الضوء الخافت

البارت الثالث عشر

البارت الثالث عشر
الضوء الخافت
منه محمد
دخلت مكتبه بيلف بالكرسي لقاها داخله واغلقت الباب
سيرين: انت كمان قاسي
امير رفع السبابه في وشها: وانا مش قادر افهمك بجد بتفكري في ايه ليه كنتي علي استعداد تلعبي لعبتها رغم عارفه هتكون ايه النتيجه
سيرين رفعت كتافها: بس انا مش بلعب لعبه حد انا بلعب لعبتي انا ومش عايزه اخسر ابدا
آمير وقف قصدها وحط ايده الاتنين في جيوبه وهز رجوله: مش عايزه تخسري  طيب ليه بتتصرفي وكأنك متملكيش حق المقاومه انتي علي استعداد تكوني شخص كل الناس تلعنه وتدعي عليكي ليه تسمحي لحد يستغلك ده مش انتي
سيرين : انت شايفني معنديش قلب كدا  عايزني اشتم واهزق العميل انت شايفني مش متربيه لا يا امير بيه انا متربيه وعندي اخلاق عاليه جدا و الشئ الاهم بالنسبه لي اني بتدرب بقسم التسويق وانا حبيت احفظ ماء وشي عشان قائد القسم بتاعي الي خسر سمعته لان فيه انخفاض في نسبه المبيعات
آمير بصلها بتريقه: لسانك بينقط شهد طيب ممكن اعرف لو انا مجتش وساعدتك في الوقت المناسب كنتي هتكوني كويسه زي لسانك
سيرين: اممم انت بتطلب مني اني اشكرك بالذوق
آمير: ايه مقدرش اطلب
سيرين: تمام شكرا جزيلا امير بيه
آمير: لو مش حساه متقلهوش
سيرين: انا شكرتك خلاص اظن الناس لما بتعمل خير لازم يلاقوا كلمه شكر انا ماشيه
آمير مسك ايد الكرسي ولفها ناحيته: اسمعي انا مش  من الناس الي بتعمل خير عشان يلاقوا  قصدها كلمه شكر انا بعمل ده من واجبي عشان احمي الناس تابعي الامر الي عملته غاده اليوم هتاخد عقابها عليه لان انا مش بسمح لـ اي حد في اي مكان انه يستغل الشئ الي يخصني اطلاقا
سيرين طول ما هو بيتكلم مركزه عليه وحاسه ان جواها مشاعر كتير متلخبطه وهو ابتسملها واتمني تفهم ما بين السطور
سيرين: شكرا بجد
آمير بصلها كتير وابتسم ابتسامته الجميله الي بتخطف القلوب من حلواتها
...........منه محمد............
بالليل رجعت سكرانه والخدم مسندنها ايسل نزلت علي الصوت: فيه ايه؟؟
غاده بتزق الشغاله وبتصرخ: اوعي سبيني
شكريه: ابدا سمعت صوت الجرس جريت اشوف مين لقيت ست غاده نايمه قدام الباب بالمنظر ده وحواليها ازايز كتير متكسره
ايسل بهدوء غريب: تمام نضفي المكان من اي حاجه موجوده ومتجبيش سيره لرقيه هانم مش عايزها تعرف عن الامر ده وانا هاخد غاده لغرفتها بنفسي
شكريه: حاضر يا هانم
ايسل راحت تستند غاده الي عماله تصرخ: لسه عايزه اشرب
ايسل: اخدتها فوق ورمتها علي السرير بكل قوتها!!!
غاده بصراخ: فين الوسكي فين؟؟
نزلت من فوق السرير علارض وفضلت تسحف: عايزه اشرب عايزه انسي
ايسل راحت جابت كاس ميه وحدفتها علي وشها
غاده صرخت ومسحت الميه من علي وشها وشعرها: ايه ده
ايسل بعصبيه: ليه مش قادره تتصرفي كويس انتي عارفه لو مكنتش هنا ورقيه شافتك كانت طردتك في الشارع من زمان بسبب تصرفاتك
غاده بصوت مخنوق: امير مبقاش يحبني يا ايسل
ايسل: هو عمره ماحبك اصلا
غاده فضلت تصرخ وتضرب الارض: لا مش حقيقي
ايسل بتعنيف: لا حقيقي
غاده بتصرخ زي المجانين: لالالالالالالالا
ايسل: بطلي التصرفات بالطريقه دي انك تبقي مسكينه لو لمره واحده
غاده بهجوم: انتي المسكينه هنا يا ايسل انتي غيرانه مني لما بتحسي اني هبقي سعيده مع امير انتي مبتبقيش مبسوطه
ايسل: بطلي تقولي كلام خايب
غاده: انا مش بقول كلام خايب انا بقول الحقيقه عايزه تباني انك العاقله الراسيه طول الوقت واحسن مني بأستمرار عشان كدا خايفه ومرعوبه انك تخسري قدامي لما يبقي في حياتي راجل بحبه وبيحبني
ايسل رئكشنات وشها اتحول وعيونها بقت كاسات دم!!
غاده: اقولك علي حاجه انتي مكنش عندك زوج بيحبك ابدا ومحدش رعاكي ولا اهتم بيكي جوزك حب واحده تانيه وبقت كل حياته وده بسببك
ايسل ضربتها قلم: اخرسي
غاده من قوه القلم طارت علي السرير
ايسل: متخلنيش افقد صبري معاكي بسرعه وانا الي اطردك من البيت لاني مش ههتم بيكي بعد دلوقت ولو عايزه تعملي حاجه اتفضلي اعمليها وسابتها ومشت
غاده بصراخ : انتي خسرانه خسرانه
وايسل دخلت اوضتها ونزلت قعدت وري الباب وانهارت في العياط وحست بالقهر والظلم
......منه محمد.........
في مكتب مدحت زوج مني معاه السكرتيره تالا او عشقته
تالا ميلت علي سطح المكتب بدلع: وقع علي المستندات دي
مدحت مسك ايدها: انا زهقت من الشغل
تالا: زهقت انت كل الي هتعمله هتمسك القلم وتوقع
مدحت: ليه منعملش حاجه امتع ونتسلي
تالا راحت اغلقت الستاير وقفلت الباب بالمفتاح ورجعت قعدت علي الكنبه السوده الجلد ورفعت الجيبه لفوق : ياتري نعمل ايه؟
مدحت: ابدا تقلعي كل قطعه لمسه جسمك وقصاد كل حته هتخلعيها هحولك 50 الف جنيه
تالا بفرحه: لو خلعت كل هدومي كدا هيبقي معايا مبلغ كبير اقدر اعمل عمليه تجميل في عيوني حول بسرعه علي ما اقلع كل هدومي
مدحت حط رجل فوق التانيه ومسك الموبيل يحول لحسابها وتالا بدئت تخلع هدومها وتحدفهم عليه وهو علي شفايفه ابتسامه شهوانيه
في نفس الوقت مني جايه قربت من الاستعلامات/ مدحت بيه موجود
البنت برتباك:  ايوه
مني مشت راحت للاسانسير والبنت اتصلت بسرعه بالسكرتيره الي عند الاستعلامات الخاصه بالدور التاني وتقولها ان مني طالعه في الاسانسير
البنت بفزع: ايه مدام مني هنا؟! طيب طيب انا هتصرف
مني كانت خلاص قربت  من باب الدخول
البنت كأنها في حاله صدمه: اهلا يا مني هانم
مني: مالك كدا كأنك مصدومه
البنت مرتبكه: لا ليه هتصدم يعني
مني بصتلها بتعجب ومكمله ماشي
البنت صرخت بتوتر: ثواني مدحت بيه مش فاضي يستقبل ضيف
مني: انتي هبله انا مراته مش ضيفه
البنت: بس مدحت بيه مشغول حاليا
مني: مشغول مع مين؟؟
تالا كانت خلعت البلوزه وأأعدت علي رجله بكل وقاحه وبتسأله لو خلعت الاندر هيدفع اكتر
مدحت: طبعا وبيمد ايده يزيحه عنها مني هنا كانت قرب الباب ومسكت الاوكره وفتحت ودخلت
تالا: مدام مني منوره الشركه واخدت الملفات وخارجه
مني: استني
مدحت قلبه وقع بين ضلوعه وتالا لفت بخوف
مني: ليه زراير بلوزتك متشقلبه كدا انتي خارجه من بيتكم كدا
تالا بتوتر: اه يظهر من سربعتي زرتهم غلط شكرا ان لفتي انتباهي موقف محرج اوي
مني: استني
تالا لفت تاني: افندم
مني فضلت تشم فيها: برفانك ريحته حلوه جدا ابعتتيلي اسمه علي الواتس لانه عجبني
تالا: من عنيا وخرجت واغلقت الباب
مني: البنت الي برا قالت لي انك كنت مشغول  ياتري عندك وقت نتغدا سوي
مدحت: عشانك انا افضي نفسي (وقرب وباس خدها)
مني اسنشقت ريحته:  البرفان ده ريحته مألوفه ليا
مدحت: انتي الي شريهولي
مني ابتسمت: يمكن
مدحت: يله بينا
واخدها علي المطعم
...........منه محمد...........
في الشركه امير طلب من الموظفين يتجمعوا حالا في قسم الانتظار وغاده قاعده ومصوبه نظراتها علي سيرين بحقد أمير الي دخل بهبيته ووقاره والكل وقف احترام
غاده:في ايه يا امير ليه طلبت مني اجي هنا؟
آمير: اظن الكل عارف بالموضوع الي حصل امبارح اتمني ان الكل ياخد شيرين مثال
سيرين وشها بيسأل وغاده هتموت من الغيره والغيظ
آميررجع بنظراته عليها: انا فخور بيكي انك قادره علي حل المشكله الي وجهتيها وقمتي بمسؤليتك حسب قدرتك الكل هنا لازم يحس بالكسوف من نفسه انتم بتقدروا تمشوا بس معندكمش القوه نفسها هدخل في المهم الي جامعكم عشانه انا بطرد غاده من منصب المساعده بتاعتي
غاده قامت وقفت وعايزه تصرخ فيه
آمير: ورقيت شيرين ومن اليوم ورايح هتكون المساعده بتاعتي
الموظفين حصل بينهم همهمه الي سعيد بالخبر والي زعلان والي غيران وهكذا
غاده لفت وبصتلها من فوق لتحت وسيرين المفأجأه لجمتها
.......منه محمد.......
غاده نزلت متعصبه علي اخرها لقت الموظفين في منهم الي شمتان والي صعبانه عليه
غاده صرخت فيهم: اظن الشركه مش معيناكم هنا عشان حد يصعب عليكم ايه معندكمش شغل تعملوه
هشام قام وقف قصادها: اظن مدام ايسل قالتلك وحذرتك متبقيش مجنونه بـ آمير عجبك الي عمله فيكي
غاده بتعنيف: هشام اياك غرورك يخليك  تتخيل طالما ايسل فتحتلك المجال انك تقدر تقولي اي كلمه وتتعدي حدودك وترجع تندم انت مين وانا مين فوق لنفسك وافتكر انا لسه اخت ايسل الصغيره افتكر ده كويس
هشام: عمري ما نسيت انا ابن الملجاء وانتي اختها بس ياريت تتصرفي تصرفات الاخت الشقيقه ليها وبلاش تفضلي عليها راجل مش من دمك ومشي
غاده صرخت فيه: هشام انت بني ادم مجنون
غاده بينها وبين نفسها: ده كله بسببك يا شيرين ياحشره لا مهما حصل لازم ارجع لمكانتي زي ما كنت
..........منه محمد......
قاعده تشتغل علي اللاب توب جه من وراها يتسحب بتلف شافته اتخبي وري العمود قفلت الجهاز وحركت الكرسي المتحرك وراحتله
سيرين: ايه بقي موضوعك معايا؟؟!
ممدوح عامل ميكانيكي بحلق فيها وبيعمل حركات نفس اسماعيل ياسين
سيرين: لو مش هتجاوب همشي
ممدوح: انتي مش مدام شيرين انتي مين بقي
سيرين وشها اتخطف وبدئت ترجف جامد
في نفس اللحظه امير كان بيلف عليها ومش لقيها
ممدوح: انتي مين؟
سيرين: انا شيرين
العامل: لا انتي مش هي ابدا انا متأكد
سيرين: انت هتعرفني اكتر من نفسي ولا ايه
العامل: لو كنتي مدام شيرين فعلا كنتي هتعرفيني
سيرين: انت عامل قسم الصيانه اسمك ممدوح ليه معرفكش
العامل: ايوه كل الي قولتيه مظبوط بس احنا نعرف بعض من قبل ما تيجي هنا لو كنتي شيرين الحقيقيه كنتي هتعرفيني لان احنا الاتنين قريبين من بعض جدا
سيرين برتباك: اه انا
العامل قطعها بسرعه: اوعي تقوليلي انك نستيني وانك مش فاكره لا القصه مش كدا انتي مش عارفه حاجه عن الي بينا انتي مين قوليلي؟
امير الي شافهم واقفين مع بعض استغرب وقرب بخطواته السريعه
آمير: فيه مشكله هنا ولا ايه؟؟
سيرين بصت للممدوح بنظره اياك تقوله حاجه
ممدوح ارتبك وبحيره: لا بس حسيت بالقلق علي مدام شيرين فبسألها محتاجه اي مساعده
آمير بغيره وشك: حبيت تسألها ولا فيه حاجه تانيه
العامل: لا حبيت اسألها
آمير: طيب تاني مره متسألهاش لان ممنوع المساعده بتاعتي حد يقرب منها والا ده هعتبره انك فشلتي في فتره تدريبك (وبحده) فهمتي ولا لأ
سيرين هزت راسها
ممدوح: اسمح لي اروح اكمل شغلي ولف يبصلها
آمير لف بضهره وشافه عمال يبصلها بصله بنظره قاتله
سيرين بهدوء: فيه حاجه يا آمير بيه
آمير: ايوه خدي الملفات دي واستعدي فيه اجتماع
سيرين: ده شغل انسه غاده
آميربأمر : بس انتي المساعده بتعاتي ده شغلك انتي دلوقت
سيرين مدت البوز وكشرت: طيب
وآمير بصلها وابتسم علي رئكشنات وشها الي مبوز كأنها طفله
........منه محمد.........
سيرين راحت بسرعه الحمام واغلقته بالمفتاح واتصلت بتؤامها تفهم منها ايه حكايه العامل وشيرين حكتلها عنه وازاي اتعرفت عليه
#فلاش_باك
شيرين كانت نازله من بيتها لقت غاده وايسل في وشها وداخلين عليها كأنهم ريا وسكينه شيرين خافت جدا وبقت ترجع لوري لحد ما دخلت في الجدار وفضلت تعتذر من خوفها!!!
شيرين: انا اسفه بس ارجوكم متأذونيش
ايسل: ليه خايفه مخفتيش وانتي بتسرقي راجل من مراته واوعي تقوليلي مكنتيش تعرفي ان له زوجه
غاده بحده: فاروق راجل اعمال مشهور في الشرق الاوسط  كله ازاي متعرفيش مينفعش تبقي خطافه رجاله وكدابه
شيرين بضعف: بجد انا اسفه مقصدش ان الامور توصل لكدا والله بعتذر تاني وتالت ورابع
غاده مسكت ايدها بقسوه وبصت للاسوره الي في ايدها: دي نفس الي معاكي يا ايسل فاروق اشترلها واحده
ايسل عيونها اتحولت لغصب وعيونها اتملت بالدموع
غاده: هاتي الاسوره دي
شيرين بتعافر: لا مش كدا الاسوره دي اختي جبتهالي من السفر
غاده: انتي متلبسيش زي اختي هاتي بقولك
شيرين: لا سبيها
غاده ضربتها بالقلم : بقولك هاتيها
ممدوح كان نازل من عند صديقه شافهم جري عليهم: بتعملوا ايه؟؟!!
ايسل: يله ياغاده
ممدوح خبي شيرين وري ضهره: اهدوا رجاء
غاده: اخدتها منها الكلبه
ايسل مسكت الاسوره بين صوابع ايدها: عايزها مش كدا( قطعتها ورمتها علارض) وطي خديها
#باك
سيرين: يعني هو عرف كدا اني مش شيرين
شيرين: ناويه تعملي ايه
سيرين بحيره: مش عارفه
شيرين: علي العموم هو انسان كويس وتقدري تعتمدي عليه يجبلك معلومات عن الشركه
سيرين: هقابله يمكن فعلا يقدر يساعدني
........منه محمد................
رايح يتسحب محتاج يقابلها ويعرف هي مين لانه متأكد انها مش شيرين الحقيقيه!!!
لقاه الي بيشده بعنف ومسكه من مقدمه صدره وبيلطعه علي الحيطه : انت ماشي وري شيرين ليه؟؟!! ايه حكايتك انطق
ممدوح برتباك: مـ مفيش حاجه
آميراتك علي اسنانه بغيظ: عارف لو مقولتش الحقيقه هبلغ عنك وتشرف في الحبس لحد ما تعترف
ممدوح بلع ريقه: بتهمه ايه؟
آمير: بتهمه انك بتعرض الناس الي تحت رعايتي للخطر
ممدوح: امير بيه انت فاهم غلط
آمير: فهمني انت الصح
ممدوح: هقولك بس مش عارف هتصدقني ولا لأ
.........: ممدوح من الفانز بتوعي المعجبين بخواطري
ممدوح بدهشه: مدام شيرين
سيرين بتهز له دمغها انه يجاريها: مش كدا انت بترقبني في السر لانك معجب بيا
ممدوح بلبخه: ايوه ايوه فعلا انا معجب بيها بس ده سر مقلتهوش لحد
آمير بستغراب: معجب
ممدوح: ايوه معجب
سيرين: ايه هو مش مسموح وبعدين انا ساعدته قبل كدا
ممدوح: فعلا مدام شيرين ساعدتني كتير هي الي وظفتني هنا مع فاروق بيه ده غير لما عرفت ان مدام شيرين جايه تدرب هنا معانا في الشركه حبيت ارعيها حتي لو من بعيد ارد الجميل
سيرين بضحكه هبله: شوفت قولتلك انا بني ادمه عاديه
ممدوح: فعلا ده كل الموضوع
آمير بشك: اوك خلاص بس المره الجايه اتصرف تصرف انسان طبيعي عادي مش زي الحراميه
ممدوح: اسف
آمير بتحذير: وانتي كفايه مشاكل انا عندي مشاكل بما فيه الكفايه مش ناقص
..............منه محمد..........
بالليل رجعت مددت علي السرير الصبح في الشركه علي الكرسي وبالليل برضو قاعده علي الكرسي اتخنقت منه
نوال مسكت رجولها تعملها مساج وكأنه علاج طبيعي
سيرين: اه يانوال ليه حياتي بقت كدا كله بسبب امير المجنون لو مش عايش معايا في نفس البيت كنت قدرت اتحرك براحتي
نوال كشرت: بطلي تشتكي منه استحملي ودلوقت يظهر واقعدي اعملي علاج طبيعي  افردي رجلك يله لتتشلي بجد
أمير فتح الباب ودخل بصلهم: بتعملي علاج طبيعي
سيرين بغيظ جزت علي اسنانها: بنتكلم وهو هنا ربنا ليه مطول في عمره
نوال ببتسامه: ايوه اصل الدكتور قال ممكن نكثف الجلسات في البيت ونساعد الدكتورالمعالج
آميربخبث: بقي هو قال كدا
نوال: ايوه لان العلاج الطبيعي لو كثفناه وقت ساعتها شيرين تقدر تمشي بسرعه
آمير حط ايده في وسطه بتريقه: هي اصلا قبل ما تخف عندها قوه فرعون امال لما تخف هتبقي ايه هرقليز
سيرين : عارفه يانوال لو مشيت عارفه اول حاجه هعملها ايه؟؟
نوال: ايه ياروحي
سيرين ضيقت عيونها: هنط واضرب واحد حته دين شلوط
آمير ابتسم وتجاهلها: بتعمليه ازاي يانوال لان انا هعملها العلاج الطبيعي
سيرين بفزع: انت مجنون
آمير مسك رجليها ورفعها لفوق جامد
نوال: انت بتعمل ايه
آمير بخبث: بعمل علاج طبيعي
نوال: ايوه بس متعرفهاش لفوق كدا
آمير مثل الجديه: بجد اصلي معرفش
نوال: براحه حطها براحه
سيرين زقته من كتفه بغيظ
نوال: استني انا اعلمك
آمير بحماس: يله
سيرين: نوال انتي هتخليه بجد يعمل معايا ده!
نوال طنشتها وبصتله ببتسامه: امسكها كدا وارفعها براحه خالص
آمير: تمام هحاول اعمل الي قولتي عليه (ورفعها لفوق بعنف)
سيرين: انت نزل رجلي تحت بسرعه
نوال: براحه انت ليه قاسي كدا
آميربستهبال: اسف اصلي عايزها تخف بسرعه وقلت يمكن لما ارفعها لفوق تقوم وتديني الشلوط
نوال: لا انت هتكسر عضمها خالص
آمير ابتسم: خلاص سوري
حماده: انا جعان يا ماما
سيرين: نوال روحي هاتي اكل لحماده وارجعي بسرعه
آمير : روحي وعلي اقل من مهلك وانا هعملها العلاج الطبيعي خدي راحتك
نوال قامت: حماده راجعه علي طول
سيرين بتحذير: انت اياك تلمسني سامع
أمير: نوال قالت لي ارفعلك رجلك كدا (ورفعها بعنف)
سيرين صرخت جامد: اه يا متخلف
آمير: ناخد الرجل التانيه عشان متزعلش مننا ونرفعها كدا
سيرين من غيظها منه ضربته برجليها في صدره اتشقلب من فوق السرير وحماده ضحك وهي حطت ايدها علي بؤقها وشهقت
أمير قام مندهش: انتي ازاي ضربتيني برجلك
سيرين مرتبكه: انا ضربتك انا ولا حسيت
آميربشك كبير: ازاي مش حاسه وانتي زقتيني يبقي انتي خفيتي
سيرين: عادي كعب الرجل يمكن اتغابي من تلقاء نفسه
آمير فضل واقف وحاسس ان فيه حاجه بتحصل مش طبيبعيه
منتظره رايكم وتوقعاتكم لما امير يعرف انها طلعت بتخدعه