الضوء الخافت

البارت الحادي عشر

البارت الحادي عشر
........الضوء الخافت.....
          منه محمد
امير قرب منها وبحده: انا كمان يوم ما اتجوزتك وحطيت اسمي جنب اسمك كان اكتر يوم محرج في حياتي
سيرين وشها اتاخد واتخطف من كلامه وحست ضربه في قلبها
آمير بنبره بتهديد: سبق وقلت لي بلاش نحكم علي الناس قبل ما نعرف حقيقيتهم النهارده انا عرفتك علي حقيقتك انتي اتجرئتي تلعبي معايا وانا مش هقصر هلعب معاكي بس اتحملي نتيجه لعبي واياك تلومني لاني سبق وحذرتك
سيرين: ممكن ترجع لعقلك يا آمير بيه انت مش من حقكك تحكم عليا علي حاجه انا معملتهاش ولعلمك انا شاكه فيك ان انت الي طبعت عقد الجواز غير كدا انا مكنتش متعمده اروح الحفله لو محدش فيكم دعاني
امير عيونه راحت شمال ويمين وافتكر كلام مني وكشر بقوووة
== ماما اظن الحفله دي نقدر نستخدم فيها شيرين ونستفاد منها
== نستخدمها كطعم نصطاد بيه الصحفين في الحفله
بصلها شويه واتقهر لما شاف فستانها اللي يبرز جمال جسمها كأنها عارضة ازياء وبعدين خرج تاني قبل ما يتجنن عليها وهي اتنهدت بخنقه ورجعت غرفتها
...........منه محمد.........
في الحفله رجع امير تاني يسأل مني ليه دعتها رغم انهم حذروها دخل وهو متعصب وبيغلي من جوه!!!!!
رقيه: اظن قلتلك اوعي تطلبي من الست دي تيجي الحفله حصل ولا لأ ليه عصيتي اومري
مني قامت وقفت: لاني حبيت افضحها يمكن تاخد هدومها وتمشي من البيت
رقيه بكل غيظ ضربتها بالقلم لدرجه من قوتها مني صرخت وحطت ايدها علي خدها: ماما
رقيه مسكتها من دراعها: انتي الي وزعتي عقد الجواز مش كدا
مني: ايوه انا,, انا الي عملت ده لاني عارفه انكم بتكرهوها وعملت ده عشانكم
رقيه بزعيق: انتي عملتي ده لنفسك لو فعلا بتفكري فيا مكنتيش عملتي كدا ابدا
مني بصت لـ آمير الي بصلها بضيقه ونزل عيونه وكشر جامد
رقيه: انتي النهارده خسرتي الشركه مصدقيتها عارفه انا خسرت اد ايه عشان اقفل بوء الصحافه عارفه ايسل فقدت وعيها وآمير انتقادوه لانه اتجوز مرات اخوه الكبير وبتقوليلي عملتي ده للكل انتي دمرتي الكل يا غبيه
مني بنهيار: انا وحشه وزي الزفت وعمري ما هبقي اي حاجه في نظرك (وبصت لـ آمير بحقد) حتي ابن ضرتك الي بتكريها اكتر من اي حد بتحبيه اكتر مني
رقيه: ايوه بحبه لانه مش بيعمل لي مشاكل زيك
مني عيطت بحرقه وجسمها اتهز من كتر حرقتها
رقيه بقهره: كل المشاكل الي حصلت النهارده بسببك انتي قوليلي ازاي هتتحملي المسؤليه قوليلي
مني: ماما
ايسل بهدوء: ماما رقيه ارجوكي اهدي الموضوع خلص ولو عايزه مني تتحمل المسؤليه لوحدها اظن هي مش هتقدر تعمل ده احنا حلينا المشكله في الحفله واالوضوع انتهي خلاص ممكن نحاول نشرح للعملاء الي سمعوا وشافوا
آمير: انا بتفق مع كلام ايسل
رقيه : اخرجي مش عايزه اشوف وشك اخرجي
مني فضلت واقفه مكانها
رقيه بعصبيه شديده: قلت اخرجي براااااااااا
مني خرجت ووراها بنتها ومدحت زوجها
رقيه أأعدت منهاره علي الكرسي وراها
غاده: عمتو هنعمل ايه مع شيرين؟
ايسل بهمس: هنعمل معاها ايه غير اننا هنبقى بنضيع وقت من غير فايده
رقيه اتنهدت: فعلا ايسل كلامها مظبوط مش ده الوقت المناسب عشان نرمي اللوم علي حد الاول نحل الموضوع في اقرب وقت ممكنه عشان سمعه الشركه واستقرارها
آمير قرب ومسك ايدها يهدي فيها
...............منه محمد.........
نوال الي بعد ما الكل اتجهه للحفله كانت فتشت كل غرفه
نوال: غاده بتحب آمير وبتكره شيرين جدا لانها محتفظه بصوره ليها مع فاروق وكاتبه بكرهك وشكلها بتحب اختها وواقفه معاها علي طول بجد بدئت اشك فيها بس ليه الفيلا الرئيسيه مالهاش صوت وهاديه كدا وليه محدش جه يعمل معاكي مشكله مش الامر غريب
سيرين: لا مش غريب ولا حاجه انا معملتش حاجه غلط وبعدين انا مكنتش رايحه الحفله مني هي الي ادتني الدعوه وكمان روحت استفز الجاني
نوال: الجاني غاده
سيرين: البنت دي يظهر عندها اسرار اكتر ما اعتقدنا ولازم نراقبها بس اظن المجرم مفقوع مني النهارده  وحموت واعرف هيرد عليا بأنهي طريقه
نوال : اه ربنا يستر
اثناء كلامهم الباب خبط جامد سيرين أأعدت بسرعه فوق الكرسي العجل ونوال قامت تفتح لقتها غاده  دخلت عليها بعيون كلها شر الود ودها تنقض عليها تموتها تسحقها
سيرين : افندم عايزه ايه
غاده بحده: نتكلم
سيرين: عايزه تتكلمي معايا في ايه؟
غاده: انتي روحتي الحفله النهارده لانك عايزه تعلني ان زوجه امير هو ده هدفك مش كدا
سيرين بهدوء وبرود: انتي متغاظه اني اخدت مكانك بس انا سمعت انك انتي الي دعيتي المراسلين شخصيا
غاده بنظرات احتقار: عايزه تلعبي معايا مش كدا
سيرين ببتسامه: اهدي انا مجتش هنا وعندي اي نيه اسرق راجل انا جيت هنا عشان احمي ابني بس لو حبيبك مهتم بيا لدرجه بقي امر ملحوظ للكل روحي كلميه هو ليه جايه تكلميني انا
غاده ميلت عليها وبنظرات كلها شر: شكلك فاهمه غلط امير مش مهتم بيكي لانه بيكرهك ثانيا انا واثقه فيه لكن مش واثقه فيكي وبحذرك ابعدي عن حبيبي والا هندمك علي ده
سيرين ابتسمت بثقه: هنشوف هتندميني ازاي
غاده بصتلها كتير وبعدين خرجت
سيرين كشرت: امال لو حلوه اوف
بالليل فضلت رايحه جايه طول الليل استنته كتير لكن مرجعش  بعد الموقف الي عملته بعد الحفله ومش لاقيه مبرر ولا سبب هو ليه زعل منها هي كانت عملت ايه هي اتبعتلها دعوه بحكم انها زوجته وكانت زوجه اخوه ايه الجريمه الي ارتكبتها
اخر ما زهقت قررت تخرج تشوفه أأعدت علي الكرسي المتحرك يادوب خارجه من الغرفه ولسه بتحط قواعد نفس كل يوم لقته داخل علي اخره وبدون ما يبصلها طالع علي فوق
سيرين حبت تستفزه عشان يقف يكلمها: انت مديون ليا بعتذار
آمير وقف بضهره: معنديش اي حاجه عشان اعتذر عنها
سيرين: بس مش انا الشخص الي اعلن جوزنا وحقي اروح الحفله فين المشكله اختك مني ادتني الدعوه
آمير لف ونزل درجتين من السلم : لو عندك ذره عقل مكنتيش روحتي الحفله بالقرف الي انتي لبساه ده
سيرين بصت للبسها: ليه ماله فستاني
آميرملامحه اتغيرت و بنرفزه: ماله احنا بنعرض عربيات وانتي رايحه تعرض صدرك وجسمك حاجه قرف وسابها وطلع وهي اتكت علي شفايفها والود ودها تقوم تضربه لانه بيتفنن يخلق مشكله والسلام!!!
.............منه محمد..........
الصبح بدري سيرين اخدت حماده تقعد معاه علي البسين  هي تقرء وهو يلعب بالعابه وعروسته المفضله عنده بمبه
حماده مسك بوتجاز لعبه: ماما تحبي تاكلي ايه؟؟
سيرين عملت نفسها بتفكر وبتهرش في دماغها وبصت للسما: اممم احب اكل سمك مقلي من ايد الشيف حماده
حماده ضحك: ماثي
غاده لمحتهم ووقفت شويه تتفرج عليهم  وخطرت في بالها تتخلص من سيرين للابد وبينها وبين نفسها: جيتي هنا بسبب ابنك لو ابنك مش موجود عايزه اعرف ياتري هتكوني لسه موجوده
حماده: نلعب بالكوره بدل السمك
سيرين ببتسامه: وماله تعال حبي ومسكت صندوق خشب كبير وحطته علي حجرها) يله ارميها في الصندوق
حماده حدف الكوره اتحدفت لبعيد رايح يجبها سيرين منعته وطلبت منه يقعد يلعب بألعابه لحد ما تروح تجيب الكوره وترجعله وبالفعل حركت الكرسي المتحرك وراحت بس الكره كانت بعيد عن ايدها قررت تقوم تجيبها فضلت تلف شمال ويمين تتأكد ان مفيش حد شايفها
في نفس الوقت حد جه من وري حماده وسحب عروسته بمبه ورماها في حمام السباحه
سيرين لما اطمنت ان مفيش حد قامت بخفه تجيب الكره سمعت شخص بيصفر ومقرب عليها رجعت قعدت بسرعه علي الكرسي ولوت شفايفها بستياء ولفت وشافته كان محمد الحارس  بيسقي الزرع بيلف لمحها: مين هناك مين انت ؟؟انت حرمي انت مفكرني مش شايفه وقرب لقاها سيرنن سألها
محمد: بتعملي ايه هنا خوفتيني
سيرين: ابدا حبيت اجيب الكره لحماده
محمد: عنك انتي اجبهالك انا
حماده لف لقاه عروسته في البسين راح عشان يجيبها وقعد علي حرف البسين ومد ايده يحرك الميه عشان تجيله لكن ايده اتزحلقت وطبعا دماغه كانت تقيله ووقع في قلب البسين وغاص لتحت
سيرين الي راجعه بعد ما جبلها محمد الحارس الكره وشافت حماده وهو بيقع في قلب الحمام ونزل للقاع صرخت بكل قوتها
طلعت ايسل علي صوت الصرخه: حماده
سيرين قربت ومستعده تنط وراه بالكرسي
ايسل كانت اسرع منها ونطت في عمق البسين تلحق الولد والكل طلع يجري من جوه الفيلا بهلع
رقيه بتجري: ايه الي حصل
ايسل كانت طلعت بحماده وفضل في حضنها شويه  لحد ما قال ماما ليه اتمنت ان الكلمه دي تكون ليها بس خابت املها لما حماده جري علي سيرين الي ضمته لصدرها اوي
آمير شال حماده وراح بيه علي غرفته ونوال اخدته وغيرت له هدومه وحطوه في سريره
حماده فضل يعطس ويكح جامد
سيرين جثت جبينه: جسمك دافي خد الدواء يله
نوال ناولتها معلقه الدواء وسيرين قربت منه المعلقه الي عاند ورافض ياخده
سيرين : لازم تشرب الدواء عشان تخف
حماده حط ايده علي شفايفه: لا طعمه وحش
سيرين: عنيد اشرب الدواء
الولد فضل مُصر علي رائيه وسيرين غلبت معاه
آمير قعد جنبه وبحنيه: حماده مش انت بتسمع كلام عمو امير عارف لو شربت الدواء هتبقي طفل وسيم وهتلعب مع صحبتك لولي الي معاك في المدرسه وهتحبك اوي وتلعب معاك وكمان لو شربت الدواء هتبقي قوي جدا وتقدر تسبق لولي اشرب معلقه تمام  وفتح له كف ايده
حماده ابتسم بتعب وضرب كف آمير
آمير ابتسم ولمس علي شعره بحنان: يله اشرب
حماده شرب المعلقه بدون اي كلام
امير لعب في شعر الولد: شاطر يا بطل يله سلم عليا
سيرين: يله اشرب كوبايه ميه تضيع طعم المراره
آمير بصلها بملامح كلها حقده وغل منها: انا نفسي افهم نوعك ايه من الامهات ها ابنك تعبان وعماله تعنفيه ايسل رغم مش امه واتعرضت لصدمه لحد ما بكت وانتي ولا دمعه
سيرين بنرفزه: وعشان مبكتش ابقي مش بحس  كل واحد له طريقه يا امير بيه يعبر بيها عن حزنه وانا مش بحب استخدم دموعي اعبر بيها عن مشاعري
آمير بصلها ومش عاجبه اسلوبها اطلاقا
سيرين مسكت ايد حماده: حماده مش انا قولتلك انك مبتعرفش تعوم فلازم تاخد بالك لما تكون عند حمام السباحه
آمير: قبل ما تلومي ابنك لومي نفسك سبتي ابنك عند الحمام لوحده لو ايسل مكنتش لحقته كنتي هتعملي ايه؟
سيرين: عارفه اني غلطانه ولو حصل لحماده حاجه كنت موت نفسي وراه بس دي طريقتي في تعليم ابني
آمير بصلها ورفع حاجب بضيق ومردش عليها
سيرين: حماده قولي ازاي وقعت في البسين
حماده: بمبه وقعت في الميه روحت اجيبها
سيرين: بمبه وقعت في الميه
حماده: حد خدع بمبه وحدفها في الميه
سيرين عقدت حواجبها: قصدك ايه ياحماده
حماده: حد رماها في الميه
سيرين طلبت من نوال تذقها تطلعها علي برا وآمير راح وراها وطلعت وهي بتصرخ ان كل الي في البيت يتجمع قدامها حالا
رقيه نازله بعصبيه: خير ليه عماله تزعقي
سيرين: الكل يجي هنا قدامي حالا
رقيه: ليه
الكل وقف قدامها وعيونهم تنهشها كأنها وسط وحوش
ايسل  :فيه ايه انا وماما رقيه كنا رايحين نطمن علي حماده
سيرين: مفيش داعي وابعدوه عن ابني خالص
رقيه : ليه هو مش حفيدي وبعدين مش كفايه الي عملتيه في الحفله امبارح وانا لسه بحاول الم الموضوع وهلمه والي سكتني عنك لان مفيش سر بيفضل متخبي علي طول  لكن لما الامر يخص حفيدي مستحيل انهيه بسهوله
سيرين: انا الي مش هنهيه بسهوله كلكم عارفين ان العروسه دي ابني بيحبها
غاده:عارفين مال اللعبه مش فاهمه
سيرين: طالما عارفه تبقي كمان عارفه ان اللعبه لو وقعت في البسين حماده هيرمي نفسه وراها
مني بتعنيف: قصدك ايه بكلامك
سيربن: حماده قال ان فيه حد حدف اللعبه دي في حمام السباحه معني كدا ان فيه حد فيكم قاصد يقتل ابني
مني صرررخت فيها بعصبية: عيب اوي تتهمي الناس من غير دليل طفل قال كلمتين تصدقيهم
سيربن بنرفزه: لاني عارفه ابني مش بيكدب ولو انتم فعلا ابرياء تقدره تقولولي كنتم فين
ايسل حاولت تتظاهر بالبرود : انا كنت اخدت الدواء ونمت بعدها وشكريه كانت معايا
آميراتعصب ووشه اتغير: انا ومدام رقيه كنا مع بعض بنتكلم في الشغل يعني شاهدين ع بعض
سيرين: ومدام مني كانت فين؟
مني: انا كنت في غرفه المعيشه معايا تلفون شغل !
غاده: وانا كنت في الحمام وطلعت علي الصوت
سيرين: اصدقكم ازاي فيه حد شافكم
غاده بعصبيه: ليه هاخد معايا شاهد وانا في الحمام
مني :وانا قلت لك كان معايا تلفون
سيرين :ايوه بس محدش شافكم والامر ميخدش اكتر من دقيقيتين سواء من غرفه المعيشه او من الحمام يعني حد منكم رمي العبه
غاده :مش انا,, انا معلش كدا انتي سامعه
ايسل: اختي متعلمش كدا ابدأأأ
مني: اسمعي يا بتاعه  انتي انا مستحيل اقتل ابن اخويا وبعدين انتي الغلطانه مترميش غلطك علينا
أميربتحذير: مني
مني: استخدمتي اللعيبك عشان توصلي وتكوني عشيقه لفاروق وبعد كدا سرقتي الورث مننا وليك عين تتكلمي وتحققي معانا وتتهمينا لو حد فينا عايز يقتل ابنك السبب هيكون انتي
سيربن بهجوم: انتم كلكم مجرمين تطعنوا في الضهر وحبيتوا تضربوني في ابني لو الي عمل كدا مش جبان يتفضل يظهر قدامي وجهه لوجه
ايسل: الزمي حدودك يا شيرين وبطلي تتكلمي بأسلوب الجاهل اياكي تنسي حماده وقع في البسين ده غلطك انتي
سيرين: انا حد حاول يقتل ابني انت معندكيش اولاد عمرك ما هتفهمي ابداا لما الام تشوف ابنها بيموت
ايسل فكت ايدها من علي صدرها ورقبتها اتشنجت
سيربن: محدش فيكم عايز يعترف قدام الشرطه تتكلموا
وحركت الكرسي وراحت غرفتها وسابتهم واقفين
...............منه محمد....................
محي الي حضر يطمن علي حماده
محي: انسه سيرين اظن المكان هنا مش امان علي حماده انا هاخده يعيش معايا
حماده: لا انا عايز ماما
سيرين مسحت علي شعره برفق: انا نفسي يا استاذ محي بس قلقانه شيرين تشك في الامر
نوال: سيرين انا بقول المجرم الي رمي حماده هو الي ضرب شيرين بالنار ووممكن يكونوا شخصين الي اقصده  الي ضرب النار علي اختك  اكتر شخص مشكوك فيه هي غاده وعندي احساس كبير ان ليها يد لانها بت صفراء بتغير من اختك وطلعت ده في حماده
سيرين هنا افتكرت كلامها
== شكلك فاهمه غلط امير مش مهتم بيكي لانه بيكرهك ثانيا انا واثقه فيه لكن مش واثقه فيكي وبحذرك ابعدي عن حبيبي والا هندمك علي ده
سيرن  ضيقت عيونها:غاده استهانت بيا انا هخليها تحضر نفسها وهتهمها بمحاوله قتل ابني
........منه محمد........
في غرفه ايسل
غاده ببتسامه: شكرا يا ايسل انك حمتيني
ايسل: مين قالك اني بحميكي انا بس مش عايزه حد يدور وري الناس الي تخصني ده كل الي في الامر ولو عملتي ده في الولد انا اول واحده هعاقبك بنفسي (وراحت اتجاه الباب) اخرجي محتاجه اكون لوحدي
غاده: مفيش حد تالت معانا ومفيش داعي تتظاهري انك بتحبي الولد ده انتي روحتي انقذتيه بس لو حصل للعيل ده اي حاجه اظن انتي اول شخص هيكون مبسوط وسعيد
ايسل هجمت علي رقبتها وزقتها للحيط: انتي بتقولي ايه ها اسحبي اتهامك ليا حالا
غاده زقت ايدها بعنف: عارفه انك بتكرهيه جواكي
ايسل ضربتها بالقلم لدرجه دماغها اتخبطت في الحيطه
ايسل :اياكي تقولي حاجه انتي متعرفهاش فاهمه لان ده هيخليكي غبيه اكتر من الاول ولو اكتشفت ان حماده اتأذي بسببك هكون انا اول شخص يتعامل معاكي في الامر ده
غاده: اتفضلي لو انا الي عملت كدا في الولد انا معملتش ده لنفسي انا عملته عشانك انتي وسابتها ومشت ورزعت الباب
.......منه محمد.......
قاعد في الجنينه حاطط ايده تحت خده ودماغه هتنفجر من كتر التفكير شافها جايه عليه اتنهد بضيق ولف جسمه ناحيه حمام السباحه
غاده: آمير
آمير لف وبصلها: خير يا غاده
غاده قعدت قصاده: امير انت مصدق ان انا اعمل كدا
آمير بصلها ونزل عيونه واتنهد بعمق
غاده مسكت ايده :امير انت عارف انا ايه انا مش بخاف ولو مش بحب حد بواجهه وبعدين ليه أأذي طفل ايه السبب!
آمير: عندك حق بس مطلوب مني اعمل ايه؟
غاده بصتله انه شاكك فيها وهو سحب ايده من ايدها وقام وقف
أمير حط ايده في جيبه: غاده لو بجد معملتيش كدا يبقي بلاش تخافي لان مفيش اي حاجه هتغير الحقيقه  عن اذنك الوقت اتأخر وسابها ومشي وغاده انهارت انه شاكك فيها
آمير طلع يطمن علي حماده فتح الباب بهدوء جدا ووقف يتسمع عليها وهي بتكلم ابنها!!!
سيرين ماسكه ايد حماده برفق وعماله تعيط جامد وبتشهق: انا اسفه يا حماده اسفه والله لو جرالك حاجه كنت هموت وراك
آمير عيونه رغرغت علي منظرها وخبط علي الباب
سيرين مسحت دموعها بسرعه: لو جاي تمنعني ابلغ الشرطه اتفضل اخرج
آمير: لا انا مش جاي امنعك اطلاقا لو الشخص الي أذي حماده موجود جوه البيت ده ياخد عقابه لان الغلط غط
سيرين بتعجب: انت بتتكلم بجد
آمير: الامور دي مفهاش هزار
سيرين: ليه واقف جنبي
آمير: لا انتي فاهمه غلط انا مش واقف جنبك وعمري ما كنت جنبك عارفه من اول ما جيتي البيت هنا عملتي ازعاج وفوضي تقريبا كل يوم من اول دخولك لحياتي مشفتش يوم راحه خلتيني احس اني متحيز ضدك بس لعلمك انا كمان مش واثق فيكي نفسك بس انا شخص عادل جدا غير ان اخويا الله يرحمه وثق فيا اهتم بحماده وبيكي وهوصل للشخص الي حاول يقتل ابن اخويا
سيرين بصتله ورفعت عيونها بالسقف بضيق حاولت تمنع دموعها الغبيه وتحبسها وهو مشي بسرعه من قدامها لانه حس ان قلبه وجعه وراح لسرير حماده يطمن عليه واخد بمبه وحطها جوه حضنه
سيرين حست بالذنب انها شكت فيه لما شافت حنانه علي حماده
.............منه محمد......
سيرين مني واقفه قدامها وعماله تقولها انها كانت بتتكلم في الفون  وتاخد تكلم العميل لو عايزه تتأكد ده غيرمستحيل تقتل ابن اخوها
وغاده قربت وقالت لها كانت في غرفتها آمير الي جه من وراهم وقال: غاده انتي مكنتيش في الحمام
غاده لفت وبصتله اوي
آمير كمل: محمد قال انه شافك قبل ما يقع حماده جنب الحمام
غاده بصت للحارس ومحمد ارتبك وخاف جدا
غاده: ايوه فعلا انا كنت هنا بس لحظه وبعدين دخلت الحمام
سيرين: انتي الي أذيتي ابني
غاده صرخت فيها: لا انا معملش كدا
سيرين :طالما مش عايزه تعترفي نروح القسم وهناك هما يخلوكي تنطقي
شكريه :امير بيه المقدم علاء هنا وطالب يشوفك
مني شهقت: انتي بلغتي فينا
غاده بصت لـ آمير الي بادلها نظره قاسيه وراح لعلاء
علاء: عندي امور لازم ابلغكم بيها
رقيه :اتفضل
علاء :احنا لقينا الشخص الي دخل في عربيه فاروق بيه والصراحه اتصدمنا لما عرفنا انه نفس الشخص الي خبط عربيه الاستاذ محي
الكل وشوشهم اتغيرت وظهر عليهم التوتر والقلق
علاء: احنا بنحاول نقبض عليه
أمير  بهتمام :اي جديد بلغني ياعلاء
علاء هز دماغه:اكيد يا صاحبي
امير اخده لحد برا: اظن كدا في امر خفي بخصوص قتل اخويا
علاء: تفتكر مين الي عايز يقتل اخوك والمحامي ومدام شيرين
آمير: مش عايز اخمن بس انا معتمد علي الله وعليك في القضيه تحقق مع سواق التريلا لما تقبضوا عليه
علاء: اكيد يا امير الامر ده يخصني زيك
أمير :شكرا ياعلاء
...........منه محمد.....
تاني يوم أمير دخل عليهم ووشه متغير
سيرين: ها ايه الاخبار قبضوا عليه
آمير: للاسف الراجل مات
رقيه وشها ارتاح وايسل اتنهدت ومني بصتلهم وغاده عيونها زاغت
امير: التحقيقات المبدئيه انه قتل نفسه عشان يهرب من الجرايم الي ارتكبها ولو عرفت اي اخبار جديده هبلغكم بيها
وسابهم ومشي رايح الشركه
.....منه محمد........
في غرفه سيرين الي انهارت بخبر موت الراجل فتحت فيديو كول
سيرين: هو مقتلش نفسه لمجرد يهرب من جرايمه هو اتقتل عشان يسكت ليه احنا مش عارفين نوصل للمجرم
محي بهدوء: اهدي يا انسه سيرين اهدي علي الاقل فيه قدامنا دليل مهم ان حادثه فاروق بيه ووالدي مش مجرد حاث عادي لا دي كانت مدبره  لان القاتل شخص واحد واكيد مش مجرد صدفه يعني ده غير اسلوب وطريقه الحادثه واحد
نوال :فعلا لو كان الشخص الي كان ناوي يقتلك هو نفس الشخص الي ضرب شيرين بالنار
سيرين :واحتمال الشخص الي قتل فاروق وابوك هو نفس الشخص الي خطط يقتل اختي من سنتين
محي طول ما هو بيكلمها عمال يدور عن كتاب معين واخيرا لقاه ولسه بيفتحه لقاه جواه فلاشه طلب من سيرين تقفل معاه ثواني ويرجع يكلمها وراح حط الفلاشه في الجهاز وسمع صوت والده بيقول انهم اكتشفوا شخص اختلس فلوس من الشركه محي اتصل بسرين وفتح فيديو
محي مد الفلاشه في الشاشه: دي الفلاشه الي لقتها وبابا سجلها من شهرين قبل وفاته وده سجله بدايه شك فاروق بيه وبابا ان فيه شخص اختلس ملايين من الشركه
سيرين: استاذ محي انت معتقد ان الشخص الي اختلس هو نفسه الي قتل
محي: ايوه بس ده مجرد افتراض
نوال برفض: لا انا راي فيه اكتر من افتراض ازاي يعني الي اختلس هيقتل ويضرب نار علي شيرين
سيرين: بس ده احتمال يانوال لو اتحرينا عن الشخص الي اختلس من الشركه يمكن نوصل لدليل اكتر من دوا السكر
نوال: تمام !بس ده هنعمله ازاي ده كانوا هيطردوكي لما روحتي الحفله عايزه تدخلي الشركه بتحلمي
سيرين بأصرار: لا مش بحلم وده هعمله
محي يهتمام .ناويه علي ايه
سيرين ببتسامه غريبه: بعدين اقولكم
..........منه محمد.......
آمير بيكلم علاء في الهاتف يشوف الامر وصل لفين وبعد ما انهي كلامه قفل ولسه بيلف لقاه سيرين قدامه
امير: كويس كنت عايز اتكلم معاكي  بخصوص الشخص الي أذي حماده ناويه تعملي ايه
سيرين مطت شفايفها لقدام:هعمل ايه مش هعمل حاجه بس بشرط
آمير ربع ايده حوالين صدره ومستني الشرط