#Unicode
18 years ago, (2005)
"စောထူး သားလေး မေမေပြောတာ သေချာ
နားထောင်နော်။ မေမေတို့ ဒီကနေ ပိုကောင်းတဲ့
နေရာကို သွားရတော့မယ်။ ဟိုရောက်ရင်
သားက လိမ်လိမ်မာမာနဲ့ ကြိုးစားနေရမယ်နော်"
"ဟုတ်ကဲ့ မေမေ"
အဝတ်အစားများကို ဆင်းရဲနွမ်းပါးစွာ
ဝတ်ဆင်ထားသော်လည်း ကျက်သရေ
ရှိစွာ လှပသော သူမသည် စောကိုဖက်၍
ပြုံးပျော်နေခဲ့သည်။ နောက်ဆုံးတော့
သူတို့သားအမိ ဤဒုက္ခသည်စခန်းမှ
ထွက်သွားပြီး ဘဝအသစ်စရမည့်
အခွင့်အရေးရလာခဲ့ပါပြီ။
ရန်ကုန်ဆိုသောမြို့ကြီးမှာ နေခဲ့ရသော
မြို့ကြီးသူ စောမေမေသည် မိဘနှစ်ပါးကို
ရှေ့ဆင့်နောက်ဆင့် ဆုံးရှုံးလိုက်ရပြီးနောက်
ကျောင်းဆရာမ အလုပ်လျှောက်ရင်းက
ကရင်ပြည်နယ်ဘက်သို့ တာဝန်ကျခဲ့သည်။
တာဝန်ကျသည့်နယ်မြေမှာ သိပ်ပြီး
မငြိမ်းချမ်းလှသော်လည်း သူမမှာ
ကြောက်ရွံစိုးရိမ်စိတ်မရှိခဲ့ပါ။ ကလေး
များကို စာသင်ရင်း စော၏ ဖေဖေဖြစ်သူ
ကရင်လူမျိုးနှင့် ဖူးစာပါခဲ့ပြီး စောကို
ကိုယ်ဝန်ရခဲ့သည်။
စောကို မွေးဖွားခဲ့ပြီးတော့ ကျောင်း
ဆရာမအဖြစ်က ထွက်ကာ အိမ်တွင်
နားနေရင်း စောကို ပြုစုစောင့်ရှောက်ဖို့
ပြင်ခဲ့သော်လည်း သူမရောက်ရှိနေသော
နယ်မြေမှာ တဖြည်းဖြည်း ဆိုးရွားလာ
ခဲ့ပြီး နေ့စဥ်ရက်ဆက် တိုက်ပွဲများဖြစ်ကာ
ပြည်သူများ အသက်အိုးအိမ်ဆုံးရှုံးခဲ့ရသည်။
စောဖေဖေနှင့် သူမတို့သည်လည်း လသား
အရွယ် စောကို ပိုက်ကာ လွတ်မြောက်
နယ်မြေဆီသို့ ရှောင်ပြေးဖို့လုပ်ရတော့သည်။
ရှောင်ပြေးရင်းကပင် စောတို့သားအမိ
ဖေဖေ့ကိုဆုံးရှုံးခဲ့ရသည်။ ခင်ပွန်းဖြစ်သူကို
အရွယ်ငယ်ငယ်နှင့် ဆုံးရှုံးခဲ့ရသော်လည်း
သားစိတ်နှင့် သူမ ထိုခရီးကြမ်းကို တစ်ဦးတည်း
ရအောင်ကျော်ဖြတ်ကာ ကရင်လူမျိုး
ဒုက္ခသည်များရှိရာ ထိုင်း မြန်မာနယ်စပ်ရှိ
Mae La ဟုသောနေရာကို ရောက်ရှိခဲ့သည်။
Mae Laစခန်းသည် ထိုင်းနိုင်ငံတွင်တည်ရှိပြီး
မြန်မာနယ်စပ်နှင့် ခုနှစ်ကီလိုမီတာမျှသာ
ဝေးသည့် နေရာဖြစ်သည်။ ကရင်စကားကို
အနည်းအကျဥ်းသာ တတ်မြောက်သော
သူမအတွက် အနေအစားခက်ခဲရုံမကပဲ
စိတ်ရောလူပါ ပင်ပန်းခဲ့ရသည်။
YOU ARE READING
Fall in love with my ex-husband
Romanceခင်ဗျားတို့ လူတစ်ယောက်တည်းကို ခဏခဏ ချစ်ခဲ့ဖူးလား? ကျွန်တော်ကတော့ စောကလွဲရင် ဘယ်သူ့ကိုမှ ချစ်မရလို့ သူ့ကိုပဲ ချစ်ခဲ့တယ်။ (Andrew Paing @ Paing Say Thaw) ချစ်လွန်းလို့ မုန်းမိတယ်ဆိုတဲ့စကား ခင်ဗျားတို့ ကြားဖူးကြလား? ကျွန်တော်က ပိုင့်ကို အရမ်းချစ်ခဲ့...
