قمر/ فكرت بيني وبين نفسي انو اني مو مال هيج سوالف ليش اشوش عقلي بهيج اشياء خل افكر بدراستي احسن بعده الوقت كدامي ما اريد ادمر نفسي هي الفكره بحد ذاته تسطرني واكو اهواي بنات وياي مرتبطات مره ايكولن متعاركه مره عسل ولعبان نفس قررت بالليل احاجي قيصر واكله اني ما اريد ارتبط وانت تبقه اخوي الماجبته امي حسمت قراري
وكعدت ادرس الحد العصر سبحت ورجعت للكتاب الحد المغرب
امي تحجي عليه ليش عازله نفسج هالكد حتى اني ما اشوفج بس وكت الاكل
كتلها دراستي صعبه وما اريد اضيع وقت
بعد الصلاه والعشه رحت للغرفه كالعاده حظرت الجدول والملابس
وراسلت قيصر
قمر/هلاو شلونك
رأساً طلعت مرئي واتصل اترددت ارد بس بعدين شجعت نفسي
ورديت
قمر/الوو
قيصر/ هلا والله عاش من سمع صوتج
قمر/ هلا قيصر شلونك
قيصر/ بخير يابه بخير وينج ما اتردين لو ما الدوام جان اجيتج
قمر/ هاا اي جانت عندي دراسه والبارحه لان نعسانه ما رديت
قيصر / هاا اي وشكلتي ع موضوعنا فكرتي لا
قمر/ اااا اي فكرت وقررت هم
قيصر/ اي كوولي شقررتي شلعتي گلبي
قمر/قيصر اتمنى ما تاخذ كلامي بغير نظره صح انت ابن عمي وخوش ولد خلقه واخلاقه بس اني ما شايفتك غير اخو اليه ما شايفتك بغير شيء
جنت احجي وگلبي يقره الف لشتي كلها ترجف ليش ما ادري
ذب حسره طويله وكال
قيصر/ يعني ما بيها مجال منا منا
كتله
قمر/ اسفه والله ما اكدر اشوفك غير اخو سمعت طكت الحداحه يعني جاي ايدخن
كال
قيصر / ها هيه براحتج محتاجه شيء
كتله
قمر/ لا سلامتك يلا تصبحين ع خير
قمر/ وانت بخير
قمر/ سديته منه وما اعرف اذا الي سويته صح او غلط بالاخير كلت ها هيه ليش ادوخ نفسي حسيت هم وانزاح من گلبي لان كتله رئيي وخصوصاً هو من كتله هيج وهيج جان هادىء
نمت وكعدت الفجر صليت ونمت الحد السته ونص الا خمسه
كعدتني امي طفيت المنبه قبل لا ايدك ونزلت حتى اسوي ريوك
كالت امي روحي اني سوي
كعدت خواتي ومحمد وبدلت وتريكت روحت للمدرسه
مشت الايام والتهيت بالدراسه قيصر مو مثل قبل يعني احسه جاي يسحب نفسه تتدريجياً يعني اهتمامه مو مثل قبل
صح يتصل ويسأل بس مو طول الوقت
بس بالليل اشويه وايروح فات ع اعترافه الي تقريباً 3 اسابيع
...
بيوم من الايام رحت للمدرسه ورجعت لكيت
سياره حديثة وعاليه جانت بيضه وجاماته مضلله
دخلت للبيت فتت للمطبخ لكيت امي وخالتي هناء
هاي اكثر وحده من خالاتي اتمر علينا وكلش حبابه
عدها اثنين بنات وحده متزوجه وحده بالجامعه
واربع ولد اثنين متزوجين واحد عازل ابيت وحده
والثاني وياهم واثنين ما متزوجين
جان عدها ولد اسمه احمد هو دائما ايجيبها كلش مرح وايحشش يمكن هو الوحيد من كل اقاربي احجي وياه عادي واتونس بجيته ايخلصها امداهر وي امي
سلمت ع امي وخالتي
كلت لامي حبدل واصلي واجي
دخلت للصاله شفت ولد كاعد ع القنفه اول مره اشوفه
جان عنده عضلات وشوارب يعني اشويه ضخينات وشعره من الوسط عالي ومن الجوانب حفر
بس هذا الركزت عليه
من دخلت هو امدنك بجهازه ڪلت
قمر/ السلام عليكم
رفع راسه وكال
مصطفى / وعليكم السلام ورحمة الله
عفته وصعدت ما ادري ليش حسيته مغرور وشايفه نفسه بدلت وصليت ونزلت
سألت امي حجيت بصوت اقرب للهمس
يمه منو هذا الولد الكاعد بالصاله
ڪالت
ام قمر/ ليش ما تعرفينه
قمر/ لا والله يمه اول مره اشوفه
ام قمر/ يااا ولج هذا مصطفى ابن خالتج
كتلهاا
قمر/ هاا ما اعرفه اول مره اشوفه
ام قمر /اي حقج حقج اذا انتي اربع وعشرين ساعه بالغرفه اشلون اتعرفين الناس
سكتت ما حجيت خواتي اجن بس محمد بعده صبينا الغده واني متررده اكعد وياهم استحي من الولد بقيت بالمطبخ
الحد ما كملن البنات نقل الاكل صاحت امي
ام قمر /يلاا يمه قمرر تعااي تغده
قمر/ اي يمه جاايه
افرك ايد بيد والله استحي موو بيدي دخلت وصارت عينه بعيني عبالك جان منتظرني اجي
خالتي كالت يمه تعاي اكعدي يمي
ام مصطفى/ ولج حليانه
يبوو غطيت بنص هدومي
كتله
قمر/ فدوه الكلبج خاله
بديت اكل بس احس روحي مقيده كل ما ارفع عيني الكه مصطفى ايباوع بوجهي استحيت حيل خصوصا اني ما متعوده اكعد اكل وي ولد
بس اخوي محمد
اكلت اشلون ماكان وكمت سويت جاي واعزل بالمطبخ الحد ما كملو
غسلت المواعين وصبيت جاي بكوب جبير حتى اروح اقره بعدني ع الدرج وصاحتلي خالتي
كالت
ام مصطفى / تعااي قمر خل انشوفج
يااالله هسه شلون
خليت ورجعت كعدت يمها
وهي تسألني ع المدرسه واشلونج واخبارج ومصطفى موبايله ما سكت مره يزكح مره يحجي بهدوء الحد ما كال
مصطفى / يمه اني راح اروح عندي شغل خابروني العصر اجيج
كالتله
ام مصطفى/ االله وياك يمه
التفت عليه وكال... متابعهہ ممتعهہ
ــــــــــــــــــــــــ.......... ــــــــــــــــــــــــ
بقلم:الڪاتبه زينب الميساني
zainab_AlMisani
ـــــــــــــــــــــــــــــــــــــــــــــــــــــــــــــــ
لا تنسون التصويت + التعليقات على الفقرات
أنت تقرأ
حين رأيتها
Fiksi Umumقليلة عقول تگدر تفهم البيــــــــك وصعب تلگة اليفهمك مثل روحـــة البلبل بالقفص ماغرد ينـــــــــــــوح ويشوف الناس متونسة عل نوحة. قصه حقيقيه // تتحدث عن فتاه يتيمه الاب منعزله لا تحب الاختلاط يصفها البعض بـ (المعقده) ولڪن يقع في حبها ڪل من ابن عمه...
