بين نبضات قلبي

بارت15

الطير العافني وحط على غير اغصان
لا يرجع بعد دلالي مو شجره

قراءة ممتعه....♥️
_________________

ابو حسن: بنتي حبيت اسمع السالفه منج هنا كلمن يكول شكل اخوج يكول خاينها وعدنه ادله حسن يكول مجرد زميله حجيت وياها وانت كبرتي الموضوع

ميار: زميلته ويحجي وياها؟؟ تمام من رخصتكم ثواني بس اجيب التليفون رحت جبت التليفون وطلعت الصور بسرعه ورجعت كتله اتفضل عمو شوف بعينك الزميله الكاعد يحجي وياها

باوع بالصور وانطاني التليفون وهز راسه ب اسف وفشله حسن انتفض من مكانه

حسن: جذب هاي الصور فبركه خو كولي من البدايه ماريدك ليش توافقين بعدين تسوين كل هل مشاكل حته تفسخين

ميار: اني ماريدك؟؟؟ اني اسوي مشاكل؟؟؟ لو انت صارلك فتره كوه تحجي ويايه واطلع اعذار بحجه تشتغل شغلين وطلعت انت حته شغلك كوه تشتغله ملتهي ويه العندك وفوك هذا كله طعنت بشرفي كدام صديقك مصطفى مستحيت من نفسك من تكله انت مسوي علاقه ويه خطيبتي لك اني خطيبتك تعرف شنو خطيبتك لك عرضك وشرفك شلون تحجي هيج حجي باطل عليه كدام الولد وكدام الكليه كلها اني احجي وعمي ابو حسن وابو رائد مصدومين وفشلانين

حسن: زين يلا جيبي القران وحلفي ماكو شي بينكم لو متحبي لج سمعتج ب اذنها

ميار: انصدمت من حجيه وبعده ممكمل كلامه ابو عاط بي بس انمار متحمل كام وضربه بوكس وضلوا يفاككون بيهم خالي وابو حسن وابو رائد

انمار: لك عاااارر اختي تشرفك وتاج راسك نذللل بس صوجنه احنه الي اعتبرناك رجال وانطيناك بتنه لك هاي اضفر من اضفرها يسوه راسك حقير

ميار: كل هذا وحسن ساكت فاككوهم واني كتله بلا منيه السامعتني ب اذنها؟؟؟

حسن: هو هذا الهامج

ميار: ايي هذا الهامني وحده دتطعن بشرفي واطلع عليه حجي شلون ميهمني باجر عكبه كلشي تلفق عليه لازم اوكفهه عند حدها بس تدري اني عرفتها منووو هي نفسها ايماان تموووت مني دم سنونها اني راحت سوت علاقه وياك وطلعت حجي عليه بس تدري شنو

زين سوت حته اخلص منك مدام بعدنه بالبدايه احسن مااتزوجك واتورط لان اني اريد اخذ رجال ينشد بي الضهر رجال يوكف ويايه ويسندني بكلشي مو من اقل حجايه من بنيه وغريبه هم يصدكها وينطي بيه ويحجي بعرضي وشرفي ويروح يسوي علاقات ويخون

الخال جابر: هسه تخابرون ع الشيخ العقدلهم خل يطلك بسرعه وبدون مشاكل زايده

حسن: مااطلك وشتسوون سووا

ابو حسن: انجببب ادبسزز خزيتنه وسودت وجهنه كدام العالم اطلك ورجلك فوك راسك وانت ميار الشاهد الله من يوم الخطبناج وانه احسبج مثل بنتي واعذريني وامسحي سوايته بهل شيبات هاي والله فشلني كدام العالم وسود وجهي