لوجين: هدتني ميار ظلت وياية اكلت اشوية واخذت علاجي بقت اشوية وراحت ظليت بالغرفة منزلت خطية عمتي اجتي هي جابتلي الغدة وظلت توصيني وتعلمني ادري بالي على نفسي وعلى طفل وعلى اكلي واهم شي علاجي ومن هل كلام هم مطولت يمي اشوية ونزلت اني اكلت اشوية وانجطلت نمت..... فزيت على صوت الباب كعدت مرعوبة عبالي صاير شي لكيت ذيب محجيت شي وياة رجعت سويت روحي نايمة راح فتح الكنتور طلع قميص لبسة ورجع نزعة....
ذيب: لووووجينن
لوجين: صوت جان يخوف مو مال اكعد احجي وياة بمياعة.... كعدت على حيلي
ها ذيب
ذيب: الله ميأخذج ويخلصني منج بنت الكلب ليش مغاسلة القميص
لوجين: اول مرة ذيب يدعي علية ويجسرة هم رسن بجيت متحملت اذا زوجي حبيبي يدعي علية بالموت لعد الغريب بشنو يدعي...
ذيب: احجيييي شكووو ساكتة
لوجين: هجم علية ضربني راشدي ولزمني من شعري....
ذيب: ليش مغااسلتة لييش
لوجين: ابجي وارجف
والله غاسلتة والله العظيم
ذيب: هااذا غسللل كلة وصخ صخام بوجهج ولج صووجي اني. اخذتج
لوجين: والله ووالله غاسلتة والله
ذيب: غاسلتة مو اليوم اعلمج اشلون يصير الغسل
لوجين: لزمني خلص علية هو يضرب بية واني كل همي لي بطني حاطة ايدي على بطني اخاف تجي ضربة بطني والله العظيم لو تشوفون القميص يجنن عطرة طيب ونظيف بس هو ماادري شبي كتلني برد كلبة واخذ القميص وطلع ظليت بس ابجي واشهك اختنكت حيل رحت فتحت الشباك وظليت اتنفس هواء ربي اشوية صرت احسن رجعت كعدت على جرباية واباوع على اثار الضرب وابجي رحت قفلت الباب ورجعت كعدت خابرت على امي عرفتني باجية بس مكتلهة شي كتلهة بس دحس الم بطني اشوية واقتنعت هية الحمدلله ظليت العب بالتليفون اشوية اقرة قصص بس اريد انسى لي صار اجتي ميار جابتلي العشة مفتحت الباب من ورة الباب كتلهة اكلت مااريد واني جذب مكلت شي بس مااريد احد يشوفني بهل وضع مليت من التليفون فتحت التلفزون وكعدت اتابع مسلسلات عيني على مسلسل بس بالي يم ذيب صارت ب12 وهو ماكو انتظر ل1 وهم ماكو رحت فتحت الباب وطفت الاضوية ورحت انجطلت انتظرة اجة ب2 اخذ مدري شنو من الكنتور وطلع ظليت اشوية مسوية نفسي نايمة وكمت وراة طلعت....... يتبببببع
التصويت ⭐
بقلم الكاتبة اية عبد الرحمن 🦋
اريد تفاعل فدوة لعيونكم اتفاعلو حتى انزللكم بعد بارتات.
أنت تقرأ
ابن شيوخ
Randomادخلوو واقروهة بنفسكم مرااااح تندموون قصة رووعة وحقيقية من واقعنا..... بقلم الكاتبه اية عبد الرحمن.
