حين رأيتها

البارت5

قمر/
بيوم من الايام رجعت من المدرسه
بدلت وصليت وتغديت غسلت المواعين وبديت اقره
الحد العصر واجتنا خالتي  هناء (ام مصطفى) هي وبناتها نور متزوجه وساره مرحلة اولى صيدله
استغربت جيتهم لان بناتها ابد ما يجن
الا بالمناسبات من بعد السلام والضيافه اخذت ساره وطلعنه بالحديقه
كعدنا ع المرجوحه وبدينا انسولف
سألتني ع دراستي وشنو الصعب وشنو السهل ومن هذا الحجي بقينه اشويه وطلعت خالتي كالت يلا خل انروح ااخوج وصل
امي جلبت بيهم بس ما قبلو
هالمره احمد الجابهم مو مصطفى
دخلت للغرفه ودرست اشويه بعدين صليت ونزلت اسوي عشه وي امي اتعشينا
ومحمد ما اجه كال معزوم خلصنا عشه اجيت اشيل وي خواتي المواعين امي
كالت
عوفيهن خواتج ايلمنهن
كتله
ليش بس اساعدهن
كالت
لا اريد احجي وياج
صاحت
غرام يمه سويلي جاي راسي وجعني
غرام/صار يمه
دخلت امي للغرفه واني وراها
كالت كعدي
كعدت وكالت
ام قمر /يمه انتي تدرين كل ابنيه شكد ما اتعيش عد اهلها مردها البيت رجلها لا ام ادوم ولا ابو ايدوم ولا حتى اخو محد ايدوملج غير ابو جهالج وانتي يمه جبيرتي وعزيزتي اريد اءمن عليج مادام عدله واليوم خالتج هناء اجت خطبتج الابنها مصطفى
وهو خوش ولد وثكيل وعنده بيت وسياره وراتب وهو خلقه واخلاق وابن خالتج وجاينه اكثر من مره وانتي تعرفين اخلاقه
قمر/
صفنت ابوجه امي اني البارحه احجي وياه اشو ما كال حدز امي عليج
كالت امي
ها يمه وين صفنتي
قمر/ يمه اني ويني وين الزواج وراي سادس ما اريد اتزوج هسه
ام قمر/هسه لا تنطيني جواب فكري براحتج وهم يجي اخوج واكله
وانطي خبر العمامج فكري وآلله كريم
شربت جاي وكعدت اشوي وي امي والبنات امي بعد ما جابت طاري الحد ما
اجه محمد اخوي من شفته كتلهم
تصبحون ع خير
ما اريد اشوفه رده فعله
رحت للغرفه وراجعت اشويه وحظرت جدولي وغلقت الجهاز
حتى مصطفى ما يتصل
من بعد التفكير غطيت بنومتي
كعدت الفجر صليت ورجعت نمت
كعدت بـ6 ونص بدلت وتريكت واجاني الخط  ورحت للمدرسه  وخلص الصبح بين الدروس والفرصه ورجعت للبيت صليت وتغديت وسألتني امي اذا فكرت او لا
كتله بعدني افكر
كالت اخوج محمد ايكول مصطفى خوش ولد وماكو منه انشوف قمر شدكول وننطي خبر العمامي ويجون
كتلها الله كريم
غسلت المواعين ورحت اقره بالليل امي
كالت رايحه البيت عمج
اني وخواتج ومحمد طالع انتي هم  تعاي وياي خوما تبقين بوحدج
كتله
يمه ما عليه شيء
كالت
لا ما امن عليج امشي وياي هي ساعه زمان
رحنالهم وكالعاده مره عمي ما ماطايقتي  مدري ليش
عاد امي ما صبرت كالتلها قمر ابن خالتها خطبها مني وهو ضابط وخوش ولد واخوها مقتنع بعد بس هي ما امقرره
مرت عمي كالت اي جا بعد شتردين هم ضابط وهم ابن خالتج وامج ما دايمتلج دوافقي وافقي
كتلها
عمه هو زواج مو لعب حتى اوافق خل افكر براحتي
امي كالتلها من يجي سعد كليله هاي السالفه خل ايوصل خبر العمامها الباقين
قمر/
يااا هاي امي اشبيها شو خبرت الناس كله واني ما اموافقه
سكتت ما حجيت بس من رجعنا
كلت لامي
قمر / يمه ليش كلتيلهم هسه اني وافقت غير تاخذين رأيي بالاول
ام قمر/ ميخالف يمه جا شني هسه هم عمامج رضو غير هم ايسألون عليه وع اهله مالج علاقه انتي فكري براحتج
كتله ماشي تصبحين ع خير
خليت ونمت وهاي صارن ليلتين ما فاتحه الجهاز خوفاً من مصطفى يتصل بيه
ثاني يوم رحت للمدرسه ورجعت
لكيت قيصر كاعد بالمطبخ وامي يمه بس هو صاير اعصاب وايهز برجله فتت وكلت
قمر/ السلام عليكم
رفع وجهه وكال بستهزاء ـ
قيصر/هلا والله هلا ابنت عمي
قمر/ شلونك
قيصر/  بنص الخير
اني سكتت
كال
قيصر / قمر منو هذا المتقدملج
امي كالت
ياا عمه قيصر شجاك غير كلتلك ابن خالتها
كال
قيصر/ قمر
قمر / ها
قيصر/ منين ايعرفج مو ع اساس انتي ما اطلعين ومحترمه نفسج
قمر/  اشبيك شسالفه والله هو الي يجينه مو اني اروحلهم
قيصر/ هاا ومن يجيكم  انتي تتربعين كدامه واتكابلينه واتكعدين الحد ما ايروح
قمر/  لا والله مرات اكعد يمه
جان يححي بعصبيه وكوه كاتم صوته العالي

عاد امي خلت وراحت ڪالت خل اكوم اصلي احسلي  هاي بت عمك واتفاهم وياها
راحت امي
وجرني من ايدي بقوه وكال من بين اسنانه
قيصر / اشبينج وبين ابن خالتج
قمر/ اااخخخ ايدي عوفني اشبيك
قيصر/ اشبينج وبين ابن خااااااااالتج
قمر / والله ما بينا شيء اشبيك
قيصر / شفرقه عني هاا شفرقه عننييييي
قمر/ والله ما بينكم فرق انت ابن عمي وهو ابن خالتي
قيصر / جاي تتواصلين وياه موو
قمر/ لا اشبيك
قيصر/ قمر احجي الصدك لا اعدمج بينكم علاقه لو لااااا
قمر / والله العظيم ما بينه شيء اشبيك امعصب والله اني حتى استحي منه ما احجي وياه
قيصر / هاااا ما تحجين وياه بس من خطبج وافقتي
قمر / والله ما اموافقه بعدني بس حجي
قيصر / ليش اني من اعترفتلج
ما انطيتيني وجه هاااا ليش اشبيه اني اشناقصني
قمر/ استغفر الله والله ما ناقصك شيء كتلك انت مثل اخووي ما اكدر اعتبرك غير شيء شكو امعصب هالكد
قيصر/ اسمعيني قمر والله العظيم اذا سمعت بيج موافقه ع مصطفى اتصير موتج ع ايدي
قمر/ انت شتريد مني تره اذيتني
قيصر/ ما اريد منج شيء اريدج انتي
قمر/ اهاا اتريدني اذا انت صدك اتريدني دز امك خل تخطبني الك
هدئت ملامحه وكال
قيصر / اه قمر صدك تحجين
قمر/ ايي والله صدك  احجي بس هاا
قيصر /هااا
قمر /امك التجي وبرضاتهاا مو جبر
قيصر / ها هيه يجرالج الترديه

قمر/
راح واني الف فكره ابالي هسه اني شسويت اشلون اكله اخطبني هسه ايكول ميته عليه اووف اووف هسه وقت خطبتك يمصطفى
رحت بدلت وصليت وكعدنا نتغده
مااكلت اهواي لان التفكير موتني وعقلي ايصفن خلصنا ولميت المواعين وغسلتهن وصاحتلي امي
كالت شكال ابن عمج
كتله كذا وكذا
كالت يمعزايه اشلون اتكليلي اخطبني مو عيب كتله
يمه هو كال اريدج اذا هو صدك  ايريدني خل يجي يخطبتي
كالت دكومي مني كومي
عفتها ورحت اقره والموبايل ع قفلته جان الجدول بيه اهواي تحاضير قررت اغيب مالي خلك لا اقره ولا اداوم ضميت الكتاب ونمت

كعدت العصر البيت هدوء امي اتسوي كبه والبنات ايدرسن ومحمد طالع عاد كعدت يم امي كالت شعجب ما تقرين كتله مالي خلك باجر اغيب
كالت بكيفج
كتله اني كايمه اسبح
خليت ورحت اسبح والف فكره ابالي عاد خلصت ومشطت وطلعت لامي لكيتها مكمله وكاعده بالحديقه ابوحدها كتلها
قمر/ هاا يمه شو ابوحدج
ام قمر/ اي جا شسوي خواتج يدرسن وما عندي لا شغله ولا عمله كلت اكعد اهنا اشم هوه احسلي

بقينه كاعدين انجر سوالف والدنيا بدت اتغورب وما نسمع بس الصياح من بيت عمي وكبت العيطه بينهم امي كالت خل اروح اشوف شكو كتله عوفيهم نارهم تاكل حطبهم شعلينا وهي مصره الا اتروح بالكوه يلا لزمتها
بقو اصياحهم ايجيب التايهه الحد ما صار هدوء
والي فهمته بالاخير انو قيصر متعارك وي امه لان ما تقبل تخطبني اله  وهو مصر عليه بس امه اتريدله بت خالته
بس الي وترني خالتي هناء ما خابرت امي ولا سألتها اذا احنا اموافقين او لا
عاد بالليل لمن اجه اخوي محمد كال قيصر ابن عمي سعد رايح امعارك مصطفى وكايله بنت عمي الي وانت ما الك مره يمنا صاير جدال بينهم ومتضاربين...   للحڪايه بقـــاء
ـــــــــــــــــــــــــ﴿💔﴾ــــــــــــــــــــــــ

حال قمر:-
•„تحـزنني تفـاهہ‏‏ الاسبــاب التـي تـدمر الاشيـاء العظيمــــــهہ‏‏♪•‟
zainab_AlMisani

ـــــــــــــــــــــــــــــــــــــــــــــــــــــــــــــــ
لا تنسون التصويت + التعليقات على  الفقرات