حين رأيتها

البارت 21

بارت جديد 💘🥺

قمر / اتفاجئت بجيه قيصر وفرح النا لكيتهم كاعدين بالصاله
واني على الدرج
لابيه ارجع عيب
ولا بيه اكمل دربي لان ما اريد  اشوفهم
قررت اكمل دربي اسلم عليهم واطلع
وصلت اخر بايه وحجه قيصر

قيصر / هلا والله هلا ابنت عمي

قمر / السلام عليكم

قيصر / وعليكم السلام ورحمة الله وبركاته
شلونج

قمر /بخير الحمدلله
شلونج عيني فرح

فرح/ هلاا تمام

قمر/ خليت وطلعت لكيت غرام اتسوي عصير وكيك
ونازله بيهم سب وغلط

قمر /ها ها شبيج صوتج واصل لاخر الفرع

غرام / يااعمي اكرهم هي كووه
هااي فرح مغثهههه مغثهههههه

قمر/ هسه اشبيج محروك گلبج دخلصي وطلعي منهم

غرام/ اي انتي شرايحلج ڪاعده وساكته

قمر/ خااب دروحي الكعده وياج اتگصر العمر

غرام / منين جايبتها هاي

قمر/ معليج
خليت وطلعت
اخذتلي فره بالحديقه
هسه اني شكد غبيه كون جايبتلي ڪتاب
رجعت للغرفه اخذت كتاب الاحياء وطلعت
اريد اوصل باب الصاله وحجه قيصر

قيصر / شعحب ما اتباركيلي

قمر / اشرت على صدري وكتله،تحجي وياي

قيصر / ايي وياج جا ويامن

قمر / اهاا اي وهسه شتريد عليمن اباركتلك

قيصر / راح اصير ابو فهد

قمر / هااااااا اي عيوني الف مبرروك انشاء الله اتكومين بالسلامه فرح
رفعت ايدي ادعي
يااربي يا حبيبي كون فهد يطلع صدك رجال وخوش  ولد مو مثل ابوه

قيصر / بغضب، ليش اشبيه ابوه شنو ما عاجبج

فرح/ عوفها حبيبي عوفها قليله ذوق

قمر/ امي اتأشرلي اسكت وهاي ادوس بالبطن كتله
اي صحيح اني مثلج ما عندي ذوق
خليت وطلعت
والله خبله هسه اني شعليه اذا طلع خوش ولد او مو خوش    امداني اي والله
طلعت للحديقه اقره
همه اشويه وراحو 
للمغرب صليت وتعشيت ودرست شويه ونمت

فزيت  على صوت اشعار يعلن عن وصول رساله جديده

فتحت عيوني شفته مصطفى رجف گلبي وصار ايدك سريع
باوعت على الساعه بـ3 وربع
هذاا اشبيه تخبل

لكيته كاتب
مصطفى / ذمه بركبتك روحي و ايامي الخذتهن
و ذمه بركبتك ساعه ساعه المانمتهن 💔

هذا شيقصد سوادين اي والله
رديت عليها

قمر / شتقصد سياده الضابط