ابن شيوخ

البارت التاسع عشر

لوجين:  بهل اربع تشهر  علاقتي بذيب قوت  كولش  اجتي ايام   كمت اشك بنفسي حامل   لان صارت عندي اعراض حمل  جان ذيب ماكو  بالدوام. اني نزلت لعمتي وكلتلهة  عن الاعراض لي دتصير وياية هي فرحة كولش

ام ذيب: ولج يمة لعد انتي حامل

لوجين:  عمة يجوز   غلطانة زين اشلون اتأكد

ام ذيب: كومي  بدلي  اخذج لدكتورة هاي اليمنة

لوجين: لاعمة موهسة من يجي ذيب

ام ذيب:  ابدد ماانتظر مااتحمل كومي بدلي

لوجين:  ذيب ميقبل اطلع بدون علمة   .... ظليت صافنة اخاف اروح والله ذيب يموتني اذا اكسر كلامة

ام ذيب:   على شنو صافنة كومي اتحركي معليج اني احجي وياة ذيب

سارة:  شكو شصاير

ام ذيب:   لوجين حامل

سارة:   هه  حاملل

ام ذيب: اي حامل 
ولج لوجين كوومي بدللي

لوجين:  اباوع على سارة فرحت كولش  كامت تهلهل  مضاجت مثل كل مرة

سارة:   مبررروك عيني يستاهل ذيبب

لوجين:  الله يبارك بيج

ام ذيب:  يلة لوجين روحي

لوجين:  حاضر
عفتهم وصعدت بدلت ونزلت

سارة:  وين حتروحون عمة

ام ذيب: لدكتورة هسة نجي منتأخر

سارة:  ها زين اوك بسلامة

ميار: يحتاج اجي وياكم

لوجين:  لا كلبي ماكو داعي
طلعنة وصلنة حسن    مجان اكو احد يم الدكتورة. لان جنة جاين من وكت شافتني فحصتني.  كالت سويت تحليل حمل سويت التحليل وظليت اني وعمتي ننتظر على نار متت من الخوف ظليت ادعي ربي صدوك اطلع حامل  وافرح  كلب ذيب وكلب اهلهة  .... ورة  نص ساعة طلع التحليل اني  توترت كولش   اخذتة ودخلنة لدكتورة شافتة كالت اي انتي حامل   كتلهة بياشهر  فحصتني كالت بنهاية الثاني  اني طرت من الفرررحة وعمتي هم خارت عمتي على حسن اجة اخذنة اني وصلوني لبيت وعمتي وحسن راحو لسوك  عمتي تجيب  خضرو وجكليت  دتوزع دخلت لبيت شفت سيارة  ذيب برة   رسن دخلت اركض لكيت سارة   بالمطبخ  وفرحااااانة مدري شبيهة.  استغربت جانت بس تبجي هاي شغيرهة. اوف شعلية....
عفهة ورحت صعدت فوك  لكيت  ذيب  سابح وديمشط  .....

ذيب:   هاي وين جنتي واشلون اطلعين بدون علمي ها شكايل اني

لوجين: انطيتة التحليل

ذيب: شنو هاذا

لوجين: تحليل حمل

ذيب:  اي مال منو

لوجين:  مالتي ذيبب مالتي

ذيب:  يعني شنو

لوجين: انيي

ذيب:  اييي

لوجين:  انيييي

ذيب: دحجيي عاد

لوجين:  حااامل

ذيب:  اهوو بلة شقة

لوجين: والله العظيم  مداتشاقة. شوف   هاي التحليل   كدامك

ذيب: مداصدك

لوجين:  حضنتة  لاحبيبي صدك صدك

ذيب:  يعني حصير اب

لوجين: اييي

ذيب: واخيير   كلتي لابوية  لجدي

لوجين:  لا لحد هسة بس عمتي وميار وسارة وحسن  يدرون

ذيب:  سارة تدري

لوجين:  اي  ليش

ذيب:   لاهيج حنزل افرح ابوية وجدي

لوجين: اووف فرحة ذيب  كافية بالنسبة الي
هو نزل واني رسن بدللت   وخابرت على امي وهم كلتلهة   فرحت كولش هي وابوية   سديتة  من امي ونزلت العائلة كلهة فرحانة  هلاهل عبالك اول مرة يجيهم طفل لعائلة واني. فرحتي  متووصف   ظليت كاعدة يم عمتي و مرت عمي   والبنات   اجتمعنة سارة مجانت موجودة مهتميت. جنت حايرة بفرحتي  اجة ذيب صاحني 

ذيب:  لولو  تعاي وراية

ام ذيب: يمة   ميصير تصعد وتنزل هواي   عوفهة شتريد منهة

ذيب:  بس اشوية اريدهة

لوجين: لاعمة عادي. استأذنت وطلعت.... يتببببع

التصويت ⭐
بقلم اية عبد الرحمن 🦋