حين رأيتها

البارت 4

قمر/
ڪعدت اصبح  بسته ونص ع صوت المنبه والنومه بعيوني حتى صلاه الصبح فايتتني طفيته ورجعت نمت الحد السبعه اجتي امي مستعجله
ام  قمر/ ولج قمرر اكعدي فات الوكت
قمر/ نعسانه يمه نعسانه
ام قمر/ ولج ڪومي بعد نص ساعه ويجي الخط
قمر/ عززاا يمه بيش الساعه
ام قمر / صارت بالسبعه ڪومي ڪومي
قمر/ ڪمت مفزوعه وصار تبديلي رڪض رڪض حتى ما لحڪت اتريڪ
اجه الخط ورحت للمدرسه من درس الدرس وخلص الدوام ورجعت للبيت
...................................
مصطفى/
ڪعدت بالربعه الفجر حتى اطلع للشمال. سبحت وبدلت طلعت البيت صنطه محد ڪاعد رحت للولد لكيتهم مجتمعين رحنا بسياره ولد صديقي لان احنا بس اربع
وصلنا اظهر بقيت اهناك اسبوع من مكان المكان والونسه خياليه بس المشكله  يجي الليل وتجي وياه قمر تسكن ابالي يوميه ع هالرنه ما نسيتها يمكن لان حلوه او يمكن لان هادئة مو مثل خواتها قررت من ارجع امرلهم عسى ولعل الكه فرصه احجي وياها
ـــــــــــــ بعد مرور اسبوع  ــــــــــــ
قمر/
خلص الاسبوع ما بين المدرسه والبيت والدراسه وقيصر مستمر ايحاجيني بس مو مثل قبل يعني ع ڪد السؤال والجواب بيوم الجمعه ڪعدت بـ9 سبحت وبدلت وساعدت امي بشغل البيت البنات نايمات ومحمد طالع خلصت شغلي ودرست شوي
بعدين ڪعدو البنات ومحمد اجه
صليت و تغديت وغسلت المواعين و اخذت ڪتابي وطلعت بالحديقة ادرس جان الجو ڪلش  حلو بدايه شتاء بقيت اشويه  اقره واشويه افتر
الحد ما اندڪ الباب اول مره غلست وبالثانيه اجيت افتح طلع محمد
ڪال
تعاي دخلي اني افتح
فتت للبيت بقيت واكفه بالشابك مال المطبخ اباوع منه فتح الباب
وطلع مصطفى ابن خالتي
عزااا هذا شعنده لا وانوب جاي ابوحده رحت ڪلت لامي واجته ڪعد بالصاله ابعتباره مو غريب
اني هم ڪعدت يمهم ايسولفون سوالف عامه وعرفت هو طالع للشمال صار اسبوع بقو ايسولفون وهو عيونه اتزرزر هذا اشبيه ڪل ما اباوعله الكاه ايباوع  عليه اخر شيء خليت ورجعت للغرفه
عود ليش هيج ايباوع
زين ليش بس اني مو هاي خواتي ما ايباوع هيج
دخل ايروح شسويله...
.........................
مشت الايام بين الإمتحانات الشهريه  والبيت وروتين عادي الا مصطفى ڪثرت جياتهه النه مرات اڪعد يمهم مرات لا مرات يجي هو وخالتي مرات ابوحده
اجت امتحانات نصف السنه حبست نفسي بالغرفه اكثر وقتي اقره وهو هم ما اجه ابيام الامتحانات
وقيصر اتصالاته موجوده بس مو بكثر
ابد ما يجينه من اعترفلي الحد الان ما واصل بابنه امي دائما اتروح البيت عمي لان هم حايط ع حايط
مرات تاخذ غرام مرات بس هي
وهيج خلصت الامتحانات واجت العطله
وره العطله بيومين جانت الساعه ب10وربع بالليل اكلب بالجهاز واتصل عليه رقم غلست ما رديت فصلت الدكه ودز رساله
مصطفى / قمر ردي اني مصطفى
قمر/ منو مصطفى؟
مصطفى / الظاهر اتعرفين اهواي بهذا الاسم وما جاي اتميزيين😏
قمر/ لا والله مو هيج بس ما عرفتك
مصطفى / هاا  اني ابن خالتج
قمر/ اهاا  اهلاً
مصطفى / هسه شنو اكدر  اتصل
قمر / ليش
مصطفى / اريد احجي وياج
قمر / اي احجي اهنا
مصطفى / لاا اريد مكالمه
قمر / اوك

ثواني واتصل اترددت اجاوب بس بعدين قويت نفسي ورديت
قمر / الوو
مصطفى / يمعوده ساعه يلا اتردين وين رحتي
قمر / موجوده ما رحت مكان
مصطفى / اي شلونج شخبارج
قمر / الحمدلله بخير وانت
مصطفى / بخير دام انتي بخير
قمر / تسلم
بقه ساكت بس ايجر نفس من الجكاره كتله
قمر /مصطفى
مصطفى / عيونه
قمر / هه امنين جبت رقمي وشنو اتريد تحجي

ذب حسره وكال
مصطفى/  بنبره حاده، معليج امنين جبت الرقم
قمر / اوك زين يلا احجي
مصطفى / اشبيج مستعجله انطي صبر
قمر / نعسانه اريد انام (اصلا جذب اريد اطفر منه)
مصطفى / ماشي ماشي اكول
قمر / بنفاذ صبر، ها كول
مصطفى / انتي اتحبين
قمر / هه شنو
مصطفى / اشبيج جاي اكلج انتي اتحبين
قمر / تؤ ما احب ليش؟
مصطفى / هيج بس اسأل
قمر / تمام اتريد شيء ثاني
مصطفى / اشبيج مطيوره اريد اسولف وياج
قمر / ما بينا سوالف
مصطفى / تؤ تؤ بيناااا واهووواااي هم
قمر/ اي عود بعدين ڪملها تصبح على خير 
مصطفى /  براحتج بويه وانتي بخير

قمر / سديته منه واني افكر بالله هو شعليه احب ما احب والله يا االله
بس حلوه كلمه بويه ههههه اخباال دخل انام احسن
نمت من بعد التفكير هالايام اهواي افكر بقيصر ومصطفى
كعدت الصبح كالعاده مثل تركيت وساعدت امي بشغل البيت  والروتين نفسه
.................................
مرت الايام ومصطفى كل يوم يتصل بالليل بس اني ما انطي مجال دائما يسألني اذا قبل مرتبطه
هم اكو احد اعترفلج
شكد خطبوج
هم متحارشين بيج
واهوواااي اسأله
ڪل مره اكله ليش تتدخل بخصوصياتي ايكول هيج ابد ما ينطي جواب
خلصت العطله ومصطفى ابد ما اجانه كال بالدوام ما اكدر اجي باقي ع الاتصال
استلمت النتيجة وطلعت ناجحه ودرجاتي زينه
بديت ادوام والدراسه كل ما جالها اتصير اصعب بيوم من الايام رجعت من المدرسه... متابعـهہ‏‏ ممتعـهہ‏‏...
ـــــــــــــــــــــــــــ........ ــــــــــــــــــــــــــــ
انـا لا احبـڪ بـل احملـڪ بقلبــي وانبـض بـڪ♥️💍💙🍃💫🗝

zainab_AlMisani
ـــــــــــــــــــــــــــــــــــــــــــــــــــــــــــــــ
لا تنسون التصويت + التعليقات على الفقرات

♥♥♥♥