل وطلعو