بين نبضات قلبي

بارت12

ليدخن جگارة مبينه سالفته ،
لو دگة نذل لو ايده لاحت عوز ،
لو حب وطلع متحبه صاحبته

قراءة ممتعه....♥️
__________________

مريم: انصدمت الغرفه دخان من الجكاير كتله هاي شنو شكد مدخن

مصطفى: مادري اخذني الواهس

مريم: اخذك الواهس؟؟ هو انت جنت ادخن ثنين او3 بالزايد شجاك هسه شبيك

مصطفى: مابيه شي شبيج شويه ضايج واخذني الواهس

مريم: ضايج ع ميار مو؟؟

مصطفى: اخذت نفس وسكتت معرفت شجاوبها

مريم: مصطفى شوف اذا الله كاتبها الك لو مو بس تنخطب لو يصير عدها 10جهال هم تصيرلك واذا ممكتوبتلك لو تضل عانس طول عمرها وانت ماتتزوج طول عمرك هم متصيرلك كلشي قسمه ونصيب لتضوج نفسك ولتقهر نفسك خليها يم ربك

مصطفى: ونعم بالله بس مريم مااعرف شبيه مجاي تطلع من بالي شكد احاول انساها ماافكر بيها بس ماكدر مو بيدي كلماا اريد انساها الكاني افكر بيها مره ثانيه شكلها تصرفاتها شخصيتها كلها ع بعضها ببالي

مريم: تره انت كم مره شفتها شلون لحكت تحبها وتتعلق بيها لهل درجه

مصطفى: مااعرف انه هم مستغرب من نفسي شفتها كم مره بس ببالي بقت هووواايي كلش هواي مراحت من بالي ابد

مريم: والله مادري شكلك ياخويه بس الله يعوضك بالاحسن وعسى ان تكرهوا شيئا وهو خير لكم

مصطفى: ونعم بالله اي صدك شردتي انت

مريم: ها ردت تاخذني لبيتنه

مصطفى: يلا كومي

ميار: رجعت للبيت لكيت خالاتي يمنه وحور بس شذر ماكو خطيه سادس ودتقره متكدر تطلع بعد سلمت عليهم وصعدت بدلت ونزلت تغديت ورجعت صعدت اني وحور ونمنه وكعدنه العصر لكينه

مؤمل جايب شذر وجاي منقهر عليها ف جايبها ويا حته تغير جو شويه ووياهم حيدر اخوهم التمينه كلنه بالطرمه نسولف ونضحك ف حور جانت تكلب بالانستا وطلعت مقطع من اغنيه "شسويلة"

شذر: ايبااااااخ مؤمل تذكر هاي الاغنيه من جنت تسمعها لان تحب بنت جوارينه وهي متنطيتك وجه

ميار: هي حجت هيج واني كوة كاتمه ضحكتي اباوع ع شكل مؤمل وشكل حور شراح يصير مؤمل خزر شذر خزره حسيت عيونه راح تطلع وحور راسا طفت الفون وعافته وانكلب وجهه

حيدر: ايييي ومن جان يتوسل بيج حته تحجين وياها وتحجين بي كدامها حته تحبه ههههههههههه

ميار: خرب هههههههههههههههههههههه

مؤمل: ايي ايي بعد احجوا شلون راح تنكتلون كتله بعدين اوييليييي اخليكم تسبون الساعه الحجيتوا بيها