الضوء الخافت

البارت الثالث

التفاعل لعدم غلق الروايا
البارت الثالث
الضوء الخافت
منه محمد
رومنسي_كوميدي_غموض
رقيه اتغيرت ملامحها : ايه سيرين
آمير بهدوء: ايوه اسمها سيرين لان حماده دايما يقولها يا سيرين
رقيه: كلامك مظبوط فعلا الوضع مريب بس اوعي تقولي انك لسه بتستخدم طريقه التحقيق انك تنام في غرفه واحده معاها
آمير: لا مش كدا يا رقيه هدفنا مش شيرين او سيرين بس حماده الطفل مستحيل يكدب عشان كدا لازم نلاقي فرصه يبقي الولد لوحده من غير ما تبقي موجوده الست دي جنبه
رقيه: فهمتك يا آمير وهنلاقي الفرصه
..................منه محمد......
نوال: يله ياحماده مره كمان
سيرين لقت فونها بيرن اخدته وردت: ايه الموضوع ايه فيه شغل استني معايا لحظه(بصت لنوال
نوال: ايه
سيرين: خالي بالك من حماده راجعه علي طول
نوال ببتسامه: طيب
سيرين اخدت الموبيل وبعدت شويه عنهم آمير استغل خروجها ودخل: حماده بتعمل ايه قولي يا حماده بتحب الشكولاته
حماده: ايوه
آمير: بتحب تلعب بالآلعاب اه ولا لأ
حماده: ايوه
آمير فتح ايده: كدا تعال معايا
نوال: امير بيه
أمير: ايه في ايه رقيه جدته عايزه تلعب معاه وطلبت مني اجبهولها
نوال بتوتر: ايوه بس لازم ابلغ شيرين الاول
آمير: ايوه طبعا بلغيها انا هاخد حماده وانتي بلغيها يله(رفع الولد) يله تعال لحضن عمو آمير
نوال: مستر امير لازم ابلغ شيرين الاول
آمير طنشها واخد حماده وخرج
نوال: مستر امير استني دقيقه
نوال رايحه جايه عماله تتصل بسيرين مش بترد: يا الله ردي بقي بسرعه يله
اعمل ايه ياربي وطلعت تجري وراه
.................منه محمد..........
قاعده بتتكلم في الجنينه: انا مقدرش اقبل شغل في الفتره دي حاليا
المخرج: سيرين ارجوكي ساعديني انتي الوحيده الي تقدري تعملي الفيلم ده وبعدين ده انا لسه ليا شغل مع المنتج في فيلم جديد وهنصوره من بكره سيرين ساعديني ارجوكي
سيرين: بجد مقدرش اكمل الفيلم لاني هواجهه مشكله كبيره
المخرج: يا سيرين لو مساعدتنيش هطرد من الاخراج
سيرين: زهقتني يا اخي فضلك شويه وتعيط بدموع وانت عارف نقطه ضعفي
المخرج: سيرين اسف مش قصدي اعمل ايه الدموع نزلت لوحدها(ضحك)
سيرين ابتسمت: خلاص اديني التفاصيل والتصوير فين اقولك ابعتهالي علي الوتس
المخرج بفرحه: بجد احلي فنانه في الدنيا الحمد لله كدا اقدر ارشحلك في هوليود
سيرين: ماشي يا بكاش ابعتلي التفصيل
المخرج: تمام! هبعت حالا
سيرين قفلت الموبيل لقت نوال بتتصل بيها ردت بسرعه: فيه ايه يانوال
نوال: تعالي حالا علي الفيلا الرئيسيه بسرعه امير اخد حماده لرقيه
سيرين صرخت: نعم اخد مين؟؟!!
وطعلت تجري ونست انها مشلوله رجعت بسرعه شدت الكرسي وراحتلهم
..............منه محمد.......
......منه محمد...........
عند رقيه الي راحلها حماده مع عمو امير
رقيه: الكيكه دي بحالها بتاعه حماده لوحده
حماد: ثكرا
رقيه: شوف ماشاءالله امه علمته كويس
آمير بهمس: يله نبدء معاه حماده ممكن تقولنا ليه بتنادي امك بسيرين بدل شيرين
حماده: اسأل بمبه(الدميه بتاعته)
امير: طبعا اسألها
حماده وشوش الدميه
امير: قالت ايه بمبه ياحماده
حماده: حماده
رقيه: حبيبي ليه اللعبه بتاعتك بتقول سيرين بدل شيرين
سيرين قربت عليهم: حماده تعال لـ امك
حماده بفرحه: تعال كلي كيكه
سيرين بصت لـ امير بنرفزه: ليه اخدت ابني من غير ماتقولي
آمير ببرود: عمه وجدته عايزين يلعبوا معاه فيه بيت في العالم بياخد الاذن عشان عم يلعب مع ابن اخوه!
سيرين: ايوه فيه البيت ده
رقيه قامت بغضب: ايه الكلام الفارغ ده بجد اتماديتي كتير
سيرين: لو قولتولي اظن مش هيبقي في مشكله
آمير بشك:ليه فيه حاجه خايفه منها او مخبيها عننا ليه مرعوبه ان ابنك يبقي معانا لوحده
سيرين بشجاعه: لا معنديش
آمير: طالما معندكيش ليه ابنك بيقولك سيرين بدل شيرين
سيرين: عادي طفل بيقول شرين او سيرين اظن عادي
حماده: شيرين
سيرين: اظن الولد عايز ينام يله حبيبي هخالي نوال تنيمك
نوال قربت واخدت من وسطيهم الولد
وسيرين بصتلهم بضيق ومشت بالكرسي ورقيه وامير بصو لبعض وفهموا انها مخبيه حاجه وكبيره كمان
............منه محمد.......
تاني يوم في معاد التصوير حضر محي عشان ياخد سيرين للمكان
سيرين: متشكره جدا يا استاذ محي انك جيت تاخدني
بجد المخرج طول عمره لطيف معايا وبصراحه مقدرش اخسره شغله
محي بهدوء: انا فاهم ده انسه سيرين
سرين: واسفه اني خليتك تكدب
محي ابتسم: اي كدب انا المفروض اخد مدام شيرين للعلاج الطبيعي وبعدين ارجعك علي المغرب
سيرين: لا  مفيش داعي اقدر ارجع لوحدي
محي: لا مش ممكن لان مش عايز حد يشك
نوال: كلام الاستاذ محي مظبوط ولحسن حظك ان آمير راح شغله بدري والا مكنتيش تقدري تخرجي بسهوله والحمد لله ان استاذ محي هياخدك يوصلك
سيرين: تمام يله بينا اه نوال خالي بالك كويس من حماده
نوال: مفيش داعي تقلقي ده في عيوني وقلبي ولو لزم الامر هربطه علي وسطي زي الافارقه
حماده بصلها وضحك اوي
سرين: حماده تعال ابوسك انا ماشيه دلوقت متعملش شقاوه وتسمع كلام ابله نوال يله روح لـ ابه نوال
ومشت هي ومحي ولفت ورمتله بوسه في الهواء
.........منه محمد.......
في نفس مكان التصوير قاعدين آمير وغاده بيخلصوا عقود صفقه جديده مع عميل بعد ما خلصوا امضاء العقود وخارجين شافوا كاميرات وتجمهر كبير
غاده بفضول: بيعملوا ايه دول هنا
العميل: ابدا فريق العمل أجر المكان هنا كنوع من الدعايا
امير لمحها برغم انها حاطه ماسك علي وشها لكن قدر يميزها من طريقه جسمها وشعرها وعيونها
غاده بصتله: مالك يا آمير ليه مبحلق فيها كدا
آمير بعجاله: اسمحولي رجاء
غاده: امير فيه ايه
امير سابها وكمل جري في المكان
غاده بأحراج: انا بعتذر عن اذنكم وطلعت تمد وري آمير
فضلوا يكرروا في المشاهد لحد ما اعلن المخرج عن استراحه بسيطه
سيرين:مين قال استراحه مفيش استراحه
المخرج: خلاص سيرين ده اخر مشهد وانتي خلصتي مشاهدك واحنا هنكمل بس الناس  لازم يرتاحوا شويه علي ما نغير بطاريه الكاميرا
سيرين: تمام لاني مستعجله ها المشهد كان ممتاز
المخرج بأعجاب: ممتاز بس ده ابداع انتي روعه وتستحقي تمثلي في هوليود
سيربن: بطل بكش بقي
المخرج ضحك: يله اشربي ميه عشان جسمك يبرد وعلي فكره شغلك اتحسن جدا واوعديني الفيلم الجاي انتي معايا
سيرين: لو مفيش حاجه تانيه ممكن بقي امشي
المخرج: لا اتفضلي انتي كدا خلصتي مشاهدك
آمير الي حاول يقتحم اللوكيشن
العامل: يا استاذ ممنوع الدخول
امير صمم يقتحم والناس اتلمت سيرين لفت شافته وفتحت عيونها: انا لازم امشي حالا
المخرج> تمام خدي الطريق ده مختصر للخروج
سيرين طلعت تجري وامير لف وطلع يجري وراها وهي بتجري خبطت في عامله واعتذرت منها وكملت جري وآمير كذالك خبط في العمال وطول ما هو بيجري يعتذر لكن لقاه مجموعه عمال معاهم ادوات تصوير قدروا يعيقوا انه يحصلها
آميرجز علي اسنانه بغضب: فلتي المره دي يا سيرين
غاده الي بتنهج: فيه ايه يا امير ليه سبت الناس كدا
آمير: لاني واثق فيكي وانك هتهتمي بالشغل
وسابها ومشي وغاده واقفه مستغربه طريقته
......منه محمد...........
سيرين وهي بتجري من امير لقت موتسكل زميلها اخدته وقفزت عليه وساقت بأقص سرعه وآمير لمحها ركب عربيته وعمال يلاحقها بسرعه جنونيه لحد ما قدر يوصل قبلها للفيلا وهي بتركن لمحته خارج من العربيه لفت بسرعه للباب الوراني وقدرت تنط من فوق السور وفضلت تتمشي ما بين الشجر لحد ما وقفت وري شجره كبيره: اه هموت الليله اكيد بجد راجل مجنون جه بسرعه البرق هدخل البيت ازاي دلوقت
اما امير دخل الفيلا وبينادي عليها بعلو صوته وعمال يفتح كل الغرف وفتح غرفتها لقاه حماده نايم فيها .......اما سيرين قدرت تتسلق الفراندا لكن رجليها اتهزت وزهريه وقعت عملت ضجه سيرين من التوتر كانت هتقع اتعلقت في التكيف ومنه قدرت تحط رجليها علي تندت الفراندا بصعوبه وقدرت تحط رجليها علي حافه الفراندا ومسكت بالسور لكن قوتها مش مساعدها لحد ما لقت ايد بتشدها والايد دي كانت ايد نوال وبصعوبه قدرت تسحبها لفوق لكن خلاص امير سمع الصوت بسرعه قرب من اوكره الباب ولسه هيفتح سمع صوت حماده بيصرخ جري عليه بلهفه
امير: مالك ليه بتعيط
حماد بدموع: عايز ماما
امير جز علي اسنانه: مسكتك يا صاحبه  المشاكل
سيرين داخله علي الكرسي مع نوال: مسكت مين؟؟!!
آمير لف وبصلها ووقف مذهول
سيرين: حماده تعال لماما تعال بتعيط ليه حبيبي مش احنا اتفقنا اننا منبكيش لو صحيت وملقتش حد جنبك يله روح لنوال
نوال: تعال يا حبيبي متعيطش
سيرين: فيه ايه يا سيد آمير فيه عندك مشكله
آمير: انتي لسه جايه للبيت مش كدا
سيرين: انا فعلا موجوده في البيت مش شايفني موجوده ولا انا بقيت شفاف
آمير: طب ليه لما دخلت الاوضه دي مشوفتكيش
نوال: اصل انا اخدت شيرين تاكل في المطبخ
دخل محمد حارس البوابه يكلم آمير واول ما شاف سيرين صرخ
نوال بغيظ ضربته في كتفه: انت ايه مجنون
الحارس بص لسيرين: انتي رجعتي امتي يا مدام شيرين؟؟!!
آمير: ترجع ده معناه انك مكنتيش في البيت
الحارس: ايوه مدام شيرين خرجت مع الاستاذ محي
آمير حط ايده في وسطه: الله مش كنتي بتقولي انك موجوده في البيت طول النهار
سيرين: ايوه انا خرجت ورجعت وفضلت في البيت
آمير: روحتي فين؟؟!!
سيرين ردت بثبات: روحت لجلسه العلاج الطبيعي ولا انت مفكرني طلعت اجري يعني
آمير: انتي قلتي انك خرجتي مع محي فين محي وليه موصلكيش
سيرين: الاستاذ محي مشغول عنده قضيه مستعجله ورجعت لوحدي
آمير: رجعتي ازاي
سيرين نفخت بملل: الدكتور الي بتابع عنده حالتي طلبت منه يوصلني
آمير: محمد شوفت الدكتور موصلها
محمد لسه هيرد
سيرين قطعته بحده: انت عمال تدور عن مشكله معايا وكأنك متعمد مش كدا لو عايز تلاقي اي غلطه انا هنا اتفضل  بس انا معنديش استعداد اجادل مع راجل معتوه
نوال: مستر آمير ثق فيا شيرين كانت معايا طول الوقت
آمير وقف يوزع نظراته ما بينهم
سيرين رمتله بوسه علي الهوا
وآمير بصلها بحتقار وسابها ومشي
محمد طلع وراه: آمير بيه استني
سيرين: غور كتك داهيه نوال دخليني الاوضه واقفلي الباب
نوال اتنفست بعمق: اه يا سيرين اه بجد الموضوع بقي يخوف ويقلق اياكي تعملي كدا تاني بجد انا اتصدمت لدرجه حسيت معدتي قلبت فراشات ودماغي صدعت وضغط دمي ارتفع لفوق
سيرين: امال انا اعمل ايه يابنتي انا حاربت ركبت موتسكل عارفه يعني ايه موتسكل واتسلقت بلكونه وكنت هقع علي جذور رقبتي وكان فاضل تكه ويمسكني من قفايا فلو عندك توبيخ قوليه مره واحده يله سمعوا صوت اوكره الباب كأن حد بيحاول يفتح الباب سيربن قامت تجري وخطفت الكرسي وأأعدت عليه
نوال: هدي ده حماده بيلعب في الباب
سيرين: لا انا هنهار بجد حماده امك مش متحمله
نوال: بتعمل ايه ياحماده
حماده: افتحي الباب
نوال: طيب هفتح ونسيب سيرين ترتاح يله
..............منه محمد.............
محمد الي طلع وري امير يشرحله الموضوع: امير بيه انا كنت بحرس البوابه طول النهار وملقتش حد دخل
آمير: انت متأكد انك كنت واقف علي البوابه طول النهار
محمد: لا لحظه روحت الحمام بس مجرد ثواني بسيطه انا شخص بيتبول بسرعه والكل يشهد لي بكدا
آمير:خلاص روح انت وعيونك تفضل مفتحه علي البوابه مفهوم
محمد: مفهوم
أميرضيق عيونه ولنفسه.... قادره تهربي بس انا وراكي والزمن طويل
..........منه محمد....
في الشركه
غاده الي رجعت شايطه من اسلوبه: آمير ازاي يعمل فيا كدا ويسبني مع العميل لوحدي وبعد كدا اعرف انه كان بيجري وري شبيهه شيرين
ايسل: وده فيه ايه
غاده: هو ايه الي فيه ايه اول مره آمير يتعامل معايا كدا امير اتغير من اول ما وصلت الست دي للبيت بقي مهتم بأمورها هي وبس
ايسل: غاده مش عايزه اسمع حاجه لا عن امير ولا عن الست دي لان ده مش من شأني ومش لازم تقوليلي كل حاجه
غاده: ايسل بس مينفعش تقفلي عينك وتسدي ودانك بخصوص الامر ده هي جات تعيش في البيت طيب انتي مش مرعوبه انها تسرق منك كل حاجه
ايسل اتجمدت ايدها عن القلم الي بتكتب بيه وعيونها رغرغت بالدموع ومسكت ايد اختها وغرزت ضوافرها فيها:خلينا نتفرج لحد ما تسرق لان انا مش هسمح ان ده يحصل ابدا
غاده بألم حررت ضوافر اختها: ايسل
لحد ما الباب خبط علي الباب ودخل السكرتير بأوراق مهمه
............منه محمد................
داخل جلسات العلاج الطبيعي شيرين علي الاجهزه لفتره طويله ولما الدكتور حس بتعبها انهي الجلسه
محي: مدام شيرين تعبتي النهارده
شيرين: لا متعبتش بس حاسه بملل بقالي فتره بعمل علاج طبيعي لكن لسه زي ما انا مش قارده امشي
محي: خلاص تعالي ندور علي حاجه تضيع الملل
شيرين بهدوء: نروح فين؟؟!!!
محي: تعالي معايا وانتي تعرفي
اخدها ودخلها ملعب
شيرين ببتسامه: ملعب تنس
محي: مظبوط طريقتي المفضله عشان اتخلص من الملل
شيرين: بس انا مش بعرف اللعب تنس
محي: لو مش بنعرف نتعلم  وانا علي اتم استعداد اعلمك
شيرين: بس وانا بالحاله دي مش هكون قادره اتعلم
محي: لا مفيش حاجه منقدرش نعملها لو عندك اراده تقدري
وبدء بالفعل يعلمها وبكل سهوله رغم كل مره تضرب الكوره وتيجي في جبينه عينه دماغه لكن كان فرحان لفرحتها وضحكتها وقد ايه اكتشفت معاه ان لعب التنس ممتع جدا
........منه محمد..................
قاعد قدام البسين عمال يفكر ازاي خرجت ورجعت من غير ما يشوفها قام وقف وفضل رايح جاي ذهابا وايابا ويفتكر كلامها
= روحت لجلسه العلاج الطبيعي ولا انت مفكرني طلعت اجري يعني
= الاستاذ محي مشغول عنده قضيه مستعجله ورجعت لوحدي
لمحه الحارس محمد خارج رايح الحمام امير نده عليه: محمد تعال هنا
محمد بخوف: مستر امير انا رايح الحمام منها لله المثانه بعافيه شويه بس بطلت اشرب ميه طول النهار بس ممكن اطلب منك طلب(مسك ايده) ابوس ايدك يا بيه اوعي تطردني ارجوك امي لسه شابه صغيره وابويا داخل المدرسه ولو طردتني هكون وقعت في مشكله كبيره
آمير محمد بس كفايه انا مش حطردك
محمد: طيب ليه نادتني
آمير: اظن انت معملتش حاجه غلط الست دي مدخلتش من البوابه الرئيسيه اكيد
محمد: امال دخلت منين نطت من فوق السور مثلا
آمير: مش بعيد
محمد شهق: مستر امير انا اسف بس دي واحده مشلوله ازاي تقدر تنط السور لا مش ممكن
آمير مسك دقنه: طيب لو مش مشلوله
محمد: انت قصدك مدام شيرين مش
آمير: مش هي دي وانت لازم تساعدني عشان نكشف الحقيقه
محمد: بس ازاي نقدر نكشف الامر ده
آمير: حقولك بس نفذ كل الي هقولك عليه
...............منه محمد..........
قاعده في غرفتها بتتمرن علي نط الحبل ملاكمه قطع عليها اندمجها خبط الباب
سيرين: مين؟؟!!
آمير: انا افتحي الباب
سيرين لمت الادوات وخبتهم تحت السرير : استني لحظه واحده
آمير: مستني
سيرين رجعت خطفت جيبه كبيره واسعه لبستها فوق البنطلون وبسرعه قعدت علي الكرسي وشمرت رجل البنطلون الي ظاهر من تحت الجيبه  ونشفت عرقها بسرعه
سيرين بصوت عالي: عايز ايه؟؟!!
آميربنرفزه: ايه عايز ايه دي افتحي فيه امور عايز اتكلم معاكي فيها
سيرين: خلاص متشخطش انا جايه اهوه وراحت فتحت الباب
سيرين: خير
آمير بصلها بشك: بتعملي ايه؟؟!!
سيرين: كنت في الحمام عندك ايه
آمير حط ايده في جيوبه: الموضوع ان فيه اجتماع كبير في الشركه حبيت تروحي وتقدمي نفسك
سيرين بتعجب: اقدم نفسي
آمير :ايوه
سيرين اتنهدت بحرارة : ده ضروري يعني
آمير: طبعا ضروري لانك تعتبري اكبر مساهم فالشركه وتمثلي اخويا فاروق كمان ولازم الموظفين تتعرف عليكي وتقدملهم الدعم المعنوي اظن فقدوا رئيسهم
سيرين  شاورتله بأيدها علي نفسها و قالت بابتسامة عريضة: انا اديهم تشجيع ودعم معنوي
امير كتف ايديه قدام صدره و قال ببرود : اه
سيرين رجعت خصلات من شعرها الأشقر وراها ودنها : انا ،،انا الشخص الي ياخده منه دعم
آمير بص لحالتها: ده راجعلك انتي ومن حقك وبعدين عندك حق انتي مش لطيفه في النهايه ده راجعلك
سيرين: استني يا سيد
آمير لفلها: قولي
سيرين: ممكن البس فستان بسرعه وانت استناني برا
آميرابتسم بخبث: اوكيه
شويه وطلعت بعد ما لبست اخدها بالكرسي المتحرك لحد العربيه
سيرين: استني حماده ونوال مش جاين معانا
آمير: ازاي ناخد طفل معانا الشغل واظن نوال هتهتم بيه
سيرين: بس انا لازم ابلغ نوال
آمير متقلقيش انا بلغت محمد يبلغها (وميل يشلها)
سيرين بضيق من تصرفاته: براحه
آمير: تعالي نركب العربيه
سيرين: استنـ
آميربرفض قاطع: لا مش هستني( ومال بجسمه ربطلها الحزام)
سيرين خلته ملخوم بيحط الكرسي في شنطه العربيه وبسرعه كتبت رساله لنوال:الحقيني انا مخطوفه
آمير رجع وقعد جنبها: اظن متحمسه هتروحي الشركه لاول مره كرئيس
سيرين بضيق منه: ليه متحمسه انا ميهمنيش لا الشركه ولا غيرها
آمير ابتسم: ذكيه جدا بس الايام كفيله تعرفني عليكي اكتر وساق بيهم ووقف قدام مبني ضخم
سيرين: انت ليه وقفت قدام المستشفي
آمير بغموض: انزلي وهتعرفي يله الدكتور منتظر
سيرين: انت بتفكر تعمل ايه
آمير لف وميل عليها: ابدا عايز اثبت انك مشلوله ولا لأ
وبعد مناهده ومعافره معاها اجبرها تنزل معاه وحطها علي الكرسي ومشي بيها بسرعه
سيرين بغيظ: استني انت وعماله تضرب فيه من كل اتجاه وهو مطنش كل ده
الممرضه: مطلوب اي مساعده
آمير: لا بس هي مجنونه ولاسعه شويه
سيرين بغضب: انت المجنون قلت رجعني انا مش هروح لدكتور يا منخوليه
آمير: لا هتروحي
سيرين: الي بتعمله ده اكبر اهانه في حقي
امير: انا مش بهينك بس مش واثق فيكي واخليكي تحرمي تكدبي وتخدعي الناس وبعدين ليه خايفه
وهما داخلين ست داخت قدامهم امير وقف وفي اللحظه دي سيرين طلبت منه يروح يساعد الست وهنا حصل التبديل بين سيرين وشيرين امير بعد ما رفع الست من علارض مع الممرضه رجعلها
شيرين بهدوء: سيد آمير
آمير: ايه خايفه خلاص هنعرف الحقيقه
الممرضه: مدام شيرين اتفضلي
آمير: شكرا لحضرتك
شيرين: انت متأكد من الي عايز تعمله
آمير بنبرة مستفزة: انتي خايفه صح وبعدين انا دايما واثق في الامور الي بعملها وحالا هيتشال قناع كشف العشيقه المزيفه
ودخل بيها لغرفه الكشف  قعدها علي سرير الكشف وهو قعد قصادها علي الكرسي المقابل
امير ابتسم بسخرية شديدة: اتفضل يا دكتور اتولي الامر
شيرين بصتله بنظره قوية
الدكتور: مدام استرخي من فضلك
امير رفع حاجبه وسند ظهره للخلف
الدكتور مسك الكاحل: حاولي ترفعي رجلك
شيرين بحزن كبير: مقدرش اعمل كدا
آميرابتسم في استخفاف :ممثله
بعد الفحص الي استغرف نص ساعه
الممرضه رجعت بالتقرير: نتيجه الكشف
الدكتور: شكرا (وفتح التقرير وبص لـ امير: هلخص النتيجه
آمير: هي كويسه جدا مش كدا
الدكتور: فعلا
امير بصلها وابتسم بفرحه وهي عيونها زاغت في كل مكان
لو مفيش متابعين بعتذر همسحها