الملاك الحزين

الفصل التاسع

الملاك الحزين
بقلم مي محمد
الفصل التاسع
وقفنا لغاية ما كان في واحد متقدم ل مي تعالوا نتعرف عليه هو وعيلته
اسمه محمد من عيله غنيه ومعروفة إسمها عيله النميري
عيله محمد مكونه من
الاب  حامد النميري
الام سحر النميري
والاخت شيماء حامد النميري
والاخت الصغيرة المدلله ودي اسمها بدور حامد النميري
ودول هيبقي ليهم دور معانا بعد كدا
تقدم محمد لخطبه مي ونظرا لكبر عائله النميري فكانت عائلته مشهوره ومعروفة بالنسبة لعيله مي
تقدموا لها وهي وافقت لان من بعد موت ابوها واخوها وهي بقت تعتبر نفسها حمل علي اخوها احمد الصغير اللي مش ملاحق على شغله ودراسته ومصاريف كل حاجه فقررت توافق علشان تساعد احمد وتخفف الحمل من عليه
احمد...... مي انت عارفه إن محمد اتقدملك
مي..... ايوه عرفت وقلت لماما تبلغك إني موافقه علشان تكلم الناس ويجوا علشان تحددوا معاد للفرح
احمد....    هه نحدد معاد للفرح ده انت مستعجله اووي
مي....... لا مش مستعجله ولا حاجه بس عادي يعني بدل الخطوبه والكلام الفاضي ده حدد الفرح على طول وبعدين انت عارف إن الخطوبه لما بتطول بتبقي بايخه
احمد .....طيب ولؤي يا مي نستيه خلاص انا معرفش ايه اللي حصل يوم الخطوبه وخلاكي تنهاري وترفضي ولا مره حاولت اتكلم معاكي او مع لؤي علشان اعرف اي اللي حصل لكن اللي اعرفه انكم بتحبوا بعض ورغم كل اللي عمتليه الفترة اللي عدت دي كلها إلا إن حب واشتياق لؤي بيبقي باين في عنيكي فكري كويس يا مي ده جواز مش لعب
مي..... وقد لامس كلام احمد قلبها الذي تحاول جاهدة أن تخفيه وتخفي حب لؤي لكن لا هي مش لازم تضعف لآن هو اللي بدا الكذب والخيانه
مي  ... احمد لو سمحت إنا قولت اللي عندي موضوع لؤي خلاص اتقفل ومحمد ياريت تكلمه وتقوله إني موافقه وزي ما قلتلك مش عايزه خطوبه الفرح على طول
احمد وقد ياس من اخته حاضر يا مي هكلم الناس وقولهم إنك موافقه وقبل رأسها وخرج
مي ......بدموووع ااه يا لؤي لو كنت جيت في يوم وصارحتني مكنتش فكرت في حد غيرك
مي لنفسها لا فوقي كدا انت نسيتي اللي كان عايز يعمله فيكي إذا كان اخته وابوه كانوا رافضين إنه يتجوزك علشان عارفين إنه عايز يتسلي وإنت لسه بتتكلمي في الحب والكلام الفاضي ده فوقي يا مي فوقي
قامت مي توضأت  وصلت ونادت ربها وصلت صلاة استخاره فرغم كل ما حدث إلا إنها لم تنسي ربها فكانت دائما تصلي وتقرء القراءن وتنادي ربها كل ليله نامت مي بعد أن صلت صلاة الاستخارة
في الصباح استيقظت مي من نومها وكانت تشعر براحه نفسيه وتذكرت الحلم الذي رأته فقد رأت شخص يلبس بنطلون اسود وقميص أبيض ولكن لم تري وجهه ولكن كانت تشعر بالراحه تجاهه نفضت مي هذا الحلم من رأسها لآنها دائما تحلم باحلام منها الجميل ومنها البشع قامت مي توضأت وصلت ودعت ربها فاليوم سوف تري محمد وكمان هيحددوا يوم الفرح
كانت مشاعر مي مابين الحزن والفرح كانت حزينه على حب طفولتها وعلي مفارقت اهلها
ولكن كانت سعيدة لمجرد إنها سوف تخف من حمل اخيها الصغير
وجاءت اللحظه الحاسمه وهي إنها تتعرف على محمد وتشوفه ويشوفها كان قلبها يكاد يقف من شده الخجل فهذه اول مره ستجلس مع رجل غريب عنها
اتي محمد وعائلته ورحبوا بهم
مامت مي . اهلا وسهلا نورتنا
مامت محمد   ده بنورك يا حبيبتي
شيماء اخت محمد اومال فين عروستنا
هاجر اخت مي    ثواني هبلغها
مامت مي شرفتونا والله
مامت محمد   حبيبتي تسلمي يا رب
جائت مي وهي تضع وجهها في الارض من شده الخجل دخلت وقدمت لهم المشروبات
مامت محمد بسم الله ماشاء الله لا عرفت تختار يا محمد يا بني قمر 14
بدور اخت محمد بكبرياء    اي يا مامي ماهي عادية يعني زيها زي اي حد
مامت محمد   بس يا بت اسكتي مرات ابني قمر ومافيش زييها ربنا يتمملكم على خير يا بنتي يارب
كلهم آمنوا على كلامها اامين يارب
شيماء اخت محمد  تعالي يا مي عايزه اقولك حاجه واخدتها على الفرندا حيث يقف محمد وتركتهم مع بعض وذهبت ومي كانت سوف تموت من كثرة الإحراج
محمد  عامله ايه يا مي
مي  الحمد لله كويسه
محمد بصي يا ستي انا اسمي محمد 25 سنه دكتور وبحب القراءه جدآ 
وانت
مي كانت في دنيا تانيه ومش مركزه في اي حاجه هي كل اللي بتعمله إنها بتلعب بأديها في بعض وعنيها على الارض لدرجه انها كانت قربت تشوف اي اللي تحت السيراميك
محمد....   مي يا مي انا بكلمك ممكن تعرفيني على نفسك
مي.....  بصوت ياكد يكون مسموع
انا مي و عندي 20 سنه خرجت من تالته إعدادي وبحب القراءه
محمد ...  طيب انت مش كملتي تعليمك ليه
مي ...........
محمد . ممكن تردي عليه هو انت مش جبتي مجموع كويس يعني علشان تدخلي ثانوي ولا ايه

مي ..لا جبت وكنت طالعه الاولي لكن حصلت ظروف منعتني اني اكمل تعليمي
محمد ..... ممكن اعرف ايه الظروف 
مي.  .... معلش مش حابه اتكلم عن حاجة تخصني
محمد ... اوك براحتك
وسمعوا صوت الزغاريد ياتي من الداخل دخلوا محمد ومي
مامت محمد. لولولولولولي  مبروك يا حبيبي مبروك يا بنتي الف مبروك يا حبايبي
مامت مي ...مبروك يا بنتي وربنا يتمملك على خير يارب
والكل قام يهنئ ويبارك للعرسان
احمد اخو مي... مبروك يا مي بتمنالك السعاده يا قلب اخوكي
حامد...... ابو محمد
طيب يا احمد نستأذن احنا وعلي الاسبوع اللي جاي هنروح نجيب الشبكه والشهر اللي جااي الفرح باذن الله
نستاذن احنا ومبروك يا مي يا بنتي
مي وقد شعرت إن الهواء ينسحب من حولها شهر كيف شهر وسوف تترك اهلها وبيتها وكل ما تملك وتدخل على حياة جديدة هي مش عارفه إذا كانت هتبقي حياتها الجديدة كويسه ولا لا
....................
خلص الفصل وده طويل خالص
بس عايزه رايكم وتوقعاتكم