قراءة ممتعه.....♥️
______________
ميار: دتريد ترد جان افز من نومي ع صوت المنبه استغفرالله ربي هسه شمسويه بحياتي وحلمت بيها الله اليستر من اليوم مدام حلمانه بهيج شكول
كمت غسلت وسويت ريوك وكعدت انمار ع الريوك
انمار: هاي شنو شعجب اليوم من وكت لاوفوكاها محظره الريوك شديصير بالدنيا دخيلك ربي
ميار: هههههههه مو نمت من وكت البارحه
انمار: ههههههه شلون صارت ايدج
ميار: لازينه بس شو الحمار بعده خاف يضل اثره شلون
انمار: هسه عود من ارجع اليوم امر ع الصيدليه بلكي اكو شي يوخر الاثر
ميار: تمام
تريكنه وكملنه غسلت المواعين وفرشت سنوني وصعدت بدلت وحطيت مكياج خفيف ماحب الطوخ ابد مجرد كحله وكونسيلر وتنت مسكاره مااحتاج هي رموشي ثخينه وطويله وامشط حوجبي بمسكاره الحواجب وهاهيه
اجه ابو الخط ورحت للكليه وانتظرت تانيا بالكافتريا وشفت من بعيد الشله المسمومه وتذكرت الحلم ضليت افكر شنو هل حلم وشنو تفسيره بعدين بعدت الافكار من بالي اكيد العقل الباطن لان دوم نتعارك جتي تانيا وفتنه محاظرات وبالريست كعدنه بالكافتريا
واجه علينه رائد ويانه نفس القسم هم قانون بس غير شعبه تانيا تحبه وتحس هو هم يحبها واني هم احس يحبها رغم محاجي وياها ابد حته السلام كُلش نادر بس من نظراته عليها مبين
رائد: السلام عليكم
ميار وتانيا: وعليكم السلام
رائد: تانيا ممكن دقيقه رايدج بموضوع ع انفراد
تانيا: بخجل وارتباك ايي اوك
ميار: راحت تانيا وقريب مديخلص الريست جتي مبتسمه والخدود حمر ورائد يمشي وراها ومبتسم عاد وصلت يمي وهو مدري وين راح
ميار: احجي بسرعه شصار من الالف للياء
تانيا: اعترفلي يحبني ويريد يخطبني كلي بس تكولين موافقه باجر اهلي يمج
ميار: صددككك يممماايييي الف الف مبروك عمري والله لو ماعيب اله اهلهل بنص الكليه
تانيا: ههههه حبيبي الله يبارك بيج
ميار: دخلنه للمحاظره ومحاظره وره محاظره الى ان كملنه وطلعنه
رجعت للبيت اول مفتت لكيت الوجوه مكلوبه وانمار عصبي
ميار: السلام عليكم
ام ميار: وعليكم السلام
ميار: خير شبيكم شصاير شو ضايجين
ام ميار: اخوج تعارك ويه ابو الشغل وبطل من الشغل
ميار: ياااااااا عزززززةةة لييييششش مو صديقك هو
أنت تقرأ
بين نبضات قلبي
Romance_صفها لنا =فتاة ذات وجه بريء ولسان الطويل _وهل تحبها؟ =نعم _ل أي درجه تحبها؟؟ =احبها ل درجه اسكنتها بين نبضات قلبي♥️
