الضوء الخافت

البارت العاشر

البارت العاشر
الضوء الخافت
منه محمد
رقيه كانت اخدته لمزرعه وهي قاعدت مشغوله بذكرياتها وحماده المركبه وقعت منه في بركه مياه غويطه وراح عشا يجيبها رقيه كانت ماسكه في ايدها سكينه وبتلف شافته قرب من البركه
في نفس اللحظه جايه سيرين مع محي ونوال وايسل قابلهم امير الي جاي عليهم بلهفه وشافها: ايسل هنا كمان
ايسل بهدوء: ايوه قلقت علي حماده
آمير مركز نظراته علي محي وحاسس ان صدره هينفجر من الضيق!!!
سيرين باندفاع وحده:دورناه عليه في كل مكان مش قادره القي ابني مش انت قولت امك اخدت ابني وجابته هنا
آميربضيق منها: تعالوا ورايا
حماده عمال يقرب من البركه ورقيه متبعاه بعيونها ولما شافته هيقع قامت مدت بخطواتها تلحقه
سيرين شافته اتخضت بهلع:حماده لكن صرخت لما شافت رقيه مقربه منه وفي ايدها سكينه
سيرين صرخت: حماده
رقيه كانت قربه وخطفته في حضنها
سيرين: حماده تعال لـ امك انتي ازاي تاخدي ابني بالطريقه دي؟
رقيه ربعت ايدها حوالين صدرها: لا والله مسكتي مجرمه
سيرين بحده: ازاي تاخدي حماده في السر من غير ما تقوليلي
رقيه: لو قلت لك هتوافقي اخده
محي بهدوء: ايوه بس كان لازم تقوللها رقيه هانم
آميربحده خفيفه: عندهم حق يا مدام رقيه الي عملتيه مكنش صح الكل اتخض حقيقي
ايسل: اهدا الاول واسمع الي هتقوله امك ياآمير
رقيه: ده يضايقك في ايه حبيت اخد حفيدي افسحه واللعب معاه
نوال: ولو بتلعبي مع حفيدك ليه ماسكه سكينه
رقيه بعصبيه: بصي كويس انا بستخدمها بقطع بيها الفاكهه الي هأكلها لحماده
سيرين: لو عايزه تتفسحي معاه لازم تطلبي مني اذن الاول وخليني اجبهالك علي بلاطه انا مش واثقه فيكي
رقيه بصتلها ووسعت عيونها واتغيرت ملامحها
سيرين: انتي اخدتي حماده في السر ليه بالشكل ده ردي ده يعتبر خطف وانا ممكن ابلغ عنك
رقيه اتمالكت نفسها بالعافيه: لو تقدري اتفضلي
سيرين بتحدي: اقدر بس لسه الوقت مجاش
آمير بصلها بمعني عيب كدا!
سيرين طنشته وكملت : المره دي حماده بخير عشان كدا مش هاخد اي اجراء ضدك بس خاليني اعرفك لو حاسه ناحيتي بالكرهه او عندك مشكله من ناحيتي تعالي طلعي غضبك فيا انا مدخليش حماده فيه
رقيه بشخط: انتي بتقولي ايه؟؟
سيرين: بقولك اللغه الي تعرفيها لو فعلا جاده تعالي وجهيني شخص لشخص
وضمت حماده وطلبت من محي يروحها لكن أمير رفض وأصر هو الي يرجعهم لحد البيت
.............منه محمد........
سيرين بعد ماروحت اخدت حماده في حضنها وامير واقف متابع كلامها مع الولد
سيرين: حماده لو جدتك راحت المدرسه المره الجايه اوعي تمشي معاها اتفاقنا
حماده: ليه
سيرين: لانك هتكون في امان سواء معايا او مع ابله نوال فهمت ولا لأ
حماده ببراءه: بس تيته بتلعب حلو
سيرين: تقدر تلعب معاها بس لازم تكون امك او ابله نوال موجودين يله اوعدني انك مش هتروح مع جدتك تاني
آمير من غيظه شرب كاس ميه علي دفعه واحده وبلع ريقه
سيرين مدت الخنصر: يله وعد
حماده قلدها بتردد انه وعد
امير قرب منها بنظرة غريبة: انتي ليه مش واثقه في رقيه للدرجادي
سيرين: حماده نفس الامر مع الراجل ده حتي لو غواك باللعب الدنيا مينفعش تروح معاه اي مكان
آمير: مش واثقه فيا ودي مش مفاجأه لكن مدام رقيه انا مش فاهم ليه مش واثقه فيها انتي شوفتي بنفسك الولد كان مبسوط معاها
سيرين: انت متعرفش حاجه فتفضل اسكت بس قولي انت عرفت ازاي ان رقيه هتكون هناك
آميربنبره كلها حزن: فاروق مره قالي علي المكان ده وليها فيه ذكريات فاروق قالي لما كان طفل كل يوم سبت بابا كان ياخد رقيه واخويا يلعب هناك المكان ده بيخالي رقيه اسعد شخص وتقدر تبتسم بس مع الاسف بعد الي حصل النهارده يمكن تكون اخر مره تكون مبسوطه فيها انا خمنت وقولت يمكن حبت تاخد حماده تستعيد الذكريات هناك (قرب منها) تعرفي حاجه ليه مفكرتيش لحظه ان مدام رقيه تاخد حماده هناك ليه
سيرين فكرت شويه ايه السبب ياتري؟
آمير كمل وجاوب لحيرتها:اليوم الي جه حماده البيت هنا خلاه مدام رقيه تبتسم زي ما كانت دايما بشوفها يمكن سبب الابتسامه دي لانها افتكرت فاروق بس ارجوكي اتمني بلاش تدمري سعادتها شيرين خالي رقيه تلعب مع حماده براحتها جده وحفيد ده حقها
حماده: انا عايز العب مع تيته
سيرين عيونها فيها حيره توافق ولا ترفض وبصت لـ آمير الي ابتسملها
..............منه محمد...........
رقيه قاعده لوحدها وبتفتكر كل كلامها واتهامها الغير مبرر اطلاقا
قربت عليها ايسل: ماما قاعده بتعملي ايه لوحدك؟
رقيه: بفكر هو الي انا عملته غلط كبير ليه الكل بقي في حاله صدمه وحسسوني اني عملت جريمه كبيره كل الي عوزته اللعب مع حفيدي وبس! اشتقت لفاروق وحماده فيه شببه كبير منه
ايسل بحزن كبير: لو كنت قادره اخلف ليكي حفيد يمكن مكنش حصل الي حصل
رقيه مسكت ايدها بحنان لما شافت عيونها اتملت بالدموع: ده مش ذنبك يا ايسل اوعي تلومي نفسك
ايسل: انا فاهمه شيرين يا ماما انها مش واثقه في حد فينا يمكن ده لانها واجهت مشاكل كتير في حياتها
رقيه: انا نفسك واجهت مشاكل في امور مؤلمه توجع القلب اوعي تفكري اني مش حاسه بيكي يا ايسل
ايسل: اتحملت لاني حبيت فاروق يا ماما عشان كدا اتحملت امور صعب اي واحده تقدر تتحملها
رقيه: كلنا بنحب فاروق وبما ان حماده ابن فاروق عندي الحق في حفيدي محدش يقدر يفرقني عنه وانا مستحيل اسمح بده
ايسل بصتلها وجسمها كله ارتعش والدموع ملت عيونها
......الضوء الخافت.....منه محمد.....
في غرفه سيرين في الموبيل
محي:انا كلمت المدرسه وحذرتهم بالامر وكدبت عليهم وقولتلهم ان مش جدته الي اخدته وومنوع حد غيري او انا ووالدته الي ناخده والا هقدم شكوي في المدرسه
سيرين: شكرا يا استاذ محي والي حصل النهارده متقولش عنه لشيرين
محي بهدوء: فاهم كفايه انها بعيد عنه وده مخليها في حاله قلق ولو عرفت بالي حصل ده هيقلقها اكتر
سيرين: فعلا مش هقولها
محي: تمام عايزه اي حاجه
سيرين ببتسامه: اشكرك جدا وتصبح علي خير
محي: وانت من اهله سلام
.............منه محمد........
قاعده تاكل البط فوق تابه عاليه ومندمجه معاهم جدا واتصورت وارسلته الصور
استقبلت منه رساله= انا اسف مش هقدر ازورك الفتره دي اعتني بنفسك كويس
هي وشها اتغير وكتبتله = ربنا معاك ومن غير ما تاخد بالها فتحت قفل الكرسي بسرعه والكرسي اتحرك وكان هيتقلب بيها لقت ايد مسكتها بكل خوف وحضنتها: مدام شيرين
رفعت عيونها عليه: استاذ محي
محي: مش تاخدي بالك كنتي هتعملي ايه لو انا مجتش في الوقت المناسب! ليه انتي مشاغبه كدا
شيرين بستغراب: جيت هنا ازاي قصدي مش قولتلي انك مش هتقدر تيجي
محي ابتسملها: حبيت اعملهالك مفاجأه بس انا الي اتفجأت وحط كياس كتير قدامها
سيرين: ايه الحاجات الكتير الي انت جيبها
محي: ابدا عارف انك مش هتقدري تنزلي حاليا البلد قلت اجبلك كل حاجه بتحبيها ولاني جايز مقدرش اجي ازورك لفتره طويله جبتلك حاجات تقتلك الملل والزهق شوفي جبتلك شويه افلام لما تحسي انك زهقانه رومانسي علي كوميدي سيرين قالت لي انك بتحبي النوع ده من الافلام قلت اشترهملك كلهم ودي لوزام الخياطه قلت يمكن تحبي تعملي حاجه لحماده ودول يا ستي انتي شويه ادوات ترسمي عليهم جراب الفون قلت يمكن تحبي تعمليهم وتبيعي اون لاين وجبت كل الالوان وانتي بقي اختاري وده بنبوني اكلت منه بس لذيذ
شيرين: استاذ محي
محي رفع عيونه وبصلها: افندم
شيرين: متهتمش بيا اكتر من كدا ارجوك انا طلبت منك تهتم بسيرين وحماده وبس مش عايزه ازودك حملي كمان انت صديق ممتاز وانا مش حابه استغل الصداقه دي المره الجايه لو اشتريت حاجه بجد هعنفك
محي بصلها: تعنفيني
شيرين: انا بقولك الصراحه
محي ضحك: اوك خلاص مش هشتري بس الاول دوقي البنبونيه دي من ايدي
...............منه محمد.......
رقيه بعد ما لعبت مع حماده ورقص وتنطيط في حضور نوال يادوب بتضرب بعينها شافت سيرين قاعده مراقباهم بصتلها بغيظ وقامت فاتت من جنبها ودخلت عليه ببركان طافح
رقيه: امير انت اتفقت ايه مع الست دي
آمير: ليه عملت ايه تاني
رقيه: اتفضل اطلع شوفها بنفسك
آمير قفل كل الملفات الي قدامه بغضب وراحلها عند البسين بيزعق فيها: انتي وبعدين معاكي انتي دمرتيلي يومي كله مش عارف اشتغل بسببك
نوال مستغربه الزعيق ورقيه واقفه فرحانه فيها!!
آمير :نوال خدي بالك من حماده من فضلك شكريه تعالي خدي الكرسي حطيه في شنطه العربيه وورفع سيرين من فوق الكرسي بسرعه وهي مسكت فيه بقوة) وانتي تعالي في حضني
سيرين بتعافر : انت براحه وبتعمل ايه نزلني
أميرضمها لصدره: لا احنا اتفاقنا خلاص لازم تسيبي مدام رقيه تلعب مع حماده
سيرين: وانا سمحت بده وكنت براقبهم من بعيد
آمير: لازم تتعلمي تثقي في الناس شويه
سيرين بحده: انا مش واثقه فيك انت اصلا اوعي سبني
آمير: لا مش هنزلك ( ولف وابتسم لرقيه)
سيرين: نوال الحقيني نوال شاورتلها قدامه بضعف ورقيه مبسوطه جدا انها اتخلصت منها
سيرين: انت واخدني علي فين انت شايف انا مقدرش امشي هتفضلي تشلني من هنا لهناك
آميربصدق: حتي لو بتمشي هفضل اشيلك او هتبقي معايا برغبتك
سيرين بعصبية : اسمع انا لازم ارجع اطمن علي حماده سبني
آمير: مش هسيبك لو سبتك هتفضلي ترقبيها ورقيه مضايقه منك وكل شويه هتيجي تشتكيلي وانا مش هسيبك
سيرين بتخربشه من كتافه: انا مش عايزه ابقي قاسية
آمير: بطلي تضربي ايدك جامده
سيرين: انا مش واثقه ان امك مع ابني مش مطمنه انه يكون في امان
آميركشر: امان !نوال هناك ليه بقي مفيش امان ولا مش واثقه في نوال هي كمان
سيرين: لا طبعا واثقه في نوال
آمير: طالما واثقه يبقي سيبي الامر رقيه طالبه ساعات يا قلوقه هانم وبطلي بقي ام الجنون ده
وبطلي تعملي من الحبه قبه وتضخمي الامور
سيرين بشراسة: انت
آميرحط ايده علي شفايفها: بص طالما هنخرج تعالي نلعب
سيرين: انا مش هروح معاك اي مكان وشدت ودانه سبني بقولك
آميرعض ايديها بغيظ: مش هسيبك بالعند فيكي
..............منه محمد.................
في العربيه بعد ما دخلها لف وقعد مكان الدركسيون ومد ايده شغل اغنيه شاكيرا الي بتحبها ومسك موبيله كتب رساله لغاده= طمنيني الاجتماع تم علي خير مع العميل انا اتصلت واعتذرتله واسف ليكي
غاده كتبت= معلش كنت مشغوله طول اليوم يا امير مردتش عليك لاني مقرتش رسالتك انا حاليا مع ايسل عند الدكتور انت فين حاليا ممكن تيجي نقعد شويه
آمير= اسف انا مش فاضي حاليا خاليها مره تانيه
غاده كشرت ورمت الموبيل بعننف علي الدسك لقت ايسل قدامها سالتها :خلصتي الجلسه
ايسل: ايوه وشكرا انك جيتي معايا نقدر نمشي دلوقت
وخرجوا يتغدوا في اقرب مطعم في سكتهم
...........منه محمد..............
امير اخدها جوه مول كبير وقعدها علي الكرسي يلف بيها: بقولك تحبي تعملي اي حاجه بشكل خاص
سيرين: لا عايزه ارجع البيت لاني مش عايزه اضايق
آميرابتسم بخبث: عايزه ترجعي البيت بجد عنيا عشانك وجري بيها بسرعه) يله نرجع
سيرين: والله العظيم انت عيل ومجنون
آمير مستغرب نفسه جدا ليه دي الي بتخطفه برائتها واخلاقها البشوشة!!!!
اخدها وقعدها في كافيه وطلب اتنين ايس كريم بالشكولاته
سيرين: ليه جبتني هنا
آميرابتسم برااحه ابتسامة واسعه: ابدا بس عارفكم انتم الستات بتحبوا الايس كريم وتتصوره سلفي يله شهلي خدي موبيلك وصورينا قبل الاكل
سيرين: ماعدا انا لان ده اسمه غباء وبصوت اعلي انت بقي من الناس المجانين بالصور السلفي
الكل بصولها علي صوتها العالي وآمير بص للناس وهي كمان وخلالها لفاه دماغها وحطلها معلقه ايس كريم بالعافيه في بؤها وضحك بستمتاع
سيرين : ايه الي انت عملته ده
آمير : كلي يله
سيرين: انا مش بحب الشيكولاته
آمير: ليه الشكولاته حلوه يله كلي وتبقي شرسه شبه الكلب
سيرين بصتله بغيظ وحقد كبير واخدت معلقه ايس كريم لحوست وشه وهو كشر شويه وهي ضغطت على ايدها جامد بتحاول تكتم ضحكتها علي منظره
وبعد ما خلصوا اخدها وراحوا لقسم الشنط قرب من الرف واختار شنطه شيك: اظن الشنطه دي جميله
سرين بصتله ومردتش عليه
آميربصوت ارتفع شوي: جميله ولا لأ
سيرين نفخت: جميله ارتاحت
آمير ابتسم لها بهدوء: تاخديها ولا لأ
سيرين: انا عندي شنط بالعبيط ليه اشتري تاني واكون انسانه مبذره
آمير: بس الفلوس الي ورثتيها من اخويا كتير
سيرين: انا شايله الفلوس دي عشان حماده دي امانه لازم احافظ عليها لحد ما يكبر( وزقت الكرسي وسابته ومشت)
آمير بصلها بأعجاب من تفكيرها وحكمتها وان عقلها كبير رغم سنها صغير
امير راح وراها: ها تحبي تروحي فين
سيرين ردت بيأس: سبتهولك انت يا مستبد
آمير: سبتهولي انا اممممم
سيرين قلدته بغيظ: اممممممم
امير لفها بالكرسي في وشه: لما اخترتلك معجبكيش هي دي المراه المصريه الاصيله متعبه
سيرين: عرفت اروح فين؟؟
وراحوا يلعبوا لعبه المسدسات والتصويب على الخصم وهي كان الحماس واضح على وشها البريء الي هو بيعشق كل تفاصيله
امير بهيصه: هيييه انا الي فوزت
سيرين ضربته في دراعه: انا الي فوزت عليك
آمير: ماهو برضه بسببي يله نلعب سوي ورفعها وسط الناس وحطها قدام شاشه كمبيوتر وهي فرحانه وسعيده شافتهم ديدي صورتهم كذا صوره ووقفت علي جنب وارسلتهم لمني امها الي استقبلتهم وهي في السونه وكانت فرحانه بيهم جدا وارسلتهم لغاده الي قاعده تتغدا هي وايسل غاده فتحت الموبيل وشافت الصور وجن جنونها ايسل بصت لملامحها الي اتغيرت بشده وقامت عشان ترجع البيت
......منه محمد..........
واقفه عيونها رايحه جايه عايزه بس تلمحهم شافتهم داخلين بيهزروا وسيرين بتحاول تضرب امير وهو عمال يعاكسها بحركات بالكرسي وابتسامه هتشق السما لا مش ده امير الشاب العاقل الرزين الي كل حركه كان بيعملها حساب وحساب اتمنت لو تخلص منها بسرعه وترتاح من خيبه الامل!
مني جات من وراها: شيرين طلعت مش سهله ابدا خلت اختك علي الهامش فعلاودلوقت بتبعد امير عنك ياحرام
غاده اتنهدت بضيق: مني انتي بتتكلمي عن ايه؟؟؟؟
مني: انا مش طفله مش هفهم تفكيرك ناحيه اخويا
غاده بصتلها بضيق وماشيه
مني وقفتها: بس بجد رغم امير ابن العشيقه بس في النهايه اخويا الصغير والي لو لقيته حب واحده مش مناسبه هخسر منظري قدام الناس وانتي اختي حبيبتي
غاده بحده: مستحيل امير يحب زوجه اخوه
مني: وانتي مفكره واحد زي امير هيقدر يواكب خداع الست دي الست دي شيطانه حتي خلت ايسل اعترفت بالهزيمه قدامها وانتي عكس ايسل مستحيل تسمحلها تهزمك ونصيحه اياكي تكوني بطيئه وترجعي تقولي مني محذرتكيش
غاده الود ودها تصرخ لما العالم يسمع صوتها وتروح تصرخ في امير وتقوله انها بتحبه بجنون
لمعت دمعه بعينها: لا انا الي ههزمك يا شيرين
....................منه محمد.........
سيرين دخلت تاخد شور وقعدت فتحت الموبيل فيديو كول
محي:ده بيت صديقه رقيه الي راحتله من سنتين وشوفت الكاميرات بس مفيش ولا كاميرا منهم خزنت الصور من سنتين
سيرين: لان ده من فتره طويله اكيد حذفوها
نوال: لحظه سيرين بس انا من خلال وجودي مع رقيه حسيت انها مش الجاني غير كدا كمان بتحب حماده اوي
سيرين: بس الشخص الي عنده مرض السكر هي رقيه
نوال بصت لمحي في الكاميرا: واحتمال يكون الدواء مش للمجرم
محي بتأيد: علي فكره الي بتقوله نوال منطقي ليه الجاني هيجيب معاه دواء السكر يمكن خطه عشان يدللنا عنه
سيرين: بس برضو مش هقدر ابعد الشبهه عن الي في البيت الكل مشكوك فيه بس 3 شهور وقت قليل جدا ومن ساعه حادثه العربيه الجاني معملش اي حركه تانيه
نوال كشرت ونفخت بستياء: فعلاوبسأل ليه هو هادي كدا!
سيرين: بس انا مقدميش وقت ولازم اوصل الي وعدتي بيه اختي شيرين
محي: بتفكري في ايه
سيرين ضيقت عيونها اوي: بفكر لو المجرم فضل هادي كدا يبقي نحاصره
................منه محمد........
في الشركه الكل قاعد حوالين طربيزه الاجتماعات
آمير بهدوء: اعتقد ان حفله الاعتزار للعميل هتزود وتحرك نسبه مبيعاتنا
ايسل: انا موافقه واتفق مع آمير لاننا مش قادرين نتواصل مع العملاء القدام من فتره فاروق الله يرحمه كدا ممكن نعزز الشركه وغير كدا كمان هنقدم مكسب للشركه
مدحت: فعلا يا حماتي لو عرفنا العملاء انك رئيسه الشركه سمعه الشركه هتزيد جدا
رقيه: ست كبيره في السن زي هيشفوها دميه الشخص الي بيشتغل بجد هما انتم بس اوك خلونا نجهز للحفله لو هتفيد الشركه معنديش مانع
آمير: اعتقد ممكن نعمل حمله للعملاء لو العميل اشتري عربيه من شركتنا نقدمله تخفيض
ايسل: فكره هايله يا ماما
رقيه: تمام ها مين هيكون المنظم
ايسل رفعت ايدها: انا فاضيه وجاهزه وحنظمها
آمير: غاده ساعدي ايسل وتهتمي بالصحفين
غاده ببتسامه: متقلقش
مني: من ناحيه الدعايه متقلقش انا هنظمها بنفسي ماما اظن الحفله دي نقدر نستخدم فيها شيرين ونستفاد منها
رقيه حطت ايدها تحت دقنها: ازاي يعني
آمير رفع دماغه وبصلها بضيق
مني: لان الصحفين بيحبوا اخبار القيل والقال نستخدمها كطعم نصطاد بيه الصحفين في الحفله
رقيه بتريقه: انتي بتستخدمي اي جزء من عقلك ها
مني بأحراج: ماما الله انا بساعد في الشركه
آمير: مني الي بتقوليه ده والي بتفكري فيه هيدمر سمعه الشركه
مني بصتله بتعجب
ايسل: فعلا شيرين هتقتل نفسها بعد الحفله
رقيه ضربت سطح الطربيزه: فهمتي ولا لا وممنوع تدي اي معلومات بخصوص شيرين فاهمه
مني نفخت بضجر: خلاص فهمت
آمير بصلها بشك وهي بدلته نفس النظره
.........منه محمد............
واقف معاها في الجنينه وبيكلمها عن الحفله
سيرين: اي حفله دي مش هروح طبعا
جه من وراها لقاها قاعده معاه الغيره مزقته وحب يضايقها
آمير: هايل
لفت وبصتله بغيظ
أمير: لان محدش طلب منك تروحي
سيرين بعصبيه وغضب عليه: حوش هموت واروح ..الحفلات دي للناس الي بتحب تتباهي انا لا مجتمع لابس قناع حتي لو هموت مش رايحه
آمير بصلها بحتقار: كويس انك بتفكري كدا
سيرين بحمقه: انا عندي حاجات اهم لازم اعملها والاهم اني مش شاطره في التمثيل زيك
آمير لسه هيرد عليها
سيرين سفهته ولفت لمحي: استاذ محي يله نمشي من هنا الجو هنا بدء يكون قذر اوي
امير بهتت ملامحه لأنه بيكره أن اي حد يطنشه مهما كان وبصلها بغضب ورجع بص لمحي
محي بأحراج: امير بيه انا اسف وشدها بالكرسي
...............منه محمد.........
سيرين: كدا يوم الحفله محدش هيبقي موجود في الفيلا الرئيسيه كدا الطريق هيكون خالي لينا ندور ونحقق
نوال بصتلها ورفعت انفها لفوق
سيرين: لو قدرنا نفتش كل اوضه يمكن نلاقي دليل او اكتر
نوال: انتي مفكره ان المجرم حيكون غبي وسيبلك دليل قدامك
سيرين: كل ما المكان يبقي خطر يبقي اكتر امان
محي: انا متفق مع كلام الانسه سيرين
نوال: طيب ايه الي هندور عليه
سيرين: كل حاجه واي حاجه اي شئ تشوفيه مفيد جمعيه كله الجاني الي مستخبي بقاله فتره بالشكل ده اكيد عنده اسرار كتير وهنلاقي انشاء الله
نوال بحماس: تمام مستعده
.........منه محمد......
يوم الحفله الكل كان في ابهي صوره وامير واقف يرحب بالعملاء ومعاه غاده واخد غاده وطلعوا الاستدج يتصوره كذا صوره للصحافه
صحفيه ما: فيه اخبار وصلتنا ان مدام رقيه هتستقيل قريب ياتري هتسيبي المنصب لمين؟
مراسه اخري: اكيد مدام مني لانها بنتك الحقيقيه
مراسل: ولا مدام ايسل
مراسل تاني: ولا امير بيه
رقيه شاورتلهم بالسكوت: مش هقدر اجاوب علي السؤال ده حاليا لان الامر مجرد الهام فلازم اخد وقتي افكر كويس جدا اخد القرار الي يعتمد عليهم في شغلهم ومش مهم اديه لمين بنتي او ابن جوزي الكل ليهم حقوق متساويه
ايسل: انا بعتذر للكل لان الوقت بدء للحفله تقريبا اسمحوا لمدام رقيه تروح تستعد
رقيه بأسلوب مهذب: اسمحولي
مني ببتسامه: يله يا ماما بعد اذنكم يا ساده
غاده وهما نازلين مثلت انها اتكعبلت ومسكت ايد امير الي سألها: انتي بخير
غاده: ايوه بس يظهر الكعب عالي جدا ومقدرتش امشي بيه ممكن تمسك ايدي
صحفيه لما شافتهم بالوضع ده سالتهم: امير بيه ممكن نجري معاكم حوار سوي
مراسل: انتم مرتبطين
كل الصحافه: ايوه فعلا عاوزين نعرف لو سمحت وايه العلاقه الي بينكم
امير: احنا شركاه هايلين في الشغل
مراسله: ايوه بس دي مش اجابه انتم فيه بينكم ارتباط عاطفي
الكل بدء يسأل نفس السؤال الي خنق آمير جدا
غاده من سكوته ردت بضيق: سوري يا جماعه متطلبوش من امير الاجابه دلوقت اسمحولنا نرحب بالضيوف
آمير ساب ايدها: عن اذنكم ونزل بسرعه
غاده: اتفضلوا جوه الحفله لو سمحتم
ووقفت مبسوطه من الحركه والصور
......منه محمد.......
رقيه بعد ما رحبت بالعملاء وقفت علي المنصه واتكلمت في اليكرفون: حفله اليوم بخلاف اننا نظمنا الحفله بشكر كل العملاء الي وثقوا في شركتنا طول الوقت ورفعتوا معنويتنا احنا وكل الموظفين بعد ما فقدنا ابني فاروق عارفه ان فيه منكم حزين بس الفراق مكتوب دي طبيعه العالم بغض النظر نحب ده او لا بس مفيش حاجه بتتغير امر الله نفذ وانا عازمه اكمل مشوار ابني فاروق وده ععتبره وعد افضل اهتم بعملاء الشركه لانكم الشخص الاهم
الكل صقف في حراره
ديدي بعد ما خلصت رقيه كلامها وقفت ومسكت الميكرفون: دلوقت كل الضيوف تتفضل للاحتفال
ابتدي ينزل ورد ملون من السقف بمنظر مهول والكل استغرب انه بينزل لان محدش نظمه
ومع الورد بينزل ورق مطبوع وبيطير في كل حته وبينزل علي الحشد الموجود من الضيوف
ايسل نخت واخدت ورقه وقرئتها وكذالك امير
ايسل بصدمه كبيره: مين الي عمل ده؟؟!!
غاده: ايسل ايه الموضوع؟!
ايسل نولتلها الورقه الي قرئتها ووشها اتحول لغيظ
آمير عمال يلف شمال ويمين بذهول!!
دخلت سيرين لابسه فستان سهره اسود راقي جدا مطعم باللؤلؤ مع بشرتها البيضه وتسرحتها الانيقه كانت فاتنه ووراها محي بيدفع الكرسي المتحرك آمير شافها والغضب ظهر علي وشه
ايسل بدهشه: شيرين!!!!
سيرين داخله علي الضيوف بأجمل ابتسامه والكل في حاله تسأل مين دي؟؟!
ومني مبتسمه في خبث ملعون
فاتت من قدام آمير الي واقف بكل غضب العالم
رقيه بندفاع وشر: ليه جيتي هنا
سيرين مدت في وشها كارت: معايا بطاقه دعوه يا ماما رقيه انتي ليه بدئتي الحفله من غير ما تنتظريني
حصل هرج ومرج والف سؤال عمال يطرح من الضيوف والصحفين ورقيه وآمير نظراتهم حتقتلها
ايسل: امير عندك علم بده
أمير واقف صنم: لا معنديش الست دي مصممه تصدمني طول الوقت
غاده: الصدمه الي بجد انها ناويه تدمر العايله
رقيه بغضب: جبتي الدعوه دي منين ومين الي ادهالك
سرين ابتسمت وافتكرت مني لما رحتلها لحد غرفتها وادتها الدعوه وبخت سمها
=روحي الكل لازم يعرف انتي مين ليه تبقي مهمشه انتي زوجه آمير العصامي حقك تكوني كتفك في كتفه
سيرين ردت بكل هدوء: مش مهم مين دعاني بس سؤالي هو انتي مش هتقدميني لضوفك الكرام
رقيه صدرها طالع نازل من النار الي قايده فيه وآمير واقف كأنه مدلوق عليه جرد ميه مثلج
سيرين بطريقه مستفزه: مش مهم انا اقدم نفسي بنفسي ولفت للضيوف) اهلا وسهلا بحضرتكم انا شيرين من عايله العصامي الزوجه التانيه لفاروق العصامي
ايسل بصتلها بنظرات ناريه ورقيه كأنها بتطلع في الروح ومنظر امير لا تتخيلوه
مراسله: شيرين انتي زوجه السيد فاروق العصامي
مراسه تانيه: وفعلا فاروق كتبلك كل ثروته
مراسل تاني: وعقد الزواج من آمير بيه ده حقيقي قوللنا ارجوكي
رقيه نزلت من الغيظ
مراسله: انتي زوجه السيد فاروق بس حاليا زوجه اخوه امير العصامي
رقيه نست الحشد واتكلمت بكل غضب وقسوه: امير خد شيرين برا الحفله حالا
ايسل: وانا هتعامل مع الصحفين يا ماما متقلقيش
امير راح لسيرين بغل يخرجها برا بس اتفاجأ بسؤال لجمه من صحفيه: امير بيه انت علي علاقه مع انسه غاده بس انت متجوز زوجه اخوك كستار
مراسله: بس انت متجوز من مدام شيرين
ايسل بهجوم: اظن دي مسائل خاصه بالعايله ومسائل شخصيه واحنا مش مضطرين نرد علي اجابه اسئله من النوع ده
صحفي: مدام شيرين جات الحفله ياتري مكنش عندهم علم انك جايه ولا هي جات كأهانه لمدام ايسل الزوجه الاولي
الكل: ايوه محتاجين اجابه
آمير حس بأن حد ضربه على رأسه ضربه قويه !
ايسل صرخت فيهم بفزع: احنا مش مشاهير مش لازم تفاصيل حياتنا تبقي في العلن
سيرين ابتسمت بثقه: فعلا انا نفس رايك احنا عايله واحده ليه نتعمد اهانه بعض (ولفت ومسكت ايدها بخبث ) احنا قريبين جدا مش كدا يا ايسل
مراسل: فعلا انتم كدا مع بعض؟
آمير بشويه انفعال: يله نمشي
سيرين: انا لسه مجاوبتش علي الاسئله
أمير صرخ فيها بحقد: كفايه ويله
مراسله: يعني فاروق العصامي وآمير بيه العصامي ليهم نفس الزوجه
المراسلين نزلوا اسئله لـ ايسل الي واقفه ومش عارفه تنطق ولا ترد ومره واحده حست ان الرؤيه عندها زغللت والصوره مبقتش واضحه ونفسها بيتكتم من التزاحم
ايسل صرخت فيهم: كفااااااايه
الكل سكت وحصلت همهمه ما بينهم
ايسل بدئت تتماسك: اليوم بمناسبه الحفله لتقدير العملاء ومش هجاوب علي اي سؤال خارج نطاق الشركه
مني بصت لمدحت وابتسمت بفرحه
ايسل: انا بعتذر وهي خارجه الكل ادافع عليها بكم اسئله وحصل شد وجذب ايسل نفسها انكتم ووقعت مغمي عليها علي ايد محي الي دخل وسط الحشد ولحقها
غاده: استاذ محي خد ايسل بعيد لو سمحت
محي رفعها بين ايده وخرج بيها
المراسلين بفضول: ياتري فقدت الوعي ولا بتتظاهر عشان تهرب
رقيه حبت تلهيهم عن ايسل مسكت الميكرفون ووقفت: لو سمحتم الي عايز الاجايه يتفضل عندي هنا
مدحت ابتسم: انتي هايله فعلا
مني: قتلت 3 عصافير بحجر واحد شيرين بقت خطافه رجاله وآمير ادمر وايسل ياحرام ظهرت الست الضعيفه الي لا ليها لا حول ولا قوه ولا تقدر تساعد نفسها يمكن العملاء والمراسلين يشوفه الصوره هيدعموني احل محل امي
مدحت: برافو عليكي
.......منه محمد......
محي اخدها وراح بيها اول غرفه قابلته وقعدها تسترد نفسها
محي: لما توضح الامور الي برا هطلب من اي حد يوصلك
ايسل: ليه ساعدتني؟
محي بصلها بستغراب من هجومها
ايسل: انت دايما منحاز لشيرين مش كدا
محي بهدوء: انا مش بنحاز لـ اي شخص انا بنحاز مع العدل وانا موظف عند عايله العصامي واجبي احمي الكل من ضمنهم انتي ومدام شيرين
ايسل وقفت قصاده: حمايه انت جبت شيرين لحد هنا عشان تسحقني ولسه بتسميه حمايه يا استاذ انا بصدق الافعال مش الكلام والمره الجايه اياك تساعدني تاني
محي: بس انتي محتاجه لمساعدتي حاليا ولو مش عايزه تبقي حوالين المراسلين ومترديش علي اي سؤال خليكي هنا عن اذنك
سابها ومشي وهي رجعت قعدت بضعف وكل خليه فيها بتتنفض من الغل
............منه محمد........
امير دخل بيها وبعصبيه ساب الكرسي يتحرك لوحده لحد ما وقف بيها وراح وقف قصادها
آميربغضب: ليه عملتي كدا عايزه توصلي لـ ايه؟
سيرين بهدوء قاتل: عايزه اعرف الناس ان انا هنا موجوده
آمير بنرفزه: لدرجه تطبعي عقد الجواز وتوزيعه علي الناس في الحفله كدا بالشكل ده
سيرين: انا معرفش بعقد الجواز
أمير قطعها بجنون: كدابه لو مش انتي امال مين مفيش حد غيرك عايز يدمر سمعه عايله العصامي
سيرين بنفس البرود: بس انا معملتش كدا ولو عملت هقول انا عملته مش هخبي ولا هكدب واظن عقد الجواز معاك انت لانه حاجه مفتخرش بيها عشان اقول للدنيا عنه وكمان مش غبيه عشان اضيع فلوسي واطبع مجرد هبل
امير قرب منها وبحده: انا كمان يوم ما اتجوزتك وحطيت اسمي جنب اسمك كان اكتر يوم محرج في حياتي
سيرين وشها اتاخد واتخطف
آمير بنبره بتهديد: سبق وقلت لي بلاش نحكم علي الناس قبل ما نعرف حقيقيتهم النهارده انا عرفتك علي حقيقتك انتي اتجرئتي تلعبي معايا وانا مش هقصر هلعب معاكي بس اتحملي لعبي واياك تلومني لاني سبق وحذرتك
انتظروني واحداث من نار رايكم رايكم عشان اعرف اكمل ولا اقف لحد هنا