အတ္တလွန် အချစ်
အပိုင်း(20)
"အဲ့တာ ဘယ်လဲ"
မွန်းက သူ့ကိုကျောခိုင်းလိုက်လျှင် သူ့အသံက ယခင်ကထက်ပို၍ခက်ထန်လာ၏ ။
"မနက်စာ သွားစားမလို့"
"ဒေါ်တင် ကိုယူလာခိုင်းလိုက် ဒီမှာစား"
သူမကိုမျက်စိအောက်ကပင်အပျောက်မခံနိုင်။
မွန်းက အောက်နှုတ်ခမ်းလေးကို ကိုက်၍ သူ့ကို မျက်ရည်ကြည်မျက်လုံးတွေနဲ့ကြည့်ပစ်လိုက်သည်။
ထို့နောက်အခန်းတံခါးဖွင့်လိုက်ပြီး ခပ်ကျယ်ကျယ်အော်ပြောလိုက်သည်။
"မေတင် မွန်းတို့၂ယောက်အတွက် မနက်စာလေးယူခဲ့ပေးပါနော် "
အိမ်ကြီးကကြီးမားကျယ်ပြန့်သော်လည်း အရမ်းတိတ်ဆိတ်သည်မို့ ကြားနိုင်လောက်ပါသည် ။
ထို့နောက် သူမသည် သူထိုင်နေသည့်ကုတင်ဘေးက ဗီရိုထဲမှ လည်ပင်းအထိလုံသော ဂါ၀န်တစ်ထည်ကိုထုတ်ယူလိုက်ပါသည်။
မနေ့က သူအားရပါးရကိုက်ထားတဲ့ သွေးခြေဥနေသောအကွက်ကြီးကိုသူများတွေမမြင်စေလိုပါ။
မွန်းက ရေချိုးခန်းဘက်သို့ခြေဦးလှည့်သွားရာ
"ဘာလုပ်မလို့လဲ"
သူ့အမေးကြောင့် သက်ပြင်းရှိုက်လိုက်ပြီး
"ကျွန်မ ဘာလုပ်လုပ် ရှင့်ကိုအားလုံးအစီရင်ခံနေရမှာလား "
"ဖြစ်သင့်တဲ့အရာပဲလေ "
"ကျွန်မဘ၀ကိုရှင်မှမပိုင်တာ"
"အခုချက်ချင်းပိုင်အောင်လုပ်လိုက်လို့ရတယ် မေမီမွန်း ငါဒဏ်ရာရထားလို့ဆိုပြီး ရောင့်တက်မနေနဲ့ "
"ရှင် တကယ်မုန်းဖို့ကောင်းတာပဲ"
"မင်းကိုဘာလုပ်မလို့လဲလို့မေးနေတယ်လေ"
"ရေချိုးမလို့ "
မွန်းက စောင့်အောင့်၍ ရေချိုးခန်းတံခါးကို အသံမြည်အောင်ပိတ်ပစ်လိုက်၏ ။
အတ္တသည် သူမ၀င်သွားပြီးမှ ကိုယ့်အင်္ကျီကို
လှန်ကြည့်မိရာ ဒဏ်ရာချုပ်ရိုးပေါ်က သွေးစို့နေတာ မတိတ်သေးပါ ။
"အ..."
ဒီလောက်နဲ့တော့မသေနိုင်ပါဘူး ဟု တွေး၍ အတ္တ အင်္ကျီကိုပြန်ဖုံးပြီး ဘာမှမဖြစ်သလိုပဲ နေလိုက်၏။
أنت تقرأ
အတ္တလွန်အချစ် (OC) Completed
عاطفية"စီးကရက်နဲ့ကျွန်မ ရှင်ဘာကိုပိုကြိုက်လဲ" "လွယ်လိုက်တာ မင်းပေါ့ မင်းကိုမနမ်းဖူးခင်အထိ ကိုကင်းက ကိုယ့် Favorite မင်းနှုတ်ခမ်းတွေနဲ့ယှဉ်ရင်တော့ ဘာအေရးပါမှာလဲ" Mautre on Uni/Zawgyi "စီးကရက္နဲ႕ကြၽန္မ ရွင္ဘာကိုပိုႀကိဳက္လဲ" "ၾလယႅိုကၱာ မင္းေပါ့ မင္းကိုမနမ...
