"මඳක් සිටින්න" එක්වරම තමා සොයමින් සිටි දෙය ගැන යමක් මතක් වූ ජන්ග්කුක් පැවසුවේය. "දැන් අප මේ සොයන දොරටුව කුමන ආකාරයේ එකක්ද? අපි ඇයි මේ කිසිදු අරමුණක් නැතිව එය සොයන්නේ? හරියටම කුමක්ද කියා දන්නේවත් නැතිව?"
"ඇත්ත. නමුත්, අපි ඇත්තෙන්ම දන්නේ නැහැ එය කුමන ආකාරයේ එකක්ද කියා. බොහෝවිට ඒරීස්ව සංකේතවත් කරන යමක් විය හැකියි." නම්ජූන් පැවසුවේ ඒ පිළිබඳව කල්පනාවේ යෙදෙමිනි.
"නිවැරදියි. නමුත්, ඒරීස්ගේ සංකේතයන් මොනවාද?" නැවත ජන්ග්කුක් ඇසුවේ ඔහුට ඒ ගැන කිසිදු අදහසක් නොතිබූ නිසායි.
"වල්ඌරු හිසක්, හෙල්ලක්, පළිහක් ආදී මෙවැනි යුධ ශිල්පයට අදාල ඔිනෑම දෙයක් විය හැකියි." ජිමින් අකමැත්තෙන් වුවත් කීවේ මෙය හදිසි අවස්ථාවක් නිසාවෙනි.
"එසේනම්, එවැනි දෙයක්ද අප සෙවිය යුත්තේ? වල්ඌරු හිසක්?" හෝසොක් ඇසුවේ බෙල්ල ඇදකරමිනි.
"විහිළු නොකර මෙය අරඹමුද?" ඔවුන්ගේ විකාර කතා අසා හෙම්බත්ව සිටි යූන්ගි ඇසුවේය. සියල්ලෝ කඳු පාමුල අවට එවැනි කුමක් හෝ ලක්ෂණයක් ඇත්දැයි විපරම් කරන්නට වූහ. එක්වරම ජන්ග්කුක් අනිත් අය ඇමතුවේ ඒ අතරතුරයි.
"අසන්න, මා සිතන්නේ මට එය හමුවුණා. එය පළිහක් හැඩැතියි වගේ. මා සිතන්නේ මේ එය විය යුතුයි." ඔහු කීවේ අනික් අය ඔහු සිටි දෙසට කැඳවමිනි. එය සැබැවින් ම කුඩා පලිහක හැඩැති සලකුණක් විය. යක්ෂයාගේ කුළුණෙහි පාදමේ තිබූ එක් බිත්තියක එය සටහන් ව තිබිණි.
"එය විය යුතුයි. යූන්ගි, ඇයි ඔබ උත්සාහ නොකරන්නේ?" නම්ජූන් ඇසුවේ යූන්ගි දෙස බලමිනි.
"හොඳයි එසේනම්." එසේ කියූ යූන්ගි තම අතක් ඒ සලකුණ මත තැබුවේය. කුමක් හෝ වේයැයි ඔවුන් බලාපොරොත්තු වුවත්, එවැනි කිසිත් ප්රාතිහාර්යාත්මක යමක් සිදු නොවුණි.
"ඇයිද ඒ? මා දන්නේ නැහැ කුමක්ද කළ යුතු කියා. එවැන්නක් නොවේද මා කළ යුතු?" යූන්ගි ඇහුවේ ප්රශ්නාර්ථ පෙනුමක් තම මුහුනේ මවා ගනිමිනි.
"නමුත්, කුමක් හෝ විය යුතුයි නේද?" ජින් ඇසුවේ ඒ සලකුණ මත අත තබා නිරීක්ෂණය කරමිනි.
ESTÁS LEYENDO
Curse Or Bless?║ᵇᵗˢ ᶠᵃⁿᶠⁱᶜᵗⁱᵒⁿ (ᶠᵃⁿᵗᵃˢʸ)║
Fanfic✨සියුස් දෙවියන්ට හා හේරා දෙවඟනට දාව උපන් අතුරුදන් දේව කුමරෙක් වන කිම් ටේහයුන්ග්... ✨තම අතුරුදන් මිතුරා සොයා යන ඔලිම්පස්හි සුළු දෙවියෙක් වන පාක් ජිමින්... ✨සුර ලොවින් පැන ආ සුර දූතයෙක් වන ජියොන් ජන්ග්කුක්... ✨සූර්ය ලොව යුවරජ පදවිය හිමි සූර්ය කුමරු ජන...