حين رأيتها

البارت 28

بارت جديد🖤✌🏾

قمر/ اجه مصطفى  كال انقبلت بكليه الصيدله
حيل فرررحت لان هذا جان حلم
الحمد لله تحقق
خابرت امي بالحظتها وكلتها انقبلت بالصيدله خطيه حيل فرحتلي
باليل حضرت نفسي وشغلات السهره
على كولت مصطفى حفله خاصه😂

من اجه جان نوعاً ما ضايج سألته
قمر/ مصطفى اشبيك اشو احسك ضايج
حصني وابتسم وكال

مصطفى / لا عمريي مو هيج والله فرحان الج من كل گلبي بس ضايج من شغله

قمر/ شنو هي

مصطفى / الجامعه مختلطه وانه هاي السالفه بالذات اكرها

قمر/ و اذا مختلطه اني شعليه بالناس اروح بدربي واجي بدربي

مصطفى / ما ادري ما ادري

قمر/ هسه انت ليش امصعبها والله اني مالي دخل بأي ولد

مصطفى / لا عووزها الج دخل بالولد حتى ادفنج وحق محمد

قمر/ اي ادري حفضتها هاي العباره

مصطفى / وانشاء الله تريدن اغيرها

قمر/ يااااا اشبيك شعليه غيرتها او لا

مصطفى / قمر

قمر/ هاا

مصطفى / وجعااا اي والله دكولي
عيوني
كولي ها حبيبي
شيء شيات ولا بيج ذره احساس

قمر/ عاااا اني ما بيه ذره احساس جا منو اليوميه ايكولي  ولا جنت متوقعج هيج عبالي بارده طلعتي حاميه
هاا هاا هسه صرت  ما بيه ذره احساس

مصطفى /  عمي انتي الاحساس كله
المهم حبيبتي

قمر/  هاا حبيبي وگلبي وعمريي يلاا

مصطفى /  جا هي بالغصب ما تراد بس يلا  ميخالف
بس اريد اكلج لو اتركين هاي السنه اهواي احسن شو احنا استونا اتزوجنا بعدنا حتى ما شايفين  حياتنا وتلتهين بالجامعه  السنه الجايه وكملي

قمر/  لاا مصطفى كل عقلك اتضيع سنه حرامات

مصطفى /  زين اتلبسين عبايه

قمر/  اهوو شنو السالفه مصطفى  يعني لو اترك
لو عبايه

مصطفى /  اي ذني خيارين اختاري واحد وبكيفج

قمر/ من بعد جر وعر قررت البس عبايه هم احسن الي وهم متضيع سنه من عمري
نمت وكعدت ثاني يوم على تحرشات مصطفى
سبحت وسويت المصطفى ريوك هو اول واحد يطلع من العائله
كتله اريد اروح اني ومريم واحمد للسوك حتى اشتري ملابس للجامعه وهم اشتري عبايه ثانيه
بالبدايه رفض بس بعدين اقتنع
كعدت مريم وكتلها خل انروح للسوك نشتري ملابس
حاجت احمد حتى ياخذنه
كال انه فارغ ما عندي شيء

رحنا للسوك اشتريت شكم لبسه لان مال جهاز العرس اهواي واغلبهن بعدني ملابستهن
اشتريت عبايه ثاني
قبل لا نجي مريم كالت اني اشك بروحي حامل وحيل خايفه احمد كاللها خل انحلل وانشوف
سوت تحليل كال نص ساعه يلا يطلع
افترينا بالسوك الحد ما طلع التحليل وطلعت حامل  خطيه بعدها مو مال جهال
بس احمد جان متفق وياها ع الاساس من اتخلص السادس بس هسه اختلف الحجي
اهوايه بجت وضاجت بس بالاخير اقتنعت هاي نعمه والناس ادور عليها
اني هم بالبداية ضجت عليها بس بعد هاي نعمه الله ميصير واحد يتعافه عليها
رجعنا بـ12 احمد جاب غده وياه
سبحت وصليت اشويه واجه مصطفى
جان دوامه يومي ايروح من الصبح ويجي بـ2 اظهر
تحرش اشويه وكال سويلي غده بس اسبح واصلي دخل للحمام واني رحت سويت غده
حظرته  ع الميز بالمطبخ اشويه واجه
بأكله هادئ مدري شعجب ابد ميحجي بس ايصفن واول ميخلص اكل بدون ميغسل ايده يشرب جكاره هاي عادته ابد ما بطلها