الضوء الخافت

البارت الرابع عشر

ابدأ بكتابة قصتك
ا

لبارت الرابع عشر
الضوء الخافت
منه محمد
في الشركه الدنيا مقلوبه بسبب الشركه الي كل يوم بتخسر وبقت في النازل
اميرعقد حواجبه: طبعا كلنا عارفين ان نسبه المبيعات انخفضت كتير عن الاول
غاده :وواحد من ضمن الاسباب مرض كرونا الي اثر ع اقتصاد البلد
ايسل بهدوئها المعتاد:بس مننكرش ان وفاه فاروق اثرت اكتر علي سير العمل
آمير هز دماغه واتنهد :صحيح كلامك يا ايسل بس فيه سبب كمان هو زياده النسبه علي العربيات المستعمله حاليا وحسب معلوماتي فيه اقبال بنسبه كبيره عشان كدا لازم نستثمر اكتر في السوق والعملاء يبقي عندهم اكتر من اختيار
مني بتهكم: بس الشئ القديم بيفضل قديم ولا هي اعذار والسلام
آمير اتغيرت ملامحه لما حس بالإهانة
مدحت بتأيد :كلام سليم ومظبوط  شركتنا في الكار ده من قديم الازل فلازم العملا يبقي عندهم ثقه في شركتنا بالمقابل الا لو مش قادرين نعمل احنا ده
امير بنفي: ده كلام مش تمام عشان كدا هنستخدم ميزتنا بعلاقات عامه جديده
سيرين :انا موافقه احنا الموزع المباشر كعلامه تجاريه عندنا خدمات كامله عندنا خبراء علي مستوي عالي من الخبره لو وضحنا كل دول اعتقد العميل هيكون عنده ثقه زياده
ايسل بصتلها وردت :مظبوط لو عندنا منتج جديد من العلاقات العامه لاستقرار شركتنا اظن الصوره هترجع احسن ما كانت وانا هدور عن شركه اعلانات تقوم بالمهمه دي
غاده :اوك وانا هساعدك
ايسل: اظن كلنا متفقين علي ده؟
آمير: انا بشكركم والاجتماع انتهي
ايسل قامت وراحتله: لو فيه اي حاجه ممكن اساعدك فيها قولي ع طول يا امير اوعي ترتكب خطأ
آمير: تمام
سيرين بتلف بالكرسي عشان تخرج امير راحلها عشان يساعدها
غاده حبت تلبخه عنها: آمير
آمير لف وبصلها وساب ايد كرسي سيرين الي خرجت في هدوء!!
غاده: الشركه دي بتعمل اعلانات مشهوره شوفها كدا
آمير بص بتمعن: اممم فعلا اعلاناتها للمشاهير خلاص قوللهم يتوصلوا معانا
غاده ببتسامه: اوك
آمير: شكرا لانك مخلتنيش اضيع وقتي(وبيلف وراه ملقاش سيرين
آمير بعجاله: همشي انا
غاده اتنهدت بينها وبين نفسها: محدش يعرفك اكتر مني ومستحيل تفوزي ضدي يا شيرين
..............منه محمد...........
ايسل راجعه في حاله غضب المفروض كانت تتغدي مع محي لكن اعتذر في اخر وقت وده شئ ضيقها جدا لسه داخله وبتفكر ياتري ايه السبب الي منعه يحضر لقت نوال بتتكلم في الموبيل معاه
نوال: شكرا يا محي بيه انك اهتميت بالست شيرين معلش احنا ع طول دوشينك بمشاكلنا بس انت ربنا هيكرمك والله تمام خلاص هعرف ليه مردتش بس اظن حماده كان بيلعب في الموبيل تمام هبلغها حاضر
ايسل طلعت قعدت في الجنينه وافتكرت لما راقبها وفي مره وهما رايحين مع بعض شغل كعب الجزمه بتاعتها انكسر وهما داخلين المبني قعدها ع جنب وراح اشترلها شوز رخيص وهي كانت رافضه تلبسه عشان مش ماركه وضحك وقالها مشي حالك  ونخ لبسهولها عافيه حسسها بشعور حلو اوي ..ومن هنا بدئت تعجب بيه
ايسل  حطت ايدها على قلبها اللي حاسه بيه مكتوم بضيقه كبيره اتجمدت ملامحها:ولنفسها: عايز تلعب معايا تمام نلعب بس علي اصول لعبتي انا
قامت رحتلها بكل غل وغضب وسيرين قرت من ملامحها ان فيه كلام محتاجه تقوله!!!
سيرين بصت لنوال الي بتلعب مع حماده: نوال خدي حماده والعبي في حته تانيه علي ما اتكلم انا وايسل
نوال بقلق: متأكده اني امشي
سيرين: ايوه يله
نوال رفعت جماده: حماده تعال نلعب جوه حبيبي
سيرين بصتلها: قولي الي عندك بسرعه
ايسل: عايزه احذرك من محي
سيرين بعدم فهم: محي ماله؟
ايسل: محي كان بيراقبني في السر وده امر منك انتي طلبتي منه يقرب مني عشان تختبريني بس انا مستحيل اقع في خدعتك ابدا
سيرين: عارفه انك ماشاء الله ذكيه بما فيه الكفايه بس انا عمري ما فكرت بفكره سطحيه زي دي لانها متنفعش مع شخص زيك عايزه تصدقي ده راجعلك وبراحتك بس انا مبجبرش محي ع اي حاجه هو بيفكر من نفسه واي كلام وا اي امر بينفذه من نفسه لاني معنديش اي تأثير علي حياته!
ايسل بسخريه: شكلك اقنعتيني
ومشت وسابتها وسيرين ميلت بؤها وقلدتها وبعدين ضحكت
...........منه محمد....الضوء الخافت......
في الشركه قاعده ايسل مع محامي خبط الباب ودخل منه محي بعد ما سمحتله ايسل بالدخول
المحامي بصله: اهلا استاذ محي
محي الي مستغرب: اهلا بحضرتك
المحامي: عامل ايه
محي: تمام الحمد لله
المحامي: انت بتشتغل هنا ليه؟؟!
ايسل: شكرا لحضرتك هطلب من هشام يتواصل معاك
المحامي لم ملفات وقفل الشنطه ووقف : تمام انا همشي وبص لمحي فرصه سعيده يا محي
محي: انا اسعد والله
بعد ما خرج المحامي محي بصلها اوي قرب منها وسألها بهدوء
محي : انتي ليه بتعملي ده عايزه ايه ولا معندكيش ثقه فيا؟
ايسل قامت راحت علي مكتبها: انت اشتغلت في شركه الفاروق للسيارات لفتره طويله بس ده مش سبب انتي مقدرش استغني عنك
محي: ايوه ليه بتعملي كدا
ايسل: الشغل معايا لازم يبقي كل اولوياتك في الاول والا مش هينفع نشتغل مع بعض
وهمشته وفتحت ملفات لقت من ضمنهم ورقه مكتوبه بالدم((هقتلك)
صرخت بفزع وزقت الكرسي لوري
محي: ايسل هانم مالك؟
راح ومسك ايدها يهديها: اهدي يا مدام ايسل اهدي وهي اتشبثت في ايده وجسمها كله بينتفض بخوف
محي: اهدي اتنفسي بعمق خدي نفس بعمق وراح جبلها كوبايه ميه وشربتها
محي: انتي افضل دلوقت انا سالت السكرتير هشام ومحدش عارف مين الي حط الورقه جوه الملف انتي شوفتي الي جبلك الملف لحد هنا
ايسل بزعر: لما دخلت شوفت الملفات محطوطه علي مكتبي
محي: الي عملها قادر يحط رساله تهديد وهنا لو مش شخص من جوه الشركه يبقي عارف المكان كويس جدا
ايسل: يبقي اليوم مش صدفه
محي: اي يوم
ايسل: كنت رايحه شغل وكان فيه شخص ماشي ورايا وحاطط كمامه كبيره علي وشه
محي: يعني قصدك الي حط الرساله كان بيرقبك في اليوم ده
ايسل: بس الاهم هو مين؟
محي بعد تفكير: يمكن من الشركه الشحن الي معانا معاهم مشكله وبما انهم عارفين ان الشخص الي مهتم بالمسأله هما بس هددوا
ايسل : لا بس الامر الي بينا وبينهم ميوصلش للتهديد وغير كدا هما الطرف الاقوي مش احنا
محي: طيب انتي عندك خصومه مع اي حد!
ايسل وشها مخطوف : لا معنديش
محي: الله امال هيكون مين
ايسل: متقولش لـ اي حد بالي حصل
محي: بس المسأله ليها علاقه بسلامتك
ايسل: مش عايزه حد يقلق عليا من فضلك خالي ده سر بينا ارجوك
محي: تمام زي ما تحبي
........منه محمد.....الضوء الخافت.......
في الشركه نزل يقابلها في الكافيه تحكيله عن عامل الصيانه
سيرين: شيرين قالت لي ممكن نثق في ممدوح
ممدوح: مدام سيرين قصدي مدام شيرين
سيرين: لا ناديني مدام شيرين عشان محدش يشك فينا
ممدوح ابتسم: تمام مدام شيرين لو فيه اي حاجه عايزاني اساعدك فيها قوليلي انا سداد ومستعد برقبتي
محي: احنا كدا نبقي متفقين وماشين في نفس الطريق عشان كدا عايزك تبلغني تحركات الكل جوه الشركه الي انت تعرفها
ممدوح: الكل هنا محدش فيهم مبسوط ان امير بيه اتولي منصب المدير نيابه عن رقيه هانم
سيرين بضيقه : فعلا ده حسيته
ممدوح: فيه حاجه كمان ومش عارف لو تعرفوها ولا لا ان مدحت عشقته تالا السكرتيره
سيرين شهقت ووسعت عيونها وبصت لمحي الي وضح عليه الدهشه
ممدوح: بس الكل هنا عارف العلاقه بينهم والشخص الوحيد الي ميعرفش هي مدام مني
سيرين: متعاطفه معاها الخيانه وحشه وهي مفكره جوزها شخص كويس هتتجنن لو عرفت الحقيقه
ممدوح: فعلا دي بتحبه بجنون
محي: فيه أمر لازم تعرفيه
سيرين بهتمام: بخصوص ايه
محي: فيه حد هدد ايسل النهارده
...........منه محمد..........
في غرفه الاجتماعات كلهم موجودين
مخرج الاعلانات: بخلاف دعايا شركه الفاروق للسيارات ممكن نعمل اعلان عن عربيه جديده زي ما امير بيه طلب شوف كدا العروض دي
امير مد ايده واخد مجموعه صور : كلها روعه جدا شغلك ممتاز حبيبته وموافق
غاده: فاضل كدا الموديلز الي هتقوم بالاعلان
المخرج بحماس: لا دي سيبوها عليا عندي موديلز تجنن عن اذنكم اروح اتصل بيها
المخرج خرج برا الغرفه واتصل بسيرين وقالها عن الاعلان
سيرين دخلت الحمام بسرعه وردت عليه: ايه اعلان عن عربيه في شركه الفاروق
المخرج: استني اقولك الشغل ده فيه فلوس حلوه اوي وشغل هيخالي اسمك لفوق بدل ما انتي مغموره كدا سيرين اقبلي الشغل ده عشاني
سيرين: لا مش هينفع حتي لو فيه ملايين صعب اقبله
المخرج: ليه يا سيرين ارجوكي ساعديني انتي فنانه هايله واستعراضيه جباره وملامحك جميله وتجذب الجمهور  وبعدين الشغل ده هيستمر لفتره طويله هنتنغنغ فلوس
سيرين: انت مش فاهم انا لو قبلته يبقي بنهي حياتي وانت هتكمل حياتك عادتشي
المخرج: انتي بتقولي ايه
سيرين: مش لازم تعرف الخلاصه مقدرش اقبله سوري يله اقفل
قفلت سيرين: لالا لازم ابلغ نوال
المخرج: قفلت المجنونه لا انا وراكي والزمن طويل
.........منه محمد..........
رجع المخرج وقالهم ان شيريهان رفضت الاعلان واتصل بأمير الي غادر الشركه لانه مجهد
آمير: ليه رفضت تعمل الاعلان.!
المخرج: مقدرتش افهمها
آمير: طيب لو عندك رقم موبيلها ابعتهولي وانا احاول اتكلم معاها واشوفها ليه رافضه
المخرج: مع احترامي لحضرتك بس ده مش ممكن اصل شيريهان بتحب الخصوصيه جدا وليها مساحه كدا وطقوس حطها لنفسها وانا اسف مقدرش اديك رقمها
آمير بتفهم: عارف كل ده لان لا ليها صوره علي الانترت ولا اي معلومه تدل مين شيريهان دي
المخرج: فعلا وانا مش فاهم ليه مصممه علي حجب شخصيتها دي من اول ما اشتغلت معايا حتي لو حد من الصحافه حب ياخد لها صوره ترفض بس صدقني هي انسب موديلز تعمل الاعلان لانها بنت جباره واي اعلان  رقصه في فيلم لازم يطلبوها بالاسم
آمير اتنهد: طيب خلاص خليني اجرب اتصل بيها واشوف لو حتي عندك تلفون مدير اعملها
المخرج: تمام هبعتلك رقم مديره اعمالها
آمير: تمام شكرا لحضرتك
قفل ولقاه نوال بتمسح النيش
آمير: بتعملي ايه هنا؟؟!!
نوال: ابدا شكريه تعبانه شويه قلت اعمل شغلها
آمير: ربنا يديكي الصحه
لقاه رساله علي تلفونه اخد الرقم  ولف بضهره واتصل لقاه موبيل نوال بيرن  لف وبصلها بستغراب
نوال بضحكه هبله: مجرد صدفه عن اذنك هرد بعيد عشان تاخد راحتك
آمير: اوك
نوال بعدت وبصت للرقم كان غريب لمين الرقم ده معرفوش يظهر ده شغل مخصوص لشيريهان يا منتا كريم يارب وردت: الو
آمير: الو انا امير العصامي من شركه فاروق للسيارات
نوال بعدت الموبيل من علي ودنها: ليه الصوت مش غريب عليا (رجعته تاني) مين الي بيتصل
آمير: انا امير العصامي من شركه فاروق للسيارات
نوال شهقت: ايه امير بيه
آمير: حضرتك مديره اعمال  الفنانه الاستعراضيه شيريهان
نوال: ثانيه ارجوك خليك معايا ع الخط دقيقه
نوال بصتله من وري ضهره: هو آمير القمر يالهوي يالهوي
آمير: اسف بس صوتك ليه مش غريب عليا احنا اشتغلنا قبل كدا مع بعض!
وبيلف وراه شاف نوال والموبيل علي ودانها امير بصلها وهي مثلت انها بتكلم حد
امير لف تاني وحط موبيله علي ودنه ونوال سرسعت صوتها اوي: ليه ايه الموضوع
آمير: انا كنت محتاج اتواصل مع الفنانه شيريهان محتاجها تعمل اعلان لشركتي
نوال: ياربي عايز يشوف شيريهان
آميركمل: بس المخرج قال انها رافضه اي شغل يجيلها او رافضه شركتنا تحديدا
نوال طخنت صوتها: ايوه مظبوط
آمير: عشان كدا محتاج اكلمها هي شخصيا
نوال: مش هتقبل الاعلان وبشخط) هي عافيه
آمير لف وبص وراه ونوال مثلت انها بتكلم حد
آمير لف تاني للشباك: ممكن اعرف ليه؟؟
نوال: الموضوع كدا هي رافضه اصل وكيلها الي محتكرها مسافرا برا وصعب تخترق بنود العقد يله سلام وقفلت وجريت علي سيرين تبلغها الي فضلت تعنفها انها جبتله سيره الوكيل كانت رفضت وخلاص
.......منه محمد.......
في الشركه
مني واقفه قدام الشاشه البلازما الكبيره وصوره امير ماليه الشاشه: اظن بعد خساره فيه اشاره ان شركه الفاروق بقت اسوء ومبيعاتنا كل يوم في النازل ومنعرفش هنعمل ايه في الجديد بس الي واضح خبره امير باشا اخويا الصغير الي من ام مختلفه لينا معندوش خبره كافيه والي مقلق حاليا هو مستقبل الشركه الكبيره المشهوره تغرق وتاخدها العاصفه قولي يا استاذ امير ايه رايك شايف الوضع عامل ازاي
امير بصلها ومردش بحرف واحد لانها مصممه تهدمه
غاده: انا شايفه ان الاخبار الي عماله تكتب ده متعمده تشوه سمعه آمير مين عارف مش يمكن حد نعرفه
مني بحده: تقصدي ايه يا ست غاده متتكلميش بعشوائيه
غاده: انا قصدي المنافسين بتوعنا ليه اخدتي الكلام علي نفسك
ايسل بتحذير: غاده
مني: ها قوليلي ازاي هتحلي الامر يا ايسل
ايسل وجهت نظراتها له: ايه اخبار الاعلان يا آمير؟ كل حاجه جاهزه تقريبا كل الي فاضل نتواصل مع الموديلز شيريهان لو كانت مستعده تشتغل معانا اعتقد كل حاجه هتبقي تمام
مدحت: فنانه استعراضيه سهله وبسيطه احنا ممكن نلاقيها لو مش قادر توصلها خليني اساعدك يا امير
مني: فعلا انت محتاج لحد يساعدك لانك متقدرش تحل ده لوحدك
سيرين: بس الي اعرفه ان شيريهان مش فنانه استعراضيه وبس دي فنانه تقيله مش بسيطه ولا سهله زي ما انتم مفكرين
آمير: فعلا برغم انها فنانه استعراضيه بس ليها اسلوب خاص محتفظه بيه لنفسها  وغموضها ده الي مخالي الناس مهتمه بيها  خصوصا الصحافه
غاده: فعلا بعد ما نزلنا ان شركتنا هتعمل معاها اعلان كل الناس عايزين يعرفوا الشخصيه الحقيقيه لشريهان انا سمعت انها في اجازه حاليا
سيرين في سرها: ودي عرفت ازاي؟
غاده كملت: لو عرفت الصحافه اننا قدرنا نسحب شيريهان وعملت الاعلان اؤكد ان الصحفين هيبقي عندهم شغف يغطوا اخبار شركتنا وبكدا شركتنا هتستفاد كتير
ايسل: كدا لازم نشهل ونخالي شيريهان توافق يا آمير
آمير: بحاول
مني وقفت بهجوم: لو الشغل منجحش يبقي لازم تراجع نفسك من اول وجديد يا امير او هتاخد مكان امي او لا
امير حرك القلم ودماغه وسكت تماما
مني :يله بينا يامدحت
وخرجت وامير قام مخنوق وسيرين بصتله واشفقت علي حالته
...........منه محمد........
غاده رايحه جايه تتصل مفيش اي استجابه وسيرين قاعده فاتحه الجهاز وضربه الدنيا اخر طناش
آمير دخل بستعجال: غاده قدرتي توصلي مع وكيل شريهان في امريكا
غاده: لا بس طلبت من صديق ليا في نفس المجال يحاول يساعدني
آمير بصوت عالي وبمصحوب بأمر: الكل مطلوب منه يجمع معلومات عن  شريهان بقدر الامكان  اي مدونه شخصيه ايه الحاجات الي بتحبها والي مبتحبهاش اي معلومه مفيده عنها لاني عايز اعرف شريهان دي كويس جدا
سيرين: لحظه آمير بيه ليه عايز تعرفها
آميربهدوء: لو معرفناش عنها ازاي هنخليها توافق تشتغل معانا وتوافق تعمل الاعلان
سيرين: انت بتضيع وقتك علي الفاضي وشيريهان هترفض الاعلان ده وابقي شوف
آمير حس كأنها غيرانه عليه من اهتمامه بيها: ليه مصدقه ده
سيرين عيونها راحت شمال ويمين: من تصرفاتها هي مش عايزه تكشف نفسها يظهر انها شخصيه كرهت الناس والمجتمع وبعدين لو اشتغلت هتضطر تكشف هويتها وده هيخليها تفقد خصوصيتها شيريهان مش هتقبل الاعلان خليك واثق فيا!!!
آمير بتحدي: انا معرفش الهزيمه لو محاولتش اوصل بنفسي
سيرين رفعت كتافها بعدم مبالاه: اعمل الي يريحلك (ومشت بالكرسي)
آمير مسك الكرسي ولفه ناحيته: استني استني انتي كمان مطلوب منك تجمعيلي معلومات عن شيريهان
سيرين وسعت عيونها: ايه عايز مني معلومات عن شيريهان
آمير: ايوه الكل لازم يعمل ده وخصوصا انتي لانك المساعده بتاعتي
سيرين بصتله ووملامحها اتحولت لحركات كرتونيه وجزت علي اسنانها
آمير رفع عيونه للموظفين: تمام الكل علي غرفه الاجتماعات  في خلال عشر دقايق
غاده ميلت عليها بستهزاء: يله استغلي يا حضره المساعده
سيرين في سرها: شوطه تاخدك انتي وهو
............منه محمد.......
سيرين قاعده وفاتحه الشاشه وماسكه قلم عماله تطقطق بيه وبصوت مش مسموع: شيريهان بتحب اللون الاحمر
آمير دخل : ها ايه الاخبار ايه المعلومات الي لقتوها
موظفه: المعلومات  الي موجوده في النت معلومات مش مفيده بالمره
موظفه اخري: مفيش حتي اشاره عن اسمها الحقيقي ومعظم الادوار الي مثلتها حاطه قناع علي وشها او مكياج مغير شخصيتها
آمير بصلها لقاها بصاله بنظره كلها شماته!!!
غاده دخلت: اميرصديقي لقاه  معلومات عن شيريهان
آمير بلهفه: قالك ايه؟؟
غاده: شيريهان مصريه بس ابوها امريكي اتولد وكبرت هناك بس تقدر تتكلم مصري صحيح لونها المفضل الازرق
سيرين بصتلها وكتمت ضحكتها: كدب اوي
غاده بحده: انتي بتقولي كدب ايه المعلومات الي انتي جمعتيها
سيرين بتتكلم بثقه لانها هي شيريهان: فنانه مصريه اصيله ابوها مصري وامها مصريه ولدت وكبرت في القاهره في بيت بسيط ومن صغرها بتحب الاستعراض والعنف هوايتها لعب الكاراتيه وفوق ده كله لونها المفضل الاحمر
الكل ضحك عليها وآمير هز دماغه و ابتسم
سيرين بعصبيه: ليه بتضحكوا
آمير ميل عليها: بيضحكوا لانك قاعده هنا وبتخلقي مواصفات من طلقائك نفسك
سيرين: انت مش مصدقني
آمير: ليه اصدقك وانا مش عارف جبتي المعلومات دي منين غاده جابت معلومات من صديقها الي في امريكا بس انتي معلوماتك من دماغك
سيرين نفسها تقوله انا شيريهان انا بتكلم عن نفسي لكن هي بتألف من دماغها لكن سكتت صعب تصرح بشخصيتها الفنانه!!!!
امير بسخريه: شوفي انتي حتي فاتحه اللاب علي روايات منه محمد
غاده  بستهزاء:هو ده الانسان الكداب يا شيرين هانم
الموظفين ضحكوا تاني وغاده تلفونها رن ردت: بجد متشكره ليك جدا سلام امير عرفت عنوان وكيل شيريهان
سيرين قلبها وقع منها وحست برعب لكشف حقيقتها
مير بلهفه: فين
غاده ببتسامه :هو هنا في اليكس
آمير بحماس اخد سيرين بالكرسي علي برا: غاده انتي متأكده ان اخبارك موثوق منها
غاده ماشيه وراهم: الا متأكده اكدلي انه وكيل شيريهان هنا بيقضي اجازته في فندق ثان جيوفاني
آمير: تمام يله نرحوله
غاده: انا طلبت من محمد يجبلك بدله ويجب لي فستان نغير ونرحله سوي
آمير: طيب وشيرين
سيرين لفتله: اه لحظه امير انا مش هقدر اروح معاكم
آمير: ليه
سيرين: اصل قلقانه علي حماده وبعدين انا لو روحت معاكم هبقي عبئ عليكم
غاده بطرف عينها: كلامها مظبوط وبعدين الامر هيبقي ازعاج
آمير: لا مفيش ازعاج ولا حاجه لازم تروحي لانك المساعده بتاعتي ولسه تحت التدريب عايزك تروحي تتعلمي الشغل
سيرين: بقولك انا قلقانه علي ابني مش عليك انت
آمير: بلغت رقيه ونوال معاها انتي ليه خايفه
سيرين: بس
آميرقطعها: خلاص اقعدي هاديه وبلاش تخيبي ظني انتي مساعدتي
غاده تلفونها رن ردت بخنقه: ايوه يا محمد وصلت طيب حط الشنطه في العربيه
آمير: ها ايه الاخبار
غاده: محمد وصل بالحاجه
آمير: يله نروح
سيرين: لحظه لحظه كدا
آميربزهق: ايه تاني
سيرين: خليني اتصل بنوال
أمير: اتصلي يا صبر آمير عليكي
سيرين مسكت موبيلها تتصل في نفس اللحظه موبيل امير رن لقاه  المقاول وفيه معاد بينهم وكان نسيه تماما قاله هيبعتله المساعده بتاعته وقفل
سيرين بفرح: معني كدا انا مش مضطره اروح معاكم
آمير بصلها وابتسم بمكر: غاده روحي انتي لمقابله العميل نيابه عني  لانه لو استني لحد ما نرجع هيتأخر عن الشغل
غاده كشرت: بس انا حابه اروح معاك ليه متخليش شيرين تروح بالنيابه عنك
آمير: لان شيرين متعرفش المقاول ومتعرفش اي حاجه عن الحمله وانا واثق فيكي انتي واتمني ميبقاش فيه مشكله تانيه
غاده علي مضض: طيب (ومشت علي اخرها)
امير همس جنب ودنها: ها مستعده
سيرين: وهدومي
آمير: البسي فستان غاده
...........منه محمد...........
امير بيجر الكرسي ولابس نضاره شمسيه حاجبه عيونه من الشمس وسيرين حاطه شنطه علي حجرها ولابسه نضاره واكله كل وشها
سيرين: انت متأكد انه هنا
آمير: اكيد هنا
وقرب من اللاستعلامات يحجز غرفه
الموظفه: مفيش غير غرفه واحده متاحه!
آمير: اوك
سيرين: ناعم يا خويا
آمير: ايه
سيرين: هنام بنفس الاوضه
آمير: طيب ودي فيها ايه ما احنا عايشين في نفس البيت وبنام في نفس الاوضه وبعدين انتي مينفعش تبقي لوحدك وخصوصا بالليل
الموظفه: ممكن البطاقه لو سمحت
آميرحط ايده في جيب الجاكت: اه طبعا اتفضلي
وبعد ما حجز الغرفه اخدها علي الكافيه وطلب له قهوه وليها عصير كوكتيل
أميرمدلها الموبيل: انتي يا متعبه خدي دوري عن الوكيل ده اعملي حاجه
سيرين لفت لقت مراد الوكيل جاي عليهم خلعت النضاره وشهقت شهقه طويله بدون صوت
آمير قام وقف: يله نروح نسال عليه
سيرين خافت امير يلمحه خالته مدير بضهره وضربته علي مؤخرته جامد وآمير اتألم وبصلها
سيرين بحرج: اصل فيه نحله وقفت علي البوبا مقدرتش اشوفها بتلدعك ضربتها اسفه
آميرفتح عيونه عالآخر: انت لسعتي خالص يله
سيرين شدت ايده: ما تقعد شويه الجو ربيع والدنيا بديع وخليني اشرب العصير
وهي بتشرب العصير لفت شافت وكليها معدي وامير بيلف بعيونه راحت بصقت كل العصير عليه
آمير صرخ فيها: لا دي هربت منك
سيرين: اسفه اسفه والله وبتضرب فيه
آمير: خلاص انتي مش بتمسحي انتي بتنفضي كفايه انتي جرالك ايه النهارده
سيرين: تغير الجو وقلت اسفه
آميرقام شدها بالكرسي: يله نروح نغير وهما ماشين في الممر للغرفه سيرين شافت الوكيل خافت امير يلمحه فضلت تلف بالكرسي وضربت امير الي خبط في مراد ووقع علي الارض واتأوه جامد
امير: اقدر اساعدك
مراد: شور ساعدني
آمير مد ايده ودقق في ملامحه: انا اسف حضرتك السيد مراد
مراد: ايوه انا هو  اسمي مراد بس قولي يا دودي عادتشي
آمير بتعجب سلم: اتشرفت بيك يا مراد
مراد مد ايده بالسلام: انا كمان  نفسك بس سوري انت عرفت اسمي ازاي
آمير: انا آمير العصامي من شركه الفاروق للسيارات اتفضل الكارت
مراد: ثانكيو
آمير بيلف وراه علي سيرين ملقهاش وراه واستغرب هي راحت فين!
آمير لف وبصله: علي كل حال انا هنا عشانك
مراد ظبط شعره: بجد عشاني
آمير : ايوه عشانك
مراد بيعمل حركات زي البنات المكسوفه
أمير: انتي بخير قصدي انت بخير
مراد: انا زي العسل اتفضل نتكلم جوه
ودخل الغرفه وقدمله واجب الضيافه وامير مش مرتاحله بس كل همه شيريهان
مراد حط رجل فوق التانيه وبغرور: قولت لي انك جاي ليا مخصوص ايه الموضوع
آمير: حضرتك بتتكلم مصري
مراد: شور انا بتكلم مصري وثلاثه لغات
آمير: انا جايلك بخصوص شيريهان وحكاله انه عاوزها في اعلان للشركه
......منه محمد..........
بعد ما خلص  كلام مع مراد خرج  سند ضهره للحيطه وفضل واقف قدام الطرقه لقاه سيرين جايه عليه بالكرسي العجل
سيرين: امير
آمير : انتي روحتي فين
سيرين: روحت التوالت ها طمني نجحت مع مراد
آمير اتنهد بضيق: قالي شريهان في اجازه ومش عايزه حد يزعجها
سيرين ببتسامه: يس
آمير: في ايه
سيرين لحقت نفسها: قصدي ياخساره جينا علي الفاضي ايه رايك نرجع وبلاها شيريهان دي خالص(بتشد ايده)
أميربرفض قطعي: لا طبعا انا يستحيل اعترف بالهزيمه الشغل ده لازم مراد يساعدني يله نروح اوضتنا
سيرين بتلف شافت مراد الي غمزها انه نفذ اتفاقه معاها
..........منه محمد.......الضوء الخافت.....
في الغرفه قعد جنبها بعد ما طلعها علي السرير
آمير: الي فهمته لما اتكلمت معاه مراد شخص ودود جدا لو ضغطتناه عليه هيكون سهل نتفاهم معاه
سيرين: هو دود مع الرجاله بس
آمير: هو عنده مشكله مع الوكاله وهو حاليا بيشتغل لحساب نفسه
سيرين: ويمكن حاسس بملل من الناس الي عمال يقابلها في حياته عشان كدا راح اشتغل لحسابه
آمير: دلوقت هو كل همه الاجر يعني ده ممكن يحمسه يشتغل معانا
سيرين: انت ليه مش بتسمع راي حد روح هناك للحيطه اتكلم معاها
أمير: امتي مسمعتكيش
سيرين: اهو انت بتكلم نفسك وبتوافق برضه مع نفسك انا زيك عايزه اقنعه عشان ارجع لـ ابني بسرعه
آمير ربع وحط ايده الاتنين تحت دقنه وبصلها بهتمام: عايزه تقولي ايه؟
سيرين: عايزه اقولك بطل تعتقد ان كل الناس عايزه فلوسك لان فيه ناس مستحيل نشتريهم بفلوس الدنيا لو حبيت المساعده من حد لازم يرتحلك الاول ويعجب بيكي وباسلوبك
آمير: قوليلي اعمل ايه
سيرين: ايوه كدا تعال اقولك
........منه محمد.............
تاني يوم اخدها للشط وقعدها علي مركب قديمه وحجز طربيزه للعشاء وتكون فخمه جدا وراح قرب ووقف جنبها
آمير: انتي واثقه ان الخطه هتنجح
سيرين بصتله وابتسمت: متأكده 100 في 100
سيرين اخدت طوب وفضلت تحدفه في الميه وآمير مبتسم علي شقاوتها
فتح جاكت البدله وقعد معاها علي المركب: بتحبي تلعبي مع الميه
سيرين: مين الي بيتكلم
آميرضحك: الي اقصده مش معقول تيجي البحر ومتنزليش كدا ولا كأننا جينا
سيرين: مفيش حد بياخد كل الي عايزه انا بس اقدر اشوف البحر واتأمله احس بيه وبجماله وكدا ببقي مبسوطه وسعيده
آمير بصلها ملامحها ناعمة وطفولية: خلاص نتأمله سوي كدا نحس بيه مع بعض
وبصلها وطالت نظراته عليها وسيرين اتوترت ورجعت عيونها تتأمل البحر!!
...............منه محمد.......
شويه اخدها للعشاء الطربيزه فاخره جدا علي مستوي عالي لبس كاجول فانله سوده بارزه عضلاته وبنطلون رصاصي وكاوتش اسود في رصاصي كان وسيم وقمر وهي لبست فستان خفيف ابيض مفتوح من الجانبين وفكه شعرها كله علي ضهرها كانت جذّابة وجميلة
آمير بترحاب واسع: اتفضل يا مراد بيه
مراد: شكرا بصراحه انا نفسي اشتغل معاك بس شيريهان شخصيه صعبه جدا ودماغها ناشفه ولو قررت امر مقدرش اغير رايها
أمير: حاول ارجوك خليها تغير رايها
مراد: صعب جدا الامر مش بالسهوله دي زي ما قولتلك شخصيه صعبه جدا (وبصلها بغيظ) ومغروره ومفكره الكون بيدور من حواليها اسف الاحسن تبقي بعيد عنها
سيرين بصتله واتكت علي سنانها بغيظ: فعلا بس الي سمعته ان شيريهان شخصيه لطيفه جدا عكس الي انت قولته واي حد يتمني يشتغل معاها
مراد بحمقه: لا غلط بيتمنوا يشتغلو معاها عشان مهاراتها مش عشان شخصيتها
سيرين خلت امير بيكلم الجرسون وشاورت له علي دقنها انها هتوريه
مراد حب يعصبها : اجبهالك علي بلاطه شيريهان مش بتهتم بكلامي  ومش عارف انت ليه مهتم بيها ما فيه الف غيرها بس عشانك انا هحاول اقنعها تغير رايها لاني عايز اشتغل معاك
آمير  ببتسامه: وانا واثق فيك
.........منه محمد.......
اخدها للغرفه ودخل نيمها علي السرير وراح قعد علي التربيزه يكتب حاجات وبصوت عالي: رحله شامله علي يخت وعشاء فاخر وشويه هدايا ماركه ايه رايك في الطريقه دي ممكن اقنع مراد يشتغل معانا
سيرين: انت بتكتب علي ورقه
آمير قام ورحلها وقعد جنبها: دي طريقتي في التفكير خدي حاولي تقريها وشوفيها ان كانت مناسبه
سيرين جعدت الورقه: اسفه بس كل طرقك صعب نستخدمها سبق واقنعت حد بيك كدا
آمير: انا لا بحب اقنع حد ولا بحب حد يقنعني
سيرين: عشان كدا طريقتك فيها دفاشه لما تحاول تقنع شخص لازم تحس بالي بتقوله وتعمله مش  تعمل امر فوضوي
آمير: بتتكلمي كأنك حاولتي تقنعي حد قبل كدا
سيرين: فعلا عملت ده وكتير
آميربحزن: فاروق مش كدا
سيرين سكتت شويه وردت: اه انا بقنع الناس الي بحبهم وبهتم بأمرهم عملت انت ده
آمير: ايوه عملته بس ولا اهتمت لـ امري عشان كدا اتعودت اوقف غضبي بنفسي رغم اني مش فاهم ليه لازم نقنع حد
سيرين: فهمت وعرفت انت ليه لحد اليوم عازب
آمير كشر:عازب دي جريمه يعني احنا هنعيش ونموت
سيرين: طيب مش خايف تفضل وحيد لحد ما تموت يا سيد امير حياتنا بتمشي بالحب
آمير: لا مش مظبوط الحياه ماشيه بسبب انفسنا الحب مش موجود محدش بيحب حد غير لما لازم يأذيه وبصراحه انا مقدرش اتحمل الالم
سيرين: ايه يابني الدراما دي انت عشان بس مقابلتش الشخصيه المناسبه عارف لما تلاقي الحب  وقتها بس هتلاقي السعاده ووقتها تبتسم
آمير: لا انا هبتسم لنفسي
سيرين: واحد زيك من غير قلب مستحيل يفهم ابدا
أمير: بطلي غلط  سكت شوي ثم قال بعدين ليه معنديش قلب اخد ايدها حطها علي قلبه( ده قلبي بس رافض استخدمه لاني وصلت لنقطه ان الالم بيوجع فقررت مستخدمهوش نهائي
وقام من جنبها ثم اتنهد والتفت عليها وفضل لحظات يبصلها وهي عقدت حواجبها مستغربه طريقة كلامه  
..........منه محمد........
شويه دخلت عليه بفنجان قهوه  يصحصحه شرب منها وكشر بستياء من الطعم وهي ضحكتله وراحت تعمله غيرها لقاه دم نازل من انفه رجعت سيرين اتخضت وقربت عليه بلهفه
سيرين بفجعه: امير ايه ده رجع ماغك لوري بسرعه
آمير رجع دماغه لوري ومسك منديل في ايده
سيرين: تعال تعال اساعدك وحطتله المنديل بقوه عشان يوقف الدم 
سيرين: امير افضل ثابت مالك يا امير بلاها شيريهان نشوف حد تاني
آمير: اظن انتي عارفه وضع الشركه سئ وشيريهان الكل عايزها مني ايسل غاده حتي رقيه الكل
سيرين بصتله بحزن وبقلبها: اه لو عرفنا بعض علي ان انا شيريهان وانت مش موجود في بيت العصامي البيت الي أذي اختي كانت الامور مش هتكون بالصعوبه دي
........منه محمد.............
الصبح بدري اخدها ونزلوا يفطروا وطلب طربيزه علي البحر امير حالته كانت سيئه جدا منمش طول الليل من التفكير حرك راسه شمال ويمين بيحاول يفوق الشوكه وقعت من ايده
سيرين بقلق: امير مالك انت عايز تنام
امير شرب ميه: لا انا كويس مراد مسافر بكره يله خلصي فطارك ونروحله
امير بعد ماراح قابل مراد الي اكدله ان شيريهان رافضه تماما تعمل الاعلان والافضل يحذفها لانها  شخصية قوية جداًو عنيدة،عدائية ومش هيعرف يتحاور معها نزل من عنده وراح علي الشط
سيرين بصتله اول مره تشوفه ضعيف: امير متزعلش نفسك نلاقي غيرها
آمير مره واحده حس بدوخه وحصله عدم اتزان ومسك دماغه واترنح
سيرين: امير انت لازم تطلع تنام شويه
امير فرك عيونه ومره واحده بدء يفقد اتزانه
سيرين بفزع: امير انت كويس
امير مره واحده وقع علي الكرسي
سيرين  بقلق: امير
أمير بصوت مجهد ضعيف: حاسس بدوخه خفيفه
سيرين بعطف: انت بخير انادي حد يساعدك
آمير بدون شعور حط دماغه علي كتفها ونطق بضعف وبعيون مغمضه: لا انا كويس بس خليني كدا شويه شويه بس
سيرين مسدت علي كتفه بكل عطف وحنان
.......منه محمد........
في بيت العصامي قاعدين علي السفره
شكريه: الفاكهه يا رقيه هانم
رقيه: عظيم جدا يا ايسل انك خليتي الشركه تلغي اتهامها من غير ما ندفع تعويض انا كنت واثقه فيكي
ايسل: شكرا يا ماما
رقيه بصتلها ببتسامه كلها امتنان وايسل مراقبه عيون مني الي بطق غيره وحقد ابتسمت بخبث ونزلت دماغها لتحت
مني: ايسل متعرفيش امير قدر يخالي شيريهان توافق علي العرض
ايسل: لا لانه متصلش بيا يبلغني
مني بتشفي: اظن انه هيفشل
رقيه رمت الشوكه: انتي سمعتي عن المثل الي بيقول  الايد الي متساعدتش لكن قادره تحطم
مني:ماما وبعدين يعني مش معقول هتفضلي تعلقي علي تصرفاتي كدا لمجرد اني بعلق علي تصرفات امير انا عايزه اعرف لو امير فشل هتقولي ايه هيفضل برضو في منصبه ولا هتسبيه يدير الشركه
رقيه بتحذير :مني وبعدين معاكي
مني: طالما انتي عارفه القاعده الشعبيه محدش مدعم ابنك غيرك
غاده: انا بدعم امير،، امير كرس حياته عشان يكبر الشركه ولو فشل مره مش معني كدا انه يتعزل من منصبه
رقيه: سواء امير نجح او  فشل انا الي اقرر ده بس انا واثقه انه هينجح
مني: تمام نتراهن علي ده بس لو منجحش توقفي انحياز له وتتعاملي معاه في مكانه المناسب
بس لو نجحت انا وقدرت انقذ الشركه لازم تكافئيني
رقيه: اكيد بس الامر مش سهل زي ما انتي مفكره
اثناء كلامهم رقيه تلفونها رن اخدته ودخلت غرفتها
عميله: اسفه يارقيه هانم انا مش هجدد العقد معاكم
رقيه: ليه انتي عميله عندنا من وقت طويل
العميله: هجيلك دوغري انا مش واثقه في ادراه امير بعتذر
رقيه قعدت حزينه واتصلت بأمير تطمن وصل لحد فين!!!!
........منه محمد.......
سيرين بعد ما اخدت امير غرفته نام علي السرير وراحت المطبخ جابت فوطه مبلله وحطتها علي جبينه لانها حرارته عاليه شويه  تلفونه رن سيرين بصت للرقم وقالته ان رقيه بتتصل
امير شال المنشفه من ع جبينه و اخد الموبيل بتعب ورد:ايوه يا رقيه
رقيه :طمني لقيت شريهان
امير بص لسيرين وقام يتسند بتعب: خليكي معايا لحظه ودخل الفراند وقفل الباب الزجاجي
أمير: لسه مش قادر اوصلها
رقيه بستفهام: ليه
آمير: الوكيل قال انها في اجازه ورافضه تشتغل
رقيه: ليه محاولتش تقابلها وتقنعها تشتغل انت ليه مش عارف توصل انت متجيش نص اخوك فاروق يا امير الشركه كانت كل شئ لفاروق وانا اخترتك تدير الشركه بالنيابه عني لاني واثقه لو كان فاروق عايش كان بنفسه اختارك زي بس انا مازلت واثقه فيك انك هترجع اسم شركه اخوك امير اياك تخيب ظني فيك
آمير بتعب: انشاء الله يا رقيه مش هخيب ظنك
..........منه محمد........
غاده بتبص لقت مني بتتكلم في الموبيل وهي بتتفق مع فنانه استعراضيه تانيه اتصلت بآمير لقته مشغول اتضطرت تتصل بسيرين الي ردت: الو
غاده بدون مقدمات: امير عندك
سيرين :ايوه بس بيتكلم في التلفون
غاده :روحي قوليله بسرعه ان مني اخته بتدور علي فنانه استعراضيه حاليا وعايزه تقلل منه
سيرين شهقت: ايه
غاده :انتي الي معاه اعملي حاجه مفيده لازم امير يلاقي شيريهان دي في اسرع وقت والا امير هيبقي في مشكله كبيره
سيرين: طيب اقفلي
أمير رجع قفل الازاز ودخل وقف حزين وفضل يتصل بمراد الي عمال يكنسل عليه لحد ما اغلق الهاتف
سيرين: انت كفايه ذل لحد كدا خايف مني تاخد الوجهه منك ولا خايف يطردوك من منصبك
امير اتنهد بقله صبر: يطردوني من المنصب او لأ انا ولا مهتم بس مش عايز شركه اخويا تنتهي بسببي
سيرين بعصبيه :مش هتنتهي لمجرد ان شيريهان رافضه الشغل معاكم
امير بنرفزه للوضع كله: افهمي الناس والعالم عرفوا ان شيريهان هتقدم العرض وده مخالي شركات تانيه ابتدي تنافسنا  وانا مش مهتم لو بتحب الخصوصيه او اي طقوس ليها بس انا بجد محتجلها وعايز تعرف اني محتاجلها
سيرين بصت لحزنه واشفقت علي حالته لانها اعتبرته شخص قاسي جداً على نفسه و بيحملها فوق طاقتها. فقررت تعمل العرض  لانها حست بتأنيب الضمير اتجاه اختها وحماده  لو الشركه وقعت  وعشان كدا قررت تاخد بمشوره نوال ومحي وتنفذ الاعلان!!

انتظروني وعرض جميل واحداث من نار ونبدء كشف المستور واحده واحده رايكم احسن والله زهقت من عدم التقدير