لوجين: خلص اليوم ومر على خير وبدون مشاكل حسيت هل يوم قربني على ذيب اشوية المهم....... مر اسبوعين خلصت امتحاناتي على خير وبهل اسبوعين اني وذيب جنة نتراسل كل يومية واتعرفت علية اكثر وهو هم تعترف علية اكثر ورة هل اسبوعين ..... جنت استوني نايمة دك علية ذيب شلتة رديت علية
ذيب: شنو نايمة
لوجين: استوني غفيت وانتة دكيت
ذيب: اي زين كومي حضري نفسج حنجي كلنة
لوجين: ليش خير
ذيب: نسيتي غير اجي اخطبج
لوجين: صدووك
ذيب: اي والله
لوجين: لاذيب فدوة مو اليوم عجلهة
ذيب: ليش اجلهة مااجل هو اني مصدكت قبل جدي يجي
لوجين: ممجهزة نفسي اشبيك
ذيب: عاديي
لوجين: شنو عادي ذيبب خليهة على باجر
ذيب: لا ماكو كلت اليوم يعني اليوم
لوجين: موقت عناادك
ذيب:اليوم بس اجي اطلبج ونحدد موعد الخطبة افتهمتيي
لوجين: اها هيج لعد اوك تمام
سديتة منة وكمت غسلت وبدلت حطيت مكياج خفيف ونزلت جوة ظليت يم امي كاعدة اسولف وياهة بس مكتلهة انو بيت جدي واهل ذيب جاين
ذيب: رحت لبيت اهل لوجين وطلبتهة من عمي وافق وحددنة موعد الخطوبة ورة اسبوع نخطب..... اجة هل اسبوع وخطبنة طبعا مااحجيلكم على علاقتي بالوجين حبيتهة حيل والله .......
لوجين: مر شهرين واني وذيب مخطوبين بهل شهرين حضرنة لعرس جهزنة كولشي قرب موعد عرسنة بس اسبوع بقة التهيت اجهز بنفسي بهل اسبوع كمت اراسل ذيب قليل لان كضيتهة من مكان لمكان كلة بس علمود الجهاز مالعرس اجة يوم الحنة واني متورتررة كولش كعدت من الصبح سبحت ولبست جبة (صاية) وانتظرت ذيب يجي ياخذني اني وخالتي لصالون طبعا انتظرتة هوواي اجاني متأخر وركض ركض حتى مشفتة زين وداني لصالون كملت كولشي. ظليت اخذ صور وادزلة اجاني ب3 اجة اخذني الطريق كلة يباوع علية بالمراية واني كمت ارجف مدري شبية توترت حيللل عبالك اول مرة اشوف ذيب وصلني لبيت ولكيت البيت هوسة كلة معازيم ودك وركص واول مدخلت شمرو علية الجكليت وانوب اشلون جكليت حجاار مو جكليت والله ..... ظلو بس يدكون ويركصون واني انتظر ذيب يجي يحنيني بليل اجة 7 والهوسة وياة حنة ايدي وظلينة ناخذ صور هوواي اخذولنة صور ذيب جاب مصورة بنية تاخلنة صور كال احسن حتى متتقيدين ظلو فوك النص ساعة يلة راحو بدت الهوسة تخفف الكل راح ظلو بس الكرايب كومتني خالتي. ساعدتني ابدل بدلت ولفيت التسريحة خربتهة ودخلت سبحت وطلعت اتعشيت وكعدت فتحت التليفون لكيت ذيب مخابر علية هووواي دكيت علية ظلينة ساعتين ضبط نحجي مكالمة دزلي الصور لي اخذهن........ ورة اشوية اجتي امي سديتة من يمة وكعدت احجي وياة امي وهي تحجي وياية حجتلي حجي خلتني اخاف من ذيب والله كلت ياريت ممزوجة ظلت تحجي وياية واني بس ساكتة واستمع كلتلي افتهمتي اني وين وامي وين. هزيت براسي. بمعنى اي كالت نامي وراج كعدة من الصبح ظلت يمي اشوية وراحت واني صدوك هم نعسانة طفيت الجهاز ونمت كعدت على موقت سبحت وهم لبست صاية وخابرت على ذيب رسن اجة متأخر هل مرة راحت وياية عمتي مو خالتي وهم نفس البارحة كملت شغل خابرت على ذيب كال مااكدر اجيج حدزلج اخوية كتلة اوك اشوية واجة. حسن اخو ذيب وصلنا لبيت وراح اني ظليت بس اتصفن اصفن منا واصفن منا مجنت متخيلة حيجي هل يوم مااعرف افرح لان حزوج لي احبة مدري ابجي لان حعوف اهلي اجتي امي كالت حاخذج اتسلمين على ابوج بس متبجين كتلهة اي كمت رحت سلمت على ابوية بس متحملت والله انفجرت ظليت ابجي وهو وامي يهدون بية خالتي تصيح المكياج وعمتي تصيح المكياج امي كوة اخذتني رجعت كعدت واجتي خالتي رتبتلي مكياجي اشوية هديت. خابرني ذيب كال اجينة استونة طلعنة. اني كلت لامي نص ساعة واجوي وهم من شفت ابوية متحملت ظليت حاضنتة وابجي وخرني ذيب منة ساعدني اصعد بالسيارة والطريق كلة مشغل اغاني ويركص واني بس ابجي اذكر اهلي والله......
(هاذا كلة شي مختصر عن عرسنة)
ذيب: لووجين وتالي حنكضيهة بجي
لوجين: اريد اهلي. رجعني لاهلي ذيب. مااريدك رجعني
ذيب: ولج الطفلة متحجي هيج من كل عقلج شوف حبيبتي اني ابوج واني امج واني كوولشي الج بس لتبجين كافي
لوجين: 😭😭😭😭
ذيب: بالقران هسة العالم تشوفج عبالهم غاصبيج على زواج مني
لوجين: والله اشتاقيتلهم
ذيب: بنت الحلو استونة طلعنة اشوكت لحكتي تشتاقيلهم
لوجين: يتبببببببع
التصويت ⭐
بقلم الكاتبة اية عبد الرحمن🦋
أنت تقرأ
ابن شيوخ
Randomادخلوو واقروهة بنفسكم مرااااح تندموون قصة رووعة وحقيقية من واقعنا..... بقلم الكاتبه اية عبد الرحمن.
