ابن شيوخ

البارت الثالث عشر

وجين: لا بيبي عافيات مااشتهي من اوصل لبيتنة اكل

ام لوجين: منو حيوصلج ابوج بعدة نايم

لوجين: مااعرف يلة هسة اجي اروح لحمام
جذب مرحت لحمام رحت لغرفة ذيب دكيت الباب طلعتلي سارة

سارة: انتيي خيير شتريدين من الصبح

لوجين: ذيب وين وانتيي لي شدتسوين اهنا

سارة: اني من البارحة يمة

لوجين: من البارحه

سارة: اي. ليش شكو دتسئلين وبعدين متستحين متكولين ناس نايمة جاية من الصبح

لوجين: دفعتهة بكل قوتي
انتوو لي متستحوون
دفعتهة ودخلت لكيت ذيب نايم بسابع نومة

سارة: اطللعي شهل وقاحة

لوجين: ذيبببب
ضربتة على رجلة رسن فز

ذيب: اول منزلت من غرفة ميار رسن لغرفتي سبحت وبدلت ولفيت راسي ونمت كعدت لكيت لوجين كبالي وعصبية وتضرب برجلي
هاي اشبيج شكو

لوجين: هااي شنو ذيبب كووم اكعد

ذيب: شكو شنو شصاير
شفت سارة واكفة
انتي شجابجج

لوجين: وتسوي نفسك متدري موو ولك مستحييت من اهللك اذا تحبهة ليش متزوجهة ليش. تسون هل قذارة وانتو اصلا ممتزوجين

ذيب: اشببيج شهل خرابيط من الصبح شمسوي شكو

لوجين: خنكتني العبرة متحملت دموعي رادن ينزلن قبل مينزلنة
كتلة
اسئل حبيبتك الرخيصة
دفعت الباب وطلعت رحت لغرفة فارغة انفجرت بالدموع بس بعدين مسحت دموعي وطلعت رحت لامي لكيتهة بالمطبخ دتساعد نسوان عمامي
ماما

ام لوجين: عيوني

لوجين: اريد مفاتيح سيارة بابا

ام لوجين: ليش خير شسوين بيهة

لوجين: اتأخرت ولازم اروح انطيني االمفاتيح اني اروح

ام لوجين: مستحيل ابوج ميقبل تروحين وحدج نفس هذيج المؤة هم تضربيهة وتجين

لوجين: تمام اني حأهذة رحت لغرفة الاستقبال لكيت عمامي نايمين رحت يم ابوية اخذت المفاتيح وطلعت. اخذت جنطي ورحت
انيي رايحة ولتخافين ماما مااضربهة وعد واسوق على كيف

ام لوجين: واذا وكفوج سيطرة وسئلوج عن شهادة السوائقة شتكليلهم

لوجين: تدبر. يلة باي
سلمت على كل وطلعت ولاانداريت ليورة ولاانتظرت ذيب يجي اخذت سيارة ابوية ورجعت والطريق كلة ابجي كل مااذكر سارة بغرفتة ابجي بالزايد وصلت لبيتنة دخلت وقفلت البيبان كلهة صعدت غسلت وبدلت وجبت كتبي ونزلت سويت ريوك لنفسي اكلت وخلصت غسلت المواعين وكعدت ادرس امتحان باجر ساعة ادرس وساعة افكر بذيب هووف (احنة حاطين كامرات لبيت) جنت كاعدة اكتب اندك الجرس باوعت بالكامرات ذيب. هه معقولة دحلم مهتميت ظلي يدك بالباب حيل وحرك الجرس حرك مفتحت دك علية رقم غريب رفضتة رجع دك مرة ثانية وهم رفضتة المرة الثالثة هم المرة الرابعة فتحت خط طلع ذيب

ذيب: يتبببببببببببيع

التصويت ⭐

بقلم الكاتبة اية عبدالرحمن 🦋