بين نبضات قلبي

بارت10

- والمشڪلة
تضحڪ لغيري وتبتسم
وماتدري بيه اهواها♥️

قراءة ممتعه....♥️
________________________

ميار: ولكيت وياها رائد وحسن وهذا الولد الي راد يدعمني وشفته بالمهر سلموا وكعدوا وبده حسن ديعرفه علينه

مصطفى: وره يومين من السالفه روتين عادي وممل اتصل عليه حسن علمود ابو البيت اصدقائي مكدروا يجون كلولي روح شوفه اذا زين اتفق وياه وعود نجي من نتكاتب وندفع الفلوس

رحت ل بغداد وانه مقرر اضل كم يوم لان ضوجه رحت وشفت البيت زين صاله وغرفه وحمام ومطبخ صورته للولد شافوا وكالوا اي زين اتفقنه باجر يجون وبتت يم رائد وحسن وثاني يوم اجوي وتكاتبنه ودفعنه الايجار ورحنه انه صدقائي اثثنه البيت اثاث بسيط كلش بس ع كد احتياجاتنه وسحبنه كهرباء يومين خلصنه كلشي وراحوا وانه كعدت بالبيت واجوي يمي رائد وحسن باتوا

لان عيب اضل يمهم همه صح كل واحد بيت بس كل واحد وعائلته وخواته يضلون مقيدين وانه مقيد ف ضليت وهمه اجوي يمي وكال رائد

رائد: تعال ويانه بالكليه تونس شبيك مدام باجر ماعدنه امتحانات لو محاظرات مهمه

مصطفى: وافقت هم اتونس وهم اشوف ميار الي مدتروح من بالي واحس اريد اشوفها مره ثانيه وثالثه وعاشره

كعدنه الصبح غسلنه ولبست بنطرون اسود وبدي ركبه ماروني وبوتين ماروني وشسورنه شعرنه كلنه وطلعنه بسياره حسن وراح ع خطيبه رائد اخذها ووصلنه هناك ورحنه للكافتريا بعد محاظرتهم ماباديه راحوا ع ميز كاعده بي بنيه تقره تانيا كلتلها هلو رفعت راسها

وكامت تسلم ع تانيا شفتها هي نفسها ميار شي بداخلي فرح شفتها مره ثانيه ضليت اباوعلها وبعدين سلمنه عليها سلام عادي هلو هلو وبس كعدنه وبده حسن يعرفهم عليه

حسن: ايي هسه خل اعرفكم ع صديقنه من الطفوله مصطفى ضابط من البصره طبعا هو اكبر مني بسنه ومن رائد بسنتين بس احنه صارلنه ضروف وتركنه دراستنه وبعدين رجعنه بس هو كمل وتخرج قبلنه وهسه ملازم اول

ميار: لحظه يعني انتوا من البصره؟؟

حسن: ايي بس جينه ل بغداد قبل 3سنين تقريبا او 4 شنو هسه يلا دريتي

ميار: ايي والله هسه دريت

حسن: المهم هسه خل اعرفك عليهم هنا رائد صديقنه تذكره موو

مصطفى: ايبااااخخ رائد شلونك ولك ولاعرفتك شلون متغير البارحه جنت يمك شبسرعه تغيرت

رائد: شفت هو هذا حال الدنيا

الكل: ههههههههه

حسن: اي نكمل وهنا الاخت تانيا جنتنه

مصطفى: تشرفت بمعرفتج خويه

تانيا: الي الشرف

حسن: وهاي

ميار: يأشر عليه ويكول هاي كتله هاي عدها اسم وتعرفه