بارت جديد ✌🏽🥺
قمر/ الحد ما فد يوم من الايام
العصر جنت ڪاعده اني وامي والبنات محمد. طالع
اندك الباب فتحته امي
دخلت خالتي ام مصطفى وجنتهم وساره
سلمت عليهن وخالتي سألتني ت
اشوكت اتعرسين
كتلها بعد اهواي
ما تدري علاقتي وي قيصر عبالك غربه
بعد السلام والكلام والضيافه
خالتي كالت اني جايه علمود
نخطب نور الابني احمد
وهو رايدها من زمان
امي كالتها هي اتريد اتكمب دراستها كالتلها عادي اتكمل عدنا
امي ما انطت جواب كالتلهم خل يجي اخوها واحاجيه منا اليومين وانردلكم الخبر
كالو براحتكم وراحو
رجعت للبيت لكيت مريم بالغرقه فاتحه شعرها واتغني حاجيتها
قمر/ هاا عيوني سالمين شنو عرسنا
مريم/ اي عمريي عرسناااااااا
قمر/ وهسه اشبيج اتصيحين ترا اختج الجبيره اني 😌
اجت حظنتني وكالت
مريم/ لججج احبج والنبي
تدرين اني هسه فرررحانه بودي اطير
قمر/ بصدمه، ليش ولج
مريم/ لان احمد طلع كد كلمته واجه خطبني
قمر/ عكدت حاجبي وكلتلها، شنو شنو سمعيني ما فهمت
مريم/ اهوو اشبيج قمر اكلج احمد طلع كد كلمته واجه خطبتي
قمر/ليش اشبينكم انتو؟
مريم/ ماا بينا شيء اشبيج علاقه عاديه
قمر/ ومن اشوكت هاي العلاقه
مريم/ من زمان
قمر/ قبل لا يخطبني مصطفى؟
مريم/امممم
قمر / بعصبيه، انتي صدك تحجين
مريم / اي والله اشبيج
قمر/ وامي تدري؟
مريم / لا محد يدري
قمر/ زين ليش ما كلتيلي
مريم/ شكلج يعني حبيته وخلص وهسه اجه خطبني ماكو داعي للعصبيه
قمر/اشلون ماكو داعي اشبيج انتي احنا وين عايشين
مريم / اهووو قمر عاد لا اتسوينها قصه مو هاي انتي حبيتي مصطفى اشو محد منعج
قمر/ اي واني هسه شحصلت من حبيت مصطفى
ترا والله اني احجي المصلحتج اخاف عليج تتعذبين مثلي
مريم/ ليش انتي اشبيج
قمر/شنو اشبيه؟ ليش اني ايمر يوم بيه گلبي ما يحترك حرك بس المصبرني القسم القسمه مصطفى
مريم/ قسميش
قمر/ بأبتسامه، قسم بأنه هو مراح ايحب غيري ولا يزوج غيري
مريم/ هااا. المهم هسه عفيه لا ادكولين لامي
قمر/ ع شنو
مريم/ على علاقتي بأحمد
قمر/ لا ما احجي بس ادعلي كون ولد عمج ما ايعارضون مثلي دمروني حسبي الله ونعم الوكيل عليك يقيصر
مريم/ يا يا جا هو مو خطيبج عشتووو
قمر/ خاب ما اتسكتين رحمه لاهلج
مريم / امشي امشي خل انشوف امي وين
قمر/ طلعنا لكينا امي اتصلي
اني هم توضيت وصليت وتعشيت
بالليل اجه محمد وامي حاجته
كال احمد خوش ولد بس خل
انطي خبر العمامي يلا يجون
كعدنا اشويه سوالف وضحك
ورحت للغرفه
قيصر ابد محاولت اتواصل وياه لان هو اساسا ناسيني
يعني اذا على كلمه هو صدك ايحبني وينه حبه اشوه امطنشني
مصطفى ما اعرف اخباره اتمني اتوصل وياه بس اخاف هو ما يقبل لان اخر مكالمه كال
اعتبري هاي اخر مكالمه بيناتنا
شغلت اغنيتي ونمت
كعدت الفجر صليت ورجعت نمت
تقريباً حياتي هادئه رجعت مثل قبل بس الفرق
قبل گلبي فارغ ما افكر بشيء
هسه لا بگلبي غصه والم بس الله يدري بيها
نمت وكعدت الساعه بـ9 ونص اصبح
بالعطله ما عندي شيء بس شغل البيت اخلص واكعد
امي وخواتي مرات ايروحن العمامي ومرات الخوالي
اني ابد ما اروح ابقه بالبيت
. لكيت امي كاعده تتريك بالمطبخ
قمر/ صبااحو مامي
ام قمر/ هلا يمه صباح النور
شعجب كعدتي
قمر/يمه مليت من النوم والله حياه ممله
ام قمر/ الله كريم يمه الله كريم
قمر/ كعدت اتريك
ونظفت البيت
وامي سوت غده واني وياها بس اباوع
وهي اتعلم بيه هيج وهيج
للظهر اجه محمد
وكال حاجيت عمامي علمود احمد
كالو نسأل عليه يلا يجي
يعني ماكو اشكال
•••••••••••••••••وره يومين
عمامي وافقو على احمد وكالو خلي يجي
امي العصر خابرت
خالتي وكلتلها انو احنا موافقين
ثاني يوم اجه احمد واهله جايب
وكفت اباب المطبخ عسى ولعل المح مصطفى
بس ماكو مجاي وياهم
شعجب ما اعرف
المهم بقو تقريباً ساعه يحجون ما اعرف شنو جان حجيهم
لان اني التهيت بالمطبخ
راحو وصار الاتفاق
بعد 3 الخطبه
بثاني يوم راحت امي ومريم وخالتس للصالون
اخذاهن حيدر ابن خالتي
اني بعد التهيت بالبيت
وبنات عمي كلساع وحده جايه
بعد سمعن بيها خطوبه
اجن من الصالون
مريم طالعه اتخبل
اهواي تغيير صاير ابوجها يمكن لان اول مره اتحف
كالت حجزت بدله لون وردي
وشعرها مغيرت لونه ادكول بالعرس يلا
..................... بعد مرور ثلاث ايام
قمر/ بيوم الخطبه مال مريم كعدت الساعه بالسبعه اصبح
صايرين خبصه عماتي كلهن
ونسوان عمامي وجهال
اهوووو دوخه
صارت الساعه تسعه ونص
راحت مريم للصالون هي وساره وحده من خالاتي
اجيت اروح وياه بس امي ما قبلت
التهيت من شغله الشغله
وعمتي الصغيره سوت كوشه و.... مراسيم الخطوبه
الحد اظهر طاح حظي بالمواعين
رحت سبحت ولبست فستان لون اسود ربع ردن
جوه الركبه بشويه
وشعري خليته على طوله بس شسورته
وخليت مكياج خفيف كلش
خلصت بس اروكض منا ومنا
كلساع رايدين شيء
الحد ما اجت مريم فددوه طالعه اتجنن
وره اشويه وكالو اجو
اهنا گلبي تخربط عبالك اني الجاي ايخطبوني مو مريم
دخلن خلاتي والدك والركص صار ابفلس
اني ركص اشويه وبطلت
عقدولهم
وصاحو لاحمد حتى يجي ايلبسها الذهب
جان لابس بنطرون اسود وقيص ابيض وستره سوده بدون ارباط فاتح اول دكمتين من القميص طالع فد شيء
اجه لبسها الذهب و..... مراسيم الخطوبه
جان كلساع يهمس ابذانه كلمه وهي تضحك
دعيت الله ايديملها فرحتها ويسعدها
اشويه وصاحو عليهم حتى يروحون
قبل لا ايطلعون رحت للمطبخ علمود المي والعصير كلساع امطلعين عليه شغله
دخلت وجان اشوف.... مـتآبعهہ مـمـتعهہ
••••••••••••••••••••••••••••••♕♕
ذب كلبي حسره عليك تدري شكبرها
ولك مو حسره جنها شيوخ ذبت عكلها.
💔💔💔💔💔💔💔💔💔💔
zainab_AlMisani
ـــــــــــــــــــــــــــــــــــــــــــــــــــــــــــــــ
لا تنسون التصويت + التعليقات على الفقرات
احبكم😍😍
أنت تقرأ
حين رأيتها
Ficción Generalقليلة عقول تگدر تفهم البيــــــــك وصعب تلگة اليفهمك مثل روحـــة البلبل بالقفص ماغرد ينـــــــــــــوح ويشوف الناس متونسة عل نوحة. قصه حقيقيه // تتحدث عن فتاه يتيمه الاب منعزله لا تحب الاختلاط يصفها البعض بـ (المعقده) ولڪن يقع في حبها ڪل من ابن عمه...
