حين رأيتها

البارت 11

بااارت جديد🕊🥺

قمر/
شفت سيارات اثنين بالباب مال بيت عمي واكفين يمهن زلم لابسين عكل
تقربت يم البيت لمحت
ابو مصطفى  وحيدر اخو مصطفى الجبير وياهم زلم
دخلت للبيت شفت امي كاعده بالباب مال المطبخ
قمر/ ها يمه سالمين منو ذوله
ام قمر/ هلا يمه اجيتي
قمر/ لا يمه بعدني غير هالواكفه اكبالج طبعاً اجيت😂
ام قمر/ خاب يمه  مو وكت ضحكتج  هسه
قمر/ اي هسه غير ادكولين شكو
ام قمر/ يمه هذا مصطفى ابن خاالتج جايب شيوخ وابو عالمودج
قمر/ مصطفى جاي وياهم
ام قمر/ لاا يمه هو الولد بدوامه بس ابوه وعمامه وياهم شيوخ مدري شني يايمه
قمر/ زين يمه هسه شنو يعني شكالو
ام قمر/ اندري اني حالي حالج منتضره اخوج يجي وافهم منه
قمر/ ليش محمد اهنا
ام قمر/ اي اهنا اجه من اجو اهل مصطفى
قمر/ هاا خير انشاء الله  اني راح ابدل
ستوني دخلت باب المطبخ  وجن خواتي
مريم/ هااي شكو منو ذوله
غرام/ ها يمه شلونج
ام قمر/ هلا يمه عوفجن منهم امشن بدلن وتعالن تغدن
كملت دربي بعدني ع البايه الثانيه من  الدرج ولزمتني مريم من ايدي
مريم/ تعاااي انتي جيتي قبلي منو ذول
قمر/ ما ادري ما ادري عوفيني اريد ابدل
اجت يمي وكالت
مريم/ ترا اني شفت  ابو حيدر(ابو مصطفى)  وحيدر
قمر/ خاب اني شدراني دميلي مني
فرت ايدها وراحت
رحت بدلت وصليت ونزلت لكيت محمد موجود
قمر/ ها شلونك
محمد / هلا خويه
ام قمر / كون وياي خل انصب اكل
وقفني صوت مريم
طلعت مريم من الغرفه وحجت بصوت اشويه عالي
مريم/ محمد محمد
محمد/ ووجع اشبيج
مريم/ ما بيه شيء بس اكلك منو ذوله
محمد/ وانتي شعليج
مريم / هيج فضول
محمد/ مو يمج خويه مو يمج
ام قمر/ يلاا امشن
قمر/ اي يمه اجيت
رحت وي امي صبينا الغده وتغدينا
غسلت المواعين ونضف المطبخ  وصعدت  اتصلت ع مصطفى مغلق بديت ادرس جان عدنا امتحان ڪيمياء ڪلش صعب ومعقد هم
بديت اقره مره اركز مره اتذكر مصطفى ڪلساع افتح الجهاز واقره الرسائل القديمه شڪد  جان ايدزي اشعار  واغاني 
بقيت الحد العصر طلعت سبحت جانت دنيا مغرب اتصلت ع مصطفى طلع مغلق  خليت ونمت حتى بدون ما اصلي
فزيت الساعه بـ10:8 حيييل هاي شكد نايمه كمت صليت ونزلت لكيت امي كاعده هي والبنات
قمر/ يمه ليش ما كعدتيني
ام قمر/ شفتج تعبانه يمه وخليتج
قمر/ اي يمه تعبانه وهسه اتكسرت بالزايد
ام قمر / دروحي تعشي يمه روحي
قمر/ رحت  حميت الاكل وتعشيت وغسلت  المواعين
صبيتي جاي ورحت يم امي ڪالت
ام قمر/ اخوج ايريدج من زمان منتضرج اتكعدين
قمر/ ليش شيريد
ام قمر/ ايريد يحجي وياج
قمر / هسه هو وينه
ام قمر / ڪاعد بغرفته روحيله
قمر/ ماشي
خذت الجاي ذبيته وغسلت الكوب ورحت لمحمد  دكيت الباب  ڪال
محمد / منو
قمر/ ها اني
محمد / تعااي
لكيته ايخابر اشرلي اسكت 🤐 اشويه وسداه
محمد/ها قمر تعاي ڪعدي
قمر / خل ننزل بالحديقة مليت من البيت
محمد / برحتج يلا امشي
رحنا للحديقه كعدت ع الكرسي ومحمد كعد  مقابيلي رجع شعره اليوره وفرك وجهه  وكال
محمد/ باعي قمر اني ادري بيج اتحبين مصطفى
قمر / محـ...
قاطعني وكال خل اكمل ولا اتقاطعيني
محمد/ كتلج ادري بيج اتحبين مصطفى وادري مو اليوم صارلكم فتره لا عبالج اني ما ادري وغافل
لا ادري وبكلشي هم
ادري اكثر جياته علمود ايشوفج
وادري بيه من اجاج للمدرسه
وادري بيكم تتواصلون
اني سكت مو عبالج ما ادري
بس ساكت لان اعرف اختي شنو واعرف اخلاقج وتربيتج
ومصطفى صدك اني وياه مو ذيج العلاقه بس اعرف ابن اصل وما ايسوي الغلط والما يرضاه ع عرضه   ما يرضاه ع عرض الناس
واثبتلي رجولته من اجه وخطبج وابن عمج
وابن عمج  ما رضهه
واليوم الولد ملتحق وامودي ابوه  وعمامه وشيوخهم ع مودج
اني بالنسبه الي ما عارضت وافقت وكلت لامي  بكيف قمر هاويته خل اتوافق ما هاويته بكيفها
صح لو مو صح
قمر/ صحيح
محمد / ايي خويه اني جنت ناوي انطيج الابن خالتج
بس الصار اليوم گلب الحجي گلاب
قمر/ ليش شنو الصار
محمد/  ابن عمج  قيصر ڪال الاهل مصطفى بنت عمي انا  اريدها وبعد انتي اتعرفين احنا عشايرنا شدكول بنت عمك اوله بيك من الغريب
فياخويه يا قمر اريد اكلج ابن عمج قيصر ايريدج وباجر العصر امه تجي اتخطبج ومصطفى بعد انسيه ما بينكم نصيب وبيت عمج وره ما ايخطبونج ايشيلون للنجف يعني عرسكم اهناك ايصير   والكاتبه الله ايصير
قمر/ محمد جان يجي واني گلبي يرجف كله  يعني شنو بعد مصطفى  راح انتهى ڪلشي يعني بعد ما ايكلي ابنيه گلبي ولا ايكلي عروك گلبي ولا كل يوم ايدزلي شعر
يعني اصير على ذمه قيصر
مجرد الافكار تحركني حرك اتمنى
صافنه ودموعي تجري
فززني محمد وهي ايدغ بيدي
محمد/ قمر قمر
قمر / وهي تمسح دموعها،  هاا
محمد/ اشبيج جاي تبجين؟
قمر/ لا لا تصبح على خير عفته ورحت  للغرفه
اتصلت ع مصطفى هم مغلق هم مغلققق يااااااالله
الله ذب عليه بجي
صفيت عيوني اتصفي
كل ما اذكر كلماته وعصبيته احس گلبي ينمرد مرد
صح الفتره الحبيته بيها قليله  بس تربع بگلبي هو اول دگه له
ورجع بيه الشووگ للرسايل
جنت من اقراهن اضحك وابتسم
هسه صرت من اقراهن اتزيد ادموعي احترك حرك 
بجيت وبجيت الحد ما تعبت نمت حتى  ما ادري بروحي شوكت نمت
ڪعدت حسيت جسمي متكسر وعيوني اثكال من الوجع وراسي ايريد ينفجر ع كد ما يوجعني باوعت ع الساعه بـ9:33 اصبح اهووو المدرسه فاتتني
رحت غسلت واني اطوطح حتى ما متوازنة 
لكيت امي بالمطبخ كاعده تمسح بالكاونتر
قمر/ صباح الخير يمه
ام قمر/ صباح النور هلا يمه اشلون صرتي
قمر/ ليش اني شبيه
ام قمر/ اندري يمه شو اصبح اجيت  اكعدج لكيتج امصخنه حتى اخوج راد ياخذج للطبيب كتله ما بيها شيء بقه يمج الحد 7:50 كتله ما بيها شيء واذا تعبانه انه اخذها للطبيب يلا راح
قمر/ هاا خطيه
ام قمر/ تعاي يمه كعدي خل اسويلج ريوك
قمر/ لا يمه ما اريد بس جاي
ام قمر/ اشلون بس جاي يا يمه شو انتي منتهيه
قمر/ يمه فدوه ما اريد والله ما اشتهي
ام قمر/ بكيفج يمه
قمر/ انطتني امي جاي وحبوب مال وجع راس
طلعت للحديقه وگلبي محرووك ابداخلي حسره
بدي اصرخ اصيح كون اروح مكان
ما بيه بشر
بقيت ساعه ابجي ساعه اصفن
امي عافتني ابوحدي ابد ما سألتني ولا كالت دخلي
الحد ما اجن البنات من المدرسه شافني واجن عليه
مريم/ ها شلونج الحمدلله ع السلامه
غرام/ الحمد الله على السلامة
قمر/ بقهر، الله يسلمج
مريم /اشلون صرتي هسه زينه مو
قمر/ اي زينه يلا روحن بدلن وصلن حتى تتغدن
غرام/ طرده بنزاكه😂
قمر/هههه
راح واني هم دخلت صليت وتغديت ومريم كالت اني اغسل المواعين انتي تعبانه
كلت لامي اني راح انام لا اتكعديني
كالت  بيت عمج العصر يجون 
كتله اي ادري عود اني اكعد قبل لا يجون
خليت ونمت الحد ما اجه.... مـتآبعهہ‏‏ مـمـتعهہ‏‏

ــــــــــــــــــــــــــــــــــــــــــــــــــ♥♥♥

. •يل رسمك ابعيني نطبـع راحـن عيوني ومـارحت•.
zainab_AlMisani
ـــــــــــــــــــــــــــــــــــــــــــــــــــــــــــــــ
لا تنسون التصويت + التعليقات على الفقرات

احبكم😍😍