مناقشة
إنهاردة حبيت نتناقش أنا و إنتوا علي الرواية و كدة و إن شاء الله بكرة الفصل ينزل و لو خلص إنهاردة هنزل.
أولًا حابة أشكركوا علي متابعتكوا للرواية رغم التأخير اللي بيحصل كتير جدًا لأسباب مش بإيدي❤️
ثانيًا قولولي بقي مين أكتر شخصية أثرت فيكوا من الشخصيات.
و أكتر شخصية حبيتوها و أكتر شخصية كرهتوها.
ثالثًا هل النفور اللي عندكوا تجاه رحيق ممكن يقل لو إتغيرت ولا لا؟
رابعًا بالنسبة لتميم يا جماعة هو كان قريب جدًا من إبن خالته و كانوا صحاب من و هما صغيرين و عمره ما كان يتوقع إنه بالقذارة دي، فأصبح بيحاول علي قد ما يقدر إنه يثبت العكس و دة لإن عقله مش قادر يستوعب الشئ دة، ف ياريت تحسوا بموقفه و تحطوا نفسكوا مكانه هو من كتر الصدمة مبقاش حتي قادر ياخد قرار صح، شوية يقول سيليا تفضل معاه، و شوية يقعد حيران مش قادر يقرر، و السبب الرئيسي في إنه يطلب من سيليا إنها تبقي معاه هو شكه في الحقيقة.
خامسًا تفتكروا برق هيفضل في الحالة اللي هو فيها ولا لا، يعني حياته هتفضل واقفة كتير ولا حد ممكن يظهر في حياته؟
سادسًا بيسان مازالت بتحاول تخبي الحقيقة علي إبنها لإنها خايفة عليه من الصدمة اللي ممكن يتعرضلها لما يعرف الحقيقة، أنا قولت أقول النقطة دي عشان كتير بيسألوا عليها.
سابعًا شخصية سيليا مش الكيوت ولا الطيبة خالص علي فكرة، و دة أكيد بيظهر في طريقة كلامها و أحيانًا بتكون متهورة و مغرورة زي تميم بس تميم متهور أكتر، و هي وافقت إنها تفضل مع تميم عشان قررت تنتقم زي ما هو عمل، و خلال الفصول الجاية هتعرفوا تفكيرها الشيطاني هيخليها تعمل إية.
ثامنًا ياقوت و زاهر الإتنين تقريبًا متدمرين، ياقوت من اللي حصلها زمان، و زاهر بسبب حياته الغير مستقرة، مبقاش عارف هل جوازته دي فاشلة ولا لا، مبقاش عارف هل ياقوت ممكن تحبه زي ما بيحبها ولا لا، بالإضافة الي تفاصيل تانية هتتعرف خلال الفصول الجاية+تفتكروا ياقوت هتسكت الفترة الجاية بعد ما عرفت هوية الشخص اللي أذاها زمان؟
تاسعًا توقعاتكوا للي جاي إية؟
عاشرًا و أخيرًا رأيكوا في السرد و الحوار و الأحداث هل هي بطيئة ولا سريعة ولا مظبوطة و في الرواية عمومًا.
تناقشوا معايا هتابع الكومنتات و هرد علي كله في البوست دة، و دمتم سالمين و بخير❤️
-رولا هاني-
أنت تقرأ
سيليا و الشيطان
Romance-يعني إية!؟...يعني إنتَ إتجوزتني عشان تنتقم مني!؟ قالتها "سيليا" بإهتياجٍ بعدما جحظت عيناها بعدم تصديق لما إستمعته، الشخص الوحيد الذي عشقته كان يخطط طوال تلك الفترة للإنتقام منها و لتحطيم قلبها! و بتلك اللحظة سيطرت عليها الصدمة أكثر خاصة عندما وجدته...
