بين نبضات قلبي

بارت4

قراءة ممتعه....♥️
_______________

مصطفى: كعدت من النوم الضهر بالعطل اتأخر بالنوم اعوض ايام الدوام تغديت وسألت ع مريم امي كالت بالدوام العصر تجي نمت وره الغده وكعدت العصر لكيت امها يمنه بس هي ماكو

مصطفى: السلام عليكم

ام مريم: وعليكم السلام

ام مصطفى: هلا يما

مصطفى: شعجب وحدج شو مريم ماكو

ام مريم: والله يما شو ضلت تبجي وتكول اريد اقره ماضابطه المواد وخايفه

مصطفى: بس امس سئلتها كالت مضبطه وكلشي تمام

ام مريم: يما انه هم حسيت بيها شي لان هي ضبطت المواد اليوم تكلي مامضبطتها وتبجي

مصطفى: اكيد بيها شي لو ع المواد جان جتي قرت هنا بيتنه هدوء تكعد بالغرفه او بالصاله مثل كل مره وتقره شعجب مقبلت وانه امس كتلها اذا ممضبطه او عندج مشكله كولي احطلج خصوصي كالت لا مضبطتهن ومكمله الكتب

ام مريم: والله يما مااعرف روح شوف شبيها انت تعرف شلون تحجيها وهي اصلا ماتضم عليك

مصطفى: بس من رخصتج عمه كومي ويايه خل اشوف شبيها هاي بس تعوي

ام مريم: اي يمه امشينه

مصطفى: رحنه انه ومرت عمي لبيتهم وفاتت مرت عمي لغرفتها تكلها انه جيت حته تلبس حجابها شويه وطلعت مرت عمي كالت فوت فتت ولكيت عيونها حمره من البجي وخشمه احمر مع انو هي مو بيضه حنطاويه بس مو سمره ف بس تبجي يبين عليه وجهه يحمر

مريم: ها مصطفى شجابك شكو

مصطفى: هاي شبيج مريم شنو متريديني اجي

مريم: لااا مو هيج قصدي بس يعني تفاجأت

مصطفى: ع شنو متفاجأه يوميه انت يمنه لو انه يمكم

مريم: يووووو مصطفى هسه كلمه وطلعت لزمتها عليه عاد

مصطفى: ليش جاي تبجين

مريم: مووو ممضبطه المواد

مصطفى: مريم شوفي جذب لتجذبين عليه تعرفيني اكثر شي اكره الجذب وانت مو من عوايدج اتجذبين وتحجين كلشي واصلا حته اذا جذبتي يبين عليج ف احجي شكو

مريم: شنو اجذب مجاي اجذب جاي اكلك ممضبطه المواد وخايفه وتوتر امتحانات ف بجيت وين الجذب بالموضوع

مصطفى: امس سئلتج كتيلي مضبطه المواد ومخلصه الكتب وكتلج اذا تحتاجين مدرس كولي كلتي مااحتاج شنو التغير هسه

مريم: ايي اليوم راجعت وشفت نفسي ممضبطه شي

مصطفى: الصبح جنتي بالمدرسه والضهر رجعتي وهسه عصر من الضهر للعصر راجعتي كل المواد وشفتي نفسج ممضبطتهن وين لحكتي مريم بلا جذب