الضوء الخافت

البارت السادس

البارت السادس
الضوء الخافت
منه محمد
رومنسيه كوميدي غموض
في المستشفي دخلت شيرين مع ابن عمتها تطمن علي حاله محي بعد الحادث
محي اتحرك بألم: مدام شيرين ليه جيتي هنا ممكن حد من بيت العصامي يشوفك وتحصل مشكله
شيرين: انا ولا مهتمه مين يقابلني او حتي يشوفني والي عايزين يقوله يقوله هما احرار انا جيت هنا عشان اوقف المهزله الي بتحصل
محي: مدام شيرين
احمد ابن عمتها: انا هخرج استني برا لحد يجي
محي بهدوء: تمام وبصلها ايه الكلام ده يا مدام شيرين
شرين: استاذ محي انا لازم انهي المهزله دي ومحطش الكل في خطر وطالبه منك تقنع وسيرين توقف المهزله دي تقدر ولا لأ
محي: لا مقدرش
شيرين: شوف حالتك انا مش عايزه حد تاني يتأذي بسببي
محي: انا فهمك بس مهما حصل مستحيل نوقف
شيرين: بس انا مش عايزه اي ميراث انا نفسكم عايزه اعرف مين القاتل بس ارجوك اتوسل اليك من فضلك متخاطرش بالموت بسببي بعد اللحظه
محي: الموضوع مش موضوع انتي بس فيه والدي والسيد فاروق الي ماتوا غدر مقدرش انسحب واسيب المجرم حر طليق وعايش ومنالش عقابه لو انتي عايزه تستسلمي انا مقدرش الومك بس ارجوكي متوقفنيش
شيرين نزلت دموعها: استاذ محي ارجوك
محي برفض قاطع: انا اسف مقدرش انفذ طلبك
..............منه محمد.......
في نفس اللحظه جات سيرين علي الكرسي المتحرك برفقه نوال وحماده
حماده جري علي احمد
سيرين بتعجب: احمد بتعمل ايه هنا؟؟
احمد: شيرين هنا
سيرين بفزع: ايه شيرين هنا
احمد: ايوه
سيرين: نوال يله نمشي من هنا بسرعه
محمد الحارس مقرب جاي يطمن علي محي بأمر من آمير قرب منهم ونده عليهم
سيرين: ده هنا بيعمل ايه
محمد:مدام شيرين مين الراجل ده؟؟!!
حماده: ده
احمد حط ايده علي بؤه يمنعه يتكلم
سيرين: ده واحد بيسال طريق الخروج منين مش كدا
احمد: ايوه بسأل عن طريق الخروج
سيرين: المشرحه هناك
محمد بتعجب: مشرحه
احمد بلبخه: ايوه اصل اختي ماتت حالا وجيت اخد الجثه اسمحولي اروح استلم جثه اختي
محمد شوحله يبعد بستياء: امشي المشرحه هناك
سيرين :حماده تحب تاكل شكولاته
حماده هز دماغه بنعم
نوال: تعال نشتري يله وشدت محمد وتعال انت معايا نشتري يله
محمد: طيب ومدام شيرين
سيرين: لا دي مسافه قريبه جد اقدر اروح بنفسي
نوال: ايوه متقلقش عليها
اخدته ومشت وسيرين حركت الكرسي بسرعه للحمام!!!!
الممرضه خبطت: مدام فيه حد طالب يقابلك وسحبتها لبرا واخدتها لحد الحمام ودخلت لقت تؤامها
شيرين: سيرين خلاص هنفض الموضوع الليله دي
سيرين برفض: لا يا شيرين لا
شيرين: بس انتي والاستاذ محي كنتم هتموتوا ابوس ايدك يا سيرين مش عايزه حد يخسر حياته بسببي
سيرين: لو وقفنا كل حاجه هتروح
شيرين رفعت راسها وعيونها غرقانه دموع: مش مهم في ستين داهيه كل حاجه تروح عندي اهون من اني اخسر الناس الي بحبهم
سيرين مسكت ايدها بحنان: الامر يستحق حتي لو ده قصاد حياتي حتي لو هيبقي تمن انك تعرفي مين الي اذاكي فالامر يستاهل صدقيني
شيرين: سيرين انـ
سيربن قطعتها: شيرين ده مش عشان الانتقام لا ده عشان المجرم لازم ينال عقابه بالقانون وهو بدء يظهرلنا عشان نشوفه خلاص احنا قربنا نعرف الحقيقه
شيرين عيونها رغرغت بدموع: بس انا خايفه
سيرين: لو خوفنا هو مش هيخاف ومفيش نهايه سعيده واحنا اعلنا الحرب معاه حتي لو رجعنا هو مش هيسبنا ولو انا وانتي وحماده ومحي محتاجين نعيش في امان يبقي لازم نلاقي المجرم ويتحاكم
شيرين: خلاص قدامك شهرين
سيرين: لا 3 شهور
شيرين: شهرين ونص
سيرين كشرت: بس دي مهله قصيره جدا خليها 3 شهور
شيرين بعد تفكير: تمام 3 شهور بس في خلالهم تعرفي القاتل ولو عدت المهله تخرجي بعدها من البيت اي ان كان الي هيحصل انا مقدرش اعيش علي اعصابي
سيرين ببتسامه ومسحت دموعها: موافقه انشاء الله يظهر المجرم في خلال 3 شهور
شيرين: في امر تاني لازم اقولك عليه يمكن الي هقوله ينهي المسألأه دي بسرعه
سيرين: قولي
شيرين: انا احتفظت بيه كسرلاني مكنتش عايزه اكون مرتبطه بأي حد من عايله فاروق
سرين بهتام: بخصوص ايه؟؟!!
شيرين اتنهدت: في اليوم الي انضرب عليا نار فيه دليل واحد يخليكي تقدري توصلي للفاعل
سيرين: ايه هو
شيرين: دواء لعلاج السكر
سيرين عقدت حواجبها: قصدك تقولي ان المجرم مريض سكر
شيرين: يوم الحادثه لقوه جنبي وتقريبا وقع من المجرم ويمكن اه ويمكن لا
سيرين ضيقت عيونها: بس علي الاقل ده الدليل الوحيد الي قدمنا وهيساعدنا ولازم نعرفه
..........منه محمد.........
بالليل نزلت تراقبهم شافت ايسل في الهول بتقرء اتسحبت بشويش ودخلت غرفتها من خلال الفراند دخلت وفضلت تفتش كل ركن ما سابتش درج الا وفتحته لقت علبه مليانه كميه ادويه فضلت تفر فيهم بس كلهم بعيد عن دواء السكري لحد ما حست ان فيه خطوات بتقرب من الغرفه وسعت عيونها وجريت بسرعه البرق اتخبت في غرفه اللبس وسط الدولاب ايسل دخلت الغرفه اخدت منشفه وطلعت تاني ودخلت الحمام سيرين اتسحبت وخرجت من جوه الدولاب ونزلت علي تحت وهي نازله النور ولع تاني كانت رقيه ماسكه ازازه فارغه سيرين مبقتش عارفه تتخبا فين جريت بسرعه دخلت المطبخ واتخبت تحت الرخامه الكبيره رقيه ولعت النور دخلت المطبخ وحطت كيس الدواء علي الرخامه واخدت كاس تفرغ فيه ميه ووقفت قدام الثلاجه تاخد كاس ميه للعلاج وبعد ما اخدت حبه من الشريط حطته علي الرخامه سيرين طلعت بدماغها ومدت ايدها تاخد الشريط بس ملحقتش لان رقيه لفت واخدته شافت امير داخل بكياس كتير قرب وسألها: مدام رقيه حضرتك هنا
رقيه: ايوه اصل ازازه الميه خلصت ونزلت املاها وبالمره اخد الدواء
آمير: تمام بس كنتي طلبتي من شكريه تجبلك ميه لحد فوق
رقيه: مفيش داعي زمانها نايمه الوقت متأخر بس انت لسه راجع
آمير: ايوه واشتريت شويه حلويات
رقيه ابتسمتله: ياتري جايب اي؟؟!
آمير: حلويات مشكله وجبتلك البسبوسه الي بتحبيها
رقيه: الله عليك ده انا بحبها اوي يا آمير
آمير: عارف اروح بقي احطهم جوه الثلاجه وبكره شكريه تقدملنا منهم بعد الغداء
رقيه: بس انت جايب كتير
آمير ابتسم: لا مش كتير ولا حاجه
رقيه: يله اطلع ارتاح انت اكيد راجع تعبان من الشغل والاجتماعات طول اليوم
آمير: لا هطلعك انتي الاول
رقيه: تمام يله بينا
آمير تثاوب: ده انا كابس عليا النوم بشكل مقولكيش
رقيه: يوه
امير: في ايه
رقيه: نسيت شريط الدواء
آمير: خلاص خليكي انتي انا رايح اجبهولك
رقيه :ماشي يابني
رجع امير ياخد كيس الدواء الي كانت اخدته سيرين وقراءته انه لمريض السكر لقت النور ولع وسيرين وطت تحت الرخامه لكن امير لمح طيفها بصوت عالي: مين هنا
سيرين زحفت علي بطنها وطلعت تجري منه لمحها وطلع يجري وراها: اقف مكانك مين انت ومكمل جري وسيرين بتجري بكل قوتها للفيلا ودخلت وسابت الباب الرئيسي مفتوح وهي حاطه ايدها على قلبها ليلحقها ويكشفها اما آمير وقف شوي يتفقد الفيلا من الشارع
نوال الي قاعده تحت البطانيه تتفرج علي فيلم رعب سمعت خبط جامد علي الباب قامت مفزوعه من مكانها ودخلت سيرين متنكره بوشاح اسود نوال صرخت بصوت عالي :عفريت عفريت الحقوني
امير قلبه اترعب من الصرخه وبلع ريقه: شيرين
نوال بتترعش: اصلي يارب وبعدها اموت
سيرين هجمت عليها وحطت ايدها علي شفايفها بتحاول تسكتها :انا سيرين يا نوال
نوال لسه مرعوبه وخايفه لانها مش شايفه غير اسود في اسود
سيرين شالت الوشاح: انا اهوه والله
نوال زقتها: هتموتيني كنتي فين؟؟!
سيرين: مفيش وقت اشرحلك لازم اغير هدومي امير جاي ورايا
نوال: امير ليه وهتصرخ تاني
سيرين كممت شفايفها: يله بسرعه اغير هدومي
وهي بتغير هدومها دخل امير نوال صرخت وسيرين قعدت علي الكرسي بسرعه
نوال بتدفعه: اخرج
آمير بحرج: انا اسف
سيرين : انا بلبس علي فكره
أمير: طيب انتي بخير ممكن اتكلم معاكي في غرفه المعيشه
نوال :طيب اخرج
امير: انا اسف مره تانيه
نوال ضحكت بخوف: نسيت الباب كنا هنروح في ابو بلاش
سيرين: اتمني ميشكش فيا بعد الي حصل
بعد ما لبست راحتله في غرفه المعيشه وهو علق عيونه عليها ولا بعدها
امير: شوفتي حد غريب دخل الفيلا
سيرين: حد غريب لا
آمير: انتي متأكده انك مشوفتيش شخص لابس هدوم سوده وقناع جوه البيت
سيرين: ايوه متأكده ولو شوفت كنت اتصلت بالنجده علي طول
آمير سكت شوي ثم قال: بس انا شوفت الباب الرئيسي للفيلا مفتوح شوفي كدا لو فيه حاجه اتسرقت
نوال: ده اكيد حرامي دخل يسرق او يمكن حد من الفيلا الرئيسيه بيجري بالليل
سيرين: يمكن ده الي حصل ولو فيه حد غريب يبقي اكيد من بيتكم
امير بشك: لو حد من بيتي بيجري مني ليه
سيرين حبت تتوه: مفيش حرامي لو فيه يبقي انت الي بقي شهواني وبيحب يدخل عليا بأي حجه والسلام
آمير بعصبيه: انتي كل تفكيرك في الامور الي فوق 18 سنه الخلاصه انا متأكد اني شوفت حد لابس هدوم سوده دخل البيت
نوال بصت لسرين بقلق
آمير: المهم اقفلوا الباب بأحكام لان حد كان بيصرخ من ثواني
سيرين: طيب
نوال اتنهدت بعد ما خرج وقامت تدفع سيرين لغرفتهم
اما امير فضل يتفقد الجنينه وبعدها راح للمطبخ لقاه كيس دواء رقيه اخده ورجع يشيك علي البيبان والمداخل والمخارج ووقف يفكر ويتعجب من الشخص الي كان لابس اسود وازاي عارف مداخل ومخارج الفيلا كأنه واحد منها!!!!!
..................منه محمد.........
تاني يوم الصبح قاعد بيشرب كاس برتقال وخطرت في باله فكره خبيثه دخل عليه الحارس محمد: امير بيه خلصت الكاميرا ثبتها في مكان دقيق والمره دي لو فيه دبانه دخلت هنشوفها
امير: ذكي
محمد: انا رايح اجهز العربيه
آمير: لا استني عايزك تساعدني في امر تاني
محمد: خير يا بيه
آمير: هقولك
........منه محمد.........
نوال صحيت غيرت لحماده وسيرين نايمه في ملكوت ربنا نوال اخدت الولد عشان تفطره ولسه بتفتح الباب وخارجه لقت امير قدامها صرخت في وشه وهو بصلها بستياء ودخل الغرفه ووره محمد ومعاه شنط وبطاطين آمير قرب لسيرين الي نايمه وفاتحه بؤها كما المغاره كتم ضحكته علي منظرها
نوال: فيه ايه يا آمير بيه
سيرين قامت مفزوعه من النوم
آميرعيونه عليها: محمد فضي الاوضه حالا
محمد: امرك يله يانوال نسيبهم يتكلموا مع بعض
نوال: اروح فين؟؟
محمد: يله وقتنا هنا انتهي واخدها لبرا
سيرين: ليه دخلت هنا؟؟!!
آمير: لاني هفضل هنا من اللحظه دي
سيرين: مين اداك الاذن
آمير رفع حاجب بغرور : انا اديت لنفسي الاذن
سيرين: بس انا صاحبه الاوضه فمن فضلك بالذوق اخرج وخد حاجاتك من هنا فورا
آمير باصرار : لا
سيرين بنرفزه: انت ليه عايز تفضل هنا
اميربجديه: لان فيه ىشخص غريب دخل بيتي بالليل
سيرين اتنهدت بنفاذ صبر: ايوه ايه العلاقه ده بوجودك هنا
آمير: لو طلع عليكي وهاجمك انتي
سيرين: ليه يهاجمني ليه وبعدين انا متأكده ان مفيش حد حاول يدخل
امير: ازاي عرفتي
سيرين: لان لو كان جاي ليا كنت انا زماني باكل في الجنه
آمير: شايفك بتستنجي طول الوقت ماشاء الله ما علينا اظن اخويا الله يرحمه وثق فيا اني اخالي بالي منكم ودي افضل طريقه عشان احافظ عليكم
سيرين: مش ضروري انا اقدر احافظ علي نفسي كويس
امير بنظرات تفحصيه: وانتي بالحاله دي تقدري تحافظي علي نفسك وفيه طفل كمان ونوال وانسانه معاقه اسمعي مهما حصل انا هنام معاكي الليله
سيرين بضيق: انت مش بتفهم الي بقوله بقولك انا اقدر اهتم بنفسي ومش بخاف لا من حرامي ولا من هجام ولعلمك انت واحد من المشتبه فيهم ازاي اثق فيك يمكن بتحاول تلاقي فرصه تأذيني
آمير: اثبتي ده وخليكي معايا 24 ساعه ووقتها هتعرفي ان انا الي اذيتك ولا لأ اظن وجهه نظر هايله واسمعي انا مهتم بيكي عشان وصيه اخويا وهعرف انتي ناويه علي ايه موافقه تمام مكسب لينا من كل الاتجاهات
سيرين: انت ايه حكايتك فجأه كدا بقيت مهتم وحريص اكون عايشه
آميرعقد حواجبه : انا مسؤل عن امان وحمايه الناس الي في البيت انتي عايزه ايه تلعبي معايا ولا جبانه وبعدين انتي ليه خايفه ومش بتقولي تقدري تهتمي بنفسك يله اسيبك ورايا شغل تشاو وغمز لها ببتسامه
سرين فضلت تدعي عليه ونوال جات وحكتلها
نوال: ايه يفضل وانتي هتقدري عليه
سيرين بتوتر وقلق: انشاء الله
نوال حاولت تبعد توترها : انا مش بتكلم عليكي انا بتكلم عن اعضائك
سيرين بصتلها بتكشيره: اه يا وقحه
نوال: الحق عليا بخرجك من التوتر المهم قلقانه
سيرين: نوال انا خاطرت بحياتي بس مطمنه ان المخاطره مش هتكون مخيفه بس الي مخوفني اننا منقدرش علي المواجهه
نوال: انتي تخافي ده انتي مشاكسه
سيرين: المهم دلوقت ان قدامنا 3 شهور ويارب نلاقي الي بيشاور علي المجرم وقتها هكون جاهزه للمواجهه
نوال قلبت شفايفها وكشرت
سيرين دخلت عليها بالكرسي: جاهزه ولا لا
نوال نطت طلعت فوق الكرسي ومثلت الخوف: جاهزه انا معاكي في نفس المركب
..................منه محمد.........
تحت الكل متجمع ورقيه بعتت لسيرين
سيرين: خير يا رقيه هانم
رقيه: كل خير انا جبتك هنا فيه امر مهم بخصوص حماده وعايزه اتكلم معاكي فيه
سيرين: اتفضلي
رقيه: بدور عن مدرسه كويسه لحماده
سيرين بتعجب: مدرسه
رقيه: ايوه مدرسه لازم يدخل مدرسه كويسه يدخل الاول روضه عقله يفتح وينمو ويكون ذكي زي ابوه
سيرين: شكرا لحضرتك بس انا اقدر القي مدرسه لـ ابني
رقيه: بس علي الاقل مش هتكون بنفس مستوي الي هتختارها جدته لاني عايزه حفيدي يبقي احسن طفل في الدنيا اتمني تفهمي
مدحت: اتفضلي دي مجموعه الكتب لكل المدارس رياض الاطفال العليا
مني: لو كنت اعرف انها عشان ابنك مكنتش دروت عليهم بالحرص ده
رقيه: وانا لو عارفه انك هتسمعينا الكلمين دول مكنتش طلبتهم منك
مني: ماما الله
رقيه: امير جه في الوقت المناسب
امير دخل بهدوئه: خير ليه متجمعين
رقيه مبتسمه: تعال ساعدنا نختار مدرسه لحماده
امير خلع جايت البدله ودخل قعد وببتسامه حلوه: كدا حالا
سيرين رفعت عيونها على غاده الي بصلها بتحدي وكره
غاده مسكت كتيب: ايه رايك في المدرسه دي يا عمتو رقيه دي ليا صديق دكتور اطفال وهو مدخل ابنه فيها وشكرلي فيها جدا
رقيه اخدت منها الكتيب: فعلا كويسه جدا
مني: ماما ممكن اشوفها
رقيه ادتهولها علي مضض وسيرين قاعده ساكته تمام لانها محدده مع اختها اختيار المدرسه
مني بغرور وكبر: دي طلعت نفس المدرسه الي درست فيها ديدي ومش بيدخلها غير ولاد الطبقه الراقيه اظن مش هتكون مناسبه لـ ابنك
رقيه اتنهد بضيقه منها :كدا خرجي المدرسه من القايمه
مدحت: ليه بس يا حماتي
رقيه: لان برغم ديدي شاطره في دراستها بس في الامور التانيه مالهاش فايده وبعدين انا عايزه مدرسه تحافظ علي حفيدي مش تبوظه شيرين خدي اسم المدرسه دي شوفيها معلش يا غاده نولهالها
غاده بضيق :تمام
سيرين اخدته منها :شكرا يا رقيه هانم بس مفيش مدرسه من دول تصلح لابني
امير قام واخد منها الكتاب: ليه متصلحش كلهم مدارس مستوي فوق الممتاز
سيرين :عشان عايزه حماده يدخل مدرسه عاديه
مني بسخريه لاذعه: اه مدارس ولاد الفقراء
سيرين بهدوء: ايوه مدراس الناس الفقراء لاني عايزه حماده يبقي شخص عادي ولا عايزاه يكون طفل مميز او مدلل لان الدلع بيفسد الاخلاق والتربيه
مني قامت بنفعال وغل: انتي ازاي تتكلمي كدا
رقيه: مني اهدي مش كدا
سيرين :كوالدته من حقي اختار طريق ابني في الحياه عن اذنكم
.................منه محمد..............
بالليل قاعده تقلب في التاب وتكتب في دفتر الخواطر فتح الباب بهدوء ودخل واغلقه براحه وحط ايده في وسطه وفكر لثواني وبعدين خلع قميصه الي فوق وقرب من وراها
آمير: نظره هنا يا قمر
سيرين صرخت في وشه وحطت التاب علي وشها: ايه الجنون الي بتعمله ده انت من الناس الي بتحب تتباهي بالعضلات
آمير: لا اصل انا داخل اخد شور ولازم اقلع كل هدومي
سيرين: ولما هتاخد شور ما تروح تخلع في الحمام ليه هنا
آمير: مالك مكسوفه
سيرين بسخريه: لا انا بجحه بص لشفايفي
آمير ببتسامه خبيثه:بصيت وغمزها
سيرين: لو خلعت كل هدومك انا ولا حاسه بحاجه
امير: بس كدا اوكيه وبيخلع حزام البنطلون وبيرقصه زي الثعبان
سيرين بعصبيه: استني كفاااايه
امير شال الحزام وابتسم بخبث
سيرين نفخت: لا كدا كتير
آمير فتح الزرار فهيي صرخت
آمير: الله مالك مش بتقولي انك بجحه
سيرين ضغطت علي اسنانها: قلت مش حاسه بحاجه وكمان جسمك مش عجبني ومش حابه ابصله
آمير حب يجننها: اوك وفضل يعمل ضغط قدامها ويروح يسند علي ايد الكرسي وهي تذقه بغيظ
سيرين: ابعد عن الكرسي
آمير: تحبي تاخدي شور معايا
سيرين: استغفر الله العظيم انت حد مسلطك عليا
امير حرك حواجبه ورفعها بين ايديه
سيرين: عيب كدا يا اخينا
امير رايح بيها ناحيه الحمام
سيرين مسكت في العمود: سبني بقولك
امير برفض: لا هنروح الحمام سوي
سيرين: لالا مش ممكن انت يا مجنون يا منحرف
امير رجع حطها علي السرير ونام جنبها وبعدين قام وبصلها: كفايه عليكي كدا النهارده
سيرين: كفايه ايه
امير: انرفزك
سيرين :مبسوط مش كدا
أمير بنبساط: جدا جدا لما بشوفك ضعيفه بحس بمتعه
سيرين ضربته بالوساده: انت صنفك ايه ده شئ لا فيه متعه وانت معندكش ريحه الدم
آمير كشر: لا كدا ازعل وطلع علي السرير بس عارفه انا عمري ما عملت كدا مع اي حد بس معاكي انتي لانك محتاجه علاج خاص
سيرين اتعصبت: انت غور وضربته بالمخده
امير اخد المخده من علي الارض وحطها علي السرير وفضل يضحك لحد ما دخل الحمام!!
سيرين: وربنا مجنون
آمير فتح باب الحمام وبصلها بمشاكسه: انتي ساعديني الليله في التفكير نلعب ايه سوي
سيرين زعقت: نلعب ايه يا مجنون يا عبيط روح استحما يا قليل الادب
امير ضحك اوي لانه مستغرب نفسه طول عمره هادي ورزين الا مع دي يشوفها يبقي نفسه يعيش معاها طفولته الي اتحرم منها
................منه محمد........
في مكتب النقيب علاء راحله امير يعرف منه نتايج التحقيقات!!!
علاء بصله بتعجب: ايه الي حصل لوشك
امير: قطه مشاغبه خربشتني ( وابتسم)
علاء: قطه ماعلينا كاميرات المراقبه للاسف مقدرتش تلقط صوره الشخص الي ثقب مكان البنزين وسواق التريلا هربان واظن الحادثه دي مش عاديه فيه حاجه مستخبيه
آمير: بس ده مش معناه ان المجرم من جوه بيتي وكمان تصرف الست دي مش طبيعيه بس لو فيه حد عايز يأذيها مش هيكون الامر غريب
علاء: طيب ناوي تعمل ايه بعد كدا
امير اخد نفس عميق: لازم اعرف الحقيقه فين
علاء: ازي
امير سكت وافتكر انه نوي بالفعل يعيش معاها
علاء: امير مردتش ازاي؟؟!!
آمير: عندي طريقه ممتازه والست دي هتكون في امان
علاء: دقيقه انت قولتلي انك مش بتحبها فاليه قلقان عليها
اميراتوتر: مين القلقان انا مش قلقان كل الي في الموضوع اني مش عايز حد يموت في بيتي
علاء قام وقف وابتسم: انت متأكد
امير: ايوه متأكد
علاء: بس انا شايف ده غريب شخص معندوش قلب ويكون خايف من الحب زيك لا وكمان قلقان عارف كل اصدقائنا اتجوزه وانت لسه معندكش حبيبه يا اخي نفسي قبل ما اموت الحياه تديني فرصه واشوف ملامح حبيبتك
آمير: انت مبتفهمش انا صعب القي بنت كويسه وليه اصلن اوجع دماغي
علاء: كدا هتفضل عازب طول عمرك
امير بنرفزه: انت موركش شغل عمال تستجوبني روح شوف شغلك
علاء ضحك: علي فكره انت الي في مكتبي
امير: خلاص ارجعله ومفيش داعي تسألني كل ما تشوفني يله اشوفك
علاء رجع قعد علي مكتبه وفضل يضحك عليه
رايكم الروايا حلوه سيئه تتحذف احسن منتظره ارائكم