حين رأيتها

البارت 9

بارت جديد ✌🏻🍭

مصطفى /
من اول يوم شفت بيه قمر سكنت بالي وين ما اروح افكر بيها واصفن 
حتى الولد الوياي بالدوام لاحظوا عليه
وحتى ابوي واخواني ايكولون صاير اهواي اتصفن
وانه عقلي وگلبي وي قمر
اخذت الرقم من اختي واتواصلت وياها حاولت اكثر من مره اعرف اذا هي مرتبطه او اتحب كالت لا احب ولا مرتبطه  دائما جنت راوحلهم بس حتى اشوفها
الى ان طفح الكيل و قررت اخطبها
حتى ما اسوي شيء بالحرام وانه ادري بروحي اذا اشوفها افقد عليه
جانو اهلي مجتمعين كتلهم انه قررت اتزوج
امي كالت انت بس اشر واني اروح
كتلها اريد قمر
بعد امي وبنت اختها ڪيفت عليها 😂
راحن امي وخواتي وانه گلبي ناار ضليت اجر جكاره وره جكاره
اخاف منها ما اتوافق عليه
لحد ما رجعت امي اني گلبي خلصان
سألتها شنو رده فعل قمر
ڪالت ما شفتها كعدت اشويه وراحت هي وساره بالحديقة
كتلها زين امها شكالت
كالت ادكول يومين وانردلكم خبر

تعال وجيب اليخلص هاي اليومين
عاد وره يومين من بعد الانتظار الدمرني
المغرب جنت كاعد انه  وابن جيرنا واحمد اخوي ايحشش علينا ما احس الا واحد كمز عليه بوكسات
بدون ما اعرف منو هسه اصلا  الحد ما حجه عرفته ابن عم قمر
قيصر/ لك ساقط صارلك فتره
تتردد ع بيتهم وخال عينك ع بت عمي
مصطفى /  لك انت تعرف نفسك ويامن تحجي اي خال عيني واخذها وغصبا عليك يا عار
قيصر/والله ماكو عار غيرك لك بت عمي وصار 6 سنوات احبها واتحبني وهسه تجي انت تاخذها ع الحاظر

صارت بيناتنا مشاجره واتضاربنا  الحد ما فاككونا الولد وراح الاهله

عاد انه اهنا فقدت ڪل ذره عقل براسي
زين هي كالتلي اني لا مرتبطه ولا احب وهو  ايكول صار 6 سنوات  احبها اشلون  وليش ما ادري
بيومها ضليت للصبح اكل بروحي اتمنى الزمها اكطعها والله
تلعب عليه لو عليه
اخذت سويجي والجكاير والموبايل وطلعت البيتهم خابرت عليها حتى تتطلعي ما قبلت تتطلع كالت الساعه نص الليل ما اكدر انزل
خليت ورجعت للبيت وانه فاير
ثاني يوم بوقت الحله مال المدارس رحت عليها ما لكيتها بس البنات التمشي وياهن شفتهن
صعدن وراحن كلت يمكن غايبه
ثاني يوم هم رحت بوكت الحله شفت نفسهن البنات  اليمشن وياها صعدن بالسياره وبقو واكفين رحت للولد كتله اذا منتضر قمر روح اني اجيبها كال الحجيه ما تقبل الا ارجعها وياي
كتله اني كايلها مالك دخل
بالكوه قنعته وبقيت واكف الحد ما شفتها
باوعت بالباب وردت رحت عليها يمكن اتفاجئت بجيتي لان بينت ع وجها علامات الصدمه
كتلها يلا كومي
كامت اتجرحر بالحجي ما اتريد اتروح وياي
بالاخير اقتنعت
ركبنا بالسياره والنيه اخذها مطعم حتى احجي وياها بهدوء
بوقتها جنت كوه امسيطر ع اعصابي
وهي صرعتني وين ماخذني وين ماخذني  سكتت
كتلها باله باعيلي
عبالي بجت طلعت ما باجيه بس خانكتها العبره😂
ما ردت ابجيها كتلها انتي حلوه
كالت ادري....(التفاصيل في البارت السابق)
....................... بعد مرور 5 ايام

مصطفى / العصر جنت احظر بجنطتي اريد التحق وافكر بقمر
لازم من ارجع ادز شيوخ على عمامها ما بيه اتحمل بعد
اتصل عليه رقم طلع بالكاشف قيصر الـ.....  اتفاجئت بااتصاله امنين جاب رقمي وشعنده متصل رديت عليه
مصطفى / بثكل،  الوو
قيصر/لك هلا بالحبيب شخبارك
مصطفى / حضرتك تستهزء شرايد
قيصر /لا لا لا وليش استهزء غير انت الحبيب والنسيب
مصطفى / اسمع قيصر تراا انه روحي واصله الخشمي قسم بالله العلي العظيم اذا ما حجيت شعندك متصل ما اتلوم الا نفسك
قيصر/ وانت هسه اشبيك معصب اريد التقي وياك
مصطفى / ما بينا لقاءات لا اتلوص
قيصر/ لااا ليش غير حتى نحسم قرارنا
مصطفى /  غمضت تك عين  ،  يا قرار تقصد
قيصر/ قصدي زواجك من قمر
مصطفى / هاا اي اشبيه
قيصر / تعال نلتقي بمكان واكلك اشبيه
مصطفى / ماشي دزلي عنون المكان واجيك

دزلي العنوان  عفت الجنطه والملابس مطشره سبحت وبدلت ونزلت

مصطفى / يمه  يمه  يمه
ام مصطفى / ها يمه
مصطفى / وهو يلبس بالساعه ــ يمه الملابس مطشرات  بس خليهن بالجنطه
ام مصطفى / جا يمه  انت وين راح
مصطفى / عندي شغل يمه يلا فيمالا (في امان الله)
ام مصطفى /   الله وياك يمه
طلعت طاير والجكاره بيدي وگلبي يقره الف شنو قراره وشيريد

وصلت للمكان الكال عليه لكيته كاعد
مصطفى /السلام عليكم 
كام وصافحني
قيصر/ وعليكم السلام شلونك
مصطفى / بخير الحمدلله
كعدت كال
قيصر / شتشرب
مصطفى / ما اريد شيء بس احجي
قيصر/ اشبيك مستعجل
مصطفى / قيصر ترا والله  انه حاليا هادئ بمزاجي انه اكول احجي وخلصني احسن ما اتهور واسوي مصيبه
قيصر/ هاا هيه راح احجي
شوف مصطفى.... 😳😳😳 مـتآبعـهہ‏‏ مـمـتعـهہ‏‏

ـــــــــــــــــــــ...................ـــــــــــــــــــــــــ

اخذني وياك اريــدك ما اريــد الغيــر
وكــــون بســدك اكعــد وكعــد بسـدي

zainab_AlMisani
ـــــــــــــــــــــــــــــــــــــــــــــــــــــــــــــــ
لا تنسون التصويت + التعليقات على الفقرات

احبكم 😍😍