بين نبضات قلبي

بارت29

تلاكينه وسكت كلشي
وانحچت حسراتنه بنضره

قراءة ممتعه....♥️
__________________

مصطفى: سمعت ميار تعيط كبل فتحت الباب لكيته منزعها الشال وقريب منها جان يحاول يعتدي عليها عباله مريضه ومتكدر تسوي شي وتسكت بس ميار ضلت تعيط هو راسا وخر من يمها وانه لزمته من ياخته وضليت اطك بي طيحت حظه كضيت بي التوبه وطبعا الكل التم ع صوتي وعياطي وامي وعمتي ام ميار لبسن ميار الشال واخذنها للسياره العالم من شافت هيج كلها طلعت ضليت اطك بي لحد مالله كلي بس طلعت كل قهر كلبي بي وسحلته وكتله

والله اله اخليك تعفن بالسجن لك دجاااااللل همزيين ربك وكعك بيدي والله اله اخليك عبره لجماعتك ضل يتوسل ويصيح انه معليه هي كلتلي كتله منو كلتلك؟؟؟ احجييي كال وحده اسمها اسيل اجتي هي وامها وانطتني فلوس هواي ووياهن دوه وكلتلي هذا من يجوك ناس ووياهم امي تنطيهم هذا والمره الثانيه اعتدي عليها

ضليت مصدوم من الكاله معقولة توصل بيها لهل درجه؟؟؟!!!
وانه كلت الحمدالله تغيرت سحلته للسياره اجرت تكسي ل اهلي وانه طلعت بوجهي للمركز ويه هذا الدجال سلمته للمركز وهو اعترف بكلشي مسوي من بدايه شغله طلعت من المركز وبوجهي ل بيت خالتي واعصابي نااااارر وامي ضلت ادك عليه بالاخير قفلت التليفون

وصلت للبيت ولكيت يمهم سيارتين سألت ابن جوارينهم الصغير كال اخوان عمو ابو اسيل عرفت عمامها ذولة بعد احسن كافي تعبت وانه استرلها خل يضبوها شويه عايفيها تايهه لو رايحه ميار من بين ايدي شحصل باب الشارع مفتوحه شويه دخلت وانه اعصاب فتحتلي باب المطبخ خالتي دخلت بدون مااسلم حته وكفت بنص البيت وعطت

لجج اسسيييللللل طايحه الحظظظظ اليوم شيخلصج منيييي طلعوا ابوها وعمامها ثنين وولدهم وهي وخواتها نزلن يركضن ضلوا يسألون شكو شصاير وانه مستمر ارزل بيها ابوها كال

ابو اسيل: بس فهمنييي شكووو شمسويه اسيل

مصطفى: عمي كول شنو المامسويته لك عمي بنتك ومرتك الي هي خااااللتيي خااالتيي مو غريبه يشربون مرتي حبوب ويخلون واحد دجال ينطيها حبوب مخدرااااتت ويكلوله اعتدي عليهاااااا عصبت حيل فقدت وكمت مااعرف شحجي ابوها وعمامها انصدموا وضربها راشدديي بحيث من قوته وكعت بالكاع رجع شالها من الكاع وبده يكتل بيها بس وخرته من عدها وكتله عمي سوي بيها التريده بس مو قبل مااعرف ليش هيج سوت ضلت تبجي ومتحجي شي وخواتها وامها يبجن سحلتها من ايدها ودخلتها للصاله وكلتهم خلونه بس انه وياها اريد اعرف ليش هيج سوت

شمرتها بالكاع وكتلها شوفي هسه تحجين كلشي بالحرف الواحد لاوحق محمد مثل ماسجنت الدجال اسجنج وماعندي مانع شفتي هسه حجيت كللشييي مع انو ادري عمامج وولدهم موجودين بس ميهمني بعد طزز ف احجي احسن متنسجنين هاي اذا ابوج وعمامج خلوج عايشه احححججيييييي ضلت تبجي وتشهك عطت بيها مره ثانيه يلا حجت وطبعا فتحت تسجيل صوت اول مفتنه بدون متنتبهه حته لاتنكر بعدين