بين نبضات قلبي

بارت13

شبينة حظنة وي الي نحبهم ماكعد مثل البشر؟
وشبية من اشتاك الاگي الدنيا ليل بنص گمر،
صوتة والسنطةو غرفتي ومن انام وارجع اسهر
من أغاني تجر اغاني ،ومن شهر يطبك شهر'
من اگللهم نسيته واضحك بعز القهر
من ادورة وماكو حسه
من اسولف والهي روحي، واصفن

قراءة ممتعه....♥️
__________________

مصطفى: رحت لبغداد بس مرحت للكليه شكد لحوا عليه تعال يمعود شبيك كتلهم تعبان واريد اضل يم الولد اصدقائي ضليت يومين ورجعت ل بغداد وكل هذا وميار مرايحه من بالي حسن كوه اباوع بوجه لان احس جاي اخونه بتفكيري ب خطيبته وهالشي مو من اخلاقي وحته حرام عليه افكر بخطيبته

ضليت ايام وشهور وميار متطلع من بالي شكد احاول انساها ماكدر كمت اتناساها وماافكر بيها وكلماتجي ببالي اطلعلي سالفه لو احجي ويه اصدقائي واذا بالشغل اذب نفسي ع الشغل لو اطلع افتر اسوي كلشي بس حته ماافكر بيها

بس بليل كلشي يروح من بالي وتبقه هي وحدها واشتاكلها هواااايي يوم عن يوم يزيد اشتياكي الها ومااعرف شسوي وصلت لمرحله يوميه قبل لاانام هلكد مامشتاكلها لااراديا عيوني ادمع من اتذكرها الجكاير والاغاني صارن صديقاتي اليواسني حته مريم الي جنت من اضوج من شي احجيلها وتواسيني حارت شتحجي ومتعرف شتسوي

وانه اصلا من انزل اكضي النهار كله طالع وارجع بليل اكعد يم امي شويه واصعد لغرفتي لو اكعد بالطارمه وادخن واسمع اغاني وتجي مريم تحاول تواسيني بس متكدر ولااحد يكدر اني نفسي مااكدر اواسي نفسي واصلا لحد هسه مستغرب شلون هيج حبيتها سبحان الخله حبها يكبر بداخلي بهل سرعه الي يشوفني يكول صار سنين احبها بس والله الحب لايعرف وقت ولايعرف قسمه ونصيب ولايعرف اي شي

بدت السنه الجديده وقبل الدوام ب3ايام خابرني رائد واصر انو اجي لبغداد ومن رحت هم جلب اله اروح ويا للكليه وكال اول يوم ماكو محاظرات هواي وخل نتونس ونلتم مثل كبل وهيج عكس حسن الي مااعرف شبي متغير صارله فتره كلامه قليل وتجي فترات ميراسل حته وميحجي ويايه ولا كال تعال

وافقت وكتلهم بس انه اجي وراكم لان مابيه حيل اكعد من الصبح كعدت وبدلت وطلعت خابرت رائد كال تعال بسرعه ل كليه حسن رحت ولكيته واكفلي بالباب كتله وين حسن كال

رائد: عنده محاظره قبل شويه انتهى الريست مالته واني هسه بدت محاظرتي بس عوفها عادي اول يوم

مصطفى: هااا بس شبيك شو ضايج

رائد: تعال نكعد بالكافتريا ونحجي

مصطفى: رحنه للكافتريا وبده يحجي ع حسن

رائد: والله حسن متغير فدمره ماري شبي تخبل استغفرالله

مصطفى: ليش شبي انه هم لاحظت متغير

رائد: لك صار فتره بس عينه بالتليفون ويخابر ويراسل حته وره الكليه نطلع نشتغل سوة غير علمود نجمع فلوس العرس وتكاليفه لو نروح نصبغ عمارات وشقق لو نركب سقوف ثانويه ومن هل سوالف بين منتخرج ونلكالنه تعيين هو اكثر من مره راد ينطرد ولخاطري يبقوا ملتهي بالتليفون بس يراسل ويخابر ومرات ميجي للشغل حته يوميته قللوها وهو ممهتم وفوك هذا كله اكثر من مره سمعته يخابر ويحجي ويه بنيه