حين رأيتها

البارت 12

بارت جديد نبضاتي  😍💔

خليت ونمت الحد ما صار العصر واجت مرت عمي وبنتها وجنتها

جنت استوني كاعده جاي اغسل ابوجهي واجتني مريم

مريم/ قمر ادكول امي يلا بدلي ورتبهي وجهج ونزلي لان اجو بيت عمي

قمر/ باوعتلها هيج 👈🏻😒 وحجيت
عليمن ابدل وارتب وجهي هي مرت عمج والله يا الله

مريم/ والله اني معليه هاي اوامر امج انتي نفذي وسكتي

قمر/ ابدل اي بس مال البخ وجهي لا
مريم/ بكيفج اني عليه كتلج
قمر/ هاي هيه شكراً يلا امشي مني
مريم/ هسه اشبيج امعصبه  ، حجت بتحذير  ـــ  قمر ديربالج اتلعبين بذيلج كدام مرت عمي وادكليها ما اريد ابنج ومن هذا الحجي عليج باعي وسكتي وهاا مثلي دور الخجوله
قمر/ خاب والله فارغه انتي دميلي خل ابدل
مريم/ ايي امشي اني اختارلج انتي فاهي
قمر/  رحت للغرفه وكامت اطشر بالملابس اخر شيء طلعت فستان ماروني  ضيك من الخصر كلوشه مو كلش جبيره واردانه تول شفاف
مريم/ اييي هذاا يطلع عليج تووب
قمر/ كل عقلج هو شنو هذا
مريم/ اهووو متشائمة لبسي لبسي يلااا كدامي
قمر/لا عفيه شوفي غيره
ڪلبت عيونها وتخصرت وكالت
مريم/ تلبسيه لو اشلون
قمر/ استغفر الله جيبي جيبي بس طلعي
مريم/يلاا واكفتلج بالباب
قمر/ طلعت مريم واني بدلت بس بداخلي حززززن اهوواي
صحت ع مريم
قمر/ يلاا تعاي سوي شعري
مريم/ شتريدين اسوي
قمر/مو ع اساس انتي خبيره بهيج اشياء يلا استلمي شغلج
بدت اتسرح بيه رفعت اشويه من كدام وخلته ع طوله بس برمته جان شعري طويل واصل جوه خصري
كالت خل اخليلج مكياج كتله ما اريد
خليت بس اشويه حمره  رغم عدلت نفسي بس الغصه بگلبي شكبرها ڪل امالي حيجي مصطفى وايخرب ڪلشي بس هل يا ترى حيصيل الي ابالي ام لا ☹️

نزلت كلت لمريم وين كاعدات كالت بالاستقبال
اخذت كيك وعصير انطيج سم انتي وابنج
دخلت عليهن سلمت وهالامره مره عمي سلامها زين وياي اشلونج وشخبارج وفدووه لله
عزاا هاي امبدلينها شنو
ڪعدت  وهي بدت تحجي ع ابنها وبطولاته قيصر هيج وقيصر هيج خليت وكمت
صعدت واجني البنات ها شكو
كتلهن ماكو شيء
اتصلت ع مصطفى هم مغلق اشلون بيه يا ربي هسه  لو هو اهنا بقيت الوب منا  الحد ما  امي وصلتهن للباب بس دخلت كتلها
  قمر/ يمه اني ما اريد اتزوج لا قيصر ولا غيره
ام قمر/ ليش يمه اشبيج
قمر/ يمههه ما بيه شيء ما اريد ما اريد هي كوه
ام قمر/ غير افتهم شكو
قمر/ ماكو شيء هسه يجي محمد واكله ما
اريد اتزوج بعد بطلت
خليت وصعدت بدلت والدمعه بعيني مجاي اتخيل حياتي اعيش وي قيصر هو من اعترف جان گلبي فارغ ما حبيته مو هسه عكب ما مصطفى تربع بيه
صح ما كايلتله احبك بس احسه عايش بداخلي اتمنى اصير طير واروحله بدلت وكعدت بالغرفه رجعت ابجي الحد ما مليت للمغرب واني على كعدتي
نزلت وسألت  امي اذا محمد اجه او بعده كالت لا بعده ما جاي
صليت وسويت عشه ما تعشيت
كعدت بالحديقه انتضر محمد يجي حتى اكله ما اريد زوواج بعد طكت روحي وهو ماجاي الانتضار قااتل
بقيت افتر بالساحه الحد الساعه بـ11 ونص يلا اجه واني هاي الفتره كلها  كاعده بره
اول ما دخل شافني كال
محمد /هاا قمر شو كاعده اهنا
قمر/  بدموع، محمد حباب اني بعد ما اريد اتزوج لا قيصر ولا غيره
اجه يمي حضني وكال
محمد/ شبيج بعد اخوج باله مسحي دموعج خل افتهم
مسح دمعتي وجراني من ايدي كعدني ع الكرسي كال
محمد/ اشبيج غير اتفهميني ليش تبجين
قمر/ ما اريد اتزوج قيصر
محمد/ ها هيه  ما تردينه خل ايولي
قمر/ تصبح على خير
عفته ورحت للغرفه صرت اشهك بصوت عالي  اشويه وهديت غسلت وجهي
اهووو تذكرت المدرسه حتى ما سألت البنات شنو اخذنا
واليوم غايبه يعني باجر لازم اروح
اااافففف
عزلت بس  الجدول ونمت ودمعتي بخدي حاولت اتصل اكثر من مره بمصطفى بس ماكو ڪله مغلق
نمت وكعدت ثاني يوم كوه سحلت روحي للمدرسه والثول يقره الف من درس الدرس واني بس اباوع اكو بنات وياي من شافني تعبانه كلش كتبولي الاخذناهن
رجعت للبيت هم صليت وكوه اتغديت بهاي الحظه ايقنت ان تعب الروح اقوه من تعب الجسد
غسلت المواعين ورحت اقره بالغرفه اشويه اقره واشويه اصفن اتصلت بمصطفى هم مغلق
الحد العصر طلعت طلع بوجهي محمد امبدل ايريد يطلع  شافني وكال
محمد/ هلا شلونج اليوم
قمر/ الحمدلله زينه
محمد / اكلج قيصر حاجيته وحتى اتضاربت وياه ايكول بنت عمي الي واذا اضطر الوضع انهى عليها
قمر/ بقهر،  اي هي هاي الاعرفها
محمد/ شسويله دكليلي اذا هي العشيره هيج ادكول اني شبيدي
قمر/ ماادري مادري
زين اوافق بس بشرط
محمد/ شنو
قمر/ ما نتزوج هسه يعني نبقه 7 شهور اكثر
محمد/ ماشي هم اكله واذا ما قبل والحمزه اكفر بدينه
قمر/ محمد ع كيفك لا تتهور ما بينه حيل مشاكل
محمد/ أنشاء الله انشاء الله
خلاني وراح والتفكير كلاني اكل
كعدت  يم امي الحد ما اذن صليت وتعشيت ورجعت قريت اشويه بعدين اجه محمد وكال انو قيصر ما عنده مشكله اذا نتزوج
بعد 7 شهور
نمت وكعدت ثاني يوم نفس الروتين للعصر اجه عمي ومرته ايحددون موعد الخطوبه من كالو بعد يومين احس روحي راحت مني يعني شنو حتصير صدك يعني ضاعت الاحلام
رأسا اتصلت بمصطفى مغلق صارت اتصالاتي اله روتين لازم باليوم اتصل اكثر من5 مرات وهو ماكو
عمي صاحلي حتى ايشوفني كعدت يمه ما حجه شيء اصلا هو مو من النوع اليمشي بحقد النسوان اكثر حياته بالدوام كاعده ع اعصابي ومرت عمي طبيعيه مو مثل قبل شنو سر هذا الهدوء ما ادري
كعدت اشويه وكمت امشي جسد بلا روح اتمنى لو بس اتصير شبكه واحاجي مصطفى لو بس اكله تعاال ترا انخطبت
بس هي  امنيه وما صارت💔
صار الاتفاق يوم الجمعه الخطوبه وهي اليوم ثلاثاء

ثاني يوم محمد اخوي خذاني للمدرسه واخذلي اجازه يوم الاربعاء والخميس
علمود تحضيرات الخطوبه
من رجعت من المدرسه محمد راح الجامعته واني وامي ومرت عمي خذانه عمي للسوك  بس احس روحي ميته خلاص وصلت نهايتي كل هذا مو ابالي
الي ابالي مصطفى شنو حتكون رده فعله هم  يزعل مني هم ايكول خاينه لو يتفهم وضعي
حجزت بدله لون بنفسجي
ورحت للصالون حفتلي وجهي وسوتلي تنضيف بشره بس شعري ما غيرت لونه بس كصت منه اشويه ساوت الاطراف
واشترو الذهب اني اصلا بالي مو يمهم شيكولون  اكول اي
اريد بس ارجع كوه امسيطره على دموعي
خذانه عمي للمطعم  واني رجلي اهز بيها واطكك ابصابعي عمي كال اشبيج بويه  كتله ما بيه شيء
كوووه اتحملت ع ما خلصنا ورجعت للبيت اول ما رجعت كبل للغرفه اتصلت بمصطفى بس هم ماكو
انهااريت بجي بودي اتبخر من الارض ولا اصير ابأسم واحد. غيره
وهيج خلصن اليومين كله بجي وحزن ولا اكو ذره حب  او فرح بداخلي بيوم الخميس بالليل اجه قيصر كالت امي اريد ايشوفج تلكينه بالحديقه
خليت الشال ع راسي وطلعت لكيته كاعد رجل ع رجل كتله
قمر/ ها شتريد
قيصر / الناس اتسلم بالاول يلا مو مشكله بعدج خجوله مو
قمر/ اهووو باله مالي خلكك فهمني شتريد
قيصر / اريدددددج
قمر/ بس اني ما اريدك
قيصر /مو بكيفج غصبا عليج الي يعني الي
قمر/ انت ليش ما تفهم ياااخي ما احبك ما احبك اشلون اتريد افهمك اياها
قيصر/ بتهديد،  سمعي قمر هي وحده من اثنين يا اتوافقين وتمشي الامور تمام  يا اما هذا الي ابالج ينمحي من الارض
قمر/ شتقصد يعني ما فهمت
قيصر / اقصد يعني مصطفى ابن خالتج اقتله خلاص اذا رفضتي وهسه يلا باي
قمر/ خلاني وطلع مرض حتى مرض
عفته ودخلت لفيت راسي ونمت
الحد ما... مـتآبعـهہ‏‏مـمـتعـهہ‏‏
ـــــــــــــــــــــــــــــــــــــــــــــــــــــــــــــــ☆☆

                   ...ــــــــــــ.♥.ـــــــــــــ...
                       اريد چفوفك البيضة 
                        تنام بسِد اصابيعي ،، 
                    ...ــــــــــــ.♥.ــــــــــــ...

zainab_AlMisani

ـــــــــــــــــــــــــــــــــــــــــــــــــــــــــــــــ
لا تنسون  التصويت +التعليقات على الفقرات

احبكم 😍😍