ابن شيوخ

البارت الرابع والثلاثين

لوجين: جانت ليلة تجننن لان صدوك حسيت  ذيب القديم رجع....  كعدت الصبح    من وكت رحت سبحت وبدلت ونزلت لكيتهم كاعدين  ومتريكين هم  سلمت عليهم ورحت لميار لمطبخ لكيتهة دتنظف بالمطبخ....
صباح الخير

ميار: صباااح العسللل😉

لوجين: ها خيرج

ميار: ضربت لوجين بجتفي  على كيف   كليلي اشلون جانت ليلتكم  البارحة حلوة موو

لوجين:  وجهي صار ينطي الوان...
ليش البارحة شكو

ميار:   شكو موو   😉  احجيلي  شصار بالتفصيل لان ماشاءالله  صوت اخوية البارحة  يمكن حتى الجيران سمعو

لوجين:  مياااار شهل حجي كافي روح كملي شغلج 🤨

ميار: ههههه ولج شبيج وجهج صار احمر ههه حروح حروح  

لوجين: 😂 يبو  اشكد خجلت كلة من ورة الافندي ذيب اني اعلمة   رحت سويت ريوك الة والية  .... كملت صعدتلة الريوك فوك بالغرفة  لكيتة كاعد وسابح ديمشط بشعر

ذيب:  صبااااحووو

لوجين: صباح الخير   تعال اتريك   وصدوك اشوكت ترجع اداوم  إن شاء الله

ذيب: شبيج من الصبح شو ضايجة بس تريدين تخلصين مني

لوجين: لا بس دسئلة اشوكت  اداوم

ذيب: باجر إن شاءلله

لوجين:  باجرر

ذيب: اي باجر  لعد اشوكت  مو تريدين تخلصين مني

لوجين: لا  شنو اخلص منك  وبعدين باجر الموعد مال الدكتورة

ذيب: اليوم اوديج عادي

لوجين: الموعد باجر مو اليوم 

ذيب:  مااكدر باجر  لان ارجع من الدوام تعبان وارجع يجوز  بال5 بال6

لوجين:  ليش  ترجع بالخمسة وبالستة انتة مو كل مرة ترجع بال4

ذيب:  كتلج يجوز  اليوم اوديج ترة مابيهة شي كليلهة دكتورة اجيتج اليوم لان باجر مااكدر اجي رجلي بالدوام

لوجين: اوف ذيب اووف

ذيب: شكو شبييج

لوجين: مابية شي اكعد اكل دشيل

ذيب:   تمام 

لوجين: اتركنة سوة اخذت علاجي ونزلت كملت  كللل شغل واتغديت وصعدت بال2 لغرفتي  ملكيت ذيب محتميت حضرت ملابسي   وملابسة لذيب    نمت اشوية وكعدت بال4 ونص  هم ملكيت ذيب  بدلت  وكعدت انتظرة انتظر وماكو خابرت علية..
الوو...

ذيب: ها كلبيي

لوجين:  هاي وينك مو كلت اليوم اوديج لدكتورة

ذيب:     اي هسة اوديج  حصعدلج سدي

لوجين:  ليش انت وين

ذيب: بالاستقبال كاعد

لوجين:  اصعد بساااع....  سديتة وظليت انتظر اشوية واجة.... 

ذيب:    انزلي  قبلي ابدل واجي ماأتاخر

لوجين: اي مثل البارحة  دغسل وبدل وتعال على سريع البس مظل وكتت  ......  دخل لحمام غسل وطلع بدل  نزلنة جوة ماكو احد كلهة نايمة كل واحد بغرفتة بس جدي بالاستقبال كاعد    ........ طلعنة  اني وياة رحنة لدكتورة سوتلي فحوصات وحاليا اني اليوم اول يوم بشهر الرابع  اوف خايفة يكولون هل شهر صعب اشويةةة...................................... بعد مرور اربع تشهر..... يتبع

بقلم/الكاتبة اية عبدالرحمن 🤍

لتنسوون   التصويت عيوني