بين نبضات قلبي

بارت16

باجر يجيبك زمانك نادم النه .
وجوهنه نفس الوجوه .
لجن أيس بعد من ذيج لمحنه ..

قراءة ممتعه....♥️
__________________

مريم: _هلو ابن العم شلونك
وره كم ساعه يلا رد

مصطفى: _هلاا يبا نكول بخير انت شلونج امج وامي شلونهن شخبارهن

مريم: _كلنه بخير الحمدالله

مصطفى: _بعدج لحد هسه كاعده

مريم: _اي باجر دوامي ضهري ف ضليت كاعده انتظرك ترد عندي خبر الك

مصطفى: _شنو الخبر

مريم: _لاعيني اول شي توعدني تجيبلي الحلاوة

مصطفى: _حلاوة مال شنو شبيج مريم

مريم: _شبيك مال خبر
_شوف اوعدني هسه من تجي وياك الحلاوة واريدها ايفون لان تليفوني كلكسي من الاول متوسط ويايه صدك جذب دكيت بي دك الزمال وانتوا ولامنتبهين ولااحد يغيرلياه

مصطفى: _ع كيفج يبا شمدريني اشوفه مابي شي ومعطلان ف ممنتبه جان حجيتي وكلتي اريد غيره واجيبلجياه من عيوني

مريم: _تسلم عيونك لا ماردت انه احجي اريد انتوا تنتبهون عيب اطلب بالساني

مصطفى: _ايباااااااخخ ام العيب هاي من شوكت اكلج هسه احجي الخبر عاد طولتيها للسالفه

مريم: _اوك راح احجي الخبر هو ميار اطلكت

مصطفى _صدك شمدريج

مريم: _يبوووووييي يعني شمدريني غير اراسلها ع الانستا

مصطفى: _وهيج صارت صديقتج وحجتلج حته ع طلاكها

مريم: _طبعا وحجتلي حته ع حياتها واني هم حجيتلها ع حياتي بس مذكرت اسمك

مصطفى: _شحجتلج بلا

مريم: _مو ميصير اكول واطلع حجينه

مصطفى: _انجبي واحجي بربج

مريم: _يلا هي مو سالفه قويه ومتنحجي حياتها عاديه وحجيتله كلشي

مصطفى: _هااا خوش يلا هسه ادعبلي اريد انام

مريم: _ها خلصت مصلحتك وطردتني؟؟

مصطفى: _انجبي يبا عندج شي احجي

مريم: _لاماعندي شي

مصطفى: _جا ولي

مريم: _اوك وليت

مصطفى: معرفت افرح بخبر طلاكها لو انقهر لان يجوز حبته بس حسب مكالت مريم هي ممقهوره عليه شي بيه ارتاح اجاني شعور حلو نمت وانه مرتاح وهاي اول مره من يوم الي حسن كال نروح نجيب المره وطلعت ميار لحد هسه مانمت مرتاح ومرات يصبح الصبح ومنايم اصلا بس اليوم مرتاح كلش

كضيت ايام الدوام ونزلت بس قبل لااروح للبصرا اشتريت ايفون ل مريم وحطيتله لزكه شاشه وكفر ورجعت اول مفتت للبيت وسلمت عليهم مريم تباوع وتحوس تريد تشوف جايبلها الايفون لو لا وانه شلعت كلبها منطيتهياه بقيت ضامه بالسياره بالاخير كتلها