තම කාල වර්ණ සෛන්ධව අසුගේ පිට නැඟී පවනට බඳු වේගයෙන් වැලි මාවතේ වැලි දසත විහිදුවමින් ඉදිරියට ඇදෙන රණකාමී තරුණයෙකි. ඔහු මේ ගමන් කරමින් සිටින්නේ බැබිලෝනියාවේ ප්රධාන නගරය වෙතය. ඔවුන්ගේ අතීතය, නමුත් දැන් වර්තමානය ඇත්තේ මෙහිය. තම කඳවුරේ අතුරුදන්වූ නිල සලකුණ සෙවීමට සහ තවත් එක් අනාවැකියක් නොවේ නම් ඔහු කිසිදු විටෙක වසර පන්දහසක් අතීතයට පැමිණීමට සිතන්නේවත් නැත. නමුත්, මේ කර්තව්ය ඔහු සිදුකළ යුතුම ලැයිස්තුවේ ඉහළින්ම ඇති කරුණයි.
ඔහු දිගින් දිගටම මාර්ගයේ ඉදිරියටම ඇදෙන්නට විය. ඉදිරියට යන්නට යන්නට තම අසුගේ වේගවත් බව වැඩිවන අයුරු ඔහුට දැනෙන්නට විය. ඔහු තම අසුට මෙතරම්ම ආදරය කරන්නේ ඔහුගේ මේ විස්මයාකාර හැකියාව නිසාමය. එමෙන්ම මේ අසු කුඩා කළ පටන් ඔහුගේ හොඳම මිතුරාව සිටියේය. අන් කිසිවෙකුත් ඔහුට ගරු සැලකිලි නොදක්වා අඩන්තේට්ටම් කරන විට ඔහුට ලැබුණු එකම මිතුරා මේ අසු විය. මේ අසු නිසා ඔහු තමාටම ආදරය කරන්නට ඉගෙනගත්තේය. අශ්වයෙක් නිසා!? ඔව්, යම් කෙනෙක් එය අසා විස්මයට පත් විය හැක. නමුත්, එයයි සත්යය. තමා මේ දිවිය නිෂ්ඵල දෙයක් යැයි සිතා, මේ සියල්ලෙන් ඉවත්වීමට සිතූ කාලයක්ද ඔහු සතු විය. නමුත්, ඒ සෑම අවස්ථාවකම තම අසු පැමින ඔහුගේ දිවිය රැක්කේය. මඳින් මඳ ඔහු තේරුම් ගත්තේ ජීවිතය අහිමි කර ගැනීම සෑම දෙයකටම විසඳුම නොවන බවත්, වෙනත් කිසිවෙක් තමාට ආදරය නොදැක්වූවත්, තමා ගැන නොසිතුවත්, තමා මුලින්ම තමාටම ප්රේම කළ යුතු බවය. තමාට අහිමි දේ ගැන නොසිතා හිමිව ඇති සියල්ල ගැන සතුටින් දිවිය ඉදිරියට ගෙන යා යුතු බවය. තම මනස ශක්තිමත් කරගත් ඔහු නැවත නැඟී සිටියේය. බල රහිතව ජුපිටර් කඳවුරට ආ ඒ කුඩා කොලු ගැටයා මඳින් මද යුධ ශිල්පයෙහි විශිෂ්ටයෙකු ලෙස ඉදිරියට එන්නට විය. ඔහුගේ සටන් හැකියා පිළිබඳ විස්මයට පත් වූ කඳවුරුකරුවන් එක්වී ඔහුට දොලොස්වෙනි සේනාංකයේ සෙන්චූරියන් පදවියටද පත් කළහ. තම සේනාංකය පෙර කල තිබුණු හොඳම බලඇණිය වුවත් දැන් රාජාලි සලකුණ නොමැතිව වැටී ඇති පහත් තත්වය පිළිබඳ ඔහු ඉතා කණගාටුවට පත් වුණේය. කෙසේ හෝ හැකි සෑම ධෛර්යයක්ම සිතෙහි රැස් කරගෙන නියම නායකයෙක් ලෙස ඔහු තම බලඇණිය මඳින් මඳ පෙරමුණට ගෙන එන්නට විය. වසර පහක ඒ විශාල මහන්සියේ ප්රතිඵලයක් ලෙස දොළොස්වෙනි සේනාංකය නැවතත් කඳවුරේ හොඳම සේනාංකය බවට පත් කිරීමට ඔහු සමත් විය. ඒත් සමඟම ඔහු ජුපිටර් කඳවුරේ ප්රීටර්වරයෙකු ලෙස පත් කරනු ලැබිණි. මෙතෙක් කලකට කඳවුරෙන් ලබාගත හැකි හොඳම ගෞරවය ඔහුට හිමිවිය.
ESTÁS LEYENDO
Curse Or Bless?║ᵇᵗˢ ᶠᵃⁿᶠⁱᶜᵗⁱᵒⁿ (ᶠᵃⁿᵗᵃˢʸ)║
Fanfic✨සියුස් දෙවියන්ට හා හේරා දෙවඟනට දාව උපන් අතුරුදන් දේව කුමරෙක් වන කිම් ටේහයුන්ග්... ✨තම අතුරුදන් මිතුරා සොයා යන ඔලිම්පස්හි සුළු දෙවියෙක් වන පාක් ජිමින්... ✨සුර ලොවින් පැන ආ සුර දූතයෙක් වන ජියොන් ජන්ග්කුක්... ✨සූර්ය ලොව යුවරජ පදවිය හිමි සූර්ය කුමරු ජන...