الضوء الخافت

البارت الثاني

البارت الثاني
الضوء الخافت
مني محمد
رومانسي_ كوميدي _غموض
آمير بأصرار: لا انا متاكده اني شوفتك قبل كدا
سيرين بثقه: لا انت اكيد بتشبهه لان دي اول مره اشوفك
آمير: لا مش بشبهه انا متأكد اني قابلتك الاسبوع الي فات وحبيت اساعدك يوم لما اتعرضي لهجوم من ناس انتي الي مش فاكره
سيرين رفعت كتافها بعدم اهتمام: انا ولا اتعرض لهجوم  ولا اي حاجه من الكلام ده خالص وبعدين انا بقالي اسبوعين مخرجتش من البيت لاني تعبانه ومش بخرج غير للضروره ومفيش حد هاجمني
محي: مدام شيرين متقدرش تخرج ابدا لوحدها لازم معاها مرافق وبعدين هي مش ساكنه هنا وانا روحت جبتها بنفسي
آمير بتأكيد: لا انا فاكر كويس جدا كمان كانت حالتك غير كدا فوق ده كله انتي استاذه في الضرب
نوال بنت عمتها والمرافق معاها بهمس: سيرين الراجل ده مضحك اوي
سيرين:يا استاذ لو كنت اقدر استخدم ايدي ورجلي بالشكل الي بتقول عليه يبقي كان الاسهل اني اقدر اتحرك وامشي لحد هنا لوحدي
محي: اعتقد انك فاكر شخص تاني لان مدام شيرين متقدرش تمشي من سنتين
آمير بعدم اقتناع: بجد لو الموضوع كدا يبقي طالب من الناس الموجوده والي قبلت مدام شيرين قبل كدا ممكن يتفضلوا يساعدوني اتأكد ان الست دي نفسها شيرين زوجه فاروق
سيرين مطت شفايفها: براحتك بس الي قابلني قبل كدا وأذاني اكيد هيعرفني بقلبه
ايسل: بس لما قابلتك قبل كدا مكنتش دي حالتك
غاده: فعلا بس الكلام ده من سنتين والشخص الوحيد الي يقدر يأكد هويتك هي اختي ايسل
آمير: ها يا ايسل ايه ردك الست دي شيرين ولا محتاله شخصيتها؟؟!!
سيرين قربت بالكرسي المتحرك لـ ايسل وبصت جامد جوه عيونها: ها تقدري تجاوبيه انا شيرين زوجه جوزك ولا لأ
ايسل: ايوه هي شيرين الحقيقيه انا فكراها كويس اوي الانسانه الي سرقت مني جوزي
سيرين بتحدي: لو كنتي اتأكدي فعلا كدا اقدر اجي اعيش معاكم في نفس البيت
مني: لا مش ممكن وبعدين معاكي دليل ان الطفل ده ابن فاروق عندك اثبات ولا لأ
ايسل بقهره: مني اعتقد مفيش داعي
مني: لا ضروري يمكن اخويا فاروق اتضطر يسجل الطفل بسبب سوء فهم مين عارف ان الطفل ده ابن اخويا من صلبه
رقيه بتحذير: مني
سيرين: اظن كدا عرفت ان هتكون عندكم مشكله فعلا نوال
نوال قدمت ظرف: ده العقد العرفي للزواج ومعاهم الحمض النووي للسيد فاروق وسيرين
سيرين: السيد فاروق كان عارف ان هتحصل مشكله عشان كدا جهز كل حاجه
مني شدت الظرف وفتحته وقرات المحتوي وقدمته لرقيه: الكلام مظبوط
سيرين: فيه اي امر تاني حابين تسألوني فيه
رقيه: لا مفيش اتفضلي نطلعك غرفتك
..............الضوء الخافت........
الكل طلعوا معاها داخل الغرفه
رقيه: انا جهزتلك الاوضه دي عشانك دي كبيره مش صغيره وتكفي 8 اشخاص
مني بنظرات احتقار: ازاي يعني صغيره اعتقد دي اكبر من بيتها اساسا
سيرين: انتي ليه بتتعاملي معايا كأني بتوسلك افضل هنا اه انا لما اتجوز انا وآمير هعتبر صاحبه البيت
رقيه بصوت غليظ: كلامك ده مش من مصلحتك ومتنسيش انا كمان صاحبه البيت نفسك حطي ده في عقلك
سيرين بصتلها اوي وسكتت
رقيه:  بكره هبعت اجيب المأذون ونكتب هنا بس مفيش حفله ولا اي مظاهر للاحتفال لانه جواز علي الورق وحاليا عندي شغل لازم امشي حالا (ورجعت) اه انا بتكلم عن لسان العايله احنا بنرحب بيكي وبأبنك وسطنا
وخرجت والكل خرج وراها وفضل محي ونوال
...................منه محمد..........
نوال: شوفتي منظرهم ازاي كانوا بيرحبو بينا
سيرين: شوفت
نوال بضيق: شيرين انتي حاسه انك هتقدري تعيش هنا احنا لسه يادوب بقالنا دقايق وانا مش مرتاحه لهم
سيرين: استاذ محي الناس هنا غريبه ووشوشهم فيها كميه قسوه
محي: لا فيهم الي بيتظاهر وبس،، بس جوه قلبه مفيش قسوه ولا غباء
نوال بصت لحماده: اه كويس انك طفل ونايم بسلام ولا عارف حاجه برغم هتعيش وسط شياطين
محي: انسه سيرين لازم تاخدي بالك من حماده
سيرين بقلق: فعلا يمكن المجرم يحاول يأذي حماده عشان كدا لازم عيونك عليه يانوال وميغبش عن نظرك
نوال: تفتكري مين المجرم فيهم
سيرين بعد تفكير: الكل مشكوك فيه واعتقد اول حد عاوزه اختي شيرين تختفي عن العالم هي ايسل لانها في نظرها سرقت جوزها ودمرت حياتها وشيفاها دايما خطافه رجاله ومستحقش غير انها تكون غير عشيقه ومينفعش تبقي زوجه لفاروق العصامي
نوال: بس ليه شفت ايسل شخصيه رقيقه عكس ما قلت لنا شيرين والي شريره بجد اختها غاده وواضح انها عقربه
سيرين: فعلا ودي في القايمه رقم اتنين دايما شايفه شيرين بتحاول تدمر حياه اختها وكذا مره هددت شيرين انها هتأذيها اكتر
محي: فعلا غاده قريبه جدا من اختها ايسل وتقريبا ممكن تنتقم عشان اختها
وانا معلوماتي ان البنت دي ممكن تعمل اي حاجه بدون ما تفكر في العواقب!!!
سيرين: اما بقي رقم ثلاثه هي مني دايما شايفه شيرين بنت استغلاليه ونفسها تبقي سندريلا بفلوس فاروق وان الحياه مش سهله ولا مريحه زي الحكايات ودايما شيفاها جايه تسرق فلوسه وتمشي ودايما كانت بتشوف في عيونها نظره انها نفسها تقتلها اما رقم اربعه ودي رقيه دايما تهدد ابنها ينفصل عن اختي والا هتتعامل معاها بطريقتها ولان زوجها زير نساء فكرت اختي من النساء دول الي بيصطادوا الرجاله
نوال: كدا مفضلش غير واحد
سيرين: فعلا اخر واحد هو آمير
قطع كلامهم رنه موبيلها اخدته وردت
شيرين بقلق: عاملين ايه طمنوني انا هموت من القلق
سيرين: شيرين ممكن تهدي خالص انا المفروض كنت اتصلت بيكي بس قلت لما الوقت يتأخر عشان يبقي امان اه ياشوشو لوتعرفي الناس في البيت ده قد ايه يخوفه اكتر ما اتصورت
شيرين: ليه حد عملك حاجه انتي او حماده ولا كشفوا الامر
سرين ضحكت: ليه هو لو حد كشف الامر كنت زماني بتكلم معاكي وبعدين لو اتكشفنا هيبقي من صوتك العالي المهم مش عايزاكي تقلقي خالص انا وحماده بخير وفي امان
شيرين اتنهدت: الحمد لله طالما انتم بخير انا كدا مرتاحه سمعيني صوت ابني
سيرين راحت قعدت جنب حماده: ايه ده ياحماده
حماده: ده خنزير
نوال ضحكت: لا مش خنزير ده تعلب
شيرين: سيرين ممكن اتكلم مع حماده شويه
سيرين حطت الموبيل علي ودن حماده: حماده شيرين عايزه تتكلم معاك
حماده بفرحه: شيرين وهشتيني
شيرين عيونها دمعه: انت كمان وحشتني يا قلب ماما اسمع يا حماده لازم تكون ولد شاطر وتسمع كلام خالتو سرينا وابله نوال خاليني احبك ياقلبي
حماده: هاضر حكون مؤدب وثاطر
شيرين: انا بحبك اوي
حماده: انا كمان بهبك اوي
سيرين: شوشو اظن كدا متأكده مستحيل اسمح لحماده يحصله حاجه
شيرين بثقه: انا متأكده بس خدي بالك منه ومن نفسك ولازم تفكري في اي خطوه قبل ما تقدمي عليها ومتعرضيش نفسك للخطر ولو فيه اي حاجه بلغيني ع طول فاهمه ياسيرين
سيرين: فاهمه حبيتي ومش عايزاكي تقلقي يله سلام
شيرين: سلام وقفلت وفضلت تدعي من كل قلبها يحفظهم من كل سوء
...............الضوء الخافت.......
في بيت مني
ديدي: اهلا يا مزاميز انا النهارده في الايف مش لوحدي معايا دادي ووجهت الكاميرا اتجاه دادي قولهم هاي
مدحت ابتسم: هاي
ديدي: النهارده عندي شئ افتخر بيه شنطه دادي اشترهالي بمناسبه نجاحي في اول ترم
مدحت: عجبتك
ديدي: طبعا بابي انت الطف اب واوسم راجل في الدنيا
مدحت: وبنته جميله جدا نفس جمال بباها
مني دخلت بعصبيه عليهم: اي جمال الي بتتكلموا عنه
ديدي بنفعال: مامي انتي مش شيفاني لايف علي النت كدا اصدقائي هيفكروا ان في البيت شخص مجنون
مني: ايه الكلام الفارغ ده وبعدين انا متوتره من موضوع الزفته شيرين وفعلا قربت اتجنن وانتي هنا ولا علي بالك
مدحت: حبيبتي ممكن تهدي لو سمحتي
مني: اهدي انت بدل ما تشوفلي حل بتقولي اهدا (وحودت بعينها) استني كدا ايه الشنطه دي اول مره اشوفها انت اشتريت شنطه لبنتك جديده مش كدا
مدحت: ايوه ديدي نجحت في الامتحان للترم الاول ولازم نرفع روحها المعنويه
مني بسخريه: وانت طبعا كافئتها بالشنطه مش كدا انت مش شايف انك بتصرف علي الفاضي هي معملتش انجاز هي لازم تذاكر وتنجح وتبيض وشي قدام العايله
ديدي شدت الشنطه: انا فعلا قلقانه منك طول السنه تفتكري يا مامي لو روحتي اشتريتي ادوات عشان ابيض وشك هيكلفنا كام اظن الوف
مدحت بتحذير: ديدي خلاص
ديدي: يعني حضرتك مش شايف وعلي فكره انت كمان هينوبك من التوبيخ جانب
مدحت بص لمني: حبيبتي اهدي ممكن
مني: عاوزني اهدا لازم يبقي معاك فلوس كتير عشان نقدر نعيش في مستوي عالي وعشان ده يحصل لازم تلاقيلي طريقه اخلص بيها من شيرين وابنها
مدحت بقله حيله: عاوزنا نعمل ايه خلاص آمير هيتجوزها بكره
مني: لازم القي طريقه نوقف وصيه فاروق مش هسمح لواحده من الشارع تاخد قرش واحد من ثروتنا
ديدي بهمس: ثروتك منين
مني: ديدي انتي قلتي ايه؟؟!!
ديدي نفخت بملل: مقلتش حاجه
..........منه محمد.........
يوم عقد القران حضر المأذون والشهود ومن ضمنهم المحامي محي
غاده قربت من آمير وبنفعال: أمير عندك فرصه تغير قرارك
آمير حود عينه وبص لرقيه الي هزت له دماغها انه يمضي بالفعل اخد القلم ووقع
المأذون: وقعي انتي كمان يا عروسه
آمير قرب منها الدفتر بدون ما يبصلها وسيرين مسكت القلم وافتكرت امضت اختها الي دربتها عليها كذا مره ومضت
المأذون: كدا فاضل الشهود
الكل مضي والمأذون اخد دفتره وخرج
رقيه: كدا تمت اجرأت الزواج ممكن الكل يتفضل
آمير جاي يقوم سيرين وقفته: استني فيه حاجه واحده ولازم اقولها رغم اني مالكه البيت بس برغم كدا عايز الناس الي هنا يعيشوا فيه براحتهم قبل وصولي عشان كدا انا هتنقل للفيلا الصغيره
غاده: للاسف متقدريش لان الفيلا دي من نصيب آمير
سيرين: ده كان الاول من المفروض الاستاذ آمير يجي ويعيش هنا
آمير: ولو رفضت
سيرين: ازاي تعيش معايا في نفس البيت
آمير: ليه مقدرش حيث اننا زوج وزوجه بالقانون (ومال عليها) ولا خايفه اكشف سرك
سيرين: بس انا معنديش اي سر ولو عايز خليك انا مش هقولك لأ بس بطلب منك تكون في مكان خاص بيك وانا في مكان خاص بيا ده هيكون كفايه
غاده بغيره:آمير ازاي تعيش معاها
ايسل: غاااااده
رقيه: هما هيعيشوا في نفس الفيلا لكن مش بنفس الغرفه واظن هما اتفقوا علي كدا وانا مش شايفه ان فيه اي ضرر (وشاورت لـ امير يسبقها علي الجنينه
رقيه: انت متأكد ان شيرين الست الي شوفتها في اليوم اياه
آمير: ايوه يا مدام رقيه انا متأكد انها مش عاجزه ولا مشلوله وانا لازم اكشف سرها
رقيه: لو قدرت تثبت انها مش مشلوله هيكون ده غريب ليه عايزه تظهر بأنها مشلوله
آمير بحيره: ده الي لازم اعرفه وهعرفه
..............منه محمد.............الضوء الخافت
نوال اخدتها بالكرسي المتحرك ودخلتها غرفتها لقت غاده داخله وراها: ممكن نتكلم شويه مع بعض وعلي انفراد
سيرين: نوال خدي حماده واستني بره شويه وبعد ما تخلص كلامها ارجعي لمي حاجاتنا عشان نروح الفيلا الصغيره
نوال: انتي متأكده
سيرين هزت لها دماغها بنعم
نوال اخدت حماده وخرجت
سيرين: خير اتكلمي
غاده: انا مش قارده اشوفك انتي ناويه تعملي ايه بس الي واضح انك عايزه تستولي علي آمير عشان كدا قررتي تروحي تعيشي في بيته
سيرين بسخريه لاذعه: انتي عامله ازعاج علي فكره اسميها غيره لاني هعيش معاه في نفس البيت
غاده: يظهر ان دي حقيقتك انك تظهري ضعيفه مريضه عشان تاخدي احسان من الكل بس انتي شيطان زي ما توقعت
سيرين بقوه: عشان كدا لازم اشكركم لانكم علمتوني درس ان الضعيف ملوش مكان في عالمكم
غاده: حيث كدا خليني اعلمك حاجه كمان آمير وفاروق مختلفين تماما عكس بعض آمير مستحيل يهتم بواحده رضيت تكون عشيقه للرجاله زيك
سيرين بصتلها بغل مكتوم اه لو تقدر تقوم وتضربها بحركه وتكومها جثه!!!
غاده: هو بس وافق يتجوزك عشان مصلحه العايله ده كل الموضوع( ميلت علي الكرسي) اياك تفكري تلعبي مع امير لانه ملكي انا لاني مش هبقي طيبه زي ايسل اختي (ولفت بظهرها تخرج لكن كلام سيرين وقفها)
سيرين: اه ده انتي الغيره مولعالكي بقي بس صديقني انا ولا مهتمه لكلامك
غاده لفت وبصتلها بكل حقد : نفذي الي بقولك عليه وبس وخرجت ورزعت الباب للجدار بعنف
.............الضوء الخافت......لمنه محمد......
سيرين مددت بظهرها علي السرير وعماله تفرد رجليها وايديها بكل حريه
نوال ضحكت علي منظرها: ده انتي بقالك يومين بس وانتي قاعده علي الكرسي
سيرين اتنهدت بصوت عالي: اه امر صعب كأن حد مكتفك (وبحزن) الله يكون في عون شيرين بجد حسيت بيها
نوال: ثانيه سيرين بجد انا مش قادره افهمك محدش في البيت عارف ان شيرين اصلن مشلوله فاليه اتظاهرتي بالشلل وجيتي هنا علي الحاله دي بجد محتاجه افهم
سيرين: نوال لو الي ضرب اختي بالنار عارف ان الرصاصه أأدت لشلل يبقي وضعي كدا في محله ان شيرين متقدرش تمشي معناه كدا ان الجاني مش هيشك ولا يخطر علي باله اني متنكره وجيت لحد هنا
نوال: فعلا عندك حق
حماده سقف وقلدها نوال ضحكت اوي وراحت قبلته: حماده يا عسسسل
سيرين: وشئ كمان لوشيرين بقت مشلوله المجرم الحقيقي هيظهر نفسه بسرعه
محي الي خارج من الحمام في نفس الغرفه: بس خدي بالك انتي مترقبه من سيد آمير 24 ساعه في اليوم ها ياتري لسه متأكده انك هتقدري علي الامر
سيرين باصرار وثقه: ايوه عايزه اعرف ايه هي خطته
................منه محمد.....الضوء الخافت......
في غرفه ايسل
غاده: ليه وافقتي ان الست دي تفضل هنا
ايسل : غاده متبدئيش وممكن تهتمي بأي حاجه تانيه اكتر من آمير
غاده: ايسل انتي ليه دايما بتتهميني اني مجنونه بـ آمير
ايسل: لان دي الحقيقه الدنيا دي موجود فيها حاجات ليها اهميه اكتر من الحب بين الراجل والست بغض النظر بتحبيه اد ايه في النهايه هو هيحب نفسه اكتر فغيري تفكيرك المحدود
غاده بنرفزه: ايسل مستخدميش نفسك علي حالتي لان آمير سلوكه غير فاروق
ايسل مسكت دراعها ونطقت بحنق : ايه الي بتقوليه ده غاده مش هسمحلك تقولي كلمه علي فاروق انتي سامعه
غاده: دراعي يا ايسل
ايسل: انا بقولك ده لاني قلقانه عليكي تحبي تسمعي ده رَجعلك انتي وانا متفقه مع رقيه لان الكل شكاك في الي اسمها شيرين
غاده عقدت حواجبها: شاكين بخصوص ايه؟!
ايسل: انتي مش فاكره آمير قابل شيرين اكتر من مره
غاده: والعمل دلوقت انتي الوحيده الي قالت ان دي شيرين
ايسل: ايوه هي شيرين بس فعلا مشلوله اولأ ده الي مش متأكده منه وشخص زي آمير مش هيصدق ده غير لما يثبت ده لنفسه وبعدها هنعرف الحقيقه مين الشخص هي الي بيكدب فيهم
غاده: طيب ليه تكدب وتدعي علي نفسها انها مشلوله
ايسل: بسبب الطمع والجشع طبعا الفلوس بتخالي الانسان يعمل اي حاجه وكل حاجه
غاده شهقت: معقول يعني قصدك خطه جديده تكسب بيها تعاطف فاروق وتجبره يكتب الوصيه
ايسل: مش بعيد
غاده: لا لو كان الامر كدا شيرين دي طلعت شيطان ولازم نكتشفها بسرعه
ايسل تمتمت بكلام بينها و بين نفسها بألم احتل جنبات قلبها
....................منه محمد.................
قاعد يبصلها بقرفه وهي ماسكه الموبيل وعماله تصور حماده وهو بيرقص مع نوال  وكتبت تحت الصوره لشيرين انها مش هتقدر حاليا تكلمها لان ابو لهب قاعد معاها بنفس الغرفه
نوال: اخير حماده نام هلك نفسه في اللعب
سيرين ببتسامه جميله: كدا يله خديه علي سريره
نوال قبلت جبينه: رقص كتير لحد ما حس بالتعب وانا كمان تعبت ونفسي انام
سيرين حبت تتحرك بالكرسي قام وراها  قرب منها ومسك الكرسي وزقها بعنف
سيرين بضجر: براحه وبعدين انت بتعمل ايه؟؟!!
آمير ميل عليها: ابدا بقوم بواجب الزوج واخدها من الكرسي ورفعها بين ايديه
سيرين بضجر: انت يا بني ادم نزلني حالا
آمير : لا
سيرين شدته من شعره: بقولك نزلني يا غبي
آمير جري بيها علي غرفتها: هش ابنك هيصحا
سيرين بتعافر: بقولك نزلني
آمير: اهدي بقي الله انا هحطك علي السرير ومش عايزك تقلقي خالص انا راجل غرضي شريف
سيرين: انت بتتكلم كدا ليه انت تقصد ايه سبني بقولك
بتضربه في كتفه في وشه وبتشد شعره ولما استجار رماها علي السرير وغصب عنه نزل فوقيها شفايفها جات علي خده بالغلط
سيرين ذقته وضربته بالقلم: انت عايز تقتلني ورمته بوسادة صغيرة كانت بقربها
آمير بصلها بستنكار لما الوساده اتحدفت في وشه : قتل ايه انتي الي هتقتليني
سيرين: اخرج برا يله اخرج وبتحدفه بكل المخدات
آميربعناد: مش خارج ولم المخدات وراح حطهم علي السرير
سيرين ملامحها بتعبر بالخوف و القلق : انت بتعمل ايه
آمير: مهما حصل انا مش خارج ليه خايفه  الا اذا كان عندك حاجه مخبيها عني ولا ليه هتبقي خايفه
سيرين بعصبيه بتدفعه من جنبها: اخرج برا
آمير ببرود: ليه اخرج انا عملت حاجه
سيرين: بقولك اخرج
آميربعناد: لا مش خارج بقي
نوال الي رجعت وصرخت: فيه ايه هنا
آمير قام عدل شعره: مهما حصل انا هنام هنا الليله
سيرين : اوك اخرج الاول هتكلم مع نوال علي انفراد
آمير: تمام! ولما تخلصوا رغي هرجع انام هنا وجنبك (وخرج)
نوال قفلت الباب بسرعه: ازاي هيبقي هنا
سيرين بقلق: لا وهينام هنا كمان
نوال: يا قلبي
سيرين: انا كنت هقوم واجري منه لولا انتي جيتي في الوقت المناسب
نوال: طيب هتقدري تكملي لو نام جنبك بس لو مش هتقدري انا مستعده انام هنا جنبك وبعدين منا بنام لوحدي في اوضتي ليه ميجيش ينام جنبي
سيرين: نوال ده وقت هزار
آمير خبط علي الباب: ايه هتتكلموا لوقت طويل ولا ايه؟؟!!
سيرين بصوت عالي: ايوه عندنا كلام طويل
نوال بقلق: هتقدري ولا انام جنبك
سيرين: مفيش داعي هعرف انشاء الله اتعامل معاه
نوال: متأكده
سيرين: ايوه روحي نامي ومفيش داعي للقلق
نوال مشت وفتحت الباب اما آمير رجع لم المخدات وبصلها: لازم تستحمي تعالي اخدك تحت الدش
سيرين: انا مش عايزه استحما
آمير: بقولك تعالي
سيرين: انا مش بحب انام وشعري مبلول
آمير: معفنه
سيرين ضربته بالمخده: غور
آمير رفع حواجبه: اغور فين
سيرين: نام هناك علي الكنبه واياك تفكر في أمر شهواني او انك هتاخد مني حاجه
آميرمال بجسمه عليها وهمس في ودنها : خليني اقولك علي حاجه انا الي بختار الوقت وبختار المكان وبختار الشخص وفيه ناس لا يمكن اننا نختارهم ووعد هعرف اذا كنتي بتكدبي ولا ايه حكايتك
بعد ساعه من الليل قام آمير وبدء يتحرك في الغرفه لقاها نايمه ضحك بخبث ورفع اللحاف من عند كف رجليها ومسكهم جامد وفضل يضغط عليهم ويلوي مشط القدم وسيرين فضلت مدعيه النوم وانها مش شاعره بأي حاجه ولما زهق ان مفيش اي استجابه مسك كف رجليها وفضل يدغدغ فيهم وسيرين بتغير من الحركه دي جدا نفسها تقوم تضربه لكن متحامله جدا وفضلت متمسكه بالحاف وخايفه تصرخ تنكشف ولما ملقاش استجابه منها قام يدور علي حاجه تانيه يكشف بيها كدابها وسيرين فتحت بؤها كأنها بتصوت بس من غير صوت  آمير جاب ريشه وبدء يحركها علي كفوف رجليها بستمتاع وهي لسه متمسكه لكن اخر ما ضعفت صرخت بصوت عالي وهو قام بعد عنها مفزوع
سيرين: الحقوني الحقوني حرامي يا ناااس الحقوني
نوال جات هي وحماده قعدوا جنبها والكل في الفيلا الكبيره جم يجروا للفيلا الصغيره وطلعوا غرفه سيرين واول ما دخلوا وسعت عيونهم  كمحاولة لـ استيعاب المنظر
سيرين متمسكه بالحاف بخوف: الشخص ده كان بيعمل فيا حاجات مش كويسه
آمير بذعر: بطلي كدب انا معملتلهاش حاجه
سيرين باصرار: لا عملت وانا كنت نايمه بس انت حاولت
آمير بعصبيه: انتي ايه مشكلتك ها وبعدين ابنك جنبك
سيرين: لا الولد معملش كدا وبعدين ده لسه جاي جنبي
آميرباشمئزاز: انتي
سيرين قطعته بحده: لا انت الي كنت بتعمل ايه تحت رجلي انا شوفتك وانت بتعمل
آميربدفاع: انا معملتش حاجه
سيرين بخبث: لا عملت
آميربنرفزه: اطبقك في بعضك يعني يا كدابه
رقيه: بسسسسسس انتي وهو انت ليه يا آمير في اوضتها
آمير برتباك: انا اه انا
ايسل: امير اياك تقول انك كنت نايم جنبها
غاده مذهوله: الكلام ده مظبوط يا آمير
آميربقرف: لا طبعا انا كنت نايم علي الكنبه هنا
رقيه: وليه نايم هنا
آمير: عادي نمت هنا علي الكنبه فكرت يعني لو احتاجت حاجه ولا مساعده بالليل بس انا معملتش زي ماقالت
سيرين بمكر: لو معملتش ليه صحيت بالليل
آمير: صحيت اروح الحمام غريبه وبعدين شوفتك راميه الغطا علارض رفعته وحبيت اغطيك كفرت
سيرين: خدعه قديمه للراجل الي بيحاول يستغل ضعفي وانه يغتصبني
آمير وسعت عيونه  وصرخ بأعلى صوته : بس انتي بتقولي ايه يا معتوه
نوال حطت ايدها فوق دماغها وكأنها سمعت مصيبة.
غاده استغلت الموقف لصالحها: بس اسلوبك معاها مش لطيف وبكدا انا هقف معاها بغض النظر هي في النهايه ست وعاجزه حتي لو كانت نيتك خير بس ميصحش ست تنام مع راجل غريب
رقيه : آمير اظن انا اديتك الاذن لاني فكرتك هتنام في غرفتك اتفضل اخرج لانك خلفت الوعد يله اخرج
أمير الدم غلى في عروقه واتشدت عضلات وشه و حاسس بالاشمئزاز من موقفه و نفسه يضربها غاده سحبت ايده علي برا بسرعه
والكل خرج وراهم بعد ما ضربوه سيرين بنظرات ليها الف معني ومعني!!!!
نوال : الليله انتي نفدتي
سيرين بتشفي: يستاهل والله هو مفكر انه هيكشف خطتي بسهوله
نوال: دقيقه يعني هو محاولش يتحرش بيكي
سيرين ابتسمت بمكر: لا طبعا كان بس يقرب
نوال شهقت:يعني افتريته عليه
سيرين: اعمل ايه ملقتش قدامي غير الحيله دي ليه يفكر يكشف خطتي ما يقعد ساكت
نوال بعدم فهم: اكتشاف ايه انا مش فاهمه
سيرين نفخت بملل :هو معتقد اني مش مشلوله
نوال :ايه الحظ المنحوس ده طيب لو اكتشف الحقيقه
سيرين: لا احنا مستحيل نخاليه يكشفها وانا لازم اكون حذره اكتر من كدا لاني مفكرتش ثانيه انه هيبقي جرئ كدا شكله رقم واحد لانه طلع خطير(وخبطت بالسبابه علي دماغ نوال بعنف: اياكي تخرجي ده من عقلك
نوال  من الخضه وقعت من علي حرف السرير : خوفتيني
سيرين ضحكت في مرح ونوال قامت ومالت بدماغها ثم طبعت قبله رقيقة على خد سيرين وقامت من مكانها تنام