انت الترياق و انت السم

_13_

و بعد ست سنوات....

~روان:
خالد بعد ما طلب من حسام يلغي المحضر اليوم  دا..و احنا رجعنا مصر و مشوفتهوش بعديها...
انا اتجوزت عمار..بس بعد كده معرفش ايه اللي حصل..ممكن حبه ليا يكون قل...بيعاملني بطيبه اه بس مش بالحب الكان بيعاملني بيه قبل كده...بقى مشغول في شغله و في حياته...انا خلفت ولد هو البقا رابطني بيه...اسمه اياد...عنده خمس سنين دلوقتي...انا لسه منستش خالد..و دخلت في حالة اكتئاب من ساعة ما رجعنا من امريكا...ابويا مات من تلات سنين...امي عايشه على معاش ابويا و انا مستوايا المادي متوسط.. عمار طول الوقت مع ابوه.. هو مبيعاملنيش وحش... بس انا حاسه في جزء مفقود مني... خالد وحشني اوي...

~عمار:
انا اتجوزت روان و حققت حلمي... بس.. بعد كده اكتشفت اني مبحبهاش... في الحقيقه انا بحب رغد.. زميلتي في الشغل.. اكتشفت ان الكان بيني و بين روان دا كان مجرد اعجاب... اساسا روان بتحب خالد... بس مبقاش ينفع نسيب بعض علشان اياد... عرفت من حوالي سنه ان خالد خرج من السجن.. كنت خايف الا يقابل روان و تتفتح جروح قديمه... بس مقابلهاش و دا من حسن حظي.. مش علشان بحبها ولا بغير عليها... بس دا هيفتح جروح و منعرفش بعد كده هنرسي على ايه..

روان:  عمار انت جيت؟!

عمار:  ايوه..

روان: طيب انا هنزل اشتري شويه حاجات من السوق ماشي.. ماما جايالنا النهارده فعايزه اعملها اكله حلوه...

عمار:  بجد حماتي جايا؟.. طيب تنور.. ماشي انزلي بس متتأخريش..

روان:  تمام ماشي... هاخد اياد معايا..

~روان:
دخلت غيرت هدومي و خدت الفلوس و نزلت مع اياد.. و انا تحت طلعت موبايلي... و وقفت و قولت لاياد يقف جنبي.. و فتحت الصور..جيبت صورة خالد.. من ايام ما كنت في الجامعه زمان... دلوقتي انا اتخرجت و عندي 28 سنه... انا لسه محتفظه بالصور دي لحد دلوقتي.. يااه... عملت زووم لصورة خالد و قعدت اتأملها... ياه يا خالد.. قد ايه نفسي اشوفك في الحقيقه مش بس في الصور... يا ترى ملامحك اتغيرت؟..
الطلعني مش تفكير صوت حد بينادي عليا... عمار؟.. لا عمار في البيت و بعدين دا مش صوته...دا صوت دافئ وحشني اوي...
رفعت راسي براحه و بصيتله بصدمه...

~خالد:
مكنتش مصدق عيني... شوفتها ماسكه موبايلها... فضلت فتره مصدوم ببصلها.. بعديها ناديتها بصوت ضعيف اتأكد اذا كانت هيا ولا لا... و رفعت وشها... يااااه.. روان... وحشتيني اوي...
من عير ما اخد بالي لقيت دموعي بتنزل و سبقتها دموعها... جنبها عيل صغير.. مين دا؟.. في تفكير في دماغي بس مش عايز اتقبله.. لالا... اكيد مش الانا بفكر فيه...

~روان:
جرى عليا علشان يحضني... بس انا زقيته... و بصيتله ببرود...
حاولت مبينش في نظراتي الانا بفكر فيه... مش هقدر... خلاص كل واحد و ليه طريقه انا اتجوزت و خلفت من عمار خلاص...
خالد بصوت مهزوز: وحشتيني...
و انت ولله يا خالد... بس مش هقدر اقولهالك...مش هقدر...