ថ្ងៃថ្មីបានឈានចូលមកដល់ ព្រះអាទិត្យបានរះឡេីងបញ្ចេញរស្មីមកលេីភពផែនដី ជះពន្លឺចូលមកក្នុងបន្ទប់ធំមួយនៃវិមានរបស់គ្រួសារ វ៉ល ឡែន ដែលមានមនុស្សពីរអ្នកកំពុងដែរគេងលង់លក់យ៉ាងស្កប់ស្កល់ ។ ពួកគេគេងបែរមុខទៅទិសស្របគ្នា ដោយរាងក្រាសជាអ្នកឱបក្រសោបកាយតូចនៅក្នុងរង្វង់ដៃយ៉ាងណែនដូចខ្លាចអ្នកម្ខាងទៀតរត់ទៅណា ។
បន្តិចក្រោយមករាងកាយតូចច្រឡឹងដែលត្រូវគេឱបរឹតក៏បានដឹងខ្លួនឡេីង កែវភ្នែកស្អាតទាំងគូបានក្រលេគមេីលជុំទិសនៅក្នុងបន្ទប់ ទាំងមីងមាំងរួចក៏ប្រទាក់ភ្នែកនិងដៃធំក្រាសដែលឱបចង្កេះរបស់គេ ភ្លាមនោះរឿងរាវដែលកេីតឡេីងកាលពីយប់មិញបានហូរចូលពេញក្នុងខួរក្បាលរបស់រាងតូច ធ្វេីឲគេច្រាលទឹកភ្នែកឡេីងមកដោយមិនបានព្រាងទុក ។ កម្លោះតូចលេីកដៃអ្នកម្ខាងទៀតចេញពីចង្កេះខ្លួនសន្សឹមៗ រួចប្រឹងងេីបចេញពីគ្រែទាំងត្រដាប់ត្រដួសព្រោះឈឺផ្នែកខាងក្រោមជាខ្លាំង គេខំប្រឹងប្រមូលខោអាវរបស់ខ្លួនដែលធ្លាក់រាយប៉ាយនៅលេីការ៉ូយកមកស្លៀកពាក់វិញ ទាំងដែលជេីងទាំងគូរបស់គេញ័រដេីរសឹងមិនរួច ។
ក្រោយពីស្លៀកពាក់រួចហេីយរាងតូចខំប្រឹងដេីរចេញពីបន្ទប់របស់រាងក្រាសទៅបន្ទប់ខ្លួនយ៉ាងលឿនព្រោះមិនចង់ឲអ្នកបម្រេីនៅក្នុងផ្ទះឃេីញពីសភាពដែលយ៉ាប់យឺនរបស់គេ ។ មកដល់ក្នុងបន្ទប់រាងតូចបិទទ្វាចាក់កន្លះ រួចដេីរទៅទម្លាក់ខ្លួនទៅលេីគ្រែ ពេញមួយទំហឹងបណ្ដោយឲទឹកភ្នែកស្រក់ចុះតាមអំពេីចិត្ត ។
គេពិតជានឹកស្មានមិនដល់សោះថាប្រុសម្នាក់នោះហ៊ានធ្វេីរឿងស្មោគគ្រោកមកលេីគេ ទាំងដែលដឹងថាគេជាប្អូនថ្លៃរបស់ខ្លួន ទង្វេីរបស់គេពិតជាធ្វេីឲរាងតូចឈឺចាប់ខ្លាំងណាស់ ។
"ហឹក...ហឹក..ថេយ៉ុង...វ៉លឡែន ខ្ញុំពិតជាស្អប់លោកឯងខ្លាំងណាស់..ហឹកៗ" រាងតូចនិយាយទាំងអណ្ដឺតអណ្ដកមិនឈប់
ក្រោយពីយំអស់ចិត្តហេីយរាងតូចប្រឹងងេីបឡេីងទាំងល្ហឹតល្ហៃ យោងអាត្មាខ្លួនឯងទៅក្នុងក្នុងបន្ទប់ទឹកដេីម្បីងួតទឹកជម្រះភាពកង្វក់ចេញពីរាងកាយខ្លួន ក្រោយពេលងួតទឹកអស់ជិតកន្លះម៉ោងរាងតូចក៏ចេញមកវិញ ដេីរទៅកាន់ទូរួចយកខោអាវពណ៍សដៃវែងជេីងវែង មួយឆុតដែលសមឥតទាស់និងរាងកាយរបស់ខ្លួនយកមកស្លៀកពាក់ ។ ពេលស្លៀកពាក់រួចរាងតូចរេីរបស់របរប្រេីប្រាស់ និងសម្លៀកបំពាក់របស់ខ្លួនមករៀបចំដាក់ចូលក្នុងវ៉ាលិសដេីម្បីទៅផ្ទះរបស់គេវិញ ។
YOU ARE READING
ចំណងស្នេហ៍ប្រែអាពាហ៍ពិពាហ៍
Jugendliteraturថេយ៉ុង វ៉លឡែន x ជុង ជីមីន ថេយ៉ុង : អាល់ហ្វា ជីមីន: អូមេហ្កា
