مرحبا اعرفكم على نفسي اني فاطمه من محافضه البصره عمري 18 عايشه ويا اهلي بابا وماما وخواتي الاربعه واثنين اخوان خواتي زهراء وزينب وساره واني الرابعه واخواني سيف ومحمد اني وساره الكبار وعمرهها 19 وزينب وزهراء توأم عمرهن 10 سنوات اني رابع اعدادي جان لازم سادس بس مفالحني الحظ رسبت يعني حياتي حيل عاديه وبسيطه حالتنه الماديه وسط بس رغم البساطه حلوه مواصفاتي عاديه حالي حال اي بنت طويله 158 حنطاويه عيوني كبار وعسليه وشعري حيل طويل وبني وهاهيه
وهسه دور البطل يحجي♥✨
مرحبا اني علي من بغداد عمري 26 عندي امي وابوي متوفي واخوي واثنين خوات اخوي حسن عمره 21 يدرس مرحله ثانيه نسيت اكلكم اني شنو اشتغل ضابط واخواتي مزوجات مواصفاتي شاب طويل طولي 180 حنطاوي معضل يعني شاب عادي
هسه نبدي القصه:
يوم من الايام بالبيت كاعده اني وخواتي وكالعاده ضايجين اهلي من النوع مشددين ميقبلون نطلع وهيج اشياء يعني مقيدين بالبيت فمخلصه يومي يافون او دراسه واصلا اني من النوع مااحب اطلع عكس اخواتي حيل ايحبن ايطلعن ويعشقن شي اسمه تصوير واني ابد مااحب التصوير اغلب طلعاتنع البيت جدو اهل بابا اهل ماما بعيدين بغير محافضه بالناصريه واني مو اجتماعيه مااحب اذب ميانه بسرعه ويه العالم عندي بس بت عمتي حيل قرييه عليه انه اسمه فاطمه نفس اسمي ونفس عمري وياههه صديقات من احنه زغاز فمرات اروحله ومره من المرات رحت يمهه جنه كاعدين كل وحده لازمه الفون مالتههه وضايجنن ملل وهيه من النوع الجريئه يعني متخاف عكسي انه من كلشي اخافف يعني ماعندي اختلاط وي الشباب هيه لا عدهه هالشي عادي وفجأه كالتلي فطوم عندي كروي كلش ححلو خلي اضيفج بي اني ف اني سألتهه بي شباب لو بس بنات اذا بس بنات يي اقبل فهيه كالت لا مختلط بي شباب ف اني مقبلت بس هيه ضلت تقنع بيه الى ان قبلت وضافتني وجنت اني ابد معرف احجي وحته سلام معرف جانت هيه تردلي واني اكتب وضلت تعرفني بيهم ف فجأه عرفتني ع شخص بس خل احجيلكم الصراحه جان مخلي صورته شخصيه وكولش ححلو ف اني مدࢪي شصار بيهه رحت كلتلهه منو ههذا ف كالت اوو ههذا فد بارد وثكيل ميحاجي بنات وكلامه كلش عادي ويا الولد الي بالكروب ف اني مدࢪي شبيه حسيت انو اكو شي جذبني الهه وحسيت اعرفه من زمان ف فاطمه كلتلي روحي حاجي بالخاص وقتنعت ورحت(ملاحضه برنامج تليجرام) فرحت معرف شنو احجي او ادز فدزيت نقطه وبسرعه طلعت من المحادثه بسࢪعه وكلبي احسهه حيطلع من مكانه مدري شصار بيه وفاطمه تضحك عليه لأن هالشي عادي عدهه وفجأه!!
حبايبي خلص البارت الاول كلش تعبت باجر انزل البارت الثاني♥.
