بين نبضات قلبي

بارت1

قراءة ممتعه...♥️
______________

كملت قرايتي بسرعه وكبل ع التليفون اباوع مسلسلتي نزلت حلقات هواي منها مشفتها استمريت حلقه اتجر حلقه الى ان انتبهت

الساعه 2 ياااا عزززززززززةةة ب2وابو الخط يجيني ب7خرب بالحظ خل انام اشرفلي

هستوني نمت وره شويه امي تكعد بيه

ام ميار: ولج ميييااااررر يمصخمه كومي ساعه6ونص بعد نص ساعه يجي ابو الخط ماضل وكت

ميار: اوووو شبسرعه صارت ب6ونص

ام ميار: ايي طبعا اذا انتِ للفجر ع هذا المصخم والمسلسلات التركيه شوكت الله يخلصنه منه ولج دكوومييي عاد

ميار: اوووو كمت كمت
طفرت بسرعه غسلت وبدلت اول مبديت بالشال اجه ابو الخط
ياااا عززززة طلعت من غرفتي واني ع الدرج صحت ع امي خل يطلعله انمار يكله ينتظر شويه ورجعت لفيت الشال ع السريع ونزلت اركض وصلت لباب المطبخ لكيت انمار ديتريك لبست حذائي ع السريع

انمار: هسه ع شنو مستعجله جان خليتي يروح اني اوصلج

ام ميار: لااا ختولي تكضي الليل سهرانه وثاني يوم تعال انمار وصلني وانت تضل توصل بيها وكليتك تتأخر عليها

ميار: ايي خو انتِ بس عليه هذا مو انمار هم يسهر الليل كله ساعه يغني ويه نفسه ساعه يخابر ويتعارك ساعه يخابر ويضحك وانوب صارعني بعياطه وغرفته بصف غرفتي

ام ميار: بله هو خبل ميهتم لنفسه يريد يتعب صحته وعينه تنعمي ويتأخر ع كليته انت شبييج تريدين تصيرين مثله

انمار: ها يمه كلبتي عليه

ميار: لاعليك ولاعليه هي ع التليفون تموت منه يلا باي تاخرت

انمار: هههههه باي

ام ميار: الله وياج يمه مو تنسين عود تريكي

ميار: اي اكيد
صعدت بالخط وابو الخط عيونه بكصته وضل يحجي لان تاخرت كتله ديلا بالرجعه مو مرات تتأخر علينه تخلينه مصلوبين لاساعه ولاساعتين ومرات متجينه اصلا تتعذر هم نحجي شو تاخرت شويه كلبت الدنيا سكت بعد محجه

وصلت للكليه ب9محاظرتي واني جايه ب8 من وره ابو الخط لان ويانه غير اقسام كعدت بالكافتريا انتظر صديقتي تانيا ابوها يجيبها ويوديها لان ع طريق شغله

كاعده بالكافتريا اشتريت نسكافيه وكيكه واول مابديت اتريك دكت عليه تانيا

ميار: الووو

تانيا: الووو مياارر تعاي طلعيلي بسرررعه

ميار: شنوو شكو وين اطلعلج انت وين وشصاير اصلا

تانيا: اني كبال الكليه واكفتلج يم الجزره الوسطيه لان دنبوسي وكع ومجايبه دنابيس وكوه مثبته الشال وانت اكيد عندج جنطج كلشي بيها تعاي عاد فضيني