حين رأيتها

البارت 13

بارت جديد ✌🏻🥺

الحد ما اجه الصبح  كعدتني امي بـ8 ونص لكيت خالاتي جايات ومن ضمنهن خالتي ام مصطفى اجيت  اسألها على مصطفى  بس استحيت سلمت عليهن و رحت للمطبخ اجتي وراي ساره (اخت مصطفى)  لزمتني من ايدي وكالت
ساره/ تعالي ولج اشبيها عيونج
قمر/ شبيها؟
ساره/ كلش منفوخات
قمر/ لان جنت نايمه
ساره/ ما اعرف بس امورمات
قمر/ بتسمت وكتله عادي
بعدين كتلها اكلج ساره
ساره/ها
قمر/ حبابه روحي وياي انتي للصالون
ساره/ اامممم اي عادي اروح بس منو بعد اتروح وياج
قمر/ ما ادري المهم  انتي وياي
حضنتني وكالت
ساره / اوووي فددوه لليريدني وياه
ابتسمت الها
تريكت ورحت حتى اسبح وجهاز مصطفى مغلق
دخلت للحمام ولكيتها فرص حتى افرغ الي ابكلبي بجيت وبجيت وبجيت الحد ما اجت امي دكت عليه الباب كالت يلا تأخرتي
بدلت وطلعت مشطتت شعري
ورحنا اني وساره وعمتي اخت ابوي
قيصر الجبيره
خذانه كرار اخو قيصر الجبير
وصلنا للصالون وبدت تشتغل  ام الصالون سوتلي مكياج هادئ وتسريحه رفعت نصه والباقي خلته مفتوح
رغم الالم والحزن الي ابداخلي بس شكلي طلعت حلو بس المشكله ماكو اي فرحه بداخلي جان المفروض ع الاقل اكون مبتسمه بس اني لا بالكوه امسيطره ع دموعي
و ساره واخت قيصر هم سون مكياج وشعر
رغم اني العروس بس الناس فرحانه اڪثر مني
خلصنا ورجع علينا ڪرار وصلت للبيت لكيت الدنيا ابيتنا  مخبوصه خبص امسويات ڪوشه  والديجي يركع
والبنات عبالك هن المعرسات مو اني
جنت اتمنى هاي خطوبتي بس لمصطفى ابد مجنت متوقعه بيوم من الايام اصير زوجه القيصر بس القدر اقوى مني هو الجبرني
اشويه واجو وصار الدك والركص وبداخلي امل انو مصطفى حيجي وايخرب ڪلشي صبرت روحي عسى ولعل يدخل عليهم جنت اردد بداخلي يا رب يرجع واخلص من هذا الكابوس بعدها بشويه ڪالو  تعالي حتى ايعقدولكم اهنا صدك فقدت اخر ذره امل بداخلي قبل لا اروح اشرت المريم
قمر/ ريما عفيه روحي اتصلي بمصطفى من موبايلي فددوه
مريم/ ليش ولج
قمر ستري علينا
قمر/ عفيه روحي حاااولي بالكت ايجاوب
مريم/ رايحه رايحه بس لا تبجين
راحت واجتي امي ومرت عمي خذوني يم الباب مال الاستقبال
بدء السيد
يقراء ايات من القران
وبعدين اخذ الموافقه من قيصر
وبعدين كال اذا موافقه كولي نعم وانت وكليلي بالحظتها مااكدر اوصفلكم شعوري جانت مشاعر مخربطه حزن الالم بصدري والشعور بالذنب احس نفسي خذلت مصطفى ما ادري غدرته عاداها عليه السيد 3 مرات وامي ومرات عمي ايكولن كولي نعم كولي نعم دمعت عيوني وغمضت حيل وكتله نعم وانت وكيلي اهنا اني وافقت على عذابي وعلى انكساري
شهكت وحظنتني امي وصار الجكليت والهلاهل حبست شهكاتي ورجعت يم البنات بعدين كالو خل يجي ايلبسها الذهب
اجه قيصر لابس بنطرون نيلي وقميص سمائي
اجه يمي واني اصلا كارهته ولا بودي اشوفه
باسني بكصتي وكال مبروك
ما رديت عليه بعدين كال
قيصر / لج شطالعه اتجلطين
اووويلييي يعني هذا الجمال كله الي
دعبرينا بنظره من اروح فدوه لعيونج
جان يحجي واني  مدنكه ومشمئزه منه
بدء ايلبسني بالذهب واني هم لبسته الحلقه من غصبا عليه والا اني لو بيدي اعوف الحفله كلها بس لو ما العيب
ڪصينا الكيك و...  مراسم الخطوبه
واخذنا صور وبعدين كامو ايصيحون عليه
وراح وبدت البنات اتباركلي والدك والركص ما سكت
بدو يرحون بالتدريج بقن بس خالاتي وعماتي وبنات عمامي (بس القرايب) اني صعدت حتى ابدل اجت وياي ساره دخلت
للغرفه رحت رأساً للجهاز حتى اخابر مصطفى بس طلع مغلق اهنا انهاريت نسيت وجود ساره ونسيت اني صرت على ذمته رجال ثاني
انهاريت بجي وملخت نفسي كل ما اذكر مصطفى من كلي رفضي قيصر بين ما اقنعه افقد بالزايد
ساره استغربت تصرفي بس ما حجت سدت الباب وكعدت اتهدي بيه بعد ما تعبت هدئت وانطتني مي شربت منه ومسحت دموعي بدلت بتراك وردي  وساره فتحت التسريحه واني امسح بالمكياج بس من شافنتي هدئت ابد ما حجت كلمه 
خلصت وكعدت ع الجربايه كالت
ساره/ ها ما اتنزلين
قمر/ هزيت راسي بـلا
اجت كعدت يمي ولزمت ايدي وكالت
ساره/  اشبيج
قمر/ بصوت مبحوح  ،  ما بيه شيء
ساره/ زين احجيلي شنو بگلبج اعتبريني مرايتج
قمر/ اهنا عبالك انفتح عليه باب السجن
بديت احجيلها من اول لقاء بيني وبين مصطفى وكتلها انو اني ابد ما كايلتله احبك واصلا هو ما يدري بيه احبه هالكد
هي جانت ساكته ابد ما قاطعتني ولا علقت
خلصت كلامي وكالت اتنزلين لو اتنامين
كتلها انام
خليت ونمت كعدت الساعه بـ9 ونص بالليل كمت سبحت ونزلت لكيت بس بنات عمي عدنا
كعدت بوحدي بالمطبخ تعشيت وطلعت بالحديقة والتفكير ماكلني
زين هو مصطفى شوكت يرجع
ليش ممتصل ابأهله
زين لو رجع شحيسوي
هم يزعل
فكره اتوديني وفكره اتجيبني اجن البنات كعدن يمي وايجرن سوالف واني بس اباوع عليهن
اتمنيت حياتي ترجع مثل قبل كل همي الدراسه وبس وگلبي فارغ لا تحلمت لبعيد ولا تمنيت
ليش هيج حياتي انگلبت گلاب يعني لوما قيصر جان هسه اني ومصطفى مخطوبين ويمكن اسعد اثنين بالدنيا
فززتني من صفنتي اختي غرام
غرام/ قمررر وين صفنتي كوومي ندخل جوه
قمر/ باوعت منا منا البنات رايحات وبس اني وياها بالحديقه  سألتها
قمر/ شوكت راحن
غرام/ عمي يتهنى الشاغل بالج من زمان راحن كومي كومي
قمر/ خليت ودخلت للبيت 
..................... تسريع الاحداث
وهيج مر على غياب مصطفى اسبوعين وهو ماكو لاحس ولا خبر
بيوم من الايام جنت كاعده بالحديقه دنيا العصر كتاب الادب بيدي وما حسيت الا.....  مـتآبعـهہ‏‏ مـمـتعـهہ‏‏...

•••••••••••••••••••••••••••••••••••••♕✧

هنيالكم عدكم گلب ينسه العشگ
وهنيالكم تحبون بس مو من صدگ

zainab_AlMisani

ـــــــــــــــــــــــــــــــــــــــــــــــــــــــــــــــ
لا تنسون التصويت  + التعليقات على الفقرات

احبكم 😍😍