بين نبضات قلبي

بارت14

جِنتْ وياك أجيك منينْ ما تِبعد
وأبد ما راهم إنتَ وياي
تُربّة بغرفة المُلحد
أثاريَّك مِثل حظي
نَهر تِتمشى وي الناس
ونخل وياي مِن تگعد..

قراءة ممتعه....♥️
__________________

ميار: شفت واحد منطيني ضهره بس هيئته عبالك حسن وحته نفس لبسه كاعد ع المسطبه ويمه بنيه حاطه راسها ع كتفه وهو حاط ايده وره اكتافها وحاضنها والحديقه فارغه بس همه رحت وره شجره وصرت كدامهم وانصدمت هذا حسن انصدمت بالمنظر الشفته معرفت شسوي طلعت تليفوني واخذتلهم صور سويت زوم اكثر وصورته بس البنيه ممبين وجهه زين

رحت ووكفت كدامه وانصدمت اكثر من شفت البنيه هي ايمان هو تفاجأ وكبل وكف وكال

حسن: ميار لتفهمين غلط

ميار: اشششش ولاكلمه نزعت الحلقه وشمرتها بوجهه وكتله بدون ولاكلمه تجي للبيت انت والشيخ نفسه العقدلنه يطلكنه مشيت وعفته وكبل طلعت من الكليه واجرت تكسي ورحت لبيتنه طول الطريق وهو يدك بالاخير حظرته من الرقم دخلت اركض واني اعصابي صايره نار

ام ميار: شبيج يمه شو تركضين ووجهج ميكصه السيف شكو

ميار: انمار وين

ام ميار: جان رايح يطلع وثيقته وقبل شويه رجع هسه يمكن ديبدل

ميار: صعدت ركض لغرفتي لان حسيت ماعندي طاقه احجي بعد وخنكتني العبره بس مبجيت واصلا ميسوه انزل دمعه علموده طلعت من غرفتي ورحت دكيت الباب ع انمار واول ماكال فوت دخلت وكتله

انمار هسه تخابر ع حسن يجي يطلكني هسه

انمار: ولج شبيج شكو شصاير فهميني

ميار: اني مااحجي هاك شوووف خيانته وشوفته الصور ضل يباوع بيهن ومصدوم كتله بعيني شفته كاعد وياها وحاضنها وبجيت متحملت مبجيت عليه ولان احبه لا بجيت ع نفسي الجنت مصدكه بحبه بجيت ع نفسي ضيعت ايامي واني اقنع نفسي احب واحد ميسوه

انمار: هزيت راسي وكتلها يصير خير هسه اخابر اباوع عليها وع دموعها ميار الي عمرها مابجت ع شي والكل يعرف بيها دمعتها عزيزه هسه يجي هذا النذل يبجيها حضنتها وبستها براسها كتلها خلص لتبجين عليه ميسوه ولج عمرج مبجيتي ع احد هسه تبجين ع واحد عار وميستاهل

ميار: والله مباجيه عليه واعرف ميستاهل بس باجيه ع نفسي وثقت بي وفوكاها من تغير عليه واسأله يطلعلي اعذار واني مثل الثولة اصدكه واذا مصدكت ف اغلس وامشيها ليش لان خطيبي وواثقه بي تالي هيج يسوي

انمار: خلص كافي مسحت دموعها هاي عيونج ميلوكلها البجي وممتعودين نشوفها تبجي وهذا اذا مااطيح حظه مااتسمه انمار بستها من راسها وكتلها روحي بدلي وارتاحي وخلي يولي

ميار: مسحت دموعي وانداريت دااطلع جان اشوف امي واكفه بالباب وسامعه كلامنه كله وتبجي حضنتها ومسحت دموعها وكتلها خلص مصار شي همزين الله كشفه مدام بعدنه بالبدايه رحت لغرفتي حظرته من كل البرامج سبحت وبدلت وطلعت