البارت السابع عشر
الضوء الخافت
منه محمد
المخرج شغلهم فيلم وثائقي وفرجهم ازاي السباح بيغوص تحت الميه بكل عزيمه
المخرج: زي ما انتم شايفين في الفيلم عباره عن الهام الي اقصده ان احنا هناخد الفكره ننفذها في العرض والغرض منه اننا بنقول للاشخاص المعاقين حقكم تحلموا ونخليهم يصدقوا انهم قادرين يعملوا اي حاجه يحلموا بيها!
امير طول ما المخرج بيتكلم بيبصلها وبيتخيلها وهي ماشيه طبيعيه قدامه رغم هو حبها وهي معاقه ودي حاجه متفرقش معاه حرفيا
سيرين: قصدك ان انا هغوص
المخرج هز دماغه: ليه لا نقلد نفس الفيلم ونصوره تحت الميه اه نسيت اسال آمير بيه وشيرين هانم عندهم خبره في الغوص
آمير: ايوه انا عندي رخصه في الغوص
المخرج: جميل جدا
سيرين: انا كمان نفسه
آمير بصلها بتعجب شويه
سيرين: لا اصلي سبق وعومت قبل كدا لما كنت سليمه
المخرج: تمام! ولا تقلقي قبل ما نصور الفيلم هيكون عندنا دورات ازاي تعملوا ده وهيكون فيه دورات ع الغوص
مني نفخت بزهق: اي حاجه عايز تعملها اعملها وخلص وانجز انا عندي شغل متلتل عايزه اخلصه
آمير اتحرج جدا من اسلوبها الفظ وهي بتتكلم بكل كبر وغرور
المخرج رجع النضاره بحرج وقام يلم ورقه:تمام ممكن تبلغوني متفارغين امتي عشان نكون مستعدين ناخد دوره وهطلب من المساعده يتاعتي تتواصل معاكم
سيرين بستفزاز: مدام مني من فضلك اكتبي التاريخ لانك قائد المشروع وعليكي تتابعي وتراقبي الامر عشان لو حصلت اي مشكله تكوني قادره تحليها في الوقت المناسب
مني بصلها بغيظ دي مصممه تجلطها بستفزازها
أمير :فعلا مظبوط
المخرج قام يمشي وآمير خرج معاه
مني بنرفزه: ايه اللعبه الي بتفكري تلعبيها معايا
سيرين بهدوء: انا مش بلعب معاكي انا عايزه اشتغل معاكي
مني بعصبيه: بطلي كدب انتي عايزه تضايقني ومتعمده انتي عايزاني افقد اعصابي عن قصد ليه بتعملي كدا انا عملتلك ايه؟
سيرين ببرود قاتل: السؤال ده تسأليه لنفسك لو عملتيلي قبل كدا اي شئ او لأ ولو معملتيش متخافيش لكن لو عملتي خالي بالك لان واحده زي لو بقيتي لطيفه معاها هتكون هي كمان لطيفه معاكي اما لو كنتي سيئه هكون نفسك في المقابل لان انا مش خداعه
مني بتحذر اسود: واحده زي نفس الامر لو حد داس لي ع طرف هدوسه هفرمه الف مره واسمعيني انا اتحملتك وقت طويل وانتي عايشه في بيتنا ومستمتعه بالسعاده وعمري ما عملتلك حاجه لاني عامله اعتبار لـ امي وايسل بس لو اتجرئتي عليا وهتقفي تتحديني اتحملي الي هتشوفيه مني وصدقيني انا مش هقصر وسابتها ومشت وسيرين اتأكدت انها وراها مصيبه بس مفيش اي دليل
.........منه محمد...........
ايسل نازله تجري من فوق لقت شكريه
ايسل :شكريه سمعت صوت عربيه
شكريه: ايوه محي بيه هنا
ايسل بفرحه: هو فين دلوقت
شكريه :راح لفيلا امير بيه
ايسل خرجت تروح الفيلا شافته بيجري وري حماده في الجنينه وبيقوله انه مش قادر يجري وراه
ايسل بسعاده: لو تعبان كدا روح نام قريبي ممكن اخده واللعب معاه بنفسي
محي بصلها واتفاجا بيها
ايسل: انتم رايحين فين وفين شيرين ليه مش معاكم
محي: مدام شيرين رايحه تتعلم الغوص وانا هاخد حماده نلعب سوي برا احنا الاتنين
ايسل: انتم الاتنين بس وانت هتقدر تهتم بطفل صغير طيب افرض حصله حاجه مين هيتحمل المسؤليه لا انا مش واثقه فيك الاحسن اجي معاكم
وميلت علي الولد: حماده تحب تاكل الاول ولا عاوز تروح تلعب قولي وانا هاخدك اي مكان
سيرين ظهرت وبحده: احنا مش حابين نزعجك حماده تعال عندي استاذ محي اتفضل انت عشان متتأخرش
محي: حاضر يا مدام شيرين
سيرين بسخريه: اسفه يا مدام ايسل وشكرا للطفك بس انا مش عايزاكي تاخدي انتي
ايسل بضيق مصحوب بحده: لو مش عايزاني اقرب من ابنك ده يخصك اتفضلوا شوفوا رايحين فين
سيرين: يله يا حماده روح مع عمو محي
محي رفع الولد لحضنه بحنان:يله حبيبي
ايسل وقفت مقهوره انه بيراعيها وبيسمع كلامها كانها سحراله
.................منه محمد.......
يوم التصوير
وصل آمير لابس فانله بكم رصاصي وبنطلون جينز ازرق وفلاته سوده وسيرين فستان بحملات بيج رقيق وشعرها مدفر ضفيره بطريقه انيقه وشوز نبيتي خفيف
مني: ليه اتأخرتم كدا؟؟
طلع المدرب وصافح آمير: اهلا وسهلا
آمير صافحه بالمثل: اهلا بحضرتك
المدرب: انا جهزت اللبس والادوات وكل حاجه جاهزه فاضل بس تغيروا هدومكم
آمير :تمام وحط ايده ع كتافها وسالها) شيرين
سيرين لوحت دماغها لوري: نعم
آمير: انتي قادره تغيري هدومك بنفسك
سيرين بمكر وخبث: لا هخالي مني اختك تساعدني
مني لفت وشها بصدمه
سيرين بكيد: مني ممكن تساعديني من فضلك
مني بحده: ليه لازم انا,, انا مش نوال خدمتك
سيرين : نوال مش خدمتي نوال بتعتني بيه والي حصل ان نوال النهارده مش فاضيه ومعلش لو هزعجك يا مدام مني
منب بصت لـ امير بضيق الي بصالها بضيق
مني زقت ايده من فوق الكرسي: اوعي تعالي
اخدتها للحمام وغيرت لها فستانها باللبس الغوص لكن وهي بتقفل السوسته لقت جرح قديم مكان الرصاصه في ضهرها كأنه ندبه وده لزقته سيرين بحرفيه
مني اتاخدت كدا ورجعت علي وري
سيرين: عارفه الجرح ده حصلي ازاي
مني كشرت وقفلت سحابه بدله الغوص بسرعه: هو انا سألتك
سيرين بصت في المرايا:لانه حصل بسببكم كلكم واحد منكم ضرب عليا نار وخلاني عاجزه مشلوله كنت في اليوم ده راجعه لبيتي ومره واحده بوووووم
مني اتفزعت وعيونها برقت
سيرين :المجرم ضرب عليا نار وكنت بين الحياه والموت كنت مرميه بنزف عارفه اتألمت اد ايه
مني صرخت فيها بحده: بتقوليلي ليه؟
سيرين لفتلها وصرخت فيها بكل ألم وقهر حسته وعاشته اختها: عشان الكل يعرف انه لازم تدفعوا تمن عجزي هنتقم منكم كلكم وهفسد كل شر بتحاولي تعمليه عايزه تبقي مديره الشركه
مني مسكت دراعها بقوه: بتفكري تعملي ايه خدي بالك اياكي تلعبي في اموري سامعه
سيرين مسكت ايدها واتكت بقوه كأنها هتهشمها:برغم رجلي عاجزه ومبقدرش امشي بس لسه قادره استخدم ايدي واظن انتي شوفتيني من اول ما دخلت البيت والي ممكن اعمله انا مش خايفه من تهديدك
مني شدت ايدها بالعافيه وطلعت من قدامها وسيرين ابتسمت بخبث وحركت الكرسي وخرجت
....الضوء الخافت........
الممدرب: هنغطس اليوم لو حصل اي حاجه تحت الميه تساعدوا بعض
أمير قرب منها وبهمس: مش عايزك تقلقي لاني رفيق ممتاز جدا في الغوص ومتدرب ازاي اغوص في العميق وده ولا حاجه انا اغوص اعمق من ده بمراحل جايبن لي طشت ويقولولي عوم
سيرين ابتسمت: بتتباهي بنفسك كتير بس عارف انا مش قادره اثق فيك
آمير كشر وحطلها النضاره بغيظ علي انفها: المدرب قال ايه نثق في بعض
سيرين: حاسب هتشيل مناخيري
آمير:انا مستحيل اعرضك للخطر مسك وشها جامد لازم تقي فيا زي ما انا بثق فيكي عارفه كدا ولا لا
سيرين لبسته النضاره وقلدته ومسكت الاستك وشدته اتلسع في دماغه من وري: المدرب قال لازم نثق في بعضينا فهمت ولا مخك طخين
آمير قرصها من ارنبه انفها وهي عملت نفس الشئ
ومني هتقوم تفجرهم هما الاتنين
شويه امير اطمن ع لبسها و اخدها من وسطها ونزلها البسين المخصص للغطس كان ضخم جدا وعميق جدا جدا ونزل بيها تحت وطول ماهما تحت الميه عمال يعاكسها ويشاورلها بعلامه الدبح وهي مبسوطه معاه وحاسه بالمتعه الحقيقيه لحد ما طلعهم المدرب استراحه عشر دقايق
آمير قعد ع طرف الحمام: ها ايه رايك هتثقي فيا
سيرين مطت شفايفها لقدام: انت ممل بجد
آمير: احنا فوق وهنا ومش بتثقي فيا وده اتعودت عليه لكن في الميه لازم تنسي كل حاجه ماعدا الثقه
مني بصوت عالي فجعتهم: امتي هينتهي تدريبكم انا زهقت
المدرب: مدام شيرين ممتازه جدا يا مدام مني عادتا الشخص المعاق بياخد وقت اكتر من كدا بس مدام شيرين ماشاء الله عليها وعشان كدا هننجز بسرعه يله كل واحد يغوص ونشوف
سيرين حركت رجليها في الميه بشقاوه: آمير خلاص انا هثق فيك بس انت كمان سمعت اني ممتازه وعشان كدا بثق في نفسي اكتر
آميرنزل الميه الاول وبعدين مسكها من وسطها واخدها معاه بهدوء وبدئوا يغوصوا لتحت
مني من غيظها حودت عيونها ع انبوبه الاكسسجين وفكرت تخلص منها للابد
تحت في العمق
امير بيشاورلها :انتي بخير
سيرين شاورتله :انا بخير
أمير كلمها بالاشاره : انا وانتي اصحاب هنعوم لهناك مع بعض
سيرين شورتله بالاشاره: لا انا هروح هناك لوحدي
آمير اتغاظ منها ده لسه مديها محاضره عن الثقه وهي مصممه تعانده حتي وهما هنا!!!
سيرين سابته وبدئت تعوم لكن حست ان الاكسجين انسحب ببطء منها آمير لاحظ عليها الارتباك وعدم الاتزان عام بكل قوته وحطلها الاكسجيين الخاص بيه لانه متدرب وقادريكسر الرقم القياسي لأطول نفس تحت الميه وكل الي واقفين فوق حسوا ان سطح الميه بيعمل فقاقيع كتير وحصل هرج ومرج في المكان ومني واقفه مبسوطه من الي بيحصل
آمير بدء ياخد سيرين ويطلع بيها ع سطح الميه وطلع حطها وزعق: قلت لك بطلي تكوني جريئه وعنيده
المدرب: انتي كدا كنتي في خطر اظن قلت لك لازم تكوني قريبه من صديقك لو حصل اي حاجه في النفس يحصل الم
سيرين:انا مضايقه ان ده حصل بس الهواء عندي انكتم
المدرب: ازاي انا مالي الاسطوانه الصبح
سيرين: انا بقولك الي حصل ممكن تشوفها بنفسك
مني بنبره كلها تريقه: بس حتي لو مفيش هوا اظن المدرب علمك ليه مطبقتيش الي اتعلمتيه اظن واحده زيك هتكون هايله في الميه والارض بس طلعتي عندك نقطه ضعف
آمير اتك ع اسنانه بغيظ: مني ده وقت هزار دي مسأله حياه او موت
سيرين بقوه: مين مات محدش مات كان هيموت بس طلع زي القط بسبع ارواح
آمير: مني خدي شيرين غيرلها هدومها يله
مني شدت سيرين بغضب واخدتها علي الحمام
سيرين: انتي الي لعبتي في اسطوانه الاكسجين
مني: ليه تفتري عليا
سيرين بحده: لان محدش غيرك عايز يقتلني
مني بعيون مشعلله نار: لو الي بتفتري عليه بيا مظبوط فين دليلك انتي بتتهميني وبس مين هيصدقك لو كنتي جامده كدا اتفضلي هاتي دليك وتعالي كلبشيني بس بقولك انا معملش كدا
سيرين: زي الي عملتهولي زمان
مني: الشئ الي عملتولك زمان قليل جدا بس لو كنتي واثقه ان انا الي ضربتك بالنار وقطعت فرامل عربيه محي ووقعت حماده في البسين بلغني عني يله بس الاول هاتي دليلك وتعالي وانا مستنياكي
سيرين عرفت ان مني دي مش سهله ولازم تفضل وراها
......................منه محمد..........
نوال بحرقه: المجرمه كانت عايزه تقتلك وهي الي فرغت اسطوانه الاكسجين
سيرين: ايوه هي لانها ست قاسيه ظالمه لدرجه تقتل الناس بقلب بارد
محي بيحاول يستوعب: احتمال تكون هي الي قتلت ابويا وفاروق بيه
نوال بعصبيه: انسانه قذره مجرمه برغم انها عارفه انك عاجزه بس قدرت تعمل فيكي كدا
سيرين: احنا لازم ننجز ونلاقي دليل ضدها مسأله الاختلاس من الشركه ومسأله قتل والدك وفاروق ومسأله الاعتداء عليا
محي سيرين سيب لي المسأله دي
سيرين: اه لو قدرنا نلاقي ادله ونربطها بيها وتوصلها لحبل المشنقه ونكون ارتاحنا وعرفنا مين الجاني
نوال: انشاء الله نوصل ونخلص بقي وانا هطقس اسال شكريه ومحمد واعرف يوم الحادثه كانت مني دي فين يمكن نوصل لحاجه
........منه محمد......
قاعده بتسترجع كل كلامه من كلامه الي خلتها تعجب بشخصيته وتحبه قطع عليه حبل افكارها الباب خبط
ردت: ادخل
هشام فتح ودخل: مدام ايسل حضرتك طلبتيني فيه اي حاجه مطلوبه مني
ايسل بهدوء: اقعد الاول
هشام سحب كرسي وقعد
ايسل: آمير بيجمع معلومات حاليا عشان يسلم الشخص الي اختلس من الشركه للنيابه
هشام وشه اتاخد واتخطف
ايسل: المسأله مهمه جدا عايزاه يعرف القليل منا بخصوص الامر ده
هشام: اطمني
ايسل لفت بالكرس كذا لفه ورجعت في وشه: عايزه اساعد آمير والشخص الي واثقه فيه والي اقدر اعتمد عليه انه قادر يتعامل مع المسأله انت وبس يا هشام
هشام: بالنسبه لـ آمر أمير بيه ولا يكون عندك فكر اما بالنسبه لمدام مني هقوم بواجبي ع اكمل وجهه
ايسل: ممتاز اصل الناس الي تغلط تستحق الشنق
........منه محمد........
محي اخد سيرين بالكرسي العجل وراح مكتب مني وسابها قدام الباب تراقب لو حد طب هزت له دماغها: ادخل وانا هنا واخده بالي
دخل محي واغلق الباب وبدء يفتش كل الادراج وسيرين برا عيونها زي الصقر
: بتعملي ايه هنا
سيرين لفت بسرعه وسكتت تماما
قربت منها وسألتها: ايه مش سمعاني انا سألتك وانتي مجوبتنيش
سيرين: كنت مروحه البيت
ايسل بشك: مروحه البيت من قسم التسويق لحد هنا بس مفيش باب للخروح بتعملي ايه في الممر وقدام مكتب مني
محي خرج من المكتب يلحق الوضع:مدام شيرين جات معايا الي حصل اني جبت اتفاقيه للعلاقات العامه
لمدام مني عشان تدرسها عشان كدا عديت عليها بس مدام مني كانت مشت
ايسل : بس انتي بترجعي مع آمير تقريبا كل يوم
محي: ايوه بس النهارده دوري لاني هاخدها لجلسه العلاج الطبيعي
سيرين: وبعدين آمير خرج من بدري عنده موعد مع عميل
محي: مدام ايسل في اي سؤال تاني تحبيه تسأليه اصل احنا لازم نمشي يادوب معادنا مع الدكتور قرب
ايسل: لا اتفضلوا
محي مسك ايد الكرسي: يله مدام شيرين
سيرين: ايوه يله
محي: عن اذنك مدام ايسل
وسحب سيرين تحت نظراتها الي هتولع في سيرين من الغيره والحقد والغضب
........منه محمد........
بالليل كل واحد نايم في مكانه لكن سارح بالي يخصه سيرين بتراجع كلام مني وآمير بيراجع كلام علاء عن مدحت وتعامله مع زعيم مافيا
سيرين اتنهدت وكذالك آمير وكل واحد لف يشوف التاني
آمير: الله انتي لسه منمتيش
سيرين: لا لسه وانت منمتش ليه لحد دلوقت
أميرقام لبس شوز وراحلها يشاغبها: فيه موضوع بفكر فيه!
سيرين اتنهدت بعمق: انا زيك بفكر
امير ابتسم بتريقه: انتي طيب انا عادي افكر
سيرين بحده: لان انت طول الوقت شايفني واحده تافهه وكل يوم بتعتبرني من غير عقل وبتصرف تصرفات طفوليه
آمير: استني استني الي قصدي اقوله انك بلاش تفكري كتير ارتاحي لان بكره عندنا حاجات لازم نعملها
سيرين: تصبح ع خير
آمير ابتسم وغطاها لحد صدرها بحنان: وانتي من اهله
ورجع قعد مكانه وفتح صفحته علي الاستجرام يتفقد فيها شويه
.......منه محمد........
يوم التصوير
المخرج: المشهد الاول الي هنصوره في النص والصوره الي عايزنها من مدام شيرين تواجهه النزول في الميه تمام
آمير: تمام
المخرج: فريق الانتاج فهمتوا هنعمل ايه يله مستعدين للتصوير بسرعه شهلوا هنبدء
آمير بحنان: مستعده ولا لأ
سيرين ببتسامه كلها امل: مستعده
امير مد ايده عدلها شعرها وهي تقرصه من ايده وهو مصمم يعدلها شعرها
وغاده الي صممت تحضر واقفه هي ومني هينتحروا من حركاته معاها
مني بسم الافعي: شيرين اتفوقت عليكي اوي لو محاولتيش تعملي اي حاجه بسرعه هتبقي خسرانه يا عيني
غاده: انا واثقه في آمير هو بس بيلعب مع بضاعه مستعمله وبواقي اخوه اما الي عملتيه انتي اوعي تفكري محدش عارف عنه
مني فتحت عيونها : بتتكلمي عن ايه
غاده: لما بتحاولي تستخدمي تأيد الموظفين ليكي ده كله في الهواء لان القرار الاول والاخير بأمر من عمتي رقيه والواضح انها مش بتثق في بنتها خالص
مني بحده: غاده حاسبي ع كلامك
غاده ببتسامه تهكميه: نصيحه بلاش تتأملي لان الكل عارف ان اكتر شخص مناسب كرئيس للشركه هو آمير والي اكتر من ده ان آمير بيصور الاعلان عشان المؤسسه كعمل خيري انساني وبس! لانه هيبقي صوره مشرفه للشركه واضح يا مني انك بتخسري مع الاسف
عند سيرين الي ماسكه موبيلها وعماله تصور نفسها بشقاوه وترسل الصور لـ اختها امير كان بيكلم المخرج بيلف يشوفها لقاها بتعمل حركات كلها دلع وانوثه ورقه ابتسم اوي ع رقتها دي هو وافق ع الاعلان عشان تكون سعيده ويشوف الابتسامه دي
كتبت رساله ((الحمله دي انا بعملها عشانك شيرين لازم تحاربي وتقفي ع رجليكي من تاني))
آمير قرب واخد ايدها عشان هيبدوء التصوير
المخرج 123 تصوير
سيرين رمت نفسها في الميه بكل جسمها من غير نفس صناعي لحد ما قعدت علي الكرسي المتحرك ومعاها مصورين وكاميرا بتصور الي بيحصل تحت الميه بكل دقه
آمير الي رماه نفسه وراها وكأنه بيدور عليها في عمق الميه وعام لحد ما وصلها وبينه وبين نفسه: الست الي بحبها بتتألم دلوقت وعشانها انا مستعد اتخالي عن كل حاجه حتي انفاسي لان هي انفاسي وهدعمها لحد ماتقف من تاني رحلها وقرب منها وحاوط جسمها كله بين ايديه سيرين بصتله واتكلمت بعيونها: بس انا مش محتاجه لحد
آمير بعيونه: بس انا محتاجلك
وطلع خاتم لبسهولها كعرض ارتباط: انتي خلتيني اعرف ان الاعاقه مش مشكله
سيرين: بس المشكله هي قلبي وحطت ايدها علي خده وهو قرب دماغه وحطها ع كتفها وشفايفه ع خدها
آمير: افتحي قلبك لان انا مش عايز جسمك لان القلب هو الي هيحفز الجسد ويتغلب ع كل العقبات
سيرين: احنا الي نقرر لان حياتنا ملكنا احنا وبس!
خديني وعلقيني في مشانق عشقك ولفي حول عنقي حبال من قبلاتك
امير قربها منه اوي ولحم شفايفه في شفايفها كأنه كان مشتهي يدوق حلوتهم ويرتوي من سلسبلهم وهي وشها احمر جدا لكن من غير ما تحس اتهزت مشاعرها واندمجت معاه واستسلمت لجنونه واستقبلت شفايفه بصوره مجنونه.
لحد ما خلص التصوير وآمير طلع بيها ع سطح الميه
المخرج: هايل روعه آمير شيرين بجد كنتم هايلين متخيلتش اللقطه هتبقي بالروعه دي وانت يا آمير بيه بجد كنت هايل هايل
آمير : متشكر جدا
المخرج: اه اما مدام شيرين كنتي بجد مذهله
سيرين: ميرسي يا مخرج
المخرج ضحك: انا رايح اخلي الموقع يله فريق الانتاج روحوا ارتاحوا
آمير قرب منها: انتي كنتي ممتازه جدا
سيرين ببسامه: وانت كمان
مساعد المخرج: مدام شيرين اتفضلي منشفه لشعرك
سيرين: شكرا
آمير جات عينه ع ضهرها الي باين من الفستان شاف جرح قديم مد ايده ع ضهرها وحسس عليها بنعومه وبصوت كله وجع وألم: العلامه دي مكان الرصاصه الي انضربت عليكي ودي سبب انها خلتك مش قادره تمشي
سيرين: ايوه
آمير مسك ايدها بحنان وعطف: انا اسف لانك اتألمتي تعرفي اول ما عرفتك خلتيني اغير رآي انك مش الانسانه الي كنت رسملها صوره مش لطيفه في دماغي
سيرين: شكرا انك غيرت رايك فيا
آمير بكل الحب الي في قلبه: بخصوص المجرم الي ضربك بالنار بغض النظر هو مين انا هساعدك نوصله
سيرين: انت متأكد حتي لو طلع من جوه بيتك او طلع قريبك
آمير: بغض النظر هو مين انا هساعدك عشان ارجعلك حقك
..........منه محمد.......
الضوء الخافت
منه محمد
رجعت البيت بعد يوم مرهق شاق من التصوير اتصلت بأختها تطمن ع تطورات جلسات العلاج وعرفت انها بدئت تمشي بسيط
سيرين بفرحه: بجد انتي قادره تمشي ع عكازين!
شيرين:ايوه لكن لسه بقع بس الدكتور قالي مع التمارين هكون قادره امشي لوحدي
سيرين بسعاده: ده اجمل خبر في حياتي وكل المجهود الي بذلته النهارده خلاص بالخبر ده انا مش تعبانه
شيرين: ربنا يخليكي ليا يا اجمل اخت وشكرا لدعمك المعنوي ليا واصرارك انك تكوني بدالي واتمني من قلبي الي صممتي تعمليه يكون مفيد للناس الي زي ويديهم التشجيع يكملوا حياتهم
سيرين: عندك حق احنا بشر طالما لسه عايشين في الحياه يبقي لازم يكون عندنا امل
شيرين: فعلا يله تصبحي ع جنه
سيرين قفلت الموبيل وراحت جري ع حماده: حماده خلاص من هنا ورايح تقدر تشوف ماما شيرين وتلعب معاها هي بنفسها في اي مكان مبسوط
حماده بضحكه كلها براءه: مبثوط اوي
سيرين: هات بوسه من خدك القمر
نوال: استني طالما شيرين هتبقي قادره تمشي انتي كمان لازم تبدئي تقفي وكل الي في البيت يشفوكي بدئتي تمشي
سيرين: ايوه صح
نوال: عشان كدا لازم نبدء بالتمثيل الخاص بتعانا عشان آمير وكلهم يشفوكي انك بدئتي تتحسني
سيرين: تمام موافقه
نوال نزلت ساعه ورجعت ع طول وحطت قدامها مشايه: يله اشترتلك العده
سيرين بحماس: برافو
نوال: انا هروح اشوفه وراحت وقفت قرب الباب لقته جاي من تحت
نوال: امير جاي جاي وجريت عليها) يله يا حبي حركي رجلك
آمير: اممم بتتمرني ع المشي
نوال: يله هساعدك
آمير: تعالي انا اساعدك
سيرين: طبعا مقهور عشان هقدر امشي
آميربسخريه لاذعه: تقريبا عشان خايف من الشلوط
وسحبها بحنان وحط ايدها ع المشايه برفق
آمير: يله امشي بس واحده واحده
سيرين ارتبكت من قربه: انت يا اخ ممكن تساعدني انك تبعد بعيد معنديش الشجاعه امشي قدامك
آمير همس في ودنها بوقاحه:معندكيش الشجاعه ولا خايفه تهجمي وتبوسيني بشراسه بس الصراحه بوسه متتعوضش وغمزها
سيرين بصتله وبرقت عيونها
وآمير ابتسم ابتسامه جميله اوي ومشي وراح قعد بعيد يتابعها
سيرين بدئت تتحرك لكن وقعت وونوال صرخت وجريت عليها امير قام يجري زي المجنون حضنها ووقفها تاني ع المشايه
سيرين لفت لنوال الي غمزت لها انه صعبان عليها
رايكم لو سمحتوا لان البارت الجاي قنبله
أنت تقرأ
الضوء الخافت
Romansaهي ممثله محترفه لديها اخت تؤلمها توفي زوجها في حادث وقبل وفاته يكتب وصيه تتزوج من اخيه الاصغر لحمايه ابنه ولكن شقيقتها قعيده تذهب هي وتنتحل شخصيه اختها لتكشف الجاني الذي تسبب في قتل زوج شقيقتها واصابه تؤامها
