"ඔබ ශාපයක්! ඔබ සුර ලොවට නින්දාවක්! අම්මෙක් අප්පෙක් නැති අනාථයෙක් නුඹ!!!" ජන්ග්කුක්ගේ සවන් තුළ එය නොනවත්වාම දෝංකාර දෙන්නට විය.
"නැහැ!!! මා කිසිදු වරදක් කර නැහැ නුඹලාට! ඇයි මා හට මෙසේ කරන්නේ?" ජන්ග්කුක් තම දණින් ඇද වැටෙමින් කෑගසා ඇසුවේ මේවා ඔහුට තව දුරටත් දරාගත නොහැකි වූ නිසා.
"නුඹ වරදක් කර නැහැ? හහ්! නුඹ කළ ලොකුම වරද තමා සුර දූතයෙක් ව උපත ලැබීම. නුඹගේ උපතම සුර ලොවට වූ අපහාසයක්. කිමද අපි අදටත් දන්නේ නැහැ නුඹ කාගේ කවුරුන්ද කියා? ඔබ ඔිපපාතිකව උපත ලද අයෙක්ද? කෙසේද අපි දැනගන්නේ. අපි එවැන්නක් පිළිබඳ ඔබව දැකීමට පෙර කිසිදා විශ්වාස කළේ නැහැ!" සුර ලොව නායක සුරයා කෑ ගැසුවේ ජන්ග්කුක්ට මහ හඬින් කෑ ගසමිනි.
"නමුත්- නමුත් මම-" ජන්ග්කුක් අයැදුවේය.
"නිහඬ වනු! නුඹ දන්නවාද වෙනත් අය ඔිපපාතිකව උපත ලද අයට කුමක්ද සිදු කරන්නේ කියා? ඔවුන්ට හිමි මරණ දඬුවමයි. නමුත්! හහ්! මා අඥානයෙකු වූූූවා. නුඹට ජීවත් වීමට මා අවස්ථාවක් දුන්නා. මම ඔබව විශ්වාස කළා ජන්ග්කුක්! නුඹව මාගේ පුත්රයෙකු ලෙස හදාවඩාගත්තා. නමුත් දැන්, අවසානයේ ඔබ මටම වංචා කළා නොවෙද? නුඹ කෙසේද රාජ්යයේ රහසිගත ලේඛන සොරාගැනීමට තරම් නිර්භීත වූයේ? එයත් මගේ නිවසේම වාසය කරමින්? මගේම නිවසින්? එදින මේ මින් හ්යුක් නුඹව හසු කර නොගත්තානම්, අපේ රාජ්යය මේ වන විටත් අනතුරේ. මා නුඹට අනුකම්පා කළා හොඳටම වැඩියි." එසේ කියූ සුරදූත නායකයා මින් හ්යුක් නැමැති සුරලොව ආරක්ෂක ප්රධානී වෙත හැරුණි. ඔහු ආරක්ෂක ප්රධානී මෙන්ම සුරදූත නායකයාගේ ඥාති පුත්රයෙක්ද විය."මින් හ්යුක්! මේ ද්රෝහියාව අධි ආරක්ෂිත සිර කුටියකට ගෙන යනු! හෙට අලුයම හයේ හෝරාවට ඔහුට මරණ දඬුවම ලැබෙනු ඇති."
එසේ කියූ සුරදූත නායකයා තවත් වදනක්වත් නොදොඩා එතැනින් ඉවත්ව ගියේ ඔහුට ජන්ග්කුක් ඉදිරියේ තම කඳුළු පෙන්වීමට ඇවැසි නොවූ නිසාය. ඔහු, කුඩා බිළිඳෙකු ලෙස සිටියදී සුර ලොව එක් තැනකින් අද්භූත ලෙස හමුවූ මේ සුරදූත කොළුවා තමාගේම දරුවෙකු ලෙස වසර සිය ගණනක් රැකබලාගත්තේය. ඔහුට තම පෙළපත් නාමය සමඟ ජියොන් ජන්ග්කුක් ලෙස නාමයද ලබා දුණි. තමාගේම පුත්රයා මෙන් ඔහුව ඇතිදැඩි කළේය. අනාගත කිරුළ වෙනුවෙන් වෙහෙස මහන්සි වී ජන්ග්කුක්ව සූදානම් කළේය. නමුත් පෙරදින රාත්රියේ ජන්ග්කුක්, ප්රධානියාගේ කාර්යාල කුටියෙන් රාජ්යයේ ආරක්ෂාව සම්බන්ධ ලිපිගොනු සොරකම් කරමින් සිටියදී මින් හ්යුක්ගේ අතටම අසුව තිබිණි. එනිසා ඔහුට මරණ දඬුවම ලබා දීම හැර වෙනත් විකල්පයක් ප්රධානියා සතුව නොවීය. ඔහුට අකමැත්තෙන් වුවත් එය සිදුකිරීමට වූයේ සුරදූත වැසියන්ගේ බලකිරීම මැද්දේය. කොහොමත්, අනාථයෙකුට අනාගත සුර දූත කිරුළ උරුමවනු දැකීමට සුර දූත ප්රජාවෙන් බහුතරයක් අකමැති වූහ. ඔහු කිරුළ ලැබුවහොත් මුළු සුර ලොවම ශාපයක් පැතිරේවි යන බිය ජනයා අතර දැඩිව ව්යාප්තව තිබිණි. එනිසාා ඔවුහු ජන්ග්කුක්ව ප්රතික්ෂේප කළහ.
ESTÁS LEYENDO
Curse Or Bless?║ᵇᵗˢ ᶠᵃⁿᶠⁱᶜᵗⁱᵒⁿ (ᶠᵃⁿᵗᵃˢʸ)║
Fanfic✨සියුස් දෙවියන්ට හා හේරා දෙවඟනට දාව උපන් අතුරුදන් දේව කුමරෙක් වන කිම් ටේහයුන්ග්... ✨තම අතුරුදන් මිතුරා සොයා යන ඔලිම්පස්හි සුළු දෙවියෙක් වන පාක් ජිමින්... ✨සුර ලොවින් පැන ආ සුර දූතයෙක් වන ජියොන් ජන්ග්කුක්... ✨සූර්ය ලොව යුවරජ පදවිය හිමි සූර්ය කුමරු ජන...