الملاك الحزين
الفصل الثاني والعشرين
وقفنا لغاية ما محمد قرر انهم يروحوا لدكتور علشان يعرفوا اي سبب تأخر الحمل
في صباح اليوم التالي محمد اخد مي وراحوا للدكتور وعملوا التحاليل الازمه والدكتور قالهم هتخرج بعد اسبوع
وفي خلال الاسبوع ده الوقت عدا عليهم بطئ جدا ومي ومحمد كل واحد فيهم خايف على التاني لما يسمع انه هو السبب في عدم الخلفه ويدعي ربنا إنه يكون هو السبب علشان التاني ميتوجعش
شيماء وبدور طول الوقت بيسخنوا في امهم على مي وان العيب منها ولازم تطلق ومن كتر اللي كانوا بيقولوا مامت محمد كرهت مي ماهو الزن على الودان اصعب من السحر
عدي الاسبوع والنتيجه طلعت ومحمد ومي راحوا يشفوها
محمد السلام عليكم ورحمه الله وبركاته يا دكتور
الدكتور وعليكم السلام ورحمه الله وبركاته يا استاذ محمد
محمد اي الاخبار يا دكتور طمنا
الدكتور مبدأيا كدا المدام مافيهاش حاجه وتقدر تخلف في اي وقت
محمد... بفرحه الحمد لله
الدكتور لكن إنت يا استاذ محمد فهو العيب منك إنت اللي مش بتقدر تخلف وعلشان يحصل خلفه لازم تعمل عمليه وللاسف نوع العمليات ده مش موجود هنا في مصر لازم تعملها بره وكمان مش مضمونه يعني احتمال نجاحها 10% إنا بجد اسف
محمد ...ولا يهمك يا دكتور شكرا لحضرتك
الدكتور ...لا شكر على واجب
محمد.... السلام عليكم ورحمه الله وبركاته
محمد اخد مي ومشيوا وطول الطريق الصمت هو سيد المكان لغاية ما وصلوا ونزلوا دخلوا الفيلا وطلعوا الاوضه وهو كل واحد في عالم مختلف عن التاني
مي بتحمد ربنا إن العيب مش منها لآنها شافت كره حماتها ليها بسبب شيماء وبدور وان لو طلع العيب منها كانت هتطلق وتبعد عن محمد لكن دلوقتي هي هتقدر تفضل معاه هي خلاص مش عايزه عيال في سبيل إنها تفضل مع محمد هي مستعده إنها تضحي تكون ام بس تفضل جنب محمد لآنها اكتشفت انها بتحبه اووي ومن غيره تغرق في شبر ميه
محمد بيفكر في رد فعل مي هيكون اي يا ترى هتقبل تفضل مع واحد عقيم بس في امل الدكتور قال إن في عمليه بس قال كمان إن الامل ضعيف يعني ممكن متخلفش حتي بعد ما تعملها بس ممكن تنجح واخلف وممكن برضوا لا
ناموا جنب بعض بس كل واحد فيهم في مكان مختلف عن التاني وفي الصباح محمد فتح عيونه لقي مي صاحيه وبتبص عليه مسك ايدها باسها وصبح عليها وهو الحزن باين علي ملامحه
مي... محمد عايزه اقولك على حاجه بس الاول لازم تخدني في حضنك لاني بستمد قوتي منك
محمد.... وهو خائف إن تكون هذه النهاية وان مي هتطلب الطلاق علشان نفسها تبقي ام ولكن رغم كدا اخدها في حضنه وضمها إليه جامد
مي... بعد أن ضمها محمد
بص يا محمد إنت عارف إني بحبك اوى وان كان نفسي ابقي ام لكن اكتشفت إني ام
ام ليك إنت يا محمد لآن إنت ابني وجوزي وابويا واخويا وكل حاجه في الدنيا دي محمد إنا مش عايزه ابعد عنك وانا آسفه علشان إنا اللي خليتك توافق إننا نروح للدكتور
محمد بعد ما قالت مي هذا الكلام شعر براحه كبيرة وضمها اليه اكتر واكتر حتي كادت أن تخترق ضلوعه
محمد..... إنا بعشقك يا مي بموت فيكي انتي متعرفيش إنا حالتي هتبقي عامله ازاي لو سبتيني مجرد التفكير كنت هتجنن يا مي هتجنن لآن إنت بنتي قبل ما تكوني مراتي إنا بحبك اووي اووي يا مي
مي... وهي تضمه خلاص يا محمد أنا بنتك وإنت ابني وننسي موضوع الخلفه ده ومش نفكر فيه ويمكن ربنا يكرمنا من عنده
محمد يارب يا مي يا رب
+-+-+-+-+-+-+-+-+-
خلص الفصل
تتوقعوا اي اللي هيحصل في الايام اللي جايه
أنت تقرأ
الملاك الحزين
Narrativa generaleفتاه صغيره يدخل الحب على قلبها منذ نعومة اظافرها ولكن عناد الدنيا سوف يثلب برائتها
